Ka Nupepa Kuokoa, Volume XXIII, Number 9, 1 March 1884 — KA MOOLELO O Ninauapoe. [ARTICLE]

KA MOOLELO O Ninauapoe.

1A wa olelo o Ku, ka, maikai maoli ka hoi kela hana, ia Ku e kamailio ana iaia iho no, kaminamina i ka manu i ka liio ana i kela keiki, ia wa no ko Ku hoomaka 110 ia i ka hele a puka keia i waho a kani ana ka moa o ko ianei hoomau aku la no ia i ka hele ana a kani ana ke kua kuku kapa o ke au i hala o ko ianei hele aku la no ia a hoea i kau hale, ike aku la keia i ka

ula mai o waho o kekahi hale, eia ka anei ilaila ka ua kanilehua o Hilo, i' lolii ai, a hoomau aku la keia i ka hele ana a ku keia mawaho hoolono o ka pae leo mai oka hale, aole wahi mea a puai leo mai o loko, oi ku keia a loihi loa, olele iho la keia he pono au e ike i keia mea ula o waho o keia hale ia wa no o koi nei hele aku la no ia a hiki ma ka puka o ka hale. o ka nana aku la no ia o ua wahi Ku nei e pua ana ka nani a me ka onaona o keia kaikamahifte o Hinaikaululehua, e hoalu iki kakou no Ku, a ia Hinaikaululehua, o Hina i ka hikiula o Hina i ka moana nuiakea, o Hina i ka ululehua oia no ka pokii o keia mau Hina elua ia laua ka mana ame ka īke, o keia

mau Hina nae o laua na mea pupuka loa o ka nana ana o Hina i ka ululehua oia ka ui a me nani ka mea nona ke ala o ka ou holo wai kupaoa o kela uka o Laa: E nana kakou no Ku, i keia wa a Ku i hiki aku ai ma ka paepae o ka puka 0 ka hale, o keia kaikamahine o Hina i ka ululehua ike mai la o Hina i ka ululehua, i keia keiki kanaka maikai e ku aku ana ma kona paepae puka ia wa lele ae la ko Hina hauli i ka ike ana mai ia Ku, auwe ! vz wa no ua pa kahea o koolau wahine o t puakai, e malaila iho a lawe aku au 1 kela hale mua, ae aku la o Ku, ia alu iki ana aku no o Hina i ka ululehua e hoomakaukau nona iho i wahi aahu, e alakai aku ai i ka malihini ia wa kani ana ka leo o ka manu o ka uka o Laa, ia wa no hoi i ike aku ai o Ku i ka nani o na manu e halaoa ana iloko o ka hale o Hina i ka ululehua; i nana aku ka hana o Ku he mea e ka nani o ka lea o ka leo o na manu, o Laa, i loko o ka hale o Hina i ki ululehua ia wa no pio ana ke anuenue 0 ko Hina 1, ka ululehuā i puka hale, o ka wa no ia j o Hina i kau ae ai iluna o na manu, ia wa puka mai la o Hina me ke mele ana o na manu, i ko lakou haku aliiwahine ia wa kaumaha loa iho la ko Ku manao a hilahila no hoi no keia mea hou ana i ike ai i ka lawe ia keia kaika-1

mahine e na .manu, ia wa no i pane iho ai o Hina i ka ululehua ia Ku e hele ae kaua, ae aku la 0 Ku ae; o i nei kaukooko aku la no ia, me na wawae; o kela hoi aia me na hoolai ana i ka lewa me na manu, oia paha ia mapuna mele a kahiko o ka alawa iki o ka manu o Kaula. Ia wa hiki mua aku la 0 Hina i kaupoku o ka hale o mna, o Ku hoi eia no ke hala kau aku la i na koele wawae. Ia wa no hoi i pane iho ai o Hina i ka ululehua eia ae kou hale aia no na mea a pau i hoomakaukau ia no na malihini hele, ia wa eia na koii koi a ka makemake. ke hooheno ala a ko ia nei komo aku la no ia a nana aku la keia o ka waiho mai o na ku moena hinano o Puna a me, ka ou hola wai o Laa; a o ka hele mai la no ia o ke kahuna e hana i kana mau a pana hana a pau o ka olelo mei la no ia 0 ke kahuna no heaha.ka huakai e ka malihini ia wa pane aku la o Ku he huakai huli kane no ka'u kaikamahine aia i hea? Aia i ka lewa o Kane a me Kanaloa kahi i noho ai, ia wa pane ke kahuna no luna ka paha oe ? Ia wa pane mai la o Ku no lalo nei no kakou īa laua e kamailio nei hiki mai la o Hina i ka moananuiakea i kai no keia Hina kahi i noho ai oiai o kon£f ahupuaa no ia i haawi ia ai o ka moana, o Hina i ka moanonuiakea iaia i hiki mai ai aole oia i kipa 1 kai 0 ka pokii o laua 1 o Hina i ka ululehua hoomau aku la no keia Hina 2 i ka hele ana a kani ana ke o ! i ke o inoino; oia ai ua ike mai la keia o na 'lii o luna iho i lalo nei o ko ianei makaukau aku la no ia i puaa hiwa, i moa lawa, ia ula, i awa lau hiwa, 0 ko ia nei eleu aku la no ia ! a ka paepae o waho o ko inei hahau aku la no ia e like me na mea o ke au i hala hala, kuu pau keia i kana mapuna leo aheahe kane kanaloa ia Ku. Eia ka mohai o na akua la o luna he mohai na ke kauwa wahine o lalo nei o huli henua o mole honua kumu honua apaapa au ua noa, ia wa o ko ianei hookuu 1 aku la no ia i kahi puaa o ka holo no ia a ke alo o Ku, ua moa aku la ka puaa ua moa ka ma-o, a me ka ia ula a me ka ilio ua ku ka awa i ka apu, o ko Ku kanaenae no ia a pau, i ko luna poe hookahi ka namu, ka nawa ua pau ia niau mea i ka amu ia e kini akua e ka lehu akua o ke nawao o ke akua, amama ua noa, palepale keia a pau, pane mai 0 Hina ia wa. Heaha ! ka hana e kuu alii i ho mai nei ilalo nei he hana no hoi e pili ana i ka'u huakai oia hoi keia ua noho hoi a hanau mai Inei ke kama aliiwahine opio o luna ma ia kumu la manao e iho ilalo nei i kane na ke aliiwahine, pane mai la o Hina i ka moananuiakea e Ku, ke 'li ku. ia i ka lani polani o Kanehekili e hoolohe mai oe i ka leo uwalo a ke kauwa wahine olalo nei, eia ae no ke kane la ke ae'oe e ke kapu lani o Ku hele lani i na maka o kane ulu po i ae īa mai, e na opu 0 ka lewa nuu, imua! i mūa!! E ka lanipoo ka pu laui lani onohi lani ouli ku lani hakoi J lei no makou no ka'u mau kauwa alii honua olalo nei, ia wa no hoi pau na palepale ana a Hina i ka moananuiakea, ia wa pane mai la o Ku, auhea ke kane ia wa no pane mai o Hina eia no ke kane ke ae oe e ka lani alii o ka lewa ia wa ae aku la o Ku, ae he pono ia'u ke ike mua i kau kane, ia wa no i pane mai

ai o Hina i ka moananuiakea ae he! kane no aia no i ka malo a me ka pa-u ae aku la o Ku ke ae nei au ia oe e lawe inai oe i ko kane; i mai la o Hina, e kali oe a hiki i ka po o Kaloakupau iku like me ka papa helu aln akua o lalo nei aole hoi o ko luna na makou e helu aku ko luna he lai wale no na haku oka lewa a-nuu he oiaio, pela paha kakou i keia \va na kakou e helu ( aku a na luna mai e hooiho mai ke ola, o ka uhane, i ka po o Kaloakupau la po hoau iho la a hui na 'iii o luna a me na 'lii olalo nei, oia no ka wa i ! kakele muaia ai ka pali kapu oia kuahiwi a noho a kane a wahine ua mau alii nei a paa keia hoao ana o» ke alii o luna a me ke aliiwahine opio olalo nei ia laua nei i noho ai 1 ka oluolu o kela uka o Laa i kahiko mau ia e ka nani o ka pua lehua ai a ka e kikou ana i ka momona kohikele a ka puu kolu. Ia wa a laua nei e nanea ana i ke ahe makani kupaoa o ka waokele Olaa, iawa'hapai o Hinaikaululehua i ke keiki; ia wa no hoi i makaukau ai o Ku, e hoi īluna i ka lani; a kokoke i ka po o Kane, ia wa i olelo mai ai o Ku i kona hoa kuili oke aumoe. Eia

au ke hoi nei iiuna ;ia wa no i pane mai ai kana wahine. Ua ike mua au i kau huakai i hiki ai ilalo nei he huli keiki no ko kaikamahine alii iluna ; ua pono ia i ka manao o ka wahine, ua ike no hoi laua, e hanau ana he keikikane; a hala na la o Kane, hiki i o Lono la, makaukau loa o Ku no kona hoi aku; pane oia i na kauoha no koha hipuu. Eia na mea ana i kauoha ai na kana lei opio i kona mama. O Kapuaokaloa, oia kona inoa. O Pua-ne, oia ka lua o ku'u malo ula. 0 Pipio i ka lewa, o Neekapunohuula mahope o ka malo, ua wahiia a paa i ke kapa kolikolika, oia kela kapa aole i huiia i na mea ala a me na waihooluu e ae a pau 0 kela au. ' I ka wa i pau ai na kauoha a Ku i kana wahine, huli hoi aku la ia no kona home lani; puai mai la ia wahi leo, aloha wale ka la e alohi nei. o ko Ku heo aku la no ia, haule iho la ka iiwi polena o Laa i kanahele, a ma keia e waiho kakou no Ku a me kana hoohaunaele ana i ko lalo nei e na noa 1 nui ke aho o na kii onohi, ka! kana nae hoi, he oluolu kela, no Hina i ka ululehua a me kona opu e hapai nei; iaia nei e nanea ana me na manu i ke kani hoolai mai i kanahele, eia ke hookui nei o Ninauapoe iloko o kona hoiiie pouli a hiki i ka malama o hilina ma i ka po ia o Hoku, a oia ka wa i hanauai o Ninauapoe ka mea nona keia moolelo hoonanea oke au kahiko i au wale ae. ia Hina ika ululehua i noho ai a nui o Ninauapoe, a kanaka hoi o kahi alii' ia Ninauapoe e holoholo ana mawaho o ka hele, ia wa. hoi i hoomaka ai o Ninauapoe e nina a kuu mama 'loha eia ka ninau ia oe, o kaua wale no ka paha kanaka o keia wahi pane e Hina i ka ululehua, ae, ia \va pane aku o Niāuapoe ae pehea la wau i loaa ai au i loko ou, olelo.

I mai la ka makuahine no ka nui o ka minamina no hoi 1 kana lei he keiki ia no ka wa opiopio, a nui ka hoapaapa a hoolalau ana a kona mama. Ia \va no'i olelo aku ai o Hinaikaululehua Ae, e kuu lei o ka wa akahiakahi a heuheu ae ka pakoni o ka'u ulu, ke hai aku nei au ia oe e kuu lei lehua o ka waokele a'u i hoohiki ai e ola keia mau i.wi, aole ka; heaha la hoi* ke liai aku nei au ia oe, o hele e huli i kou makuakane, aia la i kela moku lau nui kahi i noho ai, e hele oe i elima puni o kela mokulaau alaila hoi oe a ko wahi i ku mua ai hoomaka oe e uhuki i ka laau mua a hemo ia laau, alaila oe kahea aku oe penei. O kuu makuakane paha oe, o kuu makuakane- paha . oe la. I keia wa i puni ai o Ninauapoe i oa pahele a l'ona 'makuahine, a he mea olioli loa ia no kona lohe ana i na olelo a kona mama i hai hoolalau aku ai, ia wa, hooholo iho la kona manao no kona ike koke i kona makuakane Ia wa i kukmi mama aku ai o Ninauapoe a ku ana i kahi i kuhikuhiia ai mai kona mama aku, a iaia nei i hiki aku ai i ua ululaau nui nei, ku keia a hoomaka no kana hana; poai keia a pau na puni elima a ku keia i t kahi i hoomaka mua ai, huki kek: i ka laau mua, i ko ianei mau lima no nae a pa aku, o ka hina wale aku la no ia o keia laau nui, ia wa no keia i kahea aku ai : "O' kuu makuakane palia oe, o kuu makuakane paha oe la. \Valaau nui mai la keia ululaau hookalakupua iaia nei, o ka makau no ia o Ninauapoe a holo me ka uwe nui a kapaliīi ana imua o Hinaikaululehua. 0 mai la kona makuahine, hoi mai kaua e lei aloha, ea, heaha hoi keia au i 1 uwe kapalili mai nei. Ia wa olelo aku la o Ninauapoe, ka, aole ou maikai e na wahine, ua olelo mui oe ia 7 u aia ilaila kuu makuakane, a ma keia wahi no hoi o Ninauapoe i kamailio ai i kona makuahine, ina aole oe e hai mai i kuu makuakane, make oe ia'u; ia wa olelo olelo aku kona mama, e kuu keiki o hele aia ko makuakane la i kela kiowai e waiho mai la, i kou wa e hele ai a hiki ilaila hoomaka oe e nana ilalo o ke kiowai a' e kahea mai no auanei ko makuakane, a kou wa no ia e lele ino ai a hopu i ko makuakane, ae koke o Ninauapoe, ae, e hele au. O ko ia nei hele no ia a oi ana i ka luawai, ike.keia i ke aka ilalo o ka luajvai o ko ianei lele

laku la no ia a kuho ana iloko o ka wai a ku ka lae i ka pohaku a kahe ke koko ia \va hoea ae la keia iluna a hoi keia a , kapa. laia nei i nana hou ai ike kiowai, ike hou no keia i ke aka ana i ike mua ai, oko ianei lele hou aku la no ia ilalo o ua kiowai nei, aole nae i hookoia kona makemake huli makua. laia no iloko o ka wai ike mai|!a kekahi kupuna akua ona o luna iaia nei, oka olelo aku la no ia ia Laanuiokukuluokalakau, e hoomaloo aku oe 1 kela kiowai a Ninauapoe e luu mai la, ia wa no ua maloo ka Juawai, a ua nui loa ka minamina o keia keiki no ka loaa ole o kona makuakane a e hooko ana no īa a loaa aku, hoi aku la o Ninauapoe a hi ki i ka hale e noho ana no kona mama ia wa o ko ianei olelo aku la no ia : ka, mai loaa no o papa, eia ka hewa o ka maloo e ana oke kio\\ f ai i keia la nui, aole o kana mai, ke hele la a mo-a kuu ili iloko oka wai. He manao ko'u ia oe e Hinaikaululehua, ina oe eae mai ana ia'u e hele makaikai ma keia uka aku nei !a. Ia wa ae mai Ia o Hinaikaikaululeha, o ko ianei hoi aku la no ia e moe me ka hoomanao no kana huakai makaikai, iaia nei e moe ana a ao, kani ana ka leo o ka manu e ikuwa ana iluna o ka lehua me ka manao o Hinaikalehua maluna o na manu e kau ai kana lei <e hele la hoi no kana huakai makaikai, aole o ianei ae, o ka naue wawae no kona makemake; ia Hinaikalehua i ike ai ua makaukau na alanui many o Ninauapoe a hoala aku la i ke keiki, e kuu iei, e ala, ua makaukau ko alanui e hele ai no kau huakai makaikai. la wa, ala ae la o Ninauapoe a lohe i ka ikuwa o ka leo o na manu, olelo aku la kona makuahine, ea, ua makaukau loa na kanaka ou e lawe ia oe no kau huakai makaikai e kuu lei.

Ia \va olelo aku la o Ninauapoe, ea, he piha aha keia o kokauiwahi e walaau mai nei, ka. kai no hoi o ko maka ainana ia, i kii inai nei ia oe e hele pu iko huakai makaikai mauka aku nei hoi, pane mai la o Ninauapoe aole o'u makemake me keia lehulehu e walaau mai nei, owau wale no ke hele i ka'u huakai makaikai, ia wa no hoi i pane niai ai kona mama, ka i ike ia hoi ka huakai oka hele ana me na kanaka lawe i kanaka nui a me kanaka iki o oe wale no ka ke hele? Ae mai o Niauapoe; aole o'u manao ia mea o ka hele pu me keia poe,, o ko ianei puka aku la no ia aku iwaho. E hoomaka ae ana na kukuna o ka la e pii ae i ka ili 0 kai nana aku la no ia o k<? kau mai o ka ohu oke kuahiwi, o ko ianei pii aku la no ia a komo i ka waokele a puka iwaho o na lae laau o ko ianei pii aku la no ia a hiki i kekahi pohaku nui e waiho mai ana ma ko ianei alo a iaia nei i kokoke aku ai ike aku la keia i kekahi wahi manu huli pono mai jla kona alo iaia nei e pii aku ana, a (kokokeloa keia,, ia wa kani mai Ia kona leo penei: Kolea, kolea, īaia 1 e nana ana 1 ke kani o keia wahi manu | olelo iho la keia iaia iho; ka, kupanaha ika inoa o ieela wahi manu o kolea; ia wa nae kahea keia a nui kona leo: Kolea!, kolea!! A hai mai la no o kolea i kona inoa elike me kana leo mua a maopopo ae la kona inoa o kolea a hiki i keia wa a kakou e ike nei ia manu, he kolea kau ahua. A ma keia | wahi no hoi i hoomahui hou ai o Ninauapoe a hooholo keia i kona manao [ penei. E ninau paha au ia oe e kolea |no kuu makuakane, a hoopakele oia Inokona manao e ninau i ka ike o kolea a me ka olē; ia wa no o kolea i | kunou mai ai kona poo. "Ea ua ilee oe i kuu makuakane ?" Kunou no Ikona poo, a palua ka ninau ana o i Ninauapoe ia kolea, pela no hoi o kolea I e hoomau ai i ke kunou ana o kona j ]>oo ia. wa; hoopuka hou ua keiki nei ! aia ihea kuu inakuakane, i noho ai ia wa alawa ae lana niaka o kolea iluna | i ka lani, pakolu ka ninau ana a Ninaua- , poe ia kolea, hooholo koke o Nmauapoe 'no kona hoi koke i kona home ua makaukau oia no kena hoi, haawi oia no kona aloha hope ia kolea, aloha oe, ma keia wahi ua ike mai la no na kupuna o Ninauapoe ua hoouna mai la i ko lakou muli pokii i hele like mai i ka pupuu hookahi e alai ae mamua ona, aole t? pono e hookui/ loa i ke "kuahiwi, a komo loa aku oia iloko o ka ohukakua puni i ka noe noho iloko o na lua meki a poino hoi.

Ia N T inauapoe, e olioli nei no ua kuhikuhi .1 kolea aiailunakona makuakane, ko i;tnei hoi aku la no ia a ko;no i ka lae kau a puka aku la i kahi a Ku i ike ai i ka uja mawaho o ka hale o Hina i ka ululehua, nana aku la keia o ka ula mai o waho o ko laua nei hale, a ka iho la keia, ka •• kupanaha no o mama i ka hon a nui loa ke ahi o ko ia nei hoi awiwi aku la no ia a kiei ana ma ka puka aole 1 a ia e ke ahi, ia wa, ike mai la o Hina i ka ululehua i ka hoi aku o kana keiki olioli loa aku la ia ia wa aole keia i hoopuka i na olelo o kona huakai pii kuahiwi ua lana malie kona manao a ao ia po, alaila, hoopuka i na mea ana i hoomaopopo a i ike ai no hoi, ia wa ninau mai la o Hina i ka ululehua; heaha kau mea hou o kau huakai ? Aole i pane mai Ninauapoe i kela wa, ua manao oia a ao ae alaila hoopuka oia i na manao a me na hana a kela wahi manu ana i kamailio pu ai me ke kunou o kona poo, ua pono ia iaia. Ia wa no hiolani aku la kona apahu kino i na moe a Niolopua e kau aheahe ana iluna o na manu, ia ao ana ae hoopuka aku la oia i na pane leo ana i kona mama.- E kuu mama ua lohe au ia kolea manu o Kahiki, ua hai mai oia ia'u ma ke kunou .ana o kona poo penei: la'u i halawai ai me kolea olelo mai oia ia'u ua ike oia i kuu makuakane aia iluna i ka lani kona wahi i noho oi, ua hooholo ko'u manao e pii ana au'iluna i kela ao eleele, la e kau mai la, oiai, aole ou hai pono mai u. (4de ipau.)