Ka Nupepa Kuokoa, Volume XXIII, Number 12, 22 March 1884 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

 

No ka Makahiki...............$2.00

No Eono Mahina..............1,00

 

-KUIKE KA RULA.-

Poaono,...............Maraki, 22, 1884.

 

Nana a ola

(There is Life for a Look.)

Gospel Hymn @

 Nana i ke kea, ka mea hewa nei.

 Kahi @ Iesu.

 Nana, e nana i ka mea e ola@

 I ka Ha@make no @

Ref: Nana @ola @

Nana i ke k@ hewa @

A e @

 

2

 Nana i ke kea, malaila Iesu.

 A malaila @ hewa pu@.

 Mailaila i ka@ hou.

 Nona mai la ka wai ola no@

ref: Nana &c.

 

3

 He pono ke mihi a pule pu no.

 Ole nae o ia@i wale no.

 Nana i ke koko ma @ o Iesu,

 A malaila koa hi@ mau.

ref: Nana &c.

 

4

 Ke kali nei Iesu, a paipai mai @.

 E nana 'ku na aina a pau,

 Iluna ia Iesu a p@leo pu,

 I @laia i la @.

ref: Nana &c.

 

Haawina Kula Sabati.

 

Hapaha elua. Mai Aperila 6 a Iune 29 '84

Helu 1 Sabati, Aperila 6.

 Kumuhana. Ko Paulo kaahele misionari ekolu ana. Pauku Baibala, Oih. 18; 23 28,19; 1 7.

 

A NOHO makala, i kekahi wa, a hele aku la, kaahele ae la i na aina a pau o Galana a me Peruiga, o hooikaika ana i na haumana a pau.

 24 Aia kekahi Iudaio, o Apolo kona inoa, i hanauia ma Alekanedero, he ka naka akamai i ka olelo, ahele ae la i Epeso, ua ikaika ia i na palapala hemolele.

 25 Ua aoia mai no ia ma ka aoao o ka Haku; a ikaika ma ka naau, olelo mai la ia, a ao ikaika mai la i na mea o ka Haku, o ka Ioane bapetizo ana wale no, kana i ike.

 26 Hoomaka iho la ia e olelo wiwo ole mai malokio o ka hale halawai. A lohe o Akula laua me Perisekila, kii aku la laua iaia, a hoakaka pono aku la laua iaia i ka aoao o ke Akua.

 27 Manao iho la ia e hele aku i Aka ia, alaila palapala aku la na hoahanau i na haumana, kauoha aku la ia lakou e apo mai iaia. A hiki aku la ia, kokua nui aku la ia i ka poe manaoio, no ka lokomaikaiia mai.

 28 Hoohuli nui mai la ia i na Iudaio imua o ke alo o na kanaka, hoakaka ae la ma na palapala hemolele ia Iesu oia no ka Mesia.

MOKUNA XIX.

I KA wa a Apolo i noho ai ma Korineto, kaahele o Paulo i na aina mauka, a hele aku la i Epeso; a loaa iaia kekahi mau haumana.

 2 I mai la ia lakou, Ua loaa anei ia oukou ka Uhane Hemolele i ko oukou manaoio ana? I aku la lakou iaia, Aole makou i lohe no ka Uhane Hemolele.

 3 I mai la kela ia lakou, I ke aha la oukou i bapetizoia'i? I aku la lakou iaia, I ka bapetizo a Ioane.

 4 I mai la o Paulo, Bapetizo mai la o Ioane i ka bapetizo ana o ka mihi, i ka i ana mai i kanaka, e manaoio aku lakou i ka mea e hiki mai ana mahope ona, o ka Mesia no ia, o Iesu no.

 5 A lohe lakou, bapetizoia iho la lakou ma ka inoa o ka Haku, o Iesu.

 6 A kau aku la o Paulo i na lima maluna iho o lakou, hiki mai la ka Uhane Hemolele maluna o lakou; a olelo ae la lakou ma ka olelo e, a wanana mai la.

 7 A oia mau kanaka a pau, he umikumamalua lakou.

 Pauku Gula. Oih. 19, 6.

 Ka manawa. A.D. 54.

 Kahi i hanaia ai. Galatia, Perugia, Epeso, ma Asia Uuku. Paulo 52 @ mau makahiki; 18 mak. mahope o ko na huli ana mamuli o Iesu.

 Ka 'lii Kelaudio Kaisara ka Emepera o Roma, Pelika ke kiaaina o Iudea.

 Mele. "Hana Misiona." Hoku Ao Nani, p. 148.

Pule no ka hana misiona.

KA WEHEWEHE ME KA NINAU ANA

 Na ninau mua. Mahea Paulo ma ka Haawina hope @a Oihana? Hel. 10, Oih. 18;1. No ke aha kona haalele ana ia Korineto? No ka pau ana paha o kana hana malaila, no ka hana inoia paha kekahi.

 Holo oia mai Korineto a ihea? i Suria. Owai pu me ia? Oih. 18;18. Ua aha oia i kona poo ma Kenekerea? Kenekerea, he awa ia no Korineto. No ke aha kona amu ana i kona p@? Ua hoohiki oia. Nana Nah. @, 18. Akaka ole ke kumu o kona hoohiki ana, no ka manawa pokole paha. Ua hoohiki e haalele i kekahi mau mea a e hana i kekahi mau mea no ka manawa pokole.

 Aole akaka ka hana a Paulo @ Suria. Mai Suria oia a Epeso, waiho oia ia Peresekila me Akula malaila. Ha@ wai oia me na Iudaio ma ka hale hala@ o keia Haawina.

NA MAHELE.

 I Ka hoomaka ana o ke kaahele misionari @a Paulo @ 23.

Ma A@ka ekalesia nana Paulo i @ na aina e. Ka @ekolu keia. Mak. A.D. 54. Hele paha oia i Tareso mamua, malaila aku a Galatia, a malaila aku a Perugia. E aha ana i na ekalesia? E hooikaika ana i na haumana, a e hoi ana i na haumana hou elike me kana hana mua ana.

 

 24 Aia no Paulo ma kahi e. aka, ua waiho oia la Peresekila me Akula ma Epeso. Ua hele kekahi Iuaido i Epeso. O wai kona inoa? Nohea hoi? Heaha a mahea Alekanedero? He kulanakauhale nui ma Ai@upua. Akamai Apolo i ke aha? Ikaika hoi i ke aha? He Iudaio keia i @ mai mamuli o Iesu, aole nae i naauao loa iaia ka aoao o Iesu. Ikaika oia i ka huli ana i ka Palapala Hemolele, oia hoi ke Ka@ kahiko mai Kino@i a Malaki. Ua like @ me na Iudaio ma B@rea. E hoohalike oukou me ia.

 

 25 Ua aoia Apolo ma ka aoao owai? O ka Haku ka mea a Ioane Bapetite i hoike ai e hiki mai ana a ua hiki mai hoi. Ke Keiki Hapa a ke Akua, &e. Ikaika oia ma ke aha? ma ka naau, ua piha kona naau i ka manao a i ka makemake, a i ka hilinai ana i ka Haku. A ikaika oia i ke ao ana i na mea e pili ana i ka Haku elike me kona ike, me kona lohe. Ka bapetizo owai kana i ike ai? a Ioane Bapetite. Heaha ia bapetizo? Mat.3: 11, 12.

 

 26 Hoomaka oia e olelo pehea maloko o ka hale halawai? He hale halawai Iudaio keia. E haiolelo wiwo ole ana oia elike me kona ike, a no ka ike ana o Akula ma ua hemahema oia ma kekahi mau mea e pili ana i ko Iesu aoao, pehea laua iaia? Maikai laua, kii a lawe iaia ma kahi malu paha, a hoonaauao iaia ma na mea e pili ana i ke Akua, a i ke ala o ke ola. Ka pono no ia ke ike ua hemahema kekahi haiolelo, e lawe iaia ma ka hale a e hoonaauao aku ma na hana e ola'i. He mau haiolelo Hawaii paha, ua ikaika paha ma ke ao ana, ma ka haiolelo ana ua hai no me ka wiwo ole. Ua hemahema nae ma kekahi mau mea e pili ana i ka ke Akua olelo. Auhea @a Akula na Peresekila? E kii a lawe i kahi malu, a e kuhikuhi pololei ma kahi i hemahema ai.

 

 27 Pau ka haiolelo ma Epeso, makaukau Apolo e hele aku i Akaia. Helene ia, malaila Korineto. Aole pono ke hele wale aku me ka leta ole e hooiaio ana i kona ano maikai, nolaila haawi na hoahanau ma Epeso i leta hooiaio iaia i na haumana ma Akaia a ma kahi e hele ai. Heaha ke kauoha ma ia leta? Pela na ekalesia Hawaii ke manao kekahi hoahanau, kekahi luna, &c, e hele i kahi e, haawi lakou i leta me ke kauoha &c. Aka, nui na hoahanau hele wale i kahi e, aole kii i palapala hoakaka i ko lakou ano. Nui ia poe e auwana wale ana, me ka launa ole me na hoahanau kamaaina, me ka hele ole i na halawai &c.

 A hiki Apolo i Akaia kokua nui oia ia wai? Ka poe i manaoio ma ka lokomaikai o ka Haku, ma ka mana o ka Haku, nana i Kor. 3; 6.

 28 Hai like mai i keia pauku, @ ho@halike me Apolo ma keia hana maikai.

 Mok. 19: P. @. Korineto, aia i a ma Akaia, hele no Apolo a noho, a ao ikaika ma Korineto, a nui ka poe i huli a hahai mamuli ona. Nana i Kor. 1:12. Nona paha kekahi makuahana ma ka ekalesia o Korineto. Ia Apolo ma Korineto, k@ Paulo i na aina mahea? Na aina mauka a mawaena o Asia Uuku, o Galana me Perugia. Hele oia ihea? Elike me kana olelo ma mok. 18: 21. Owai ka i loaa iaia ma Epeso? He mau haumana na wai? Ua lohe lakou i ka haiolelo a Ioane Bapetite a ua bapetizoia ma kena bapetizo ana elike ma Apolo.

 

27. Heaha ka ninau a Paulo me ka pane ana? Aloha ino, aole ka lakou i lohe no ka Uhane Hemolele. Pela i keia wa, nui na haumana i bapetizoia i ka wai, aole nae i bapetizoia e ka Uhane Hemolele. A pehea keia poe? Ua bapetizoia e Paulo ma ka Inoa o wai? A loaa koke @i ka mana kamail@i ma na olelo e. Ehia lakou? Like me ka nui o na haumana mua a Iesu. E bapetizoia oukou e ka Uhane Hemolele, alaila ano e ke kamailio ana hailelo ana, pa@ ana, n@ho ana.

 Mele. "E ka Uhane Mana" Hoku Ao Nani, p.231.

 Pale i iho mai ka Uhane a bapetizo ia kakou &c

 Haawina no Apr. 13, Oih. 19: @ 22.

 

Moolelo o ka Ahahui Euanelio @

Hawaii Kumuhana.

@. Halawai @. Hawaii K@ K@ ma @ H@. Hawaii. Na @ i ka halawai, ko@ i l@uahoomai@ Hoo@ na @ .

 

 

@p@i  Kahu   Elele.

H         -           J.Waiohinu.

@        -           Kanekuahiwi.

@        -           W.A.Mio.

Waimea           -           -

Kohala hema   -           Mr. Kiki.

Kohala @        -           -

Kohala akau    -           -          

Keka@a          K@onohimaka            Kaeikoili.

Kailua & Helani          -           L.W.Hoa.

Kona@w@ & Kealakukua     Makainaina.

Pukaana          G. W Waiau    J. Kaeo.

Kaohe             Kan@i (haiolelo)         Kuaimoku.

Milolii  -           J.W. Maele.

Wai@hinu Kau           -           -

 Lala mau. Rev. J. D. Parisa, S. W. Makaike, A. O. Polepe, kakau leta o ka Papa Hawaii.

 Kohoia na luna o ka aha ma ka balota. Rev. G. W. Waiau lunahoomalu, P. Kaaek@hiwi kakauolelo.

 Hooholo ka aha e lilo i mau hoakuka no keia aha o J. G. Hoapili Esq, W. N. Lono, S. L. Desha, na kahu kula Sabati, me na elele a me ha hoahanau kupono.

 Na komite mau. 1 Komet Imihana - @ D. Parisa, A. O. Polepe, J. W. Kua@u. 2 Komite Imi haawina -- A. O. Polepe, W. N. Lono, S. L. Desha.

 Hoike a ke Komite Imihana. 1 Hapalua hora haipule i kela a me keia halawai ana o ka aha. 2 Hoike o na kihapai. 3 Heluhelu i na haawina. 4 Na palapala hoopii a kahea paha. 5 Na ekalesia kahu ole. 6 Ke ola o na kahu. 7 Na hale kahu. 8 Ke kula kahunapule. 9 Na kokua manawalea. 10 Na kula Sabati. 11 Na Ahahui Imi Pono Karisetiano. 12 No ka ona. 13 Na elele o keia aha i ka Aha nui ma Honolulu. 14 Na komite o keia aha i ka Ahahui nui ma Honolulu. 15 Kahi a me ka manawa e halawai hou ai keia aha aponoia. Hoopaneeia ke kumuhana 1.

 Kumuhana 2. Hoike o na kihapai. Na ke kakauolelo i heluhelu i na hoike kihapai o Hamakua-waena, Hamakua komohana, Waimea. Na Kaonohimaka no Kekaha, na Lono no Kailua me Hel@. na Parisa no Kona-waena me Kealakekua, na Waiau no Pukaana, Kaohe, me Milolii, hoike hou mai o Kanui no ka ekaleisa o Kaohe.

 Kumuhana 3. Heluhelu i na haawina. Heluhelu ke kakauolelo i ka haawina o J. Bikanele ma Ioane 12; 32 hooholo ka aha e hoounaia e pai ma ka nupepa KUOKOA. Heluheluia ka haawina a Laiana. Ma ke ano hea e hele mai ai Iesu i kona hele hou ana mai, ma ke ano kino anei, me ke ano uhane paha?

 Hoomaha ka aha haapaha hora, pule @ Maeie. Akoakoa mai ka aha pule o Kaonohimaka. Heluhelu mai o Parisa i kana haawina, hooholoia e hoounaia e pai ma ka nupepa KUOKOA. Waiau i kana haawina Ioane 9; 40, hooholoia e hoounaia e pai ma ka nupepa KUOKOA.

 Kumuhana 4. Na palapala hoopii a kahea paha. 1 Palapala kahea o ka ekalesia o Pukaana ia Rev. G. W. Wai@ hooko muaia keia palapala kahea. 2 Palapala noi a ka ekalesia o Kaohe ma o ke komite la i ka ahahui, e koho keia aha i kekahi mau lala e hele e hoolilo i ko lakou luakini hou, @a apono ka aha, kohoia ke komte nana e hooko keia palapala noi - Rev. G. W. Waiau. Kaonohimaka, Makaike na lala. 3 Palapala noi o Milolii i keia aha e kokua ku i ko lakou aie $146 no ka luakini - apono ka aha a waihoia ma ka lima o ke komite Parisa, Polepe, Kuaimoku, na lakou e noonoo a hoike mai i ka aha. 4 Palapala kahea kahu o na "Ekalesia huiia o Kealakekua," ia S. L. Desha (Kiwini) i kahu no lakou, aponoia - waihoia ma ka lima o ke komite mua.

 5 Palapala kahea a ka ekalesia o Kailua me Helani ia W. N. Lono i kahu no lakou, apono ka aina a waihoia ma ka lima o ke komite mua.

            (Aole i pau)

-

 

Kumumanao. Ioane 9:40.

 A lohe ae la kekahi poe o na Parisaio me ia i keia mea, ninau aku la lakou iaia. O makou anei kekahi i makapo?

 Ua loaa keia ninau no ka poe Parisaio mai, mamuli o ko Iesu hoola ana i kekahi mea i hanau makapo ia mai. Ua lilo ia hoola ana i mea no lakou e hoohihia ai i ka mea i hoola ia. A hiki i ka wa i launa hou ai oia me Iesu: ninau aku la oia: "ke manaoio nei anei oe i ke keiki a ke Akua?"

 Ninau aku la ia, i aku la. Owai la ia, e ka Haku, i manaoio ai au iaia?

 I mai la o Iesu iaia, ua ike no oe iaia. ua ike no oe iaia, a o ka mea e kamailio@ ana me oe, oia no ia.

 I aku la kela, ke manaoio nei au; a kukuli hoomaikai aka la iaia.

 Olelo mai la o Iesu, no ka hooponopono ka'u i hele mai nei, i keia ao, i lilo ai ka poe ike ole i poe ike, a i lilo ai ka poe ike i poe makapo, a mamuli o keia olelo a Iesu i ulu ai keia ninau. "O makou anei kekeahi i makapo?" a malalo o keia ninau, e loaa ai ia kakou kekahi mau mea e olelo ai.

 Ekolu mau mea e makapo ai ke kanaka, e hiki ke hoomaopopo ai.

 1 O ka mea i hanau makapo ia mai.

 2 O ka mea i makapo no kekahi ulia.

 3 O ka mea i makapo no kekahi pale e uhi ana i ka malamalama a lilo ia i makapo i loko o ka naau.

 1 O ka mea i hanau makapo ia mai.

 Ma ka Baibala a ma na mea o keia wa, ua ike ia kekahi poe, ua hanau makapo ia mai, mai loko mai o ko lakou mau makuahine.

 He mea pohihihi nae ka huli ana aku i kumu e loaa ai ko lakou mea i makapo ai, aole akaka.

 No ka mea, aole no i like ko ke Akua hooponopono ana i na kanaka a pau.

 Ua hanau lolo ia mai kekahi, ua hanau oopa ia mai kekahi, ua hanau muumuu ia mai kekahi, ua hanau kuli ia mai kekahi, ua hanau maikai ia mai kekahi, he maka maikai ko kekahi, he maka ino ko kekahi, he maka ahewa ko kekahi, he maka eha ko kekahi he maka iwi ko kekahi, he makapo ko kekahi.

 Ma keia mau mea i hana like ole ia. Ua launa aku o Iesu me kekahi mea i hanau makapo ia mai

 "Ninau aku la kana mau haumana iaia, i aku la; e Rabi, owai kai hewa, oia nei anei, a o kona mau makua anei, i hanau makaapo mai ai ia?"

 "I mai la o Iesu, aole i hewa oia nei, aole hoi o kona mau makua; aka, o ka mea ia e ike ia ai na hana a ke Akua iaia."

 2 O ka mea i makapo no kekahi ulia

 Ma ka nana ana i kekahi poe, ua loaa ia lakou kekahi mau pilikia ma ko lakou mau maka, a ua makapo maoli no i ko lakou wa i nui ai a kanaka makua hoi, no ka loaa ana i kekahi mai ulia; oia keia.

 Pa na maka i ka laau. Pa i ka pohaku. Pa i na huna lepo, a pula wale aku, a oia na mea e makapo ai a pula io no.

 3 O ka mea i makapo no kekahi pale e uhi ana i ka malamalama, a lilo ia i makapo iloko o ka naau.

 O keia ka makapo i laha iwaena o na lahui kanaka, e noho ana ma na aupuni a pau o ka honua nei, a lilo ka malamalama o Kristo he mea na lakou e hoopoeleele ai, a lilo ia he makapo iloko o ko lakou mau naau.

 Penei ka Iesu i olelo mai ai. 6; 9, 10.

 "I mai la ia. O hele, e olelo aku i keia poe kanaka, i ka lohe ana, e lohe no oukou, aole nae e hoomaopopo, i ka ike ana, e ike no, ole nae e akaka ka ike ana."

 10 E hoopalaka i ka naau o keia poe kanaka, e hookuli i ko lakou mau pepeiao, a e hoopaa i ko lakou mau maka o ike ko lakou mau maka, o lohe hoi ko lakou mau pepeiao, a hoomaopopo ko lakou mau naau, a huli lakou a hoola ia mai.

 O keia na mea a ke kaula i wanana ai, no ko Iesu hiki ana mai i ke ao nei. A ke ku nei oia imua o ka poe Pairisaio, a imua o ko lahui lukaio a pau, ka poe nona ke ola i hiki mai ai; a na lakou keia ninau.

 "O makou anei kekahi i makapo." Ae, o lakou no, oiai, ua haan o Iesu i na hana mana he nui. "Ua ike na makapo, ua hele na oopa, ua huikalaia na lebera, ua lohe na kuli, ua hooloia na make, a ua hai ia aku ka Euanalio i ka poe ilihune."

 A ma keia mau hana a Iesu i hana ai imua o ko lakou alo ponoi, mau no nae ka paakiki, a me ka poeleele o ko lakou mau naau, pela i mau ai ka pouli a hiki i ko lakou kau ana iaia ma ke kea.

 Aole no i wehe iki ia ko lakou mau maka a hiki loa mai i keia wa. Ua hoole lakou, aole i hiki mai ka Mesia, a ke kali makehewa nei lakou, me ke kuhihewa nui.

 Ina e hoohuli ia mai ka ninau, a halawai alo me kakou, a e ninau iho.

 O kakou anei kekahi i makapo? ae, o kakou no, a o ka hapa nui paha.

 No ka mea, o ke 64 keia o na makahiki o ka noho ana o ka pono Kristiano, a o ka malamalama hoi o Kristo, mau nae ka noho pouli ana o kekahi poe mawaena o na Ekalesia, malalo o na mea i ike maka ia; Penei:

 1 Makapo kekahi no na oihana aupuni.

 2 Makapo kekahi no ka hanohano.

 3 Makapo kekahi no ke dala.

 4 Makapo kekahi no ka lealea.

 5 Makapo kekahi no ka inu rama, a me na mea hewa e ae o na ano a pau i pili i na mea e makapo ai.

 O keia kekahi mau mea nana e hookahuli i ko ke kanaka noonoo, a hoohuli i ka pono i hewa, a i ka hewa, i ka pono, a i ka malamalama i pouli, a i ka pouli i malamalama.

 I mai o Iesu ma Ioane. 12; 35.

 "Me oukou ka malamalama i ka manawa pokole loa. E hele oukou oiai ka malamalama ia oukou, o hiki mai ka pouli i o kakou nei; a o ka mea e hele ana i ka pouli, aole oia e ike i kona wahi e hele ai."

 I mai Kekahuna 11;8, hapa mua aka, ina e ola kekahi kanaka i na makahiki he nui wale, a olioli no hoi ia lakou a pau e p@ia ke hoomanao i na la o ka pouli. no ka mea, @a nui no lakou.

 E hiki mai ma ka ma@wa @ ki@l@ ia'i ka poe paakiki iloko o ka pouli. @ ka pouli mau loa.

            Me ka mahalo,

            Rev. G. W. WAIAU.

 

 Ina e kaulia au @, mai ka honua aku, e kauo auanei au i na kanaka a pau io'u nei. Ioane 12:32.

 Ma na wahi a elua o ka Palapala Hemolele, ua hoike moakakaia ka olelo pili i ko ke Akua kauo ana i na kanaka. E loaa keia mau hoike ma Ioane 6: 44: a ma ka pauku olelo kumuhana. Ma ka mokuna 6, ua i mai o Iesu, na ka makua i kauo i na kanaka io na la, a ma ka mokuna 12, ke ke olelo nei oia, nana iho no e kauo ia lakou.

 I ka wehewehe ana, penei paha e akaka'i ka oiaio o keia mau olelo. Ma ka mokuna 6, ua hoike o Iesu i ke ano hana malalo o ke Kauoha Kahiko, a ma ka mokuua 12, ua hoike oia i ke ano hana malalo o ke Kauoha Hou.

 Na Iesu i hana ke ao nei a me na mea a pau. Nana keia hoomana a kakou e malama nei; eia nae, ma ke Kauoha Kahiko, aole oia i ikeia ma ka inoa Iesu kristo, ke keiki. Ma ka inoa o Iehova, ka makua, i hoomanaia'i ke Akua malalo o ia kauoha. O ka poe i hoolaia, ua kauo ia lakou e Iehova, ka makua.

 I ka olelo ana o Iesu, aole e hiki 'ku kekahi kanaka io na la ke kauo oleia oia e ka Makua, aole oia i kaulia ia ma ke Kea ia manawa; aole i hoopauia ka ohana a Levi, a ua haiolelo oia elike me ke ano o ia oihana.

 Aole no hoi oia i kaulia ia ma ke Kea i ka manawa i hai ai oia i ka olelo ma ka mokuna 12. He wanana ia olelo, e wanana ana oia no ke ano hana e hiki mai ana, oia hoi ka hoololiia ana o ka mana kauo mai ka makua a i ke keiki.

 "Ina e kaulia au iluna, mai ka honua aku, e kauo auanei au i na kanaka a pau io'u nei."

 "Ina e kaulia ia au iluna." E hoomaopopo kakou, aia maloko mai o ke kauliaia ana o Iesu iluna i hoololiia'i ka mana kauo mai ka makua a i ke keiki. Nolaila, e hoomanao kakou i keia mea, malalo o ke Kauoha Kahiko, ua kauoia na uhane o na kanaka o ke Akua la, e Iehova ka Makua; a malalo hoi o ke Kauoha Hou, ke kauoia nei lakou e Iesu kristo, ke keiki, ka Emanuela i kaulia ia iluna no ka hewa o ke ao nei a pau.

 I ka wehewehe ana i ka Palapala Hemolele e pono ke hoomaopopoia ke kulana. Okoa ke kulana o ka Iudaio malalo o ke Kauoha Kahiko, okoa ko kakou e noho nei malalo o ke Kauoha Hou.

 I ke ku ana o na Lunaolelo a Iesu i mua o ka Aha Lunakanawai ma Ierusalema, penei ka lakou olelo:

 "O ke Akua o ko kakou poe kupuna, ua hoala hou mai oia ia Iesu, i ka mea a oukou i pepehi iho nei, a kau maluna o ka laau.

 "Oia ka ke Akua i hookiekie ae ma kona lima akau i Alii, i Hoola hoi e haawi mai ia Iseraela i ka mihi, a me ke kala ana i ka hala."

 Ma ka hoike a na Lunaolelo, ua hookiekieia o Iesu i Alii nana e haawi i ka mihi, a o ke kumu i hookiekieia'i, oia o kona make ana ma ke Kea.

 Ka haawi ana i na kanaka i ka mihi,o ka hana kauo ia, a ke i mai nei na Lunaolelo, aia ma ka lima o Iesu i waiho ia ai keia hana.

 I kona kaulia ia ana iluna, ua lilo o Iesu i mohai kala hala, a no ia mea, ua haawiia ke aupuni o ke ao nei iloko o kona lima, a e paa no oia ma kona lima a pio kona poe enemi a pau. No ka mea, e noho Aiii ana oia a hiki i ka wa e waiho ai ia i na enemi a pau malalo o kona mau wawae. A o ka enemi hope loa, o ka make, e hoopauia no ia.

 A i ka wa e lilo ai na mea a pau malalo iho ona, alaila, o ke keiki hoi kekahi, e malama aku no ia i ka mea nana i hoolilo mai na mea a pau malalo iho ona, i mau loa ka maopopo ana o ke Akua wale no. 1 Korineto 15: 25, 26, 28.

 Ke ano hana o ko Iesu kauo ana i na kanaka a pau io na la, ma kona uhane no ia. Aole ma ka mana a me ke akamai a kanaka e hoomalamalamaia'i ka poe pegana, a e hoohuliia ai ka poe hewa mai ko lakou noho hewa ana, aka ma ka Uhane Hemolele no - ma ka launa ana mai o ka Uhane o Iesu me ia poe.

 Ua hoohalikeia ka Uhane o Iesu me ka makani. Ke holo nei ka makani ma na wahi a pau o keia ao: pela hoi ka Uhane Hemolele, ke launa nei oia me na naau o na kanaka a pau o ka honua nei. Aia Oia iwaena o ko Nuuhiva lahui, aia Oia ma na Maikonisia, aia Oia ma Kina, ma Iapana, a ma ia wahi aku, a ia wahi aku, e hoeueu ana i ka manao, e hooluolu ana i ka naau, a e hoomakaukau ana i na lahui kanaka no ke aupuni o ke Akua.

 He olelo nani, hoopomaikai keia e hai ana i ko Iesu kauo ana i na kanaka i ona la. Pehea la e pakele ai na kanaka ke kauo ole ia lakou? He mea ikaika ka hewa, ua oi aku kona paa mamua o ka mea hiki i ke kanaka ke wehe iho. Aia a kokuaia oia mailuna mai alaila hiki iaia ke lanakila maluna o keia mea ino. Elike me ka olelo, "Aole ma ka mana, aole ma ka ikaika, aka, ma kuu Uhane wahi a Iehova o na kaua."

 Aole paha @e kanaka e oia nei i hoomaopopo ole i kona nawaliwali a me @ i ka pale ana i ka hewa. O Kristo ka ikaikia o ko kanaka nawaiiwai@ o kona Uhane iloko o lakou ka @ kokua. Ina i wehe p@ ka maka @ kak@. @. ina no ua ike @ i kepa mana hoola e hoopuni ana ia kakou ma na aoao a pau. a e kono ana ia kakou i o@a la.

 Ma kona Uhane ua kokoke mau o Iesu: @ iloko o ka mak@ a kakou e ha@ nei. aia oia iloko o ka ma @: a aia hoi oia e ku nei ma ka puka o ko kakou mau naau a pau e kikeke ana, a e noi ana ia kakou e ae aku Iaia e komo mai iloko a noho pu.

 Ma o Iesu Kristo la i hoikeia'i ke Akua, a i hiki ai ia kakou ke hoomaopopo i kona ano. Ma o Iesu Kristo la ua lilo mai ke Akua i kanaka, a heaha la ka kakou mea i ihe ai? O keia no ke Akua, ke Kahuna nana kakou i hana, ua like Oia me kakou nei. Aole Oia he kii, aole he lapu, aole hoi he ole wale: aka, he mea ole oia elike me kakou. Ke aloha aku nei kakou Iaia, no ka mea,k he Akua ola oia, a ua aloha mai ia kakou.

 Elike me ka hoomalamalaia ana o ka manao o na kanaka, a hoomaopopo iho lakou he aloha, a he lokomaikai o Iesu, pela no e kauo ia aku ai ko lakou mau naau io na la. Ma ka lima kaka uha, a me na hana weliweli o ka make i lanakila'i na 'lii o keia ao maluna o ko lakou poe enemi; aka, o ka Haku Iesu, ua lanakila oia, a ua hooholo i kona aupuni ma ke aloha i nininiia mai iloko o ka naau o na kanaka e ka Uhane Hemolele. Rom 5: 5.

 Owau no ke ala, a me ka oiaio, a me ke ola; aole kekahi e hiki i ka Makua, ke hele ole ia ma o'u nei. Ioa 14 : 6.

 O keia iho la no ka io o ka Euanelio i haiia ma ka pauku olelo kumuhana, a ke hoakakaia nei i mea na kakou e noonoo ai, a hooiaiao.             J. B@CKNELL.

 Kukuihaele. Feb 29, 1884.

 

NA HOOLAHA KUMAU.

 

KA HALEKUAI EMI O KE KULANAKAUHALE NEI.

Chas. J. Fishel,

He lono hauoli i ke Akea.

 

 Ua loaa mai nei iloko o keia mau la koke i o nei he 3000 paa lole o na kane, oia ke kuka, lole wawae, puliki ,a e kuaiia aku ana no

 

5.00 Dala

 

Wale no o ka Paa hookahi. Heaha la ia!

 

-

 

KUAI HOEMI HOPE LOA!

 

 UA KUAIIA MAU WAIWAI MA NA HALEKUAI NUNUI O KA HIKINA NO KE KUMUKUAI

HE $1000.

 

Ka Halekuai emi hookahi o ke Kulanakauhale nei.

16 I-a Kalakoa no 1.00 wale no!

HE MAU APA KALAKOA MAIKAI A PAA KEIA, AOLE HE HEHEE A MAE, HE OLA MAU.

 

2400 papale lede,

 

 E KUAIIA AKU ANA NO KE KUMUKUI HAAHAA @OA. I KUMU E LOAA AI HE KOWA KUPONO NO NA WAIWAI HOI E @PUIA AKU NEI A HOEA MAI MA NA MOKU A KU MAI I KEIA MAI' LA KOKE IHO.

 

-

 

 E kipa mai e na makamaka a e hooiaio no oukou iho, he emi ka makou mau mea kuai. CHAS. J. FISHEL. Kihi o Alanui Papu me Hotele, me ke kihi oAlanui Nuuanu me

(Hae ulaula)     Kalepa (Hae ulaula)

-

 

HE NUI ANEI KOU MAKEMAKE I NA MIKINI HUMUHUMU LOLE!

 

Ina pela, e kipa @ ma ka Halekuai

Kakela & Kuke!

 A malaila oukou e ike ai a makaikai i na ano

Mekini a WHEELER a me WILSON

mai ke $40 a hiki @ ke$50 ke kumukuai

ka mea @

NA MIKINI A SINGER!

ma ke $50 pakahi me ke ano

MIKINI A WIILCOX ME GIBBS

ma ke 5 @ a hiki i ke $30 ke kumukuai

mea e pau ai ko oukou kaa@ e na makamaka no ke

kupono o keia mau Mekini, e nan@ mai no me ke kuine ole, a e ike no oukou iho.

@tf

 

-

MAKEMAKE IA.

 

 Ke hoike ia aku nei na mea a pau e makemake ana e loaa na PAI AI ma ka PAKEKE a me ka PAHU paha, e kauoha mai ia'u ma ka leta no ka hoolawa ana aku i na kauoha Ai a puni keia mau Paemoku; o na kauoha no ke kulanakauhale, e lawe ia aku no e like me na makemake o ka mea kauoha ma ka ipuka o ko oukou mau hale, no ke kumukuai haahaa loa. E waiho ae i ka oukou mau kauoha ma na leta ma ka Hale Leta.

            ALBERT K. KUNUIAKEA

            Honolulu, Mei 12, 1883. 1119 tf.

 

NA HOOLAHA KUMAU.

 

A @A KAULIA.

LOIO A HE KOKUA MA KE KANAWAI.

tf.

 

W @ SMITH

LOIO. LOIO, LOIO

KEENA HANA; Helu @

tf.

 

W A. KI@I.

LOIO. LOIO, LOIO

KEENA HANA: Helu 13 Alanui @manu, Honolulu.

 

W R. KAKELA.

LOIO A HE KOKUA MA KE KANAWAI.

He Luna Hooiaio Palapala.

tf.

 

W L. HOLOKAHIKI.

LOIO A HE KOKUA MA KE KANAWAI.

 KEENA AHANA: Wehekealaula @

tf.

 

A KOSA. @AKONI,@

LOIO A HE KOKUA MA KE KANAWAI.

He Luna Hooiaio Palapala.

 KEENA HANA; Ma ke Keena Loio K@

tf.

 

S B. DOLE

LOIO, LOIO, LOIO.

He Luna Hooiaio Palapala.

KEENA HANA: Ma Alanui Kaahumanu

tf.

 

CECIL BROWN.

LOIO A HE KOKUA MA KE KANAWAI.

A he Agena Hooiaio Palapala no ka Mokupuni o Oahu.

KEENA HANA: Helu 8 alanui Kaahumanu.

tf.

 

JAMES M. MONSARRAT.

[MAUNAKEA.]

LOIO A HE KOKUA MA KE KANAWAI.

He Luna Hooiaio Palapala.

KEENA HANA: alanui Kalepa.

 

RICHARD F. BICKERTON.

[PEKEKONA]

LOIO A HE KOKUA MA KE KANAWAI.

KEENA HANA: Helu 27 alanui Kalepa.

tf.

 

SAM'L. L. KAWELO.

LOIO, LOIO, LOIO.

KEENA HANA. Puakalehua, alanui M@nakea, Hopnolulu.

 

J M DAVIDSON.

LOIO! LOIO!

KEENA HAAN: Helu 13 Alanui Kaahumanu

1147-3ms.

 

KALE KULIKA.

Luna Hooiaio Palapala Moraki a me na Palapala o ia ano, Luna Hooiaio Palapala Aelike mawaena o ka Haku a me ke Kauwa, Luna haawi Palapala Mare.

KEENA HANA: Kihi o alanui Moiwahine me Kaahumanu.

 

C.C.COLEMAN.

Amara a he mea hana Mekina

Kapili Kapuai hao lio.

A ME KA

Hana Kaa Lio, etc.,

Hale Hana ma Alanui Alii,

905-tf  E kokoke la i ke Alanui Papu.

 

S H. MEEKAPU.

Tela humuhumu lole.

HALE HANA: Helu 11 alanui Nuuanu @

 

F PAHIA, SAM.L. M. KAAUKAI

Ana aina!! Ana aina!!

KEENA HANA: Aia ma alanui Moi, kokoke loa i ka Uwapo o Hooliliamanu.

 

C BREWER & CO. (BURUA MA.)

Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.

 

WILLIAM AUL@.

Luna hooiaio Palapala Kepa Paahana no ka Apana o Kona.

KEENA HANA: Ma ke Keena Wai o Honolulu.

 

WILLIAM WOND.

Luna Hooiaio Palapala Kepa

KEENA HANA Ma ka Haiewai

 

S N. EMERSON, (EMEKONA)

LUNA Hooiaio Palapala Kepa Paahana no ka apana o Waialua, Oahu. Agena no ka Hooiaio ana i na Palapala no ka mokupuni o Oahu.

Ua makaukau no hoi oia e ANA AINA ma na wahi a pau i makemakeia.

Waialua, Oahu, Nov.10, '83. 1148 @

 

AONA [PAKE.]

HALEKUAI UPENA MA ALANUI MAUNAKEA

- HELU 8, HONOLULU. -

 Malaila e loaa ai na upena o na ano a pau, mai ka maka kahi a hiki i ka maka ha. A malaila e loaa ai na aho o na ano a pau. Ke kono aku nei au i ka poe a pau mai Hawaii a Kauai e hele mai ma ko'u halekuai a e kuai makepono aku no au.            1152-3@

-

OLELO HOOLAHA.

 E ike auanei na kanaka a pau ke nana mai i keia Olelo Hoolaha, owau o Apoe (Pake) kaikaina ponoi o Iakoka (Pake) na hookohu ponoia mai au i hope malama a hooponopono no kona mau waiwai a pau, oiai ua hoi aku na oia i Kina. Ma keia ke hoolahaia aku nei, o ka poe a pau i aie iaia, e hookaa koke mai la kou i ko lakou mau aie ia'u iloko o na mahina elua mai ka la e puka aku nei keia Olelo Hoolaha, a i ole, e hoopiiia no lakou ma ke kanawai. Eia kekahi, aole loa au e ae e hooka@ kekahi aie i hoaie ia ma ko'u inoa, ke ole e loaa aku na hoapono ana mai ia'u aku. E lilo keiai kanawai mai keia la aku.

 Hanalei, Kauai, Iune 11, '83. 1124 1y@