Ka Nupepa Kuokoa, Volume XXIII, Number 6, 9 February 1884 — Page 2
| This text was transcribed by: | L. A. Marchildon |
| This work is dedicated to: | Any Canadians calling Hawaii home...I'm so envious !! |
Ka Nupepa Kuokoa
KE KILOHANA POOKELA NO KA LAHUI HAWAII.
E Hoolohe.
Mahope aku o ka la 28 o Feberuari aole e hoounaia ke KUOKOA i ka poe i hookaa ole i ka uku pepa no ka hapa mua o ka makahiki.
Ka Nupepa Kuokoa
No Ka Makahiki, $2.00
Eono Mahina, 1.00.
--KUIKE KA RULA.—
Poaono Feberuari 9, 1884.
Ka Lanikila.
Oiai aole i ko ka makemake o na poe nana i hapai ka paa balota o na makaaimana ma ka la koho balota iho nei ma Honolulu, aka nae, aole hiki ke kapaia keia he pio ana o ko lakou paa balota. Aole loa pela. Ua lanakila lakou ma keia mea, ua hoike ae lakou imua o ke alo o ka aina mai o a o i ko lakou makaukau e kupaa mamuli o na noonoo ana no na mea a lakou i hooholo ai he pono no Hawaii; a aole hiki i ke dala a me ke gini a me ka hoomalimali a me na olelo hoomak'uka'u ke wawahi i ko lakou manao paa ma ia mea. He nuhou keia no Honolulu nei ma ka moolelo koho balota. Ma keia koho ana ua ikeia ua mahele luaia, a elua wale no aoao, o na makaainana o keia apana, ma na mea pili aupuni. O ka aoao e ake ana e hoomaemaeia ke aupuni i na hana kekee i hanaia iloko o keia mau makahiki pokole i hala ae nei, a o ka lua ka aoao e makemake ana e hoo mania na hana pakaha wale, ku ole i ke kanawai a hookaumaha wale i ka aina me ka aie hiki ole ke hookaaia. Ua akaka loa keia mau aoao iloko o nei koho balota ana, a ua ku kaawale laua, aole huikau elike me na kau i hala. He kumu keia e haaheo ai o ka poe aloha ia Hawaii, a e manaolana ai lakou aole i mamao loa na la o ka lanikila o ke aupuni maemae, hoopono, a kaulike hoi ma Hawaii, oia ka wa e komo pu ai na makaainana me ke keakea oleia e na mana maluna o lakou, a kuka pu no na pono ano hookahi o Hawaii holookoa.
Ina e nana ino kakou i ka heluna o na balota o kela a me keia aoao, e loaa hou no na kuma e haaheo ai ka balota kuokoa o na makaainana. He ewalu haneri a keu aku ko lakou haina. Maikai no, he heluna keia i oi loa aku mamua o ka heluna o ka makahiki 1882. Ewalu haneri a oi poe makaainana o Honolulu i pelu ole na kuli imua o Baala! He nani keia no na makaainana Hawaii o keia apana. He ewalu haneri poe Hawaii o keia apana. He ewalu haneri poe Hawaii oiaio i hoohui iho i ko lakou mau manao he pono ke hoomaemae houia ko Hawaii aupuni, a he poe luli ole imua o na hana maalea i hoaoia mai i mea e wawahi ai i ko lakou lokahi ana. He mau kahoaka keia e hoike mai ana eia iho imua o lakou he lanakila nui. He mea no hoi e manaolana ai na keonimana o ia balota ua sila paaia ko lakou mau inoa iloko o ka pauwai o ia poe lehulehu, a e hiki mai auanei ka wa e lilo ai ka ewalu haneri i ewalu tausani. Ma na aoao a pau o ka nana ana, he hana lanakila ka na makaainana o ka balota kaokoa i hana ai, koe wale no ka hiki ana aku i ka pahu hopu, aka, aole i pau ke kukini ana; ina aku no ka pahuhopu imua a e loaa aku ana no. Imua aku, a e hookanaka.
He hihia.
O ke aupuni Hawaii, ma o kona kulana hookele aupuni i keia wa, ke hoikeia mai nei na hiohiona o kona au ana aku nei iloko o ke kai hohonu o ka poino, pilikia, a me na hana hookaumaha maluna o na makaainana. Aole keia he mau hoike ana no na hana hookaumaha no neia mau la iho nei, aka, no kela mau la i au wale aku la. O kela hihia iho nei o ka mokuahi Maderasa a ke Kuhina Kipikona i honaku iho nei ma ke ano paani, ke pii mai nei ia hihia ma ke ano he ninau koikoi.
Aole he mea pohihihi ia kakou ke koho aku, e ili mai aua he koina koikoi ma ka aoao o ke aupuni Hawaii e uku mamuli o na kono ana mai a ke aupuni o Beritania nui, a o ka hopena a me na hua a ia mau hana pono ole a ke Kuhina Kipikona i hana ai,--na kela a me keia makaainana kupono i ka hookaa auhau e haawe i keia puolo koikoi. E uku maopopo ana kela a me keia i keia auhau kaumaha a aole he wahi e hiki ai ke alo ae.
He hana ku i ka mahaloia.
Ma ko makou ano he makee i ka pono, ua hauoli mau ia ko makou manao i na wa a pau e loaa ana na lono, no kekahi mau hana maikai nana e kokua i ka noho alii ana o ua pono la maluna o ka aina.
Ma kekahi o na la i aui hope aku la, ua lawe pololeiia mai ia makou kekahi mau hoike oiaio, mai kekahi mea i lohe pono me kona mau pepeiao, i na huaolelo ao o ke-ano kanaka makua a Capt Wm. H. Tell, i kekahi la i hala ae nei, imua o ka Puali Makai e noho nei malalo o kana mau alakai ana.
Ua lohe ke kapena Tell, aia mawaena o na makai malalo ona, he lehulehu wale lakou ke noho nei ma ke ano manuahi me ka lakou mau wahine, aole hoi ma ke ano maemae malalo o ka berita hemolele o ka mare; a oiai, o ka oihana makai, he oihana malama ia i ka maluhia a me ka pono; a oiai, ke hoao nei oia e alakai ia lakou ma ke ala o ka pono, ma ka hoolauna ana aku ia lakou maloko o na anaina haipule, kahi o ka maemae a me ka hemolele; nolaila, ua lilo i mea hookahaha i kona manao me ke kaumaha, ka hoomaopopo ana, aia ka mawaena o ka puali makai o ke kulanakauhale nei @ kaa hoi ka hanohano o ke alakai ana maluna o kona kokna, ke noho nei ka me ka haumia. Nolaila, ua haawi oia i kana kauoha paa penei: "E hoolohe oukou e na makai e noho manuahi nei, ke haawi nei au i ke akuoha paa ia oukou, mai keia la mua aku o keia mahina, (Feberuari 1) a hiki i ka la hope, e mare ai oukou i ka oukou mau wahine, a o ka poe e hooko ole i keia kauoha ma ia la hope o ka mahina, e hoihoi koke mai i ke pihi o ka oihana makai o ke aupuni a paa ma ko'u lima; a ne ke aupuni ka lawelawe ana no oukou ma ia hope aku no ka hooko ana i ke kanawai."
Aole e hiki ia makou ke hookuu aku i keia mau olelo ao maikai a ku i ka naauao me ka haawi ole ana i ka mahalo ia Capt. Tell; no ka mea, o kekahi keia o na hoike lehelehu wale ma kona aoao e hoike mai ana, aole oia he kanaka kupono wale iho no ma keia oihana o ke kiai i ka maluhia o ka lehulehu, aka, he kanaka kupono oia no ka hooko ana i na kanawai o ka aina, a ua oleloia e ka poe naauao o na aina naauao—"o ke aupuni i hooko oleia o na kanawai, aole e noho ka maluhia; aka, o ka aina i hookoia na kanawai, e noho alii auanei ka maluhia." He mahalo ko makou no keia hana maikai.
kahikina kelekona.
Ua ae aku makou i eia makamaka e hoopuka i kona manao elike me kana i hoike ae maluna. Ma ka makou noonoo nae, ua oi loa aku ka pono ke aoia na makai ma na mea e makaukau ai ma ka lakou oihana ponoi, mamua o ka paikau hoikeike ana ia lakou iho iloko o ka hale o ke Akua, a me ka hoomale ana aku i ka poe manuahi. Ua loaa anei ka mea nana i pepehi ka wahine ma Kulaokamaomao i Maui? A pehea hoi o Uilama Bkala? Ke paipai nei makou e nowelo aku a loaa ka poe e hana nei na hihia nui a e waiho i muliwaa ka mare wahine me ka hele luakini o ka oihana makai.
NA KE KUOKOA.
He manao pane i ka Elele.
E ka NUPEPA KUOKOA; Aloha oe:--Ma ka Elele Poakolu helu 1 o Ianuari 2, 1884, malalo o ke poo "Ka ohumu hoohalua," ua ike au i kekahi mau manao i kakauia e ka mea kakau oia nupepa; he mau olelo oiaio ole, e kanu ana ia'u me na olelo hoino, e kapa mai ana he kipi au, a ke manao nei e hookahuli i ka noho alii o Kalakaua, pela ka kuu alakai ana i ka halawai makaainana o Molokai.
Hookahi wale no a'u pane no keia; he hoopunipuni, a he wahahee maoli kela mau olelo maluna ae. Eia na mea e hooiaio ai. 1 Aole na'u i kahea kela halawai o ka la 28 o Novemaba 1883. 2 He mau hoike ko'u maloko o ia halawai, oia na mea hanohano S. K. Fupihea, J. Nakaleka, Rev. H. Manasa, E. Jones, na lakou e haiolelo mai ke ano nui o kuu haiolelo ia la. Aole a'u olelo e hookahuli i ka noho alii.
Ua noho hamau au i na pule ekolu i hala aae nei, e kali aku ana o ka hiki la i ka mea kakau o ia nupepa ke hooiaio mai, oiai, o ka Aha Hookolokolo ke alanui e hiki ai iaia ke hooiaio ma kona aoao, aka, a hiki mai i keia la aole au i hopuia a hookolokoloia no ke karaima kipi, no ka mea hakuepa la ina e puka ana au i lunamakaainana e hookahuli auanei au i ka noho alii.
E hoomanao iho e ka Elele, he alii na'u o Kalakaua i aloha ai, a i makemake ai e noho loihi oia ma ka noho ahi o Hawaii, na ka'u mau hana o na la i hala ae mahope e hooiaio mai. Ae oiaio nae, aole au i hele i ka la ona i Ponita ai, no ko'u makemake ole no, a ua maopopo no ia'u he mau hana hoopau manawa wale no ia, a he hoohanohano wale no me ke kohu ole, oiai ua alii mua no oia, a ua hanohano mua hoi i ka la i koho ia ai i Moi.
I aha hou ka'u e pane ai, a ina no ma ia helu i olelo muaia maluna, he manao ohumu, i ka pau o ka loaa ia'u, a pau hewa ka ai, komo hewa ko lakou waa.
E ike mua iho, he ai helu mai mahope, ina la ua malamaia i puolo a hoihoi aku i ka mea kakau o ka Elele nana e malama, aka, pau e i ke kiolaia i kauhale hoahu o na ai kahiko.
J. W. KALUA.
Lahaina, Ian. 29, 1884.
He ekolu hoonaue ana o ke olai ka i ikeia ma Waimea, Hawaii, ma ka Poa ono ka la 20 o Ianuari, Poalua la 22, a me ka Poakolu ka la 23.
La koho Lunamakaainana.
Malalo iho e ike ai ko makou poe heluhelu i na oinoa o na Lunamakaainana o Oahu nei i kohoia no ke kau Ahaolelo o keia makahiki.
OAHU-HONOLULLU.
J. L. Kaulukou 1129—kohoia.
J. Keau 1122 "
J. T. Baker 1118 "
E. K. Lilikalani 1112 "
J. O. Carter 829—haule.
A. K. Kunuiakea 804 "
J. U. Kawainui 800 "
A. P. Kalaukoa 793 "
F. Pahia 1 "
EWA & WAIANAE.
F. Brown (Palanike) 234—kohoia.
J. P. Kama 93—haule.
S. Kaanaana
A. Kaoliko
WAIALUA.
Jesse Amara 97—kohioa.
S. Kaopua 58—haule.
J. N. Kaiaikawaha 41 "
S. K. Mahoe 8 "
koolauloa.
Kikila Balaunu 100—kohoia.
J. M. Kauahikaua 64—haule.
J. Kaluhi 24 "
J. Kanui
J. L. Naili
KOOLAUPOKO.
Asa Kaulia 228—kohoia.
J. K. Kaoliko 80—haule.
G. Barenaba 11 "
S. M. Kaaukai 10 "
G. B. Kalaaukane
Na moku kana nunui.
Elike me na hoike a ke aupuni o Farani i waiho aku ai imua o kona Aha Mana nui o Parisa e pili ana no kon mau aumoku kaua hakaka moana,--ua maheleia na aumoku kaua hui hao o ke aupuni o Farani iloko o na mahele ekolu penei: He ekolu moku kaua o ka papa ekahi o ka heluna ikaika loa, a i paleia hoi i na aahu hao o 22 iniha ka manoanoa, a e lawe ana ma ko lakou mau oneki i na pukuniahi mai ka 13 ⅜ iniha ka manoanoa. O ka mahele elua o ehiku moku kaua hao no lakou ka manoanoa o ka hao pale he 8 ⅝, a e hali ana i na pukuniahi i like me ko ka mahele mua. Me keia heluna moku o ka mahele elua, e pakui houia aku ana he mau moku hao kaua hou o ke kulana like me ko ka mahele mua. O ke kolu, he ehiku ka nui no lakou ka manoanoa o ka pale hao he 6 iniha. O keia mahele nae o na aumoku kaua, me ke koe ana he hookahi o lakou, e kapaeia ae ana lakou mawaho o ka huina o na aumoku ikaika o ke aupuni o Farani.
I keia wa, ua paa a ua hoolanaia a ua aneane e pau loa na hemahema a ua aneane e makaukau loa no ke kahua kaua, he elua mau moku hao kaua ikaika loa, a ke kapili hoouia la he chiku moku hou o ia kulana hookahi. Mawaho o keia huina i oleloia ae la ma luna a i komo ole iloko o na mahele o na moku kaua ikaika ma ka hakaka, he elua moku aho kiai kapakai o Farani a i hoolako ponoia me na lako kaua, a he elima o ka hoolana kokeia ana mai nei no ia a ua aneane e makaukau no ka hoohana ana kau ia lakou. I hui puia me keia heluna moku kiai kapakai maluna, he elua moku hao hou o ke kulana ikaika ae e kapiliia mai nei i keia wa, a he elua hou a kapili houia iloko o keia mau mahina aku a hoohui puia malalo o keia mahele. Maloko o ua hoike la ua hoike puia, ua hoana okoaia he eono moku kaua hao kiai kapakai a me eono batari hoolana hoopahu, no ka manawa kupilikii a hahana loa a ke kaua, a me elima mau moku kaua holo loa.
Ina e hoohalike a hookukuia ka ika ika o ke aumoku kaua o Amerika Hui me ka ikaika o na aumoku kaua e ae o na mana aupuni o Europa, alaila e ikeia no aole i lihi launa aku ka ikaika o kona aumoku kaua hui me ko Enelani. Ikeia wa he 33 moku hao kaua o Enelani, a mailoko mai o keia huinahe 16 wale no moku kaua hao e lawe ana i ka manoanoa o ko lakou pale mai ka 17 ⅞ a hiki i ka 24 iniha. He elima nae moku hao kaua hao e kapiliia la i keia wa. Mawaho ae o keia mana kaua ikaika o Enelani, he 11 moku kaua hao kiai, 10 moku kiai kapakai, 2 moku kiai o ke kulana ikaika nunui, 44 moku hoomakakiu a me 140 waapa hoopahu Topedo o na ano like ole.
I keia wa no, ke lana nei ma na awa kumoku o Italia he eha moku kaua o ke kulana helu ekahi. Ua hoolakoia keia mau moku kaua hao nunu@ me na pukuniahi 100 tona. He ekolu moku ke kulana malalo iho e kapiliia nei i keia wa.
Ma Geremania, ua hoolilo loa ia aupuni i kona mau aumoku kaua hui i mau pale e kiai no kona mau kapakai a me na hoili kaua moana alualu. He eha ona moku kaua ikaika kiai kapakai, 13 moku hao o ke kulana malalo iho, no ke kaua a hoopahu topido, 24 moku kaua holo no 14 mile i ka hora a he poe moku kaua o ka papa moku—hookui.
Ma Rusia, he 32 ka heluna o kona mau aumoku.
Na pauahi nui.
O keia malalo iho na pauahi nui i ikeia a i paa ma ka moolelo o na aupuni nui o na aina e; koe na pauahi nui o na makahiki mahope mai.
I ka makahiki 1666, ua pau i ke ahi he 13,000 hale ma ke kulanakauhale o Ladana nona eka i paa he 136, me 80 luakini, a i-hiki aku na dala poho 1 ke 35,000,000.
1778, ma ke kulanakauhale o Konatinopela, 2,500 hale, 13,5000,000 dala poho.
Ma ia kulanakauhale no i ka 1782, he 3,000 hale, 15,000,000 dala poho.
Ma ia kulanakauhale no i ka 1788, 10,000 hale, 30,000,000 dala poho.
Ma ia kulanakauhale no i ka 1791, 32,000 hale, 115,000,000 dala poho.
1794, ma ke kulanakauhale o Kopenahegena, Denemaka,--28,000,000 dala poho.
1796, kulanakauhale o Smyrna, 5000 hale, 50,000,000 dala poho.
1805, ma ka mokupuni o Sana Tamaki Inia Komohana,--30,000,000 dala poho.
1812, ma ke kulanakauhale o Mosakao, Rusia, 18,000 hale hui pu me ka hale alii, 160,000,000 dala poho.
1816, kulanakauhale o Konatinopela 4,500 hale, 10,000,000 dala poho.
1828, ma ia kulanakauhale no, 18,000 hale, 80,000 dala poho.
1835, ma ke kulanakauhale o Nu Ioka, 1000 hale, 20,000,000 dala poho.
1839, ma ia kulanakauhale no, 46 hale hoahu ukana nunui, a pela aku, 10,000,000 dala poho.
1411, ma ke kulanakauhale o Smyrna, 10,000 hale, 18,000,000 dala poho.
1842, ma ke kulanakauhale o Hamabuka, Geremania, 2,000 hale, 10,000,000 dala poho.
1848, ma ke kulanakauhale o Konatinopela, 3,000 hale, 15,000,000 dala poho.
1850, ma ke kulanakauhale o Piladelepia, 400 hale me ka hale hoahu ukana, 15,00-0,000 dala poho.
1851, ma ke kulanakauhale o Kapalakiko, 1,250 hale, 13,000,000 dala poho.
1852, ma ke kulanakauhele o Sacarameto, Kaleponi, 2,590 hale, 10,000,000 dala poho.
1861, ma ke kualanakauhale o Ladana,--10,000,000 dala poho.
1861 Switzerland,--11;500,000 dala poho.
1865, Port Au Prince, 4,500 hale, 57,000,000 dala poho.
1866, ma ke kulanakauhale o Valeparaiso, Kile, 5,900 hale, 13,000,000 dala poho.
1866, ma ke kulanakauhale o Potalana, Maine, 800 hale, 10,000,000 dala poho.
1868, ma ke kulanakauhale o Kaletona, Carolina Akau, 1,158 hale, 3,000,000 dala poho.
1870, ma ke kulanakauhale o Konatinopela, 10,000 hale, 25,000,000 dala poho.
1870, ma ke kulanakauhale o Stransburg, mamuli o na hoopoino ana a na koa Perusia he 90,000,000 dala poho.
1871, ma ke kulanakauhale o Kikako, 18,000 hale, 200,000,000 dala
1870, Ma kekulanakauhale o Yeddo Iapana, 30,000 hale, 10,000,000 dala i poho.
1872, Nijini, Rusia, 40,000,000 dala poho.
1872, Bosetona, 748 hale, 80,000,000 poho.
1874, Ladana, 15,000,000 dala poho wale.
1876, Yeddo, Iapana, 5,000 hale, 10,000,000.
No loaa o ka waihona o ka Papa Hawaii i ka malama o Ianuari, 1884.
NO KA OIHANA KUWAHO.
Mak. Hon. Ekalesia o Kaukeano $69.96
No na Kilibati ma Honolulu 6.65
$76.30
OIAHANA KULOKO.
Kokua mai Amerika mai $200.00
OIHANA PAI PALAPALA
Loaa no na buke Kilibati $89.10
Kokua na Mrs. T. Coan 20.00
Kokua na Mrs. E. O. @olo no na buke Kilibati 1000.00
$1109.10
Houluulu ana 200.00
76.30
Huina pau no Ianuari $1385.00
W. W. HOLO.
Puuku.
NA HOOLAHA HOU.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka @waiwai o KUAHUIA (k.) no Huelo Hamakua Maui i make.
Ua heluheluia a ua waihoia ka palapala noi a Kahaiewai (w.) e noi ana e hooponoponoia ka waiwai o Kuahuia (k.) no Huelo Hamakualoa, Maui, i make, a e hoonohoia i kaha no ke keiki oo ole ana.
Nolaila, ke kauohaia aku nei na kanaka a pau ke pili, o ka POALUA oia ka la 4 o MARAKI 1884, ma ka hora 10 kakahiaka, ma ka hale hookolokolo ma Makawao, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Luankanawai Kaapiini Apana Eua H. P. A.
Lahaina, Feb. 2, 1884. 1158-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina ma ka waiwai o KAPIHI COOPER (w.) no Makawao Maui i make Ua heluheluia a ua waihoia ka palapala noi a Sam. F. Chillingworth, e noi ana e hooponoponoia ka waiwai o Kapihi Cooper (w.) no Makawao, Maui, i make a e hoonohoia i kahu no ke keiki oo ole ana.
Nolaila, ke kanohaia aku nei na kanaka a pau ke pili, o ka POALUA oia ka la 4 o MARAKI 1884, ma ka hora 9 kakahiaka, ma ka Hale Hookolokolo ma Makawao, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua H. P. A.
Lahaina, Feb. 2, 1884. 1158-3t.
OLELO HOOLAHA:--Mai keia la @ku aole au e hookaa i kekahi aie i hoaieia ma ko'u inoa, ke ole e loaa na heapono ana mai ia'u aku. J. K. COOK.
Honolulu Ian. 19, 1884. 1145-tf.
NA HOOLAHA HOU.
MA KE KEENA O KA LUNAKAWAI KAAPUNI Apana Ekolu o ko Hawaii Pae Ainia. Ma ka Waiwai o KEINO (w.) no Hilo Hawaii i make. Ua heluheluia a ua waihoia ka palapala noi a Keoni Kaia ke kane mare a Keano (w.) no Malamaiki, Hilo, Hawaii i make, e noi ana e haawiia ka mana iaia e kuai aku i ka waiwai Paa o ka mea i make, oia hoi he apana aina-e waiho nei ma Malamaiki, Hilo Hawaii, no ka pono o na hooilina he mau keiki oo ole.
Nolaila, ua kauohaia ka poe a pau i pili, o ka POALIMA oia ka la 7 o MARAKI, 1884 i ka hora 10 kakahiaka, ma ka Hale Hookolokolo ma Hilo, oia kahi a me ka manawa i kohoia no ka hoolohe ana i ua noi la me na mea kue ke hoikeia. F. S. LYMAN,
Lunakanawai Kaapuni Apana Ekolu H. P. A.
Hilo Hawaii, Ianuari 28, 1884. 1158-3t.
A KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka Waiwai o KAUALII (k.) no Wailua, Hilo Hawaii i make.
Ua heluheluia a ua waihoia ka palapala noi a Pupuka (w.) me Kapueuhi (k.) e noi ana e hoopauia ka hookoia ana o ka Palapala Kauoha hope a Kaualii (k.) no Wailua, Hilo Hawaii i make.
Nolaila, ua kauohaia o Maiwela (w.) ka hooilina ma ia palapala kauoha, a me J. Palau ka Luna hooko, me ka poe a pau i pili, o ka POALIMA oia ka @ 7 o MARAKI, 1884, i ka hora 10 kakahiaka, ma ka Hale Hookolokolo ma Hilo Hawaii, oia kahi a me ka manawa i kohoia no ka hoolohe ana ia noi me na mea kue ke hoikeia. F. S. LYMAN,
Lunakanawai Kapuni Apana Ekolu H. P. A.
Hilo, Hawaii, Ianuari 28, 1884. 118-3t
MA KE KEENA O KA LUNAKANAWAI KAAPUNI Apana Ekolu o ko Hawaii Pae Aina. Ma ka waiwai o Ai'O (Pake) (K.) no Hilo Hawali i make.
Ua heluheluia a ua waihoia ka palapala noi a L. Severance ka Lunahooponopono no na waiwai o Apo (Pake) (k.) no Hilo Hawaii i make, e noi ana e haawiia ka mana iaia e kuai aku i ka waiwai paa o Apo i make, oia hoi he apana aina e waiho nei ma ka apana o Hamakua Hawaii, no ka lawa ole o na waiwai lewa o ka mea i make, e hookaaia na aie.
Nolaila, ua kanohaia na mea a pau i pili, o ka POALIMA oia ka la 7 o MARAKI, 1884, i ka hora 10 o kakahiaka, ma ka Hale Hookolokolo ma Hilo Hawaii, oia kahi a me ka manawa i kohoia no ka hoolohe ana i ua nonoi la me na mea kue ke hoikeia.
F. S. LYMAN,
Lunakanawai Kaapuni Apana Ekolu H. P. A.
Hilo, Hawaii, Ianuari 28, 1884. 1158-3t
OLELO HOOLAHA
E ike auanei na kanaka a pau i keia, ke hookohu pono aku nei au ia PEAHI (k.) i Lunamalama no kuu ahupuaa e waiho la ma Ualapue, mokupuni o Molokai, a oia wale no ka mea mana maluna o na hoolimalima a pau a me na poe e komohewa ana.
POOMAIKELANI.
Feb. 2, 1884. 1158-1t.*
HOOLAHA HOOKO MORAKI ME KE KUAI.—Mamuli o kekahi mana kuai i hoikeia maloko o kekahi palapala moraki i hanaia mawaena o KELIIWAIIALOLO a me KANEKOA kana kane, &c., o ka aoao mua, a me CARTWRIGHT kahu waiwai o R. W. Holt o ka aoaoa elua, ma ka la 2 o NOVEMABA 1882 i kakau kopeia ma ka buke 77 aoao 44 a mamuli o ka uhaiia ana o na aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana , e kudala akea ana ia i ka aina i hoikeia ma ia moraki ma ka la 25 o FEBERUARI 1884 ma ke Keena Kudala o E. P. Adanis, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 29 o IANUARI 1884.
A. J. CARTWRIGHT,
Kahu Waiwai o R. W. Holt,
Mea Moraki Mai.
Penei na aina e kudalaia ana:
O kela apana aina ma Kapalama, oia ka apana V i hoakakaia ma ka Palapala Sila Nui Helu 2816 kuleana Helu 2266 ma ka inoa o Kuhiana, he 1139 Eka, he hapa ke mahiia nei i keia wa, a he hapa he kahua hale maikai loa. 1157-4t.
HOOLAHA I KA PAE AINA.—O ka mea nona ka inoa malalo iho, ua hookohuia mai oia i Luanhooponopono Waiwai o Kaluapihaole o ka mokupuni o Molokai i make, ke kauoha ia uku nei na poe a pau he koi ko lakou e pili ana i ka wiwai o Kaluapihaole i make, ina malalo o ka moraki a ma kekehi ano e ae paha i hoaponoia, e waiho al@ ia Heil Kapu, ma ke Keena o Kikila Baraunu ma ke alanui Kaahumanu, maloko o eono mahina mai keia la aku, o uku ole ia lakou a o na poe a pau i aie mai i ua waiwai la, ke koi ia aku nei lakou e uku koke mai.
Hanaia, Honolulu, Ian. 28 1884.
HEIL KAPU.
Lunahooponopono Waiwai o ka Waiwai o Kainapihaole 1 make. 1157-4t.
HOOLAHA:--O makou ka poe nona na inoa malao iho nei na pilikoko o Iosepa Kaona i make ma Kona Akau Hawaii, ke kahea aku nei makou i ka poe e paa ana i na waiwai o I. Kaona i olelo@ a me na wiwai a M. Kalulo i kuai iilo aku i kahi poe me ke kuleana ole, e hoihoi koke ae ia J. Hooleina ko makou luna e noho ana ma Kawainui Kona Akau, Hawaii, a o ka mea a mau mea e hoole ana i keia olelo hoolaha ua mana ko makou luna e hoopii ma ko makou mau inoa imua o na Aha Hookolokolo.
J. W. KAAPU,
MRS. HANA,
J. HOOLEINA,
J. KAKINA.
11
Lunahooponopono Waiwai o ka Waiwai o Kainapihaole 1 make. 1157-4t.
HOOLAHA:--O makou ka poe nona na inoa malao iho nei na pilikoko o Iosepa Kaona i make ma Kona Akau Hawaii, ke kahea aku nei makou i ka poe e paa ana i na waiwai o I. Kaona i olelo@ a me na wiwai a M. Kalulo i kuai iilo aku i kahi poe me ke kuleana ole, e hoihoi koke ae ia J. Hooleina ko makou luna e noho ana ma Kawainui Kona Akau, Hawaii, a o ka mea a mau mea e hoole ana i keia olelo hoolaha ua mana ko makou luna e hoopii ma ko makou mau inoa imua o na Aha Hookolokolo.
J. W. KAAPU,
MRS. HANA,
J. HOOLEINA,
J. KAKINA.
1155-4t *
HOOLAHA HOOKO MORAKI ME KE KUAI.—Mamuli o kekahi mana kuai i hoikeia maloko o kekahi palapala moraki i hanaia mawaena o kekahi palapala moraki i hanaia mawaena o F. Pahia Kaleohano a pela aku o ka aoao mua a me A. J. Cartwright kahh waiwai o Rev. Holt o ka aoao elua, ma ka la 23 o NOVEMABA 1882 i kakau kope ia ma ka buke 77 aoao 85 a mamuli o ka uhaiia o na kumu aelike o keia moraki, nolaila a ke hoolahaiaku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAKAHI la 11 o FEBERUARI 1884 ma ke Keena Kudala o E. P. Adamu, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no ia mea.
Hanaia i keia la 3 o IANUARI 1884.
A. J. CARTWRIGHT,
Mea Moraki Mai.
Penei na aina e kudalaia ana:
O kela apana aina a pau loa e wailio la ma Kohala Hawaii, ua hoakakaia na palena ma ka Palapala Sila Nui Helu 1105 a he hapa o Anau a me Makanikahiko 2, he 52½ eka.
1154-5t.
HOOLAHA HOOKO MORAKI ME KE KUAI:--Maluli o kekahi mana kuai i hoikeia maloko o kekahi palapala moraki i hanaia mawaena o S. Kekipi o ka ka aoao mua, a me E. Bond i hooliloia ia Kakela me Kuke, o ka aoao elua, ma ka la 6 o Ianuari 1878, i kakau kopei ma ka buke 54 aoao 69, a mamuli o ka uhaiia ana o na kumu aelike o kela moraki, nolaila ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai a ma ia hooko ana e kudala akeaia ana ka aina i hoikeia ma ia moraki, ma ka
POAKAHI, FEBERUARI 11, 1884, ma ke Keena kudala o E. P. Adamu ma Honolulu ma ka hora 12 o 1a la. Aia ma kahi o W. R. Kakela na olelo hoakaka no keia mea.
Hanaia i keia la 3 o Ianuari 1883.
KAKELA ME KUKE,
Na hope o ka Mea Moraki Mai,
Penei na aina e kudalaia ana:
O kela apana, aina e waiho la ma Punaluu, Kaneohe, Oahu, he 24 10 eka, a oia ka aina i kooliloia mai ia Kekipi e Kaholokai a me kehahi poe e ae; a he aina kalo maikai loa hoi kekokoke ana i ke kuono o Kaneohe, a he ai kai loa hoi no ka mahiai ana, a i ole no ke ukulu hale ana paha. 1145-5t.
NA HOOLAHA HOU.
MA KE KEENA O KA LUNAKANAWAI KAAPUNI apana Elua o ko Hawaii Pae Aina. Ma ka Waiwai o MALUAE (k.) no Honuaula maui i make. Ua heluheluia a ua waihoia ka palapala noi a Kaahanai (k.) e noi ana e hooponoponoia ka Waiwai o (k.) e noi ana e hooponoponoia ka Waiwai o Maluae (k.) no Honuaula Maui i make, a e hoohooioa i na hooilina.
Nolaila ke kauohaia aku nei na kanaka a pau ke pili, o ka POALIMA, oia ka la 29 o FEBERUARI 1884, ma ka hora 11 A. M. ma ka hale Hookolokolo ma Waiiuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Lunakanawai Kaapuni Apana elua H. P. A.
Lahaina Ianuari 18, 1884.
1156-3t.
MA KE KEENA O KA LUNAKANAWAI KAAPUNI Apana Elua o ko Hawaii pae Aina.
E ike auanei na kanaka a pau ke pili, o na hihia hooponopono waiwai i hoolaka muaia no ka hoolohe ana i ka la 21 o Dekemaba 1883, ma Wailuku, a ua hoopaneeia, ke hapai houia a hoolohe hoaia lakou ma ka POAHA oia ka la 28 o FEBERUARI 1884 ma ka hale Hookolokolo ma Wailuku, mai ka hora 9 A. M. a hiki i ka pau ana. A eia na hihia
Waiwai o PALAU (k.) no Waihee.
Waiwai o KAPAU (k.) no Wailuku.
Waiwai o POHINAUAKEA (k.) no Waihee.
ABR. FORNANDER,
Lanakanawai Kaapuni Apana Elua H. P. A.
Lahaina Ianuari 18, 1884,
1156-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o MAHIAI (k.) no Kipahulu Maui i make. Ua heluheluia a ua waihoia ka palapala noi a Makaokalani (w.) a me Kaowao (k.) e noi ana e hooponoponoia ka Waiwai o Mahiai (k.) no Kipahulu Maui, i make, a e hooholoia i na hooilina.
Nolaila ke kauohaia aku nei na kanaka a pau ke pili, o ka POALIMA, oia ka la 29 o FEBERUARI 1884, ma ka hora 10 A. M. ma ka hale Hookolokolo ma Wailuku, oia ka la a me kahi i kohoia no ka hoolohe ana i na nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua H. P. A.
Lahina Ianuari 18, 1884.
1156-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina. Ma ka Waiwai o KAMULA (k.) no Waihee Maui i make. Ua heluheluia a ua waihoia ka palapala noi a Keliiloleole (w.) a me Kanakokai (k.) e noi ana e hooponoponoia ka Waiwai o Kahula (k.) no Waihee Maui i make, a e hooholoia a e maheleia i na hooilina.
Nolaila ke kauohaia aku nei na kanaka a ke pili o ka POALIMA oia ka la 29 o FEBERUARI 1884, ma ka hora 9 A. M. ma ka hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua H. P. A.
Lahaina Ianuari 18, 1884.
1156-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina ma ka Waiwai o POPOKI (k.) no Wailuku Maui i make. Ua heluheluia a ua waihoia aku ka palapala noi a Kapehe (w) e noi ana e hoonohoia i mau komisina nana e mahele i ka waiwai o Popoki (k.) no W ai uku Maui i make, mawaena o na hooilina e noho nei.
Nolaila ke kauohaia aku nei na kanaka a pau ke pili o ka POAONO, oia ka la 1 o MARAKI 1884, ma ka hora 9 A. M. ma ka hale Hookolokolo ma Wailuku, oia ka la a me kahi i kohoia no ka hoolohe ana i ua nonoi la a me na mea kue ke hoikeia.
ABR. FORNANDER,
Lunakanawai Kaapuni Apana Elua H. P. A.
Lahaina Ianuari 18, 1884.
1156-3t.
MA KE KEENA O KA LUNAKANAWAI KAAPUNI Apana Elua o ko Hawaii Pae Aina ma ka waiwai o OHA (k.) no Honokohau Maui i make. Ua heluheluia a na waihoia mai ka palapala noi a Eke@a (w.) e noi ana e hooiaioia ka palapala kanoha hope loa a Oha (k.) no Honokohau Maui i make. Nolaila ke kanohaia aku nei na kanaka a pau ke pili o ka POALUA ka la 12 o FEBERUARI 1884, ma ka hora 10 A. M. ma ka hale Hookolokolo ma Lahaina oia ka la a me kahi i kohoia no ka hoolohe ana i na nonoi la a me na mea kue ke hoikeia.
ABR FORNANDER,
Luankanawi Kaapuni Apana Elua H. P. A.
Lahaina Ianuari 18, 1884.
1156-3t.
HOOLAHA HOOKO MORAKI ME KE KUAI:--Mamuli o kekahi mana kuai i hoikeia maloko o kekahi palapala moraki i hanaia e S. Kahoohalahala o Kealia mokupuni o Lanai @ A. J. Cartwright Luanhooponopono e ka Waiwai o R. W. Holt i make, i kakauia ma ka la 17 o Mei 1882, a i hoopaaia ma ka buke 76 aoao 12, 13, 14, ma keia ke hoikeia aku nei ka lohe e hookoia ana ka mana kuai o ua palapala moraki la no na kumu ua uhaiia na aelike i hoikeia ma ua moraki la, a me ka uku oleia o ka uku pan@ o na dala i hoopaaia ma ua moraki la, a ma ia hooko ana e kuaiia aku ana ma ke kudala akea ma ke keena kudala o Lyons & Levey ma Honolulu, ma ka
POAKAHI FEBERUARI 20 1881, ma ka hora 12 o ke awakea, na aina i hoikeia ma ua palapala moraki la elike me na hoakaka ana malalo iho. No na mea i koe e ninau ia J. M. Monsarrat Loio ma ke kanawai.
A. J. CARTWRIGHT,
Mea Moraki.
Honolulu Ian. 23, 1884.
Penei ka aina e kuaiia ana:
O kela aina kanu raiki e waiho la ma Ewa, Oahu, a i kapaia o Kukuluelauao a me Mokaalika, nona eka he 3 a i hooliloia aku ia S. Kahoohalahala e G. Kekeni a me Kanemo (w.) ma ka palapala hoolilo i kakauia ma ka la 30 o Sepatemaba 1862, a i hoopaaia ma ka buke 23 aoao 360, 361. O ka aina malana i hoikeia ua paa i ke kaauia i ka raiki a i hoolimalimaia e Ho Sun Pake no kauku hoolimalima maikai a he loko wai maikai ko luna o ua aina la. 1156-5t.
HOOLAHA PA:--E hooloheia ana ka palapala hoopii a Nannie R. Brewer ma o kana noi kanoha no ke kukulu ana i pa mawaena o ka Ahupuaa a me ka Ili o Kaelepulu ma Kaelepulu, Koolaupoko, Oahu, ma ka la
9 O FEBERUARI A. D. 1884, ma ka hora 12 awakea. O ka poe a pau i kuleana ma ia mea ke konoia aku nei lakou e hele ae ma kahi a me ka manawa i hoikeia maluna.
CHARLES H. JUDD,
W. E. PII,
G. BARENABA,
Na Komisina Pa no ka apana o Koolaupoko, Oahu.
1156-2t.
OKA MEA nona ka inoa malalo iho, ua hookohu ponoia mai oia e ka Aha Kiekie ma ke Kaulike i Kahu Malama Waiwai no ke kino a me ka waiwai o na keiki oo ole oia Maria (w.) a me Ili (k.), ma keia ke hoikeia aku nei ka lohe i ka poe e noho la maluna o na aina o na keiki oo ole e lawe mai i na ulu hoolimalima ma ka lima o ke Kahu Malama Wai wai lole loia malalo iho nei.
J. H. BARENABA,
Kahu Malama Waiwai o na keiki oo ole.
1156-3t.
HOOKAPU KAI LAWAIA:--Ke pa pa a ke ho@kapu loaia aku nei ke kai lawaia ma Keaumoku ma Waikiki-kai, Oahu, aole e komo wale a lawaia na kanaka a pau me ka ae oleia. O ka mea kue i keia e hoopiiia no elike me ke Lanawai.
SAMUEL DAMON,
Lunahooponopono Waiai o ke 'lii Pauahi.
Honolulu, Ian. 14, 1884. 1156-4t.
AHA HOOKOLOKOLO KIEKIE Ko Hawaii Pae A@a. Ma ka Hooponopono Waiwai. Ma ka hana o ka Waiwai RUTH KEELIKOLANI o Honolulu i ma@ Ma ke keenaimua o ka Lunakanawai Nui @
Ma ka Heluhelu a me ka waihoia ana n@ ka Palapala Noi a me ka Papa Hoike a @ R. Bishop a me Rudolph W. Meyer, @ Hooko o ka Palapala Kanoha a ka @ K@ kie Ruth Keelikolani no Honolulu i make noi ana e aponoia na hoolilo he $123.95 @ a e hoike ana o na mea i loaa ia la@ $123,958.78, a e noi ana e nana a aponoia ke mau mea, a e kauohaia e maheleia na waiw@ e waiho la ma ko laua mau lima i na @ kuleana malaila, a e hookuuia laua a me @ laua mau hope mai ko lakou noho ana @ ano.
Ua kanohaia, o ka POALUA ka la 4 MARAKI M. R. 1884 ma ka hora @ hiaka, imua o ua Lunakanawai Nui la, @ Keena ma ko Hale Hookolokolo ma Honolulu, oia kahi a me ka manawa i k@ hoolohe ana i na noi la, a me na Papa li@ i oleloia, a o ka poe a pau i pili malai@ mai a e hoike i ke kumu ina he @ lakou e ae oleia ai ua noi la, a malaila e @ mai ai na hoike o na mea i kuleana mal@ ka waiwai i oleloia. A o keia kau@ olelo Hawaii me Beritania, e paiia mak@ ke KUOKOA me Hawaiian Gazette he @ nupepa i pai a hoolahaia ma Honolulu, i ek@ pule mamua ae o ka manawa i oleloia @ hoolohe ana.
Kakauia ma Honolulu ko Hawaii Pae A@ i keia la 23 o Ianuari M. H. 1884.
A. F. JUDD,
Lunakanawai Nui o ka Aha Kiek@
Ikea: HENRY SMITH,
Hope Kakauolelo,
1156-3t.
AHA HOOKOLOKOLO KIEKIE ko Hawaii Pae Aina. Ma ka Hooponopono Waiwai. Ma ka hana o ka Waiwai WILLIAM L. MAHUIA AUSTIN i mak@ Olelo kauoha mamuli o ke noi a ka Lunahooponopono Waiwai no ke kuai ana i kekahi Waiwai Paa.
Ma ka Heluhelu a me ka waiho ana @ ka palapala noi a charles T. C@ ka hooponopono Waiwai o William @. M@ Austin i make e noi ana e kauohaia ka L@ hooponopono e kuai i kekahi waiwai paa @ mea la i make e waiho la ma Kapalama @ lulu a me Kamananui Waialua Oahu a e @ kaka ana i kekahi mau kumu ku i ke K@ e aeia'i e kuaiia ua waiwai paa la.
Ua kauohaia e hele mai ka poe i p@ mea i make a me na mea a pau i kuleana @ waiwai la imua o keia Aha, ma ka POALIM@ ka la 15 o FEBERUARI M. H. 1884, @ hora 10 o ke kakahiaka, ma ke Keena Hoo@lokolo, ma Honolulu, ma ia wa a ma ia wai@ hoike mai ai ina he kumu kekahi e @ ole ia ai ka olelo kauoha e kuaiia ua waiwai @ A ua kauoha @ia e hoolahaia ke kop@ olelo kauoha no ekolu pule ma@ e hooloheia ai i oleloia, iloko o ka Hawaiian Gazette a me KUOKOA he mau napepa @ ma Honolulu i oleioia.
Hanaia ma Honolulu, k@ Hawaii Pae A@ Ianuari 17 M. H. 1884.
A. FRNCIS JUDD,
Lunakanawai Nui o ka Aha K@
Ikea: HENRY SMITH,
Hope Kakauolelo
1156-3t.
AHA KIEKIE O KO HAWAII P@ AINA. Ma ka Hooponopono W@ Ma ka Waiwai o MAHELONA E. KU@ NU (k.) o Waialua i make. Olelo Ka@ koho i la e hooiaio ai i ka Palapala Kau@ a no ka hoolaha ana.
No ka mea, ma ka la 19 o Ianuari @ 1884, ua waihoia mai imua o ka Aha, k@ Palapala i oleloia oia no ke Kauoha H@p@ o Mahelona E. Kuemanu i make aku la; a n@ ka Palapala Hoopii e noi ana e h@ Palapala Kauoha a e hoopuka hoi ka Palapala Luna Hooko no Ioane Kaiaikawaha a @ M. Emerson ua waihoia mai e ua S. M. Emerson la.
Nolail@, ua Kauohaia o ka POALUA @ la 19 o FEBERUARI M. H. 1884 ma ka @ 10 kakahiaka ma ka Rumi Hoo@ Aha, ma Allioiani Hale Honolulu oia ka @ me ka hora e hooiaioia'i ia Palapala Kau@ a e hoolohe hoi no ia noi ana mai, a me ka @ a pau i pili, e kue ana ia Palapula K@ me ka hoopuka ana i ka Palapala Luna H@ A ua kauoha houia, e hoolahaia ia m@ pule ekolu iloko o ke KUOKOA he @ paiia a i hoolahaia ma Honolulu.
Kakauia ma Honolulu ko Hawaii P@ Ianuari 19 1884.
A. FRANCIS JUDD
Lunakanawai Nui o ka Aha @
Ikea: HENRY SMITH,
Hope Kakaaol@
1156-3t.
HOOLAHA HOOKO MORAKI @ KE KUAI:--Mamuli o k@ kuai i hoikeia maloko o kekahi palapala @ ki i hanaia mawaena o Kawaihoa a me @ nui o ka aoao mua a me A. J. Cartwright @ aoao elua, ma ka la 13 o Novemaba 188@ kakau kopeia ma ka buke 77 aoao @ muli o ka uhaiia ana o na kumu aeii@ moraki, nolaila, ke hoolahaia aku nei e ka @ nona ka aoao elua o na moraki nei, @ ana oia ia mana kuai, a ma ia h@ kudala akea ana ia i ka aina i hoikeia ma @ moraki ma ka
POAKAHI, FEBERUARI 11, 1884, ma ke Keena Kudala o E. P. Adamu, @ nolulu, ma ka hora 12 o ia la.
Aia ma kahi o W. R. Kakela na olei@ kaka no keia mea.
Hanaia i keia la 3 o Ianuari 1884.
A. J. CARTWRIGHT,
Mea Moraki M@
Penei ka aina e kudalala ana:
O kela apana aina kokoke i ke alanui K@ a kokoke hoi i ka Halemai Moiwahine 258-1000 eka, he maikai loa kela wahi no @ noho ana, a e loaa no ka uku hoolimalima ma kai loa, a aole hoi he mau keakea e pili an@
1154-5t
HOOLAHA HOOKO MORAKI M@ KE KUAI:--Mamuli o kekahi ma@ kuai i hoikeia maloko o kekahi palapala @ raki i hanaia mawaena o Kulauka Nakook@ ka aoao mua, a me A. J. Cartwright Ka@ Waiwai o R. W. Holt o ka aoao elua, ma@ la 14 o Maraki 1882 i kakau kope ia ma @ buke 78 aoao 316 a mamuli o ka uhaiia ao@ na kumu aelike o kela moraki, nolaila, ke @ lahaia aku nei e ka mea nona ka aoao ei@ na moraki nei, e hooko ana oia ia mana k@ a ma ia hooko ana, e kudala akea ana ia i@ aina i hoikeia ma ia moraki ma ka
POAKAHI, FEBERUARI 14, 1884
ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela @a hoakak@ ana no ia mea.
Hanaia i keia la 3 o Ianuari 1884.
A. J. CARTWRIGHT.
Mea Moraki Mai.
Penei na aina e kudalaia ana:
He 12-100 eka aina ma Kikihale Honolulu Oahu, he pa hale maikai loa, e loaa no ka uku hoolimalima maikai loa a he kulana kupono @ loaa ai ka uku panee maikai loa no ka mea @ aie dala, ua hoakakaia na palena ma ka Palapala Sila Nui Helu 5709 ma ka inoa o Kaa@ iki a me Kamiau no Keomailani.
1154-5t.
HOOLAHA HOOKO MORAKI MAKE KUAI:--Mamuli o kekahi mau @ kuai i hoikeia maloko o kekahi palapala moraki i hanaia mawaena o Apiki a me Kal@ o ka aoao mua, a me A. J. Cartwright kahu waiwai o R. W. Holt o ka aoao elua ma ka la 15 o Dekemaba 1882 i kakau kope ia ma ka buke 77 aoao 143 a mamuli o ka uha@ ana o na kumu aelike o kela moraki, nolaila, ke hoolahaia aku nei e ka mea nona ka a@ elua o ua moraki nei, e hooko ana oia ia ma@ kuai, a ma ia hooko ana, e kudala a@ ana ia i ka aina i hoikeia ma ia moraki ma ka POAKAHI la 11 o FEBERUARI 1884 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo @ kaka no keia mea.
Hanaia i keia la 3 o Ianuari 1884
A. J. CARTWRIGHT.
Mea Moraki Mai.
Penei na aina e kudalaia ana:
He 35-10 eka aina ma Kaalaea Koolaupok@ Oahu, he aina mahi raiki maikai loa, a me ka mahi kalo 1154-5t