Ka Nupepa Kuokoa, Volume XXIII, Number 8, 23 February 1884 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

No ka Makahiki                      $2.00

No Eono Mahina…                 1.00

 

KUIKE KE RULA.

Paaono …. Feberuari 23, 1884.

IINI, HOOLANA, LOAA

 

(Wishing, Hoping, Knowing.)

@@@@@@

@

A @@@@@

A ka@@

O@@@

J@@

I@@

2

Ua lohe no au i ka @@maikai e,

Ua @@@ mau lo@@@@@@.

H@@@@@a@@@@@ @@

Maka k@ oia @@@ ia ia mai @@.

 

3.

Me @ ke aloha @ @@@@@@@.

Aloha, hoolana, a he @@ ia'u

Ua @@@@@@@, k@@ @@@@@@

Ua @@@@ ka lama, hauoli @@@@.

@

@

Hawaii.

 

Haawina Kula Sabati.

Heit 10, Sabati, Mar 4

Kumuhana Paulo ma Korineto, Pauku

Baibala, Oih. 18:1 17

A MAHOPE iho o keia mau meahaalelo iho la o Paulo ia @, a hele ae la i Korineto.

 

2 A loaa iaia kekahi Iudaio, o Akulu kona inoa, i hanauiama Poneto, ia wa mua iho konahiki ana mai mai Italia mai, me kana wahine, o Perisekila,(no ka mea, ua kauoha aku la o Kelandio i ka poe Iudaio apau e haalele ia Roma,) a helemai la ia io laua la.

 

3. A no ka like o kana oihana, noho ia me lana, a hana iho la: no ka mea he poe humuhumu hala lole lakou.

 

4 Kamailio ae la ia maloko o ka hale halawai, i na la Sabati a pau, e  hoohuli i na Iudaio a me na Helene.

 

5. A hiki mai la o Sila laua o Timoteo, mai Makekonia mai, alala ikaika loa o Paulo ma ka olelo, a hoike aku i na Iudaio ia Iesu, oia no ka Mesia.

 

6. Kuee aku la lakou, olelo hoino mai la, alaila lulu iho la ia i kona kihei, i mai la ia lakou.  Aia maluna o ko oukou poo iho ko oukou koko; ua maemae au: ma keia hope aku e hele au i ko na aina e.

 

7. Hele aku la ia mai ia wahi akku, a kipa aku la i ka hale o kekahi kanaka o Iouseto kona inoa, ua malama i ke Akua; ua pili no hoi kona hale ma ka hale halawai.

 

8. A o Kerisepo ka luna o ka hale halawai, manaoio aku la ia i ka Haku me ko kona hale a pau.  A loha ko Korito he nui loa, a manaoio aku la, a bapetizoia iho la.

 

9. Olelo mai ka ka Haku ia Paulo ma ka hihio i ka po.  Ma makou oe, aka, e olelo aku, mai hoomumule;

 

10. No ka mea, owau pu ke kahi me oi, aole hoi e lele kekahi ia oe e huna ino aku ia oe; no ka mea, ua nui ou poe kanaka maloko o keia kulanakauhale.

 

11. Noho iho la ia malaila, hookahi makahiki a me na malama kou eono, e ao ana ia lakou ma ka olelo a ke Akua.

 

12. A i ka wa e noho ana o Galio i alii kiaaina no Akaia, lele lokahi mai la no na Iudaio maluna o Paulo, a alakai aku la iaia ma ka noho hookolokolo.

 

13. I aku la, Ke hooikaika aku nei keia i na kanaka e hoomana aku i ke Akua, ma ka mea ku ole i ke kanawai.

 

14. Aia Paulo e oaka ana i na waha, olelo ae la o Galio i na Iudaio. E na Iudaio, ina ha hewa keia, a he mea kolohe in a he pono iau ke hoomanawanui ia oukou.

 

15. @@@@@@@@@@@@@@@@@@@@@

@@@@@@@@@@@@

@@@@@@@@@@@@@

@@@@@@@@@@@

@@@@@@@@@@@@@

 

16. Kipaku aku la oia ia lakou mai ka noho hookolokolo aku.

 

17. Alaila, hope auk la na Helene a pau ia Sosetene, i ka huna o ka hale halawai kukui aku la iaia imua i ke alo o ka noho hookkolokolo.  Aole nae i manao o Galio i keia mau mea.

 

Pauku Gula. p. 10.

Manao nui. E hele lanakila akku ana ka Euanelio.

Na Heluhelu la.  1. Oih.  18: 1-17  2, 1 Kor. 1: 1-31. 3. 2 Tes. 3: 1-18  4. 1 Kor. 9: 1-27.  5, 1 Kor. 2: 1-16 6. Ezk. 33: 1-20,  7, 1 Na Lii. 19:1-18

 

Mele "Ka Leo o ka Nani"  Hoku ao Nani.  p. 103  Pule i mau a nui ka hana no Iesu.  Ka WEHEWEHE ME KA NINAU ANA.  Na ninau mua.  Mahea Paulo ma ka helu 9 ?  No ke aha kona haalele ana ia Atenai?  A hele oia ihea?

 

NA MAHELE

I Paulo ma Korineto e haiolelo ana i na Iudaio.  P. 1-6.

 

1. Mahope iho o na hana ma Atenai, aole loihi he mau la la, he mau hebeboina, he mau malama paha.  Haalele Paulo ia Atenai, a hele ihea?  Korineto, he kulanakauhale kaulana ia o Helene, 45 mile mai Atenai aku Naaeao kanaka ma kekahi mau mea, naaupo nae ma ka hooman ana elike me kanaka HAwaii, naauao ma kekehi mau mea, naau po kekahi poe ma ka aoao hoomana.

 

2. Owai kai loaa ia Paulo?  He mau Iudaia elua. Owai na inoa?  Mahea i hanauia ai?  Mehea Poneto?  Mai hea a Korineto?  No ke aha ka hele ana i Korineto?  Owai Kelaudiio?  Heaha kana kauoha?  No ke aha?  no ka mea, he poe hoohaunaele kekahi poe Iudaio, he poe kipikipi.  He mau Iudaiao maiakai laua nei, ua lilo ia mau haumana na Iesu.  A hele Paulo i ko laua hale, he Iudaio oia.

 

3. Heaha ka lana oihana?  Heaha noi kekahi oihanaa Paulo?  Nawai ia ia ao?  Na na makua paha, ke kanawai paa ia o na Iudaio, e ao ia na keiki i kekahi oihana.  He kanawai makai ia, e hoohalike na makua Hawaii.  No ka like o na oihana, noho pu Paulo me Akula ma.

 

4. Heaha ka Paulo ma hana ma na la Sabati?  E hoohula ana ia wai?  Na Helene oluolu keia e hele i na halwai Iudaio.  E hoohalike ka poe mawaho o ka ekalesia me keia poe Helene.  E hele i ka halawai.

 

5.  I ka puka ana o Sila me Timoteo, peha Paulo?  Ua loaa na kokua, nolaila ua mahuahua kona ikaika.  Heaha kana i hoike ai no Iesu?  Ka hana nui keia a na haiolelo, ka hoike ana me ka hooiaio ana, o Iesu ka Mesia, ka mea e ola ai.  Aoha mea e ae e ola'i kanaka, o Iesu wale no.

 

6. Peha na Isudaio?  No ko lakou kuee ana peha iho la Paulo?  Kona lulu ana i kona kihei, he hoialona ia no ke aha?  Nana Mat. 10: 14.  Ina make lakou, maluna o ko wai poo ke koko?  Owai ka i maemae?  Pela i keia wa, ina make kanaka Hawaii mahope o ka lohe ana i ka Iesu olelo, no lakou iho no ko lakou make.  Pau ke kamailio ana o Paulo i na Iudaio, a huli oia i ko wai poe?  I ko Helene, i ko na aina e.  Pele i keia wa, ina hoole kekahi poe a kuee i ka Iesu olelo, e huli ae i ka poe e, ka poe e makemake ana.

 

II. Ka Paulo haiolelo ana i ko na aina e.  P. 7  11.

 

7. Hele Paulo mai ka hale halawai aku a kipa ma ka hale owai?  He Helene paha o Iouseto i huli ma ka aoao Iudaio a malama oia i ke Akua.  A pili kona hale i ka hale hea?  Makemake oia e noho ma kahi i kokoke i ka hale halawai Iudaio.  Pono ia, ke hiki, e noho ma kahi kokoke i na luakini, malaila i maopopo ai ke aloha i ka hale o Iehova.

 

8. Owai ka luna o ka hale halawai?  He Helene paha ia i huli ma ka aoao Iudaio.  A mahope iho manaoio oia i ka Haku, oia ka mea a Paulo i Bapetizo ai.  1 Kor 1:14.  Oia me ko kona hale a pau ka i manaoio.  Lakou wale no anei kai manaoio.  Aole, nui ia poe.  A ua ahaia lakou?  A ua kukuluia i ekalesia.  Elua episetole a Paulo ia ekalesia.  I akaka ke ano o ia ekalesia, e heluhelu ia mau episetole.

 

9.  Owai ka i olelo mai ia Paulo ma ka @ ma ka po  Heaha kana olelo?  He olelo hoolana, a pili i ka poe ano kanalua, a paupauaho, a noho mamule no ka hookali o na kanaka.

 

10.  Owai pu me Paulo?  Heaha ka Iesu olelo ma Mat. 28, 20?  A kokua ka Haku i ole e aha kanaka?  In lele kekahi maluna o Paulo aole make ana Paulo ia poe ma Korineto.  Heaha kekahi @ hoolana i ka manao o Paulo?   @ poe kanaka maanei.  Ka mea ia e @ ai ka manao o na haipule, o na haiolelo, o na ka hunapule, o na kahu, o na kumu.  E mau ka hana, ke @ ka pule, maha paha he mau kanaka no ke Akua maanei ma ko lakou mau wahi.

 

11. No ia oelelo paipai ma ka po noho Paulo ma Korineto, a pehea ka loihi? E aha ana?  Mak. A. D. 55  III Nakana Paulo mua o Gallo. P. 12 - 17.

 

12. Owai ke kiaaina no Akaia? Akaia, oia kekahi hapa no Helene.  He kanakawai keia kiaaina.  Elike me Hawaii mamua akku, he mau lunakanawai na kiaaina.  Owai kai lele maiona o Paulo? Kona poe hoahanau no.  Pela ka Iesu olelo mamua.  Mat. 10: 17, 18, 21, 22.  Aiakaina o Paulo inoa owai e hookolokolo ai?

 

13.  Heaha ke kumu hoopii?  He kumu oiaio anei?

 

14-16.  Ia Paulo e Hoomakaukau ana e loio nona iho, pehea ae la Galio? Ma kona ike ana, he kumu hoopii i pili i na kanawai o na Iudaio no ka aoao hoomana hoole oia, aole ae e hookolokolo.  A kipaku aku oia i ka poe hoopii mai hea aku?  Pono anei keia hana a ke kiaaina?  Kainoa e hookolokolo oia i akaka ka pono me ka hewa.  He kiaaina hoomaloka paha oia.

 

17.  No ka nana ole o ke kiaaina i ke kumu hoopii no Paulo, no ka papa ole i ka hana ino ana, lalau na Helen ia wai?  A aha iaia?   He hoahanau ekalesia o Sosetene, I Kor. I, I.  He poe Helene hoomanakii, hoomaloka keia poe i hopu ia Sosetene.  Hana ino, kuikui lakou iaia me kona hewa ole, aole nae i manao Galio i keia hana ino a hoopau aku. Owai kai mahalo i keia kiaaina? Owai na lunakanawai like? Ka poe hoole aole make e hookolokolo i kekahi mau hihia.  Nana iki paha a olelo ua hookuuia aku.  Aole he hoike ka pono he hoopii pono ole, he mea hoopai, he mea hoomauhala,&c.  Aole pela Iesu ke hookolokolo oia ina ka la mahope.  Malaila e hoopononponoia ai na mea pono ole a pau o keia ao. Nana 1 Kor. 4; 3--5. Mele. "Aole Inoa maikai ae." Hoku Ao Nani, p--. Pule i alohaia, a malamaia o Iesu.

 

OWAU A ME IA;

-- A I OLE,--

OIA NO ANEI?

HE MOOLELO KAHAHAO!

I KA pau ana o kua heluhelu ana no keia wahi moolelo o Malatusa, waiho aku la au i ua wahi buke nei maluna o ke pakaukau, me ka hoopuo ho leo nui ana ae i lo'u manao i hoekupikipikio ia. "Aole anei kei oia?" No ka mea, ina o ko'u mau noonoo mua ana e pili ana no ko Salatela ano ua ano hooia ia mai, na keia wahi moolelo paha auanei hoi o Malatusa e hooiaio loa mai ko'u mau noonoo ana nona, oiai, he ano pili iki ko keia wahi moolelo iaia, a ma ko'u noonoo ana hoi, he ano e a hoopahaohao loa, me he la o ka leo o kakahi au kahiko loa e oili mai ana e pale ae i ko'u mau hookuihe ia ana a e hooiaio loa mai ana i ka'u mea i manao ai.  Huli ae la keia mau noonoo ana o'u maluna o Adelaide, a hoohalike loa aku la au iaia me kela kaikamahine ui iloko o ka moolelo o Sir Malatusa, me ka hookaumaha pu ia hoi o ko'u uhane no ka hoomanao pu ana ae i na nanaina kaunaha o Malatua, ka mea i olelo iho "aole ona makemake e aloha i kekahi wahine a aole hoi no na manao maikai o ke kanaka," a mailoko mai i keia mau mea  a pau e oili ae ana kekahi noonoo heolanakila iloko o'u no ka hiki ana ia'u ke ulaa mai i kekahi mea mai loko mai o ka houpo o kekahi mea hoopahaohao ano e loa.

Ala aku la au ia po a hiki i ke aumoe loa ana, e noonoo a e heluhelu ana i na moolelo a pua e pili ana no keia "Iudaio o Ierusalema," no ka mea, i ka hoomaka mua ana mai o keia mau manao a pau no Salatela e upu iloko o'u, ua imi au i na pep a me na buke moolelo a pau e loaa ana ia'u e pili ana no keia Iudaio, a hoomaka aku la ua e noonoo a e hoopaanaau no keia mau mea a pau, ina no ka loaa a hooia ole ia, a i ole no ka hiki ana aku paha ma kau wahi nana e hooiaia mai i ka'u mau mea i manao ai: a pela iho la au e hana ai i hiki ai ia'u ke ike pono i ke ano o keia Salatela, ka mea nana e hookupilikii nei i na anoai o ka hauoli iloko o ko'u ola ana.

Noonoo nui iho la au no kekahi mau manao ano e loa i lawe ie mai e ka hui Caruseda mai Palestine mai, e olelo ana a ka lahui Iudaio, ua hoopai ia lakou no ka hoino i ka Mesia: he mau helehelena nalowale ole hoi ko lakou, e auwana mau ana mawaena o na lahui kanaka o ke ao nei, me ka hookau pu ia hoi o na kahoaka ano e maluna o ke au o ka manawa, a me ka hoomau ia ana iloko o na ano a pua he lahui paa a make ole maluna o ka ili o ka honua. Aka ua ka-paeiaae la au i keia mau hoohalikelike ana, no ka mea, aia mawaena o na mea e pai ana no keia kanaka kekahi mea hooiaio loa nana e hoana e ole ae i kona ano.

Ma ko'o huli ana i na moolelo e pili ana no keia Iudaio ano e, ua loaa aku la ia'u maloko o kakahi pepa i unuhi ia mai loko mai o ka olelo Latina kekahi moolelo i hahai ia a i manaoio ia hoi heoiaio loa--oia na mea i hahai ia e kekahi kahunapule bihopa Amenia i holo aku i Enelani me na leta hoomaikai mai ka Pope mai, no ka makikai ana i na wahi haipule a hoomana o ia aina-- e hahai ana no kon hui kino a halawai pu ana hoi me keia Iosepa, he mea i ike nui ia ma ka Hikina, a i manaoia wale ia hoi oia no kela Katapailu a Kristo i kauoha aku ai e kali a hiki i Kona hiki elua ana mai: a he mea hiki ole  hoi ka hoomaopopop ole an iho i ka like loa o ne mea i hahai ia maloko i keia moolelo a me na moolelo hope loa e pili ana non mahope mai, oia hoi kela maloko o kekahi leta ano e, i kakau ia ekolu keneturia mahope mai, no ka halawai ana ma Hamebug o keia kanaka ano e ino kekahi kahunapule kaulana a naauao loa, Paulo D'Eitezena, ka Bihopa o Schelesving i hookohu ia e ke Duke Adolphus o Helesetina, he kanaka hoi i hilinai nui ia kana mau olelo a i kapaia he "kanaka manaoio loa," a nana no i hahai maoli mai o keia kanaka ano e maoli no ke kanaka a Iesu i hoahewa ai, me kona hookahaha nui ia no ka naauaoo lua ole o keia kanaka.  A aia hou no hoi kekahi moolelo oiaio loae pili ana no kekahi Iudaio ano e, oiai iaia i hai aku ai i ka lunakanawai o Strasbourg no kona hiki ana malaila elua haneri makahiki mamua aku ua hooiaio ia kana mau olelo me ka huli ia ana o kona inoa iloko o ka papainoa kuhikuhi o ia kulanakauhale, me ka hiki hoi iaia ke kamailio i ka olelo Geremania me ka paanaau a me ka makaukau loa, a o kana  mea i hahai ai malaila oia no kona olelo ana aku ne ke Akua i haawi mai i ka mana e hiki ai iaia ke kamailio i kekahi ano olelo i ka manawa o kona mau kapuai e hehi ai maluna o ka lepo o ia aina.  A pela no hoi kela moolelo i hahai ia e kakahi kahana oia o Kokera, e pili ana no ka loaa ana o kekahi waiwai nui i hunaia iloko o la pa alii o Bohemia e ko Kokera kupunakane, a i hahai ia aku iaia kahi i hunaia ai e keia kanaka hookanhi, oiai malaila ponoi no oia i ka manawa i hunaia ai.

Aka, o ka mea ano e loa ia'u, oia no ka D'Everina mau mea i hahai mai ai e pili ana no na alakai ana e Salatela is Napoliona ma ne mea pili kaua, me kona mau helehelena ano e i ike ia ma ka Hikina, oiai oia e manao wale is ana o ke kilokilo Elisai, a me kona lauana ana me Faila mahope iho o ka lilo ana mai o ke kulanakauhale o Elevena i ka poe Arabia, oiai hoi kela alii, ma ke poo o haneri poe kaualio, e kukulu ana i kona mau hale pea ma waena o na kuahiwi elua i ka auina la, ua hele mai la keia kanaka ano e imua ona a pahola mai la i kekahi maumanao noeau a naauo loa.  He lehulehu wale aku na moolelo e pili ana no ka hooia ana mai i ke ola io ana o keia kanaka ano e, me ka like pu loa o na mea i hoike ia ma kekahi me kekahi, oia hoi kona naauao lua ole, ka hiki iaia ke kamailio i na ano olelo a pau, kona kamaina i kela a me keia aina, a me kona mana hoopunihei ano e e hoohana ana maluna o kekahi poe, a me ke kulike loa o na hoike e pili ana i na nanaina luuluu maluna o kona mau helehelena.

E like me ka nui o ka'u mau heluhelu ana pela no ka nui o ka'u noonoo ana a me ka hooia ana mai a ko'u lunaike hala.  Iwaena o na moolelo a pau e pili ana no keia Iudais ke hooia ia mainei au oia no keia Salatela iwaena o makou.  Ua hiki ole iho la ia'u ke hoomanao ae no kekahi manao lauahea wale ae.  Na na hoike oiaio ana a na naauao he nui a me na makahiki he nui i hala ae e pale aku i na manao kanalua a kuihe e pili ana mawaho mai o keia hooia ana o'u.  He mea kamahao loa ia no, aka, ua hoopau is ko'u mau hoopohihi ia ana.  Owau, ka mea hookahi i manao iho na'u e hoomaikeike keia kanaka, ua loaa ia'u ka hoikeana!  Ua hala ae la ke au o ka pohihihi ia'u, a ua hoopiha ko'u naau e na noonoo ana ua loaa ia ka hooiaio piha. O na hooia ana i loaa ia'u ua maopopo loa ia e like me ke aniani" aohe mea nana e hookuihe mai a e  hoolauwili ae i ko'u manao ana.  Ua loaa iho la ia'u ka mea i hooiaia ole ia, e he hiki ia'u ke puana ae-- O Salatela no keia Iudaio Auwana.

(Aole i pau)

Makemake anei oe e hilinaiia'e?

Ae, ku'u makemake nui ia.

Pehea la e ko ai ia makemake? He kanaka mea halekuai, hele oia a he kulanakauhale o Nu loka.  A me ka la Sabati, konoia oia e Mrs. S. e helepu me ia i ka luakini, a e noho pu me ia ma kona noho.  Ka ae no ia ona.  Ma ka la noa, komo oia iloko o kekahi halekuai e kuaii kekahi mau mea. He malihini loa ka ona o ia hale.  Ua oluolu loa nae oia i keia kanaka no kahi e mai, aloe makkau iki i ke kuai pu me ia o hana apiki, hana apuka, hana hoopunipuni.  Paulele ma kana mau olelo a pau me he la ua ike e he kanaka oiaio ia. H@@@ mai ola a @@, pehea la e hiki ai la @ ke paulele nui ia'u, oiai he malihini au? Pane oia, aole anei au i ike ia oe ma keia Sabati ma ka luakini me Mrs. S ma kona noho? Ae owau pu no me ia.  A pane oia, aole o'u makau iki e hilinai aku i ka mea e noho ana ma ka noho o Mrs. S.

He kanaka opio, no wahi hana nui kana.  I hele ia nana e inu ana oia i ke kala e hiki ai. Kipa oia ana ka hale o kekahi kanaka waiwai a nui iaia e ko kua, e kuhikahi i kahi e loaa ai ke kala ne kala aie ia me ka hoihoi aku na ka  uku kuala.

Ma ka nana aku he kanaka opio kupono keia i ke kokua ia mai.  Alia, e hele pu kaua ma ke alanui o ke kulanakauhale.  Ka hele pu no ia o  laua e kaalo ana ma na hale o ko poe waiwai, e kamailio pua ana me he la ua oluolu loa keia kanaka waiwai i ua kanaka opio nei.  Ua like pu paha ko lana manao, ka hoi mai no ia o laua, a olelo ke kanaka waiwai i ke kanaka opio, e heleoe ma na hale wai wai a kaua i ike ai ma ke alanui, a e loaa na kala au e makemake ana.  Ka hele no ia ona elike me ke kuhikuhi ana. A loaa no ka puu kala ana e ini ana.

No ke aha ka loaa koke ana?  No ka mea ua ikeia oia e hele pu ana me kela kanaka waiwai, a he kanaka oia ia hilinai nuiia.  Akaka lea he kanaka oiaio no ia.  A o keia hoahele ona, ua manaoia, he ano like kona, a kupono i ka hilinaiia.  Pela i maopopo ai ko kakou ano, ma ke ano o ka poe a kakou i koho ai i poe hoalauna.  Ina launa pu me ka poe i hilinai naiia no ko lakou iho maikai loa, alaila, e hilinai nuiia paha kakou.

A me makemake kakou e launa pu me ke Akua ma ka lani, pono ke launa pu me kona poe kanaka ma keia ao, ma ka hele mai ana i na halawai Sabati me na halawai haipule, a i na kula Sabati,kahi i aoia ai ka ke Akua olelo.  I laila no ke Akua, ina launa ole me ko ke Akua poe kanaka ma keia ao, hiki anei ke launa pu me lakou ma ka lani? 

HAWAII

 

Hunahuna mea hou o Kauai.

Ke hoalaia nei he Ahahui kalepa ma Anehola no lakou na inoa e hiki ana i ka haneli, na Aukai a me G.B. Meheula e alaki nei i keia hana maikai. Ea kaawe ae la kekahi Pake maloko o ka ha'e hoopaa lawehala ma Kapaa ua hikiikii no oia me kona lauoho ponoi a me ia mea oia i kaawe ai iaia iao a make.

Ua hana iho nei ka Ekalesia o Anehola i palapala kahea kahu no lakou na inoa he haneri a oi aku paha a emi iho paha ma ka ino o S. Kaiapa, a e waiho aku i keia noi i ka Peresidena o ka aha Euanelio: Uku kahi Elua haneri dala.

Ke kulana o ka ekalesia o keia apa na o Kapaa nei, he ulolohi no aole holopono na hana imua.

I ka po poalua iho nei oia no ka la ia o keia mahina.  Ua puhi kaloheia a i ka halekuai o kela haole o Kalani kona ino iwaenakonu po ua nininiia ka aila mahu mawahoo ka hale a ua kopipiia ma ka paia mawaho a me ia mea i puhiia ai, pela maoli ke ano o keia pauahui ke nana aku i kona ano e ku nei i keia manawa e ole o Kauhoe e hoi mai ka lawaia mai pio ai keia ahi, a kakahiaka ae ku mai o Kalani mai Oahu mai maluna o Makee.

Ma ka halepaahao me Nawailiwili ma Kuhiau, ua laoa ka puu o kekahi Pake paahao i ka iwi akule, ua weheia e ke kauka aole he hemo o ka iwi, ua paumaia mai ka ai malalo mai me ka manao e pii ka ai a luhi maluna alaila hemo ka iwi, aka, make e aku la nae ua

Pake nei.                                                                                  J. PANIANI

Roselani, Kapauka, Kauai.

 

Ka Aha Koronero ma Kawaihae.

Ma ka Poakolu Ianuari 30, ua noho ka aha Koronero maloko o ka Halekula ma Kawaihae e ninaninau no na kumu i make ai o Kamakaiwi (wO ma ka Poakolu Ianuari 23, 1884, a i loaa aku kona kino make maloko o ka wai Kahe maloko o ke Kahawai o Makahuna, e lana ana iluna o ka wai ma ke alanui aupuni ma ka aoao hema o ka hale noho mua o ka Rev. S. Aiwohi.

A mamulo o na olelo hoike imua o ia Aha, ma ka niele maopopo ana.  Eia na mea i hoomaopopoia e ke Jure.

(1) He wahine mailolo o Kamakaiwi(w) iloko o na makalaki he umikumamalima.

(2) Ma kakahiaka hora 8, 9, paha o ka Poakolu Ianuari, 23, 1884, us hele oia i kahawai o Makahuna e holoi lole mauka, kokoke i ka uwapo alanui aupuni mauka ae oia wale no.

(3) Ma ka hora 2,3,p.m. oia la, he waikahe nui ma ia Kohawai o Makahuna mai uka mai o na Kawaihae a me Waimea.

(4)  Ua loaa aku kona kino make ia J.W. Epa, maloko i ka waikahe ma kahi i hoike muaia.

(5) He puka ma ke poo maluna o ka manawa a pohole palaha pu malalo iho o ka naka akau a he olohelohe kona kino a pau.

Mamuli o keia mau olelo hoike imua o ke Jiure, ua hooholo ke Jiure, ua make o Kamakaiwi (w), no kela puka ma ke poo, oiai kona kino e laweia ana e ka wai.  He mau sekakia ka loihi mai kahi e oleloia nei a hiki i kealanui aupuni.  

KOLONELO

 

 

NA HOOLAHA KUMAU

 

NU HOU! NU HOU!

 

Na Waiwai Hou Loa!

NA PAIKINI O KEIA AU.

 

E Loaa no ma ka ka Halekuai o

 

DILINGHAMA MA.

 

Ma Alanui Papu.

 

Oia na waiwai malalo iho nei: Na Palau, kaa Huilapalala, Kopala, Piki, Oo, Koi,

Koilipi, Na Hamare Kamana o na ano a pau, Na mea Hana a na Kamana, Poe Hamo Puna, na Amara a me na mea hana o ka Poe Akeakamai a pau. Pena Aila, Vaniki a me na Palaki Pauda, Poka a me na Kukaepele, Palaki Hamo Puna, Pulumi, Pakeke, Kapu Holoi Lole a me na Papa Holoi Lole, na Iputi, na Pa Palai, na Ma kau Lawaia, Na Aho Lawaia o na ano a pau, na Kaula o na ano a pau, na Pahi, O, a me na Puna, a he nui aku no na mea i koe.

 

I KUPONO NO KA HOOHIWAHIWA ANA!

NA HALE

 

I hiki ole ia makou ke huai pau aku, aka, na oukou no e hele mai a e hoonuu iho. O keia

maluna ae, e loaa no ma ka halekuai o Dilinahama Ma, 1036-3m] Ma ka helu 37, Alanui Papu.

 

 

KA HALEKUAI EMI O KE KULA

NAKAUHALE NEI.

Chas. J. Fishel,

He lono hauoli i ke Akea.

 

            Ua loaa mai nei iloko o keia mau la koke i o nei he 3000 paa lole o na kane, oia ke kuka, lole wawae, puliki, a e kuaiia aku ana no

5.00 Dala

Wale no o ka Paa hookahi. Heaha la ia!

 

KUAI HOEMI HOPE LOA!

 

            UA KUAIIA MAU WAIWAI MA NA HALEKAAI  NUNUI O KA HIKINA NO KE KUMUKUAI HE $1000.

            Ka Halekuai emi hookahi o ke Kulanakauhale nei.

            16 I-a Kalakoa no

            1.00 wale no!

            HE MAU APA KALAKOA MAIKAI A PAA KEIA, AOLE HE HEHEE A MAE, HE OIA MAU.

            2400 papale lede,

            E KUAIIA AKU ANA NO KE KUMUKUI HAAHAA LOA, I KUMU E LOAA AI HE KOWA KUPONO NO NA WAIWAI HOU E UPUIA AKU NEI A HOEA MAI MA NA MOKU A KU MAI I KEIA MAU LA KOKE IHO.

 

            E kipa mai e na makamaka a e hooiaio no oukou iho, he emi ka makou mau mea kuai. CHAS. J. FISHEL, Kihi o Alanui Papu me Hotele, me ke kihi o Alanui Nuuanu me

            [Hae ulaula]     Kalepa.            [Hae ulaula]

 

 

MAKEMAKE IA.

 

Ke hoike ia aku nei na mea a pau e make make ana e haa na PAI AI ma ka PAKEKE a me ka PAHU paha, e kauoha

mai ia'u ma ka leta no ka hoolawa ana aku i na kauoha Ai a puni keia mau Paemoku; o na

Kauoha no ke kualanakauhale, e lawe ia aku no

e like me ka makemake o ka mea kauoha ma ka ipuka o ko oukou mau hale, no ke kumukuai haahaa loa.  E waiho ae

i ka @ ia mau kauoha ma na leta ma ka Hale Leka.

ALBERT K. KUNUIAKEA.

Honnolulu, Mei 12, 1883.                               1119 tf.

 

ASA KAULIA,

LOIO A KOKUA MA KEKANAWAI

 

W.O. SMITH

LOIO LOIO LOIO

@@@@

 

W.A. KINI

LOIO, LOIO, LOIO

@@@

 

W. R. KAKELA,

            He Loio a he Kokua ma ke Kanawai. He Luna Hooiaio Palapala.

 

W. L. HOLOKAHIKI.

He Loio a he Luna Hooiaio Palapala.Keena Wehekealaula Alanui Betera. 1121

 

A. ROSA @

@

 

S. B. DOLE,

He Loio a he Luna Hooiaio Palapala

Keena Hana-Ma Alanui Kaahumanu.

CECIL BROWN.

Loio a he Kokua ma ke Kanawai.

            A he Agena no ka Hooiaio ana i na Palapala no ka Mokupuni o Oahu. Helu 8 Kaahumanu, Honolulu, H. P. A.                                                                       1y

 

JAMES M. MONSARRAT,

[MAUNAKEA]

 Loio o he Kokua ma ke Kanawai.

            Imua o na aha Hookolokolo a pau o keia Aupuni.

A HE LUNA HOOIAIO PALAPALA

Keena hana alanui Kalepa.

            Jan. 31, 1880.                                                                                                                                     944-1y

 

Richard F. Bickerton,[Peketona.]

Loio a he Kokua ma ke Kanawai.

Keena hana Helu 23 Alanui Kalepa,

 

SAM. L. KAWELO

LOIO! LOIO~

E noho mau ana ma ke kulanakauhale o

Honolulu Oahu.

 

J.M. DAVISON

LOIO! LOIO!

KEENA HANA: Helu 14, Alanui @.

1147 3ms

 

KALE KULIKA,

Luna hooiaio

PALAPALA KUAI, MOLAKI

A ME NA PALAPALA OIA ANO.

Luna Hooiaio Palapala Aelike mawaena o na

Haku a me na Kauwa. Luna Haawi

Palapala Mare.

Ma ke kihi o ke Alanui Moiwahine me Kaahumanu,

Kulanakaauhale o Honolulu, ko Hawaii Pae Aina.

150-tf

 

C C. COLEMAN.

Amara a he mea hana Mekina

Kapili Kapuai hao lio.

A ME KA

Hana Kaa Lio ana, etc. ,

Hale Hana ma Alanui Alii,

905 tf      E kokoke la i ke Alanui Papu.

 

S H. MEEKAPU.

Tela humuhumu lole.

HALE HANA:  Helu 11 alanui Nuuanu.

 

FRANK PAHIA.

ANA AINA! ANA AINA!!

KEENA HANA:  Aia ma alanui Moi, kokoke loa i ka Uwapo o Hooliliamanu.

 

C BREWER & CO. (BURUA MA.)

Ua makemake ia ka poe mea ILI KAO@

MALOO a me na ILI BIBI, a pela hoi m@

lakou mau ILI me makou, a e haawi no ma@

kou i ke KUMUKUAI KIEKIE LOA o k@

kakou Makeke.                             tf.

 

WILLIAM AULD.

Luna Hooiaio Palapala Kope @

KEENA HANA:  Ma ke Keena Wai o Honolulu.                            tf.

 

S.N. EMERSON, @

            LUNA Hooiaio Palapala Kope @ no ka apana o Waialu, Oahu @ no ka Hooiaio ana ina Palapala @ mokupuni o Oahu.

            Ua makaukau no hoi oia e @ ma na wahi a pau @.

Waialua, Oahu, Nov. @

 

AIONA [PAKE]

HALEKUAI UPENA MA ALANUI @

HELU 8, HONOLULU

            Malaila e loaa ai na upena @ mai ka maka kahi a hiki i @ malaila e loaa ai na ano @ komo aku nei i ka poe a pau @ e hele mai @ makepono aku no au.

 

OLELO HOOLAHA.

           

E ike auanei na kanaka a pau ke nana i

keia Olelo Hoolaha, owau @@

kaina ponoi o Iakeka (Pake) @@@

ma@ mai au i hope malama@@

kona maa waiwai a paa, @@

oia i Kipa. Ma keia k@@@

ka poe a pau i @@@

kou i @@@

elua mai k@@ e puka aku nei @@@

iaha, a ieie, e @@@

mai. Eia ke@@@

kekahi me i h@@@ @ oia kulu @@

aa aku na hoapo@@@

keia kanawai mai keia la aku

Hanalei, Kauai, Iune 11, 8@