Ka Nupepa Kuokoa, Volume XXII, Number 52, 29 Kekemapa 1883 — E MALAMA OE I KAU OLELO. [ARTICLE]

E MALAMA OE I KAU OLELO.

Aia o mea Miss Leele Ano e, aole o'u oluolu iki iaia. Paakiki oia ina kona mau manao like ole me ko'u. Aole ae, aole loli iki, aole huli iki mamuli o ka'u. Paupauaho au, aole hiki ke hoomanawaaui hou aku iaia. Ina hele hou mai oia i ko'u hale e ike mai ia'u, aole au e hele e ike iaia. Pane kekahi mea e lohe ana. Miss Lede Hoohalahala, aole e hele hou mai ana o Miss Leele Ano e i kou hnle, aole hoi oe e ike hou ana iaia. ' No ke aha hoi ? No ka "mua, ua make oia ano mai la no. Ke kaumaha no iaoMiss Ledc 1100 halahala me ka hilahila loa. Akahi no a ike i ka hewa o ka holoholo olelo ana. E malama kela me keia i kona alelo. Mai hoopuka i na olelo hoahewa i kou hoalauna. O olelo hoahewa oe ika mea i make, oiai ua manao oe e ola ana oia. Ka aahu wale N"0. He makuahine me kana keiki ka i haule iloko o ke kai mai ka moku aku. E lawe ana na nalu ia laua iuka. He pililakeke ko ke keiki. Hoopaa ka makuahine i ka pililakeke me ka manao aia ke keiki maloko. Ika puka ana nae iuka, aia hoi o ka pililakeke wale no ma ka lima o ka makuahine, aole ke keiki. Ane paupauaho a make ka makuahine i ka hoopaa a huki ana i ka pililakeke iuka. Kei kona hoka. Auhea oukou e ka poe e hoopili ana e hoopaa ana i na lealea, i na waiwai o keia ao. E hoomanao i keia makuahine. Ikaika oia i ka hoopaa ana ika lole o ke keiki, me ka io ole nae maloko. Auhea ka io iloko ona lealea, a o na waiwai o keia ao ? Aohe io. E hoka ana oukou e like me ia makuahi ne ke hiki aku i kela ao, a nana aku a ike, he aahu wale no, aohe io maloko. Hoopaa, Mat..6; 19, 20. h, MALAMA I NA KEIKI. O na keiki, he io lakou no na makua. Aloha oukou ena makua iko oukou io iho. A makemake e ola. A ke imi nei i ola no oukou iho. E imi pu ike ola no na keiki. Ina make na keiki, make kekahi hapa o ko oukou io iho. E malama pono ina keiki. Eae pono ia lakou. E pule pu me lakou ma kahi mehameha. a E heluhelu pu ika ke Akua olelo. E hoolako ia lakou i ka baibala, i ke Kauoha Hou, ina buke himeni. Ma ka pule phana, e nana na makua l pau pu lakou malaila. E alakai ina keiki i na halawai, a i ke kula Sabati. Ē pule mau i hoohuliia mai na keiki ma ka pono, me ka manaoio e hiki ne ia lakou ke huli, a lilo i mau haumann na lesu. A ina he poe haumana kekahi ne lesu, e hana oluolu ia lakou, e kokua i ko lakou hele ana mamuli o lesu. E hoomanao, he poe keiki lakou, aole pau na hewa kamalii. Mai huhu aho ahewa i na hana ano kamalii a lakou, E kala ina hana kamalii. Aao aku is lakou ma na mea e kupaa ai ko lakoi j uhane opiopio. Hawaii.