Ka Nupepa Kuokoa, Volume XXIII, Number 4, 26 January 1884 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXII, HELU 4.          HONOLULU, POAONO , IANUARI 26, 1884.     NA HELU A PAU, 1156.

 

NA HOOLAHA UMAU.

@ @ KA HOI A PAPA A ME @ @ LAAU O KO HALE!

NOHEA @ @ @ NO HOI NO AHI O @ @ WAILA @ !

@ @ HOI @ @ KA IO O @ @ O MAKAWAO UA MEA O @ @.

 

NA PAPA!  NA PAPA!  A ME @ @PONO KUKUIALE.

 

O na Ano no.  @ @ MA KE KIHI O LANUI @ @ me Mahine, HONOLULU.

@ @ loaa ai e like me Inake no ke @ @ UKUAI MAKELOA.

 

PAPAPA!  PAPAPA!

@ @ HULUKU @ @ PAPA MANOANO @ @ PAPA I KAHI @ @ NA PAPA KEPA @ PAPA HOLE @ @, PAPA HOLE @ @.

 

@ @ Laau, Na @ , @ UA, @ @ A KAOLA, @ @ NA MOLU@ @, NA @ @.  PINE HULUHULU, @ @ PINE I KAHIIA.

 

@ @ A ME NA LAAU @.

PILI UI AULA, PILI KEOKEO, PANI PUKA, PUKA ANIANI, PANI PUKA AN@, PUKA OLEPELEPE.

 

@ @ PENA

@ @O NA ANO A PAU

@ @ mai ka liilii a ke @ Aila Pena Aila Hoomaloa Wanuti Pa@ @ .

 

@ @ KO O KELA A ME@ @ ANO.

@ @ PUKA HALE, @ @ NA AMI PUKA @ @ ANIANI.  @ @ HALE A ME NA LIHILIHI, E loaa no malaila.

@ @AKAHI HELU I, O @ AAKO ME PUULOA.

 

            @ @ Dala Kuike e loaa no na mea a pau i @ @ a no ke Kumukuai Emi Loa.  O na @ Hawaii a niihau, e loaa aku no @ @ poho@ @ pololeila.  E kipa nui Raila i ike @

 

NA HOOLAHA KUMAU.  PAPA!  PAPA!  NO ALLEN & ROBINSON

Ua wehe ae no maua PA KUAI PAPA, MA Ka Uwapo o Pakaka.

Na Papa Ulaula o na ano a pau, Na Papa Paina o na ano a pau, Na Pili Hale Ulaula, Na Pili Hale Keokeo, Na Pepa Molina, Na Pepa Hoonani Hale.  Na Pena a me na Aila Pena!

Na kui o na ano a pau.  Na Pani Puka a me, Na Pani Puka Aniani, Na Pani Puka a me, Na Olepelepe.

NA LAKO KUKULU HALE O NA ANO A PAU!

E Kuiia ma KE KUMUKUAI HAAHAA LOA O keia Makeke.

PAPA! PAPA! AIA MA KAHI O LEWERS & COOKE, (O LUI MA) ma ke kahua kahiko ma alanui Papu a me Moi.  E loaa ai na PAPA NOUAIKI.  o kela a me keia ano.

Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papu Ku, A me na Papa Moe nui loa Na Pili o na Hale o na Ano o Pau.

Na Pepa Hoonani, Na Pena o na Wai e pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Pena, o kela me keia ano Na Aila Hoomaloo, heluhelu wale, Na Aila e ae o na ano a pau.

NA WAI VANIKI A ME NA WAI HOOHINUHINU NANI! O NA ANO A PAU LOA. 

NA BALAKI ANO NUI WALE.  A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku  ma na mea a pau e pili ana ma ka laua oihana.

NO KA UKU HAAHAA LOA.

E like me ka mea e holo ana mawaena o LAUA a me ka MEA KUAI.

E Hele mai!  E na Makamaka!! 

A e lawa no hoi ko oukou makemake me ka oluolu a me ka maikai.

LOLE MAKEPONO 

@ Kuike e loaa no ia ma kahi o Kakela me Kuke.

E loa na AHINAHINA, KALAKOA, KEOKEO, LEPONALO, PENA, AILA, @AILA, HONUA, ANIANI, NA MEA PIULA.

Ko@ Aila Hoomaloo, Kui Kakia, Pa @, Tabu Kaula, Noho Lio, Hulu @lahi, na Palumi, ahe agena @no na mokupuni o Hawaii neino na Lainakini-nao @ Maoli, Ki-lika, Palule Kalakoa, @, Kelepa, Na Lole kupono i @ Wawae, Palule Huluhulu, @ Lole Huluhulu, Na ka hoohelo ana, Li Lole no pini, Lihilihi, etc. A ME NA @ Humuhumu MAKEPONO LOA.

@ AI KAHI:  @ PALAOA, KOPAA @, PIA, HOOHU @ AKAI, HUAALA, @ KULINA, KOPE, A HE @ Lapaau Kaulana Loa A DR. JAYNE, POMAEMAE KOKO @ HOOPAU NAIO, @ENIKILA, HUAALE, LAAU KUNU Laau Hano, a Pela 'ku.

HE MOOLELO KAAO NO Raiana, Hu.

Ke Kaikamahine helu akahi o ka ikaika, ke koa, ka mana, mailoko mai o kona mau pokii.

UNUHIIA MAILOKO MAI O NA BUKE ALAEIA, A HOOPUKAIA MAILOKO AE O KA PAANAAU.

MAHELE MUA HELU I.

MANAO HOAKAKA.

            [E na tausani makamaka e heluhelu ana i ka NUPEPA KUOKOA mai kela a me keia pea o ka Pae Aina, Aloha Oukou:

            Mamuli o ka noiia ana mai o maua e na Luna o ke Kuokoa no ka moolelo o RAIANA HU, a ua haawi maua i ko maua ae, ano, ke waiho pahola aku nei maua i keia moolelo kaao imua o ko oukou alo, i mea hoohialaai i ko oukou manao a hoonaluea i ko oukou noonoo, mai na makua a na keiki, o na kane me na wahine.  O keia ka lua o ka moolelo i waihoia aku imua o J.U. Kawainui mamuli o kona makemake moolelo i Okatoba 1871, a ua koho ia i ka moolelo o Robiana Lo, (keikikane) me kana eke talena, Puakinamu (w) -@ entire line- me kana puaaniani umii, Ekemila me ka pahi poomuku, a o keia ka moolelo o RAIANA HU, (kaikamahine) me kana pahi aniani hoahanau kupua, a me kona mau Pokii i hanau eepaia mai, mai ka puhaka o kekahi wahine alii nui koikoi o ke aupuni o Holani.  A e waihoia aku ana i keia manawa maikai na oukou e kaana no oukou iho, a e hoohialaai auanei oukou me ke ohohia nui.

            O keia moolelo, ua malamaia ma ka paanaau ma ke alo alii o Kauikeaouli, a me Leleiohoku, mailoko mai o na buke Arabia o ke au kahiko.   JNO, SAM. KEKUKAHIKO, BILA NAPUPU.

            I KE AU kahiko loa o ke aupuni o Holani, e noho Moi ana kekahi alii hanau o ia aupuni me kana Moiwahine, a mailoko mai o laua, ua hanau mai elua keiki, o Rose ka hiapo, he keikikane, o Molale ka muli, he kaikamahine.  He mea mau i na Moi ka malama mau i na la hanau o ka laua mau keiki alii, a ua lawe ke aupuni i la kulaia aupuni, a i ka nui like ana o ua mau alii opio nei, mai iho la ka Moi kane, hoiliia aku nei ka hooilina o ke kalaunu ia Rose, a kukalaia aku la a puni ke aupuni, make aku la ka Moi kane, a uhiia ke aupuni holookoa e ke kanikau nui mai kela a me keia kihi o Holani, a hiki aku nei ka lohe i na aupuni, hiki kino mai nei na 'lii o na aupuni e, ko Bertitania, Farani.  Geremania, Perusia, a me Debemaka, a i ka pau ana o ka hoolewa o ka Moi, elima la mahope iho, hiki mai nei i ka la hanau o ka Moi opio hou, a ua hoolala muaia na lealea o ka la hanau o ka Moi, a oiai he la malie ia, ua kalae ka lani, ua ahu wale na kuahiwi, aohe ho ailona o ka ino, kani na pukuniahi i ke kakahiaka, piha ko ke kulanakauhale i ka hauoli, awakea kani hou na pu, a ua malamaia ka la hanau me kekahi papaahaaina nui ma ka pa alii, a i ka auina la, ua malamaia he mau heihei waapa e na alii opio, ko Beritania, Farani, Geremania, Perusia, Denemaka, a me ka Moi hou nona ka la.

            He alii kane a he alu wahine ko luna o ka waapa heihei hookahi, oia ka rula, 4 hoe ko ka waapa hookahi, ko Beritania, Farani, Geremania, Perusia, Denemaka, a me Holani, a no ka wahine ole a ke alii ka Moi opio o Holani, nolaila, kau pu ai o Rose me kona kaikuahine ma ka waapa hookahi, a oiai e makaukau ana na keiki hoe o ka waapa, huro huro mai ana oloko o ka pa alii mahope iho o ka hoolai ana o ka papa ahaaina, no na kaikamahine kuaaina akamai i ka hula haa a maloko o ke ano o ke mele o ka hula, e akena ana i ka ikaika a me ke koa o na 'lii a me na makaainana o Farani, a oia ka mea e huro huroia ana, make kaeko na 'lii o Beritania. hilahila, ka hoohuakeeo iho la no ia, hoole aole e komo i na lealea heihei waapa @ holo aku la na waapa i koe, Farani, Geremania, Perusia, me ka waapa @ ka mea nona ka la hanau, a o ko Denemaka ka hope loa, oiai na waapa m@ kokoke aku ana i kahi e hoomaka @ ka uhi iho la no ia o ka noe i ka aina, ua ka ua, kahe ka wai, pa ka mak@ ku-i ka hekili, olapa ka uwila, poi ka nalu, ma ka aina, nei ka olai, pii ke kai mimiki, uhi ka pouli i ka aina.  O na waapa heihei o na 'lii, aohe lihi keia aku, eia i ka moana e puhiia nei e ka makani, a o ka noe a me ka ua awa ua noho alii iho la maluna o ka ili o ka moana, aohe ikeia aku o mua o na waapa i na 'lii o hope a ma ka leo e l@heia ai, a no ka ikaika o ka makani e puhi nei mai ka aina mai, nolaila, ke hele loa nei na waapa o na 'lii i ka lew@ haalele loa o ka moana, ua hoomauia keia noe me ka ua liilii a me ka makani no ekolu la, make aku la elua hoe waapa a kiolaia i ka moana, i ka po iho make hou elua, a i ke ao ana ae a po iho, make aku la ka Moi opio o Holani (Rose).    (Aole i pau.)

KA MOOLELO O Kihapiilani.

KA MEA NANA KIPAPA@ANAHELE

@

I MOLOKAI.

[KAKAUIA NO KE KUOKOA.] HELU 3.

            MAI Ukumehame a hiki i Puunoa e pii na kanaka i ke oki laau hale no ko akua, hookahi no la e oki ai ka laau a kukulu no ia la a hoao no, a pai no ke pili ia la, a paa no i kaupaku ia la hookahi no-a moku no ka piko o ka hale ia la, a ike au ke kahuna ua paa ka hale o ke akua i ka la hookahi no, alaila, hoolako oe i mau kuina kapa Paiula i hookahi kanaha, a me ona mau kuina kapa Olona, o ka puaa, o ka ai, o ka i-a, a me na mea a pau loa, alaila, huai ka imu iloko o ua hale la a'u e olelo nei ia oe e ke alii, a hoomoa i keia mau mea a pau a oia ka hookoia ana o koo makemake e ke alii, a o ka pau keia o na olelo ana a ke kahuna imua o Lonoapiilani, a o ka hoi no ia o ua kahuna nei i kahi ana e noho ana maluna o Mokuula, kahi o ka moo o Kihawahine.

            Mahope iho o ka ke kahuna olelo ana, ua hooko ke alii i kana mau olelo a pau, a hai aku la oia i na Konohiki, a me na makaaianana a pau, (he mea pono i ka mea heluhelu ke kaulua iki i ka nee ana aku imua o keia moolelo, a e huli hope ae kakou e nana i na olelo a ke kahuna i kauoha ai ia Kihapiilani a me kana mau olelo ao aku i ka mea nona keia moolelo i kahi e ku ai oia i ka moku o Maui, ka mea hoi e ku ai ka makaia imua o kona kaikuaana Lonoapiilani.)

            I ke kahuna i hiki aku ai ma kona wahi mau, kali iho la oia a napoo ka la alaila, hele aku la oia ma kekahi hale o kekahi kanaka e ku koke mai ana ma kona wahi e noho nei ma hai o ka Loko o Mokuhinia a iaia i hiki aku ai a halawai me ka mea hale, pane mai la ka mea hale:  He poeleele hoi kou o ka hikina ana mai, ae aku la ke kahuna me ka olelo aku, nou no ko'u manao i hiki mai la.  Heaha kou manao? wahi a ka mea hale, hai aku la ke kahuna, i hele mai nei au ia oe e hele oe i ke alii ia Kihapiilani, a e hai aku oe iaia i kuu olelo, i kauoha mai nei ke kahuna o olua nana e malama nei i ke akua o olua e hele koke aku ilaila i keia wa me ke kali ole, a i ninau mai ia oe i ka mea a'u kauoha aku ai iaia e hai aku oe i ke alii, aia no ia a hiki mai ianei, -a hai aku la ke kahuna i kana olelo i ua kanaka la.  Ia oe e hele ea, a i halawai oe me ke kanaka ma ke alanui, mai @ oe i keia mau olelo, aia a hiki mai ke alii imua nei o'u, a ae i ka'u mau olelo-a loaa iaia ka pono-a ku oia i ka moku o Maui nei, alaila na'u e olelo i ke alii Kihapiilani e hoomanao ia oe, ae mai la ke kanaka a o ka pau no ia o ka laua olelo ana, a hele aku la ke kanaka me ka hooko i na olelo a ke kahuna.  A hoi aku la no hoi ua kahuna.  A hoi aku la no hoi ua kahuna nei a hiki i kona wahi mau a hoomakaukau iho la oia i na mea pili i kana oihana no ka wa e hiki mai ai ke alii.

            (Kamailio no ke kanaka ma keia wahi.)  I ua kanaka nei i hiki aku ai ma kahi o Kihapiilani e noho ana, hai aku la oia i na olelo a pau imua o ke alii mai ka mua a ka hope, elike me ka olelo kauoha a ke kahuna iaia, a i ka lohe ana o ke alii i keia mau olelo, huli ae la oia a papa aku la i kana wahine a me kona mau kanaka, aole i makemake e loheia ka olelo kauoha a ke kahuna iaia, o lohe aku auanei kona kaikuana a lilo paha ia i mea e pilikia ai ke kahuna, molaila, ku ae la ua Kihapiilani nei iluna a hele aku la me ua kanaka nei a hiki i ka Loko o Mokuhinia, au aku la ke alii a hiki ana iluna o Mokuula, ike mai la ke kahuna ia Kihapiilani mahamaha mai la oia me ka uhua ana mai imua o ke alii i kana mohai me ka pule ana a hiki wale i ka Amama ana.  Ia wa no o Kihapiilani i lalau iho ai i na makana a paa ma kona lima a pane mai la ua kahuna nei, e lawe aku oe i kena mau mohai iluna o ka wai nei la, alaila, e manao iho oe, ua holo ke akua o olua mamuli ou, a o ko'u makemake no ia e ku oe i ka moku o Maui nei.

            Oiai, na'u no ka manao i kauoha aku nei ia oe e ke alii e hele mai, aka hoi, i pau ole aku na mau mohai i ke akua o olua, alaila, na'u a me oe e ke alii e imi aku i kahi ou e pono ai, a pau keia mau olelo a ke kahuna, hele aku la ke alii a au aku la i ka wai, ia manawa i hoomaka mai ai e aleale ka wai, a me he mau okuku nalu la e popoi ana i ka malama o Kaulua, ku ke ehu o ka wai, ku aku la o Kihapiilani iloko o ka wai me ka haawi aku i na mohai imua o Kinawahine, aohe i liuliu iho, ua pau aku la na mohai i ua moo nei, aole no hoi he mau manao puiwa iloko o ke alii Kihapiilani, a hiki wale i kona wa i hoi aku ai a noho pu meke kahuna, a ma ia hope iho hai mai la ke kahuna i kona manao imua o Kihapiilani.

            E ke alii e!  E Kihapiilani, i kauoha aku nei au ia oe e hele mai i o'u nei, e hai aku au ia oe i ka olelo kauoha a ko kaikuaana ia'u, he makemake o Lonoapiilani e ike i ke akua o olua, ka mea a'u e malama nei, a ua ninau au i ke kumu o kona manao pela, a ua hai mai oia ia'u, aole ona makemake e lilo e i ke akua o olua ka ai o ka i-a mamua a mahope oia e ai ai i ka i-a e loaa mai ana i ka poe lawaia, nolaila uluhua ko kaikuaana a koi mai ia'u e ike maka i ke akua o olua a me kona kino, a ua hai aku au ia Lonoa piilani he akua ino ke akua o olua ke ike maka i kona kino a me kona mau helehelena, a no ka paakiki loa o ko kaikuaana, nolaila, ua hai au i ko'u manao a pau iaia, a eia ka'u olelo kauoha ia oe e ke alii, apopo i ke awakea, a kupono ka la i ka lolo, alaila, e hoomakaukau oe ia oe iho, a i hiki aku ke kanaka i ou la i ka la apopo, e hoomanao oe e ke alii na'u ua kanaka la i hoouna aku, a oia no kau e hele mai ai, a mai hai oe i ke alii i keia mau olelo a'u e hai nei ia oe, oiai o kou pono keia a'u e hai mua aku nei ia oe, a i hiki mai auanei oe ianei ea, mai makau oe i ko kaikuaana i ka noho iloko nei o ka hale, alaila, noho mai no oe mawaho iho nei o kipaepae o ka puka nei o ka hale, a i olelo ae auanei ko kaikuaana nou, he hiki ia'u ke olelo iaia ma ko'u ano, he kuleana mana ko'u ko ke kahuna maluna o olua e na alii a me ke akua o olua a'u e malama nei, aole ana mea e olelo ai nou, a na'u wale no ka olelo mana maluna o olua e a'u alii ia wa.  A o ka'u olelo kauoha paa loa ia oe i ola honua e ki alii, oiai o kaua wale no keia, a hoolohe oe i kuu olelo o ka pono iho la no ia.  A eia ua olelo la a'u ia oe, a i like maka olua e na alii i ke akua o olua i ka la apopo, a makau olua a holo, hai au ia olua e na alii.  He mea e olua, o na alii ilihune ma keia mua aku, aka hoi, i holo ko kaikuaana a koe oe me kou hoomanawanui i ka makau i ke kino launa ole o ke akua o olua me ka pau o na kino ona i ka hoike imua ou, alaila, hai aku no au ia oe, e ku ana oe i ka moku o Maui nei, a o ke ku no ia o ko makaia i ko kaikuaana, a he oi aku ia o ke alii ilihune ma keia mua aku, nolaila hoomanao oe e ke alii i keia mau olelo @ na'u e kuhi@ @ i na wahi ou e ke alii e ku ai i kamoku, ae mai la o Kihapiilani, a hoopau no hoi ke kahuna i kana mau olelo ana, a o ko ke alii ku ae la no hoi ia a hoi aku la a hiki i kona hale, ninau mai la kana wahine, pane aku la o Kihapiilani i kana wahine, alia au e hai aku ia oe i keia wa, no ko'u mea i kiiia mai nei e ke kanaka he pono ia kaua ke kali a ka la apopo, nolaila, e nana oe a i nalowale au i ke awakea o ka la apopo, a liuliu loa a i hoi mai au, ua loaa ko kaua pono, oia iho la, a ina no hoi aole ua nele iho la no, a o ka pau no ia o ka Kihapiilani olelo ana i kana wahine.

            Ma keia wahi o keia moolelo, he pono i ka mea e heluhelu ana ke aui hou ae i hope no ka olelo a ke kahuna imua o Lonoapiilani no ka hoomakaukau ana no na mea a pau e pili ana no ke kukulu ana i ka hale.

            Mahope iho o ka pau ana o na olelo a ke kahuna imua o ke alii Lonoapiilani, ua hoi aku la ke alii a hiki i kona hale, au hoouna aku la oia i kekahi kauaka ponoi ona, e hele aku e hai i ka lohe i na konohiki a me na makaainana e pii na kanaka i ka oki laau hale, hookahi no la e pii ai i ke oki laau a kukulu no ia la, a pai no i ke pili a paa no, a kaupaku no ia la, a makaukau no na mea a pau ia la hookahi.

            I ka pau ana o ka ke alii olelo, ua hele aku la kona mau kanaka me ka hooko e hai aku i ka olelo a ke alii imua o kona mau Konohiki.  Elike me ka mea i hai mua ia ae nei, ua hele kekahi ma Ukumehame a hele hoi kekahi ma keia pea o Lahaina, a ia laua i hele ai a lohe na Konohiki a pau a me na makaaianana, ua hoi mai la laua a hiki imua o ke alii me ka hai aku i ka laua me a i hele ai, a ua lilo ia he mea maikai i ka manao o ke alii, aole he olelo ana i koe no keia mau kanaka, a e kamailio aku ma keia wahi no ka makaukau ana o ka hana a ua alii nei i manao ai.

            I ka lohe ana o na Konohiki a me na Makaaianana, hoomanao iho la lakou ia mea.  I ka napoo ana o ka la a nalowale ka ili o kanaka, ua hoouna ae la na Konohiki a pau i mau kanaka nana e kukala hele aku me ka leo nui e kahea ai, a he mea mau paha ia i ka noho ana malalo o na alii, ke hiki mai i na la Koele, a lohe na kanaka a pau mai o a o o ka aina hoomanao ae la lakou, he hana nui keia na ke alii, a ua akaka hoi ka hana a na kanaka a me kahi e kukulu ai o ka hale aia maluna o Mokuula maloko o ka Loko o Mokuhinia, a ua mahele ia ka hana a na kanaka a pau, he laau ka kekahi poe, he aho a me ke kaula ka kekahi poe, a o ke pili hoi ka kekahi poe.

            I ke kani ana o ka moa mua, ua ala like na kanaka a pau me ka liuliu ia lakou iho, a i ka pualu ana o ka leo o ka moa lohe hou ia aku la ka leo o na luna e kukala hele ana ma na hale me ka leo nui, e pii na kanaka i keia wa, malamalama aku i huahiwi, a i ka lohe ana o na kanaka a pau, a i ka lohe ana o na mea a pau, hele like aku la na kanaka elike me ka leo kau oha, i ka hiki ana mai o na kanaka mauka o ke kuahiwi, oia ka manawa kakahiaka nui, hoomaka koke iho la lakou e hooko i ka hana i oleloia, elike me ka makemake o ke 'lii.  Ua oleloia ma keia moolelo ua pa umi kanaka a ka laau hookahi, a oi aku kahi poe, a palua a pakolu kahi poe i kahi aho hookahi, a pela no i ke kaula a me ke pili, aole o kana mai o ka nui o kanaka o ia wa, ua kauliilii ka hana a ke alii.

            I ka hiki pono ana o ka la maluna o ke kuahiwi o Lihau, aia hoi ua ikeia aku la na kanaka e hele mai ana i ke kula, aole i liuliu iho ua akoakoa na kanaka a pau ma kahi i oleloia, kahi hoi a ke kahuna e noho nei, aole i kuu iho ka noe ua pane koke ae la ke kahuna:  Auhea oukou e na makaainana o ke alii, ua pau aku la ka ke alii olelo maluna o oukou, o ka'u wale no koe.     (Aole i pau.)

Hele nele anei au la?

            Ke hele aku nei anei oe e kuu hoa i ka lani me ka lima nele?  Me ka lima piha paha?

            He kahunapula paha oe.  ua piha anei kou lima me na hua maikai?  Nui anei ka poe i hoohuliia a hoolaia e oe?  uuku paha a nele loa.  E hele hookahi anei oe i ka Lani?  O oe wale no anei?  A e hooleiia anei oe i ka lei olohelohe. aohe pua  @ @ @ ?

            P@ @ nae oe @ @loaa kou lei he @ o ka @.

            Aka, e hooikaika oe i @ @ huli ma ou @ @ ola lakou.  @ @ "O ka @ @ @ lehu ma ka pono, e alohilohi lakou me ha mae hoku la oia ae aku, ia @ aku.

            He pauku boe@ keia i na kahuna pule, na haiolelo, na kahu ekalesia, an kumukula Sabati e ala e @ mau e imi mau, e hooikaika mau e @ a e hoola i na kanaka me @ kamalu.

            Ua akaka no o Iesu ka hoola o @ koko a me kona pono na mea e ole @ .

            Aka, i na kahunapule, i na luna @ Iesia, a i na kumukula Sabati ka @ ana i na kanaka,  i na keiki e hele @ Iesu ia, me ke kuhikuhi i ka hana e ola'i.  Ia lakou @ ao mau ana me ka pule mau ana e kokua mai ka Uhane Hemolele i ka lakou ao ana i lilo ia i mea mana e ola'i.

            E na hoahanau ekalesia, ke hele aku nei anei kekahi o oukou i ka lani me ka lima nele?  Nele i na makana hua ole, pua ole, hoku ole.

            Heaha ko oukou mau hua mukai?  Ua nui anei ka poe ilihune i kokuaia e oukou?  Nui ka poe iloko o ka hale paahao i ikeia, a aoia e oukou?  Nui anei na dala a oukou i haawi ai no ka hoolaha ana i ka ke Akua olelo mawae na o na aina naaupo?

            He mea makau ka noho ole, kokua ole, kokua hapa, oiai he hana nui, he kokua nui ka pono.  Hiki poha ke komo aku i ka lani, hiki ole paha.

            Heaha ka waiwai ke komo oe i ka lani.  Ka noho mehameha ea.  O oe hookahi wale no aohe hua hookahi au i hoohuli ai.

            Aka, e nana ia Mat. 25; 41-46.

            He makahiki hou keia.  E hoonalo aku i ka noho ana o ka makahiki i hala a e hooano houia ka noho ana o ka makahiki 1884.  I nui na hana me na hua maikai.

Na Ona Miliona.

            He mau Ona Miliona maikai kekahi, he poe e pomaikai ai kanaka, he poe kokua i ke kukulu ana i na hale kula, i na luakini. i na hale mai. i na hale no ka poe pilikia, ilihune, makua ole, ma kapo, kuli, pupule, &c., a kokua i ka hoolaha ana i ka ke.  Akua olelo i na aina naaupo.   

            Nui wale na hana pono a kekahi poe Ona Miliona.  E hooloihiia ko lakou ola kino a kau i ka pua aneane.

            He mau Ona Miliona okoa kekahi, he poe ino, e poino ai kanaka.

            O Rama kekahi Ona Miliona.  Ma kana mau hana ua loaa.

            Na miliona poe ona.  Na miliona poe ilihune. Na miliona poe hana Karaima.  Na miliona poe dala poho wale.  Na miliona poe kino i hana inoia a make.  Na miliona dala i moniia ma kona opu.  Na miliona inoa maikai i hoolapu waleia.  Na miliona kulana maikai i hoopuaia.  Na miliona oihana maikai i laweia aku e ia.  Na miliona home i hooneoneoia.  Na miliona naau i polokeia.  Na miliona hoohiki i hooko oieia.  Na miliona uhane make iloko o ke ahi pio ole.  Auwe!  Weliweli wale na miliona ano ino o Rama.

            Owai na kokua ona?  Nui lakou he mau miliona no.  Owai la?

1.  Ka poe hana rama.  2. Ka poe kuai rama.  3. Ka poe haawi i na laikini e kuai rama.  4. Ka poe inu pakiko inu mea hooikaika kino hoopumehana kino lapaau kino, hoolealea kino.  5 Ka poe hoole aole e kakau i@ko lakou inoa e haalele loa i na waiona a pau.  6. Ka poe hoole, aole e kokua i ke aupuni e kau i kanawai hookapu loa i na waiona, i ka laweia mai, i ka hana ana, i ke kuai ana.  7. Ka poe nona ka mana e hopu i ka poe kuai laikini ole i ka rama.  Aole nae lakou i hopu.  Makau i ka hopu ana.  Kokua paha i ke kuai ana.  Hui pu ma ka inu ana.  8. Na ona nona ka rama.  Hoouna lakou i ka rama io ianei ma na moku ma na kaa, ma na lio, ma na lima o kanaka.  9. Na ona o na moku e ae ana e lawe ko lakou mau moku i ka rama i kela wahi i keia wahi.  10. Ka poe inu i ka rama.  Ma i manao oukou aole pili ka hewa o ka ona ia oukou.  Pili ia i ka poe kuai. Pili no kekahi hewa ia lakou.  Aka, aole oukou e pakele ana.  E make ana oukou no ko oukou hewa iho.  No oukou ka hewa o ko oukou ilihune ana, no na pilikia kino, no ka make ana o ko oukou mau uhane.  11. Nui ke kokua o na ona miliona nei o Rama i ka poe palaka, manao ole, hana ole, pule ole, imi ole, hooika ika ole e hoopau i ka rama, i ka inu rama, i ke kuai rama.  Lakou no kekahi kokua ia Rama.

            E @la e noi aku.  E hiaoe @ @ a e @ @ @ .