Ka Nupepa Kuokoa, Volume XXIII, Number 6, 9 February 1884 — He manao pane i ka Elele. [ARTICLE]

He manao pane i ka Elele.

E ka Nupepa Kuokoa ; Aloha oe:— Ma ka Elele Poikolu helu 1 o lanuan 2, 1884, malalo o ke poo "Ka ohumu hoohalua," ua ike au i kekahi mau manao i kak.au ia eka mea kakau oia nupepa; he mau olelo oiaio ole, e kanu ana ia'u me na olelo hoino, e kapa mai ana he kipi au, ake manao nei e hookahuli i ka noho alii o Kalakaua, pela ka kuu alakai ana i ka halawai makaainana o Molokai.

Hookahi wale no a'u pane no keia; he heopunipuni, a he wahahee maoli kela mau olelo maluna ae. Eia na mea e hooiaio ai. 1 Aole na'u i kahea kela halawai oka la 28 o Novemaba 1883. 2 H'e mau hoike ko'u maloko o ia halawai, oia na mea hanohano S. K. Kupihea, J. Nakaleka, Rev. H. Manasa, E. Jones, na lakou e haiolelo mai ke ano nui o kuu haiolelo ia la. Aole a'u olelo e hookahuli i ka noho alii.

Ua noho hamau au i na pule ekolu i hala ae net, e kali aku ana o ka hiki la i ka mea kakau o ia nupepa ke nooiaio mai, oiai, o ka Aha Hookolokolo ke alanui e hiki ai iaia ke laooiaio ma kona aoao, aka, a hiki mai i keia Ja aole au i hopuia a hookolokoloia 110 ke karaima kipi, 110 ka mea hoi, ua maopopo loa wahi a ua mea hakuepa la ina e puka ana au i hmainakaainana e hookahuli auanei au i ka noho alii.

E hoomanao iho e ka Elele, he alii na'u o Kalakaua i aloha ai, a i makemake ai e noho loihi oia ma ka noho alii o Hawaii, na ka'u mau hana o na la i iiala ae mahope e hooiaio mai. Ae oiaio nae, aole au i hele i ka la ona i Poniia ai, no ko'u makemake ole no, a ua maopopo no ia'u he mau hana hoopau manawa wale no ia, a he hoohanohano wale no me ke kohu ole, oiai ua alii mūa no oia, a ua hanohano mua hoi i ka la i koho ia ai i Moi. I aha hou ka'u e pane ai, a ina no ma ia helu i olelo muaia maluna, he ipanao ohumu, i ka pau o ka loaa ia'u, a pau hewa ka ai, komo hewa ko lakou waa. . E ike mua iho, he ai helu mai maI hope, ina la ua malamaia i puolo a hoihoi aku i ka mea kakau o ka Elele nana e malama, aka, pau e i ke kiolaia i kauhale hoahu o na ai kahiko. J. W. Kalua. Lahaina, lan. 29, 1884.

He ekolu hoonaue ana o ke olai ka i ikeia ma Waimea, Hawaii, ma ka Poa ono ka la 20 o lanuaii, Poalua la 22, a me ka Poakolu ka la 23.