Ka Nupepa Kuokoa, Volume XXIII, Number 6, 9 February 1884 — Ka Lanakila. [ARTICLE]

Ka Lanakila.

Oiai aole i ko ka makemake o na ]>oe nana i hapai ka paa balota o na m.ikaainana ma ka la koho balcta iho nei ma Honolulu, aka nae, aole hiki ke kapaia keia he pio ana o ko lakou paa balola. Aole loa ]iela. Ua lanakila lakou ma keia mea, ua hoike ae lakou imua o ke alo o ka aina mai o a o i ko lakou makaukau e kupaa mainuli o na noonoo ana no na mea a lakou i hooholo ai he pono no Hawaii; a aole hiki i ke dala a me ke gini a me ka lioomalimali a me na olelo hoomaka'uka'u kc wawahi i ko lakou manao ]>aa ma ia mea. He nuhou keia no Honehilu nei ma ka moolelo koho balota. Ma keia koho ana ua ikeia ua mahele luaia, a elua wale no

aoao, o na makaainana o keia apana, ma na mea pili aupuni. Oka aoao e ake ana e hoomaemaeia ke aupuni i na hana kekee i hanaia iloko o keia mau makahiki j>okole i hala ae nei, a o ka lua ka aoao e makemake ana e hoo mauia na hana pakaha wale, ku ole i ke kanawai a hookaumaha wale i ka aina nie ka aie hiki ole ke hookaaia. Ua akaka loa keia mau aoao iloko o nei koho ba!ota ana, a ua ku kaawale laua. aole huikau elike me na kau i hala. He kumu keia e haaheo ai oka poe aloha ia Hawaii, a e manaolana ai lakou aole i mamao loa na la o ka lanakila o ke aupuni maemae, hoopono, a kaulike hoi ma Hiwaii, oia ka wa e komo pu ai na makaainana me ke keakea oieia e na mana maluna o lakou, a kuka pu no na pono ano hookahi o Hawaii holookoa.

Ina e nana iho kakou i ka heluna o na balota o kela a me keia aoao, e loaa hou no na kumu e haaheo ai ka balota kuokoa ona makaainana. lie ewalu hancri a keu aku ko lakou huina. Maikai no, he heluna keia i 01 loa aku mamua o ka heluna o ka makahiki iBS2. Kwalu haneri a oi poe makaainana 0 Ilonolulu i pelu ole na kuli imua o I.aala ! He nani keia no na makaainana Hawaii o keia apana. He ewalu haneri poe Hawaii oiaio i hoohui iho i ko lakou mau manao he pono ke hoomaemae houia ko Hawaii aupuni, a he poe luli ole imua o na hana maalea i hoaoia niai i mea e wawahi ai i ko lakou lokahi ann. He mau kahoaka keia e hoike mai ana eia iho imua 0 lakou he lanakila nui. He mea no hoi e manaolana ai na keonimana o ia balota ua sila jiaaia ko lakou mau inoa iloko o ka puuwai o ia poe le'nulehu, a e hiki mai auanei ka wa e lilo ai ka ewalu haneri i ewalu tausaui. Ma na aoao a pau o ka nana ana, he hana lanakila ka na makaainana o ka balota kuokoa i hana ai, koe wale no ka hiki ana aku i ka pahu hopu, aka, aole i pau ke kukini ana; ina aku no ka pahuhopu imua a e loaa aku ana no. Imua aku, a e hookanaka.