Ka Nupepa Kuokoa, Volume XXIII, Number 9, 1 March 1884 — Ka Hebedoma Haipule okoa. [ARTICLE]

Ka Hebedoma Haipule okoa.

Ua piha na makahiki he 25 o kona ola ana. () ka hebedoma mua o na lanuari he 25, ua hooliloia ma ka pule no keia ao a pau i hiki mai ka uhane Hemolele e hoohuli- nui i na lahui kanaka me na ohana ma ka aoao Karisetiano oiaio. A e mau ana no keia hebedoma pule okoa a hiki i ka wa o ka Milenio.. Aole nae he pono ke waihoia na hebedoma e ae me ka pule ole no ke

ao nei. He pule mau keia no kela la no keia la, " E hiki mai kou aupuni. " Aia a hiki mai ka Milenio, alaila, e oki ana ia pule. Ka hele ae imua, oia ka moto ma keia wa o na Aha Misionari a pau. Nui na leo Makedonio e kahea ana, " E hele mai a kokua ia makou. " Ka Aha Misionari o ka ekalesia Beretania, ua hooholoia e imis 1, 130, 000, iloko oka mak. 1884, no ko na aina e. O kona kokua ma 1883, hookahi ia miliona dala. E ala na Aha Misionari e ae a hahai mamuli o keia Aha. Ka Papa Hawaii kekahi. Ua hooholoia ma lune 1883, E hoonui na ekalesia Hawaii i ko lakou kokua kuloko a hiki ia i ka elima kausani dala no ka mak. mai lune 83, a lune 84, e loaa ana paha ia, aole paha. Heaha ka puu dala kokua kuwaho no ka mak. mai lune 84 a lune' 85 ? E noonoo e i ka puu dala kupono i na ekalesia Hawaii ke imi. E loaa anei eono kausani dala ? E hoao paha ia. Aia a nui ke dala hiki ke hoonuiia na hana e pono ai ko Maikonesia me ko Fatuiwa. Hawaii.