Ka Nupepa Kuokoa, Volume XXII, Number 52, 29 December 1883 — Page 4

Ka Notepad Kuokoa

KE KILOHANA POOKELA NO KA LAHUI HAWAII.

 

KA NUPEPA

KUOKOA ME KE AU OKOA.

[I Huiia,]

No ka Makahiki   $2 00

Eono Mahina       1 00

Dala Kuike ka Rula.

 

POAONO, DEKEMABA, 29, 1883.

 

Paiia e Thos. G. Thrum, ma ka halepai o ka nupepa Saturday “Press.”

 

E MELE I KONA ALOHA E.

(Oh @ng of his mighty love.) G. H. No. 46.

1

Ke mele e mele ai no Iesu e,

No kona aloha e i ke ao nei.

Ka punawai ia i wehea no’u,

A ma kona mana e maemae ai au.

Cho.    E mele ia aloha nei,

Mele ia aloha nei,

Mele ia aloha nei,

Mele a ma@.

2

Ke mele e mele ai, no u no Iesu,

Ua pau kuu ahewai’e, pau kuu makau.

Ua ola no au, a ke memele ae

Ia Iesu ka mea i hoola mai.

Cho.    E mele ia aloha nei, &c.

3

Ke mele e mele ai, mana Iesu,

Ua pau no na eha o’u, na hawa pu.

A ma kona poli e maha ai au,

Ua pau kuu kaumaha me kuu kanikau,

Cho.    E mele ia aloha nei, &c.

4

E Iesu i make no’u, kuu mele nei,

O oe kuu ola e, me kuu alii.

E oli no au i ka wa @ make ai,

A oho, o oe ka mana @ ola’i.

Cho.    E mele ia aloha nei, &c.

HAWAII.

 

Haawina Kula Sabati.

Helu 2, Sabati Jan. 13.

 

Kumuhana, ka lohe me ka hana.

Pauku Baibala, Iak. I ; 16 – 27.

 

MAI kuhihewa, e o’u poe hoahanau.

 17 ( ) na haawina maikai a pau a me na makana hemolele a pau, no luna mai ia i iho mai ai no ka makua o ka malamalama, aole ona ano hou, aole loa ia e luli iki.

 18 No kona makemake iho i hoohanau mai ai oia ia kakou ma ka olelo oiaio, i lilo ai kakou i mau hua mua o ka poe ana i hana’i.

 19 No ia mea, e o’u poe hoahanau aloha, e hikiwawe oukou ma ka lohe, e akahele hoi ma ka olelo ana aku, a e hoolohi hoi ma ka inaina aku.

 20 No ka mea, o ka inaina o ke kanaka, aole ia e hana i ka pono o ke Akua.

 21 No ia mea la, e pale aku oukou i haumia a pau, a me ka hu wale ana o ka ino, a e apo mai oukou me ke akahai i ka @l@lo i pakuiia, oia ka mea e hiki ai ke hoola i ko oukou uhane.

 22 E lilo hoi oukou i poe malama i ka olelo, aole i poe lohe wale no, e hoopunipuni ana ia oukou iho.

 23 No ka mea, ina i lohe wale kekahi i ka olelo, aole oia i malama aku, ua like no ia me ke kanaka e nana ana i kona helehelena ma ke aniani.

 24 Nana no oia iaia iho, a i ka hoi ana aku, poina koke iho no ia i kona ano.

 25 O ka mea e nana ana i ke kanawai hemolele o ke ola, a e kupaa malaila, aole e hoopoina i kana mea i lohe ai, aka, ua malama no oia i ka oihana : oia ka mea e pomaikai ana i kana hana ana.

 26 Ina i manaoio kekahi he haipule ia, aole hoi oia e kaulawaha i kona alelo, aka, e hoopunipuni i kona naau iho, ua lapuwale kona haipule ana.

 27 O ka haipule io a me ka haumia ole imua i ke alo o ke Akua o ka Makua, eia no ia : e ike i ka poe makua ole, a me ka poe wahine kanemake i ko lakou wa pilikia ai, a e malama hoi iaia iho i haumia ole i ko ke ao nei.

Pauku Gula, p. 22, hoopaanaau.

Manao nui, ke ano o ka haipule io, p. 27.

 Na Heluhelu la. 1, Iak. 1; 1 - 15, 2, Iak. 1; 16 - 27, 3, Isa. 40; 1 - 31, 4, Io. 1; 1 - 18, 5, Hal. 19; 1 - 14, 6, Mat. 7; 21 - 29, 7, Mat. 25; 31 - 46.

 Ka manawa, A. D. mawaena o 50 me 60.

 Kahi i hanaia ai, Ierusalema.

 Na ’lii, Kelaudio me Nero na Emepera o Roma, Kumana; ke Kiaaina o Iudea.

 Ka mea nana i kakau keia buke, Iakobo II. ke keiki a Alepaio. He haumana na Iesu, a he luna olelo. He hoahanau hoi no Iesu ma ke kino, he kauwa hoi na ke Akua, a na ka Haku o Iesu Karisto.

 Ke kahu mua hoi oia o ka ekalesia karisetiano makua o Ierusalema.

 Ka poe nona mua ka palapala. Na ohana he 12 i hoopuehuia, ka hapa i lilo i pooe karisetiano.

 Ke kumu o kona palapala ia lakou, ua komo paha kekahi poe kumu alakai hewa e ao ana, hiki ke ola ma ka manaoio, a ma ka lohe me ka hana ole. E ao lakou o alakai hewaia.

 He poe lakou ua hoopuehuia. Ua hoomaauia, ua hana inoia, ua hoopilikiaia. He palapala hooluolu keia ia lakou, e paipai ana, i nui ke aho, e kupaa, e hoolana i ka manao.

 Ka hope o Iakobo, ma ka moolelo a Ioseputa, ua pepehiia oia e na Iudaio ma Ierusalema no kana hana maikai loa ana.

 Mele, “Eu kuu uhane,” Hoku Ao Nani. p. 151.

 Pule i eu na uhane a imi i ka waiwai mau.

KA WEHEWEHE ME KA NINAU ANA.

 Mahea ka haawina i keia pule? No ke aha ka lele ana mai ka oihana a Iakobo? No ka hui ana paha o Iakobo ma kela ahaolelo ma Ierutalema me Petero ma. Nana Oih. 15; 13 - 21. Ma ia aha akaka lea kona manao. A ma kei buke ana i kakau ai, akaka hoi kona manao, kana mau olelo ao, &c.

NA MAHELE.

 I ke kumu o ka maikai ana, p. 16 - 18.

 Heluhelu like ia mau pauku. Heluhelu akahele. Heaha ka i papaia? Mai kuhihewa. E kuhi ana paha kekahi no ke Akua mai ka hoowalewale. No ke Aakua mai ka hewa. Aole, he kuhihewa ia.

 Nui na kuhihewa. Heluhelu Gal. 6 ; 7, 8. E hoopaaia. Heaha no ke Akua mai? Ka makua oia o ke aha? Ehia malamalama a oukou i ike ai, no ke kino, no ka uhane? He makua aha oia? Nana Nahelu 23 ; 19, hoopaa. I Sam. 15 ; 29. Malaki 3 ; 6.

 Heaha kana ia kakou? No ke aha? ma ke aha? I lilo lakou i aha? Lakou ka poe mua i huli i poe karisetiano. Nana Io. 1 ; 13, 3 ; 3. Nana. 15 ; 19 - 21. Puk. 23 ; 19. Pili hoi keia i na haipule ma keia wa.

 II kekahi mau hana i kauohaia, p. 19 - 29.

 Heluhelu like i keia mau pauku me ka noonoo pono. Heaha na kauoha ekolu ma ka p. 19? Nana hoi ma Kek. 5 ; 1. Sol. 10 ; 19, 17 ; 27. Kek. 5 ; 2. Sol. 14 ; 17, 16 ; 32. Kek. 7 ; 9.

 No ke aha e inaina ole ai? Ka makemake anei ia o ke Akua? Ma ka inaina anei e loaa ai ka pono mai ke Akua mai? Heaha na kauoha elua ma ka p. 21? Heaha ka mea i hiki ke hoola i ko lakou poe uhane? Pili keia i na haipule i keia wa. E apo, e pakui i ka olelo iloko o ko oukou naau i hoolaia. Elike me ka pakui ana i ka laau hua maikai iloko o kekah laau i hoohua mai ia i ka hua maikai.

 III Ka poe lohe me ka poe hana, p. 22 - 25.

 Heluhelu akahele i keia mau pauku me ka noonoo pono. Heaha ka mea i kauoha a i papaia ma ka p. 22? No ke aha? Ina paulele ma ka lohe wale no, me ka manao e  @la ilaila, he kuhihewa ia, e hoopunipuni ana lakou ia lakou iho. Aole loa e ola pela. Nana Mat. 7 ; 21. Luk. 6 ; 46, 11 ; 28. Rom. 2 ; 13. 1 Io. 3 ; 7.

 Mai hana pela, mai nana i kou ano hewa ma ke aniani o ka ke Akua olelo, a hoopoina koke. Owai ka mea e pomaikai ana ma kana hana? Ka baibala oia ke aniani. E nana iloko. Malama, kupaa, mai hoopoino. Nana 2 Kor. 3 ; 18.

 IV Na hana a ka haipule io, p. 26, 27.

 Heluhelu lea i keia mau pauku ke kula a pau: Ka haipule owai ka i lapuwale e hoopunipuni ana ia oe ka ona nana Hal. 34 : 13, 39 ; 1. 1 Pet. 3 ; 10. Mai paulele oe ma ia ano haipule Hai mai i ka haipule io. Nana Isa. 1 ; 16, 17, 58 ; 6, 7. Mat. 25 ; 36. Rom. 12 ; 2. 1 Io. 5 ; 18. E imi ia haipule ke makemake i ke oia.

NA KEIKI ME NA POKII.

 Ma ka haawina ma kela pule, aole o Petero wale no ka haiolelo. O Iakobo kekahi. Hoike oia i kona manao maikai, a ua mahaloia.

 O ua Iakobo la; oia ka mea i kakau i keia buke, me he leta la i kekahi poe hoananau ona i loohia i kekahi mau pilikia, e hooluolu ana, e paipai ana, e hoonaauao ana. Ua make kahiko loa oia. Aka, ke ao mai nei oia ia kakou ma keia leta. A ke lohe nei oukou i kana mau olelo.

 Hai mai ika Pauku Gula. “E lilo oukou i poe malama i ka olelo, aole i poe lohe wale no.”

NA ANUU LA.

Poakahi, e huli i akaka ia wai keia leta? Iak. 1 ; 1.

 Poalua, hoopaanaau i ka pauku gula.

 Poakolu, huli i ke ano o 2 Ioane 3 ; 18.

 Poaha, huli owai kela poe ma Luka 8 ; 21.

 Poalima, hoao e kokua i kekahi mea ilihune, pololi, &c.

 Poaono, Nana a hoopaa i na mea nui o ka haawina.

NA NINAU.

 1 Nawai i kakau i keia buke? Iakobo.

 2 Ehia Iakobo? Elua Iakobo lunaolelo. Mat. 10 ; 3. Ua pepehiia Iakobo ke kaikuaana o Ioane e Herode. Oih. 12 ; 2.

 3 Owai ka Iakobo i koe? Iakobo, ke keiki a Alepaio. A oia ka i kakau i keia buke. He kauwa hoi oia na ka Haku o Iesu.

 4 @’apa oia, mai kuhihewa oe. Heaha kekahi kuhihewa? Ina kuhi au e ola au ma ka hoopuka mau i ka pule a ka Haku, he kuhihewa ia. Ina kuhi au e ola au ma ka hele mau i ke Kula Sabati, ma ka lohe mau i ka ke Akua olelo, me ka malama ole nae, he kuhihewa ia. Pela. Mai paulele oe malaila.

 5 Heaha ka pauku gula? E lilo i poe malama i ka olelo; aole i poe lohe wale no.

 6 Nohea, a nowai mai na makana maikai? No ka la@i, a no ka makua o ka lani mai.

 7 Heaha kekahi mau makana maikai?

 8 Heaha kekahi mau malamalama?

 9 Heaha ka makana nui na ke Akua mai?

 10 Owai ka malamalama nui o ke ao? Iesu. Io. 8 ; 12.

 11 Heaha ke ano o ke kaulawaha i ke alelo? E malama i ole e hoopuka i na olelo ino.

 12 Heaha ka olelo e ola’i? Ka ole lo a Iesu.

 13 Ua loaa anei ia oe ka haipule io, i haiia mai ma Iak. 1 ; 27? Ae, aole, e imi paha.

 14 Hai mai i ka rula maikai. E hikiwawe ma ka lohe. E akahele ma ka olelo, e hoololohi ma ka inaina.

 Mele, “Nana ia Iesu,” Hoku Ao Nani p. 54.

 Pule no na keiki i ole lakou e ae i ka hewa , l na mea hoowalewaleia, &c.

 

HEAHA LA KA HOOULU LAHUI?

 He ninau ano nui keia i ninauia i na makahiki i kaa hope ae nei, a ua hoike nui kekahi poe i ko lakou manao no ia mea. Penei ka wehewehe a kekahi : E lawe nui mai i na kanaka mai na aina e mai, o kekahi poe hoi, aia elua a ekolu wahine a ke kane hookahi, a o kekahi hoi, e noho huikau aku a huikau mai e like me na holoholona, a pela wale aku, oia ka ka mea e ulu ai ka lahui, o keia ninau, ua pili i ka lahui Hawaii ponoi no.

 A o ka’u haina no keai ninau, aole i kulike me na haina a kekahi poe a’u i hoakaka ae nei maluna. Eia ka’u haina. E kukuluia i mau kula kaikamahine mai Hawaii a Kauai, penei :

 Elua kula kaikamahine ma Hawaii, hookahi ma Maui e like me Maunaolu i Makawao, hookahi ma Oahu e like me Waialua, hookahi ma Kauai, a na ka ahaolelo e haawi i haawina hoomau mailoko ae o ka waihona lahui i mea e malama pono ia ai na kula kaikamahine, a i mea hoi e ola pu ai na kumu, a e hoonoho ia hoi i mau kumu wahine maikai a aloha nui i na haumana, aole i mau kumu makemake wale no i ke dala, a e ao nui ia na kaikamahine i ka olelo haole, i ka hooponopono hale, a me ke ano o ka noho ohana ana, a me na mea like a pau i ku i ke ano naauao o keia au holomua

 Eia kekahi, e kukuluia i mau kula keikikane mai Hawaii a kauai, elua kula ma Hawaii, hookahi ma Maui e like me Lahainaluna ma Lahaina, hookahi ma Oahu, a hookahi ma Kauai, nolaila, i ka noho ana o keia mau haumana a hiki i ka puka ana o na kaikamahine mai ke kula aku a e puka ana no hoi paha kekahi mau keikikane mai na kula aku, ua oi ka pono o ka mare mua ana o keia poe keiki iloko o na kula, mamua o ka hoi ana aku me na makua aole pono ke hoi e na kaikamahine me na makua mamua o ka mare ana, a pela no na keikikane, ina pela, alaila, ua malama pono ia ko lakou maluhia, a he alanui ia o ka hooulu lahui; malia paha e puka ana he 15 kaikamahine mai kekahi kula aku, a malia paha pela me na keikikane, a i ko lakou mare ana e loaa auanei ia lakou he mau haawina maikai; aole au i poina iki i ka moolelo o ke kula kaikamahine i kukuluia ma Wai@@ku mamua, aole i poho ka manao o na kumu nana i malama i kela kula, noloko o ia kula kekahi hapa o keia lahui e noho nei i keia wa, ina hiki ia’u ke hai aku i kekahi mau haumana o ia kula e noho nei i keia wa, a me kekahi poe i make aku, alaila e maopopo no ka pomaikai a me ka ulu nui ana o keia lahui, eia no o Mrs. Kapehe ke ola nei nana mai na kaikamahine elua me hookahi keikikane; hookahi kaikamahine i mare, nana mai na keiki eha e ola nei, ina hui pu ia lakou a pau, he eiwa lakou. Eia no o Kahale wahine i mare ia Malaihi kane na laua mai elua keiki, ua make nae kekahi a koe hookahi he kaikamahine a mare i ke kane haole na laua mai he elua keiki maikai e ola nei. O Wahineiki kekahi i mare ia W. P. Kahale, na laua mai hookahi kaikamahine maikai i mareia, ua make o Wahineiki a me ia kaikamahine hookahi a laua, aka, ua loaa na kaikamahine he eha keiki, hookahi i make a ekolu e ola nei; o Nettie Coper kekahi wahine, eia no oia ke ola nei, ua mareia me H. W. Daniela, ua make nae oia na laua na keiki lehulehu, a ua mare kekahi mau kaikamahine i na kane, @ me ke keikikane i ka wahine a ua hanau na keiki a lakou, ke manao nei au, aole au i kuhihewa ua oi aku mamua o iwakalua ka nui o keia ohana.

 O Mrs. Makaulia kekahi ua mare me Kalama o Kula Maui, na laua mai na keiki e ola nei, elua kaikamahine ua mare i na kane a hookahi keikikane i mare i ka wahine, ke manao nei au, ke hui ia na moopuna, a Makaulia, ua umi a oi ae, o keia paha kekahi mau kuhikuhi e maopopo ai, oia hoi kekahi mea kokua mai i ka haina a’u i hoaiai ae la, no ka mea, o keia mau wahine kekahi o na haumana oiaio o ke kula kaikamahine i kukuluia ma Wailuku malalo o ka malama ana E. Bailey.

 Eia keia, ma ka makahiki 1861 ua kukulu o C. B. Anaru i kula hanai ma Makawao, he kula kaikamahine, aole nui na haumana ma ia kula ia manawa, uuku loa no, penei na inoa o ia mau kaikamahine, Miss Manohelii, ua mare ia Rev. J. Kauhane, ua loaa na keiki lehulehu na ko Kau poe e hai mai ehia la hoi keiki? O Miss Hanaikolo ua mare me J. Haole, na laua na keiki elima, he eha i make hookahi e ola nei. O Miss Sera ua mare ia J W. Naukana, na laua mai na keikikane a me na kaikamahine, nau no e Naukana e hai ae i ka nui; o Miss Risepa ua mare ia Keanu na laua mal na keikikane ekolu paha a me na kaikamahine eono, ekolu moopuna ponoi, huma he umikumama lua e ola nei a ua make kekahi mau keiki eha. O Miss Kealalaina ua mare ia W. H. Kauwahi, hookahi keiki, oia iho la ka nui o na haumana o ia kula, a oia no hoi na hua i loaa iloko o keia kula, he mau hua hanohano a maikai, a pehea ia, o keia na mea a’u i ike ole ai e noho kauliilii ana mai Hawaii a Kauai, nolaila, ina imi kakou i alanui okoa no ka hooulu lahui, aole e loaa, o keia wale iho la no ke alanui maikai a maemae loa, eia ke kumu pilikia o keia mau hana, aole i kokua nui ke aupuni i keia mau kula, aole no hoi i noonoo nui na kau ahaolelo 1 hala no keia ku muhana ano nui, aole i haawiia kekahi dala i mea e kokua ai ia mau kula, nui loa ko kakou dala loaa mai mailoko ae o na auhau, ke ole au e kuhihewa oia ke kumu i make ai kela kula o Waialua minamina nui au i kela kula maikai, no ka mea, mailoko mai o ia mau kula ua laweia i mau makuahine no na aina pegana aia ke hua la ka lakou mau hana i keia wa, he mea kupanaha ke manao nei au he mea pono e noonoo nui ia keia e na mea a pau, ke mahalo nei au i ka lawelawe kino ana o ko kakou Moi wahine i keia hana nui, ka imi ana i ke kumu e ulu ai ka lahui, aka, he wahi hemahema iki no iloko o ia kukulu ana ma ko’u noonoo ana aole i kupono kela kukulu ana i na ahahui hooulu lahui ma ia ano, penei ke kukulu aua o ia ahahui a’u i ike ai : Kahea ia ko Wailuku e hui ma ka halepule, kohoia i Peresidena a i kakauolelo me ona puuku, a lulu dala no hoi, a oia mau dala i lu lu ia i mea kokua i ka poe @lemakule a me ka poe mai a ilihune, nolaila, ina pela ke kukulu ana, alaila, e pono ke oleloia he ahahui kokua a aloha hoi i ka poe ilihune, oia ka huaolelo i kohu loa ilaila. Aka o keia aole pela, o ke ano o ka hooulu oia keia, e mahi, e kipulu, e kanu, a e ulu mai, e laha na hua, alaila olioli ka mahiai i ka nui o na hua o ke kihapai, a pehea ka pili i keia mea? E hana i kanawai, e kukulu i mau kula, a e hookomo na makua i na keiki ma keia mau kula a puka mai mare aku na keikikane me na kaikamahine a mahope hua mai lakou i na hua ohaha, a pehea ia, eia, olioli ko kakou Moi i ka laha ana o kona lahui kanaka, nolaila, malaila ka like ole o ko’u manao me ko ka Moiwahine, aka, e kala mai ia’o ina ua kuhihewa au malaila.

 E pane mai ana paha kekahi mau makua ia’u me ka olelo ana, ka aia he kane waiwai alaila mare ka’u kaikamahine ,ina pela ulu ole no ka lahui, ka i noa mahope e imi ai ka waiwai, o ka mare ana o kekahi mau mea i ka wa ilihune oia ka mare i aloha nuiia, no ka mea, ua hoomanawanui laua i ka wa ilihune a mahope loaa aku ka waiwai, e paa ana ko laua aloha kekahi i kekahi, aka, ina mare ke kaikamahine i ke kane waiwai, ina e nele ka waiwai ka haalele koke ia no ia o ke kane, hele ka wahine a noho me kekahi kanaka waiwai ma ke ano launa hewa, o ka hoka no ia, alaila, nowai la ka hewa? no kela makua no, ina pela, e uoki oe e kela makua, eia kekahi, malia paha e olelo ana kekahi mau makua, ina paha e hanaia i kanawai pela, alaila, ua like ia me ka lawe i ka mana o ka makua mai ke keiki a kulike ole ia me ko ka makua manao, nolaila, aole hopohopo ke hana pela, ae, he oiaio no ia, aka, ine e haalele kakou i na mea e ae a hookahi manao o ka ulu o ka lahui, alaila, ua oi aku ka pono o keia mau hoakaka manao ana, nolaila, ina hookaawale pono ia kekahi mau puu dala, no keia ano hana, e like me ka manao nui ana o na kula aupuni i keia wa, alaila, aole i poho ke kokua dala ilaila, mamua o ka hoolilo nui ana i ko kakou mau dala i na kanaka o na aina e, e like me na Pukiki, na Cilibati na Pake, Geremania a pela aku, no ka poe mahio ka pomaikai, aole no ka lahui, nolaila, ma kuu makaikai ana iloko o ka bila Haawina, ua loaa ia’u he $87,801.50. me he la, ua hoolilo ia ma ka waiwai nui ole, a me ka pomaikai ole o ka lahui, ke manao nei au ina o keia mau dala nui a i hoolilo ia ma ka hana ana, imi ana i mea e ulu ai keia lahui, alaila, ua waiwai la ia mau dala a ka lahui ilaila. Nolaila, e na lunamakaainana o keia kau ae e puka ana, eia ka hana, ka hana hoi a kou lahui ponoi, hana ia me ke ano kanaka makua, aole me ke ano kamalii elike me kekahi mau kau i hala aku la, ua hala ka wa i ano kamalii ai, e lokahi ka manao, a e pupukahi ka hana, aole hana nui i ke alu ia, aka, hoololi kanawai no oukou a i na bila kanawai poomuku hoi kekahi, a uhiuhi lau mamane hoi kahi mau kanawai, a haha poeleele hui kahi mau kanawai, a heaha ka waiwai i loaa malaila, eia ka mea i loaa, he hoopilikia wale no i ka lehulehu, aole i hoouna ia na lunakanawai i mea hoopilikia i ka lahui, aka, i mea e imi ai i ka pono kaulike, a e hoopau paha i kahi pilikia o ka lahui, malia paha e pane mai auanei kekahi ia’u, i ka wa kahiko nui loa na kanaka, ua noho lakou me ke ano huikau, i ko’u manao aole lakou i noho huikau e like me keia wa, penei na kula o Hawaii i ka wa kahiko. Ua malama pono ia no na kaikamahine e na makua, a me ko lakou maluhia a hiki i ka wa pono alaila hoao, aole mare ia wa, he hoao wale no, pela ka lakou hana, ua malama ia no na keiki kane, he punahele ia no ka mea o ka hana nui a na makua ia wa he hoopunahele i na keiki kane a me na kaikamahine, eia kekahi, aole he mau pa hookamakama i ko lakou au, a mahope iho o ka makahiki 1779 hana ia kekahi hana ino loa, e hooponalo ai ia oe e Hawaii, nolaila, e like me ko na makua hoopunahele ana i na keiki kane a me na kaikamahine i ka poli o na makua i kela wa kahiko loa, oia hoi ko lakou wa naaupo, pela no e hiki ai ia kakou ke hoopunahele i na keiki kane a me na kaikamahine a kakou iloko o na kula hoonaauao, alaila, puka mai lakou me ka maemae a ola hou oe e Hawaii, nolaila, ua oi ka pono o ka mare o na kaikamahine Hawaii me na keiki kane Hawaii ponoi. Ke waiho nei au i keia hana na ke kau Ahaolelo e hiki mai ana, a ina aole lakou e hana ana ea, alaila, ua makemake no i na pakeke o lakou, aloha wale.

JOSIAH HAOLE.

 

NA HOOLAHA KUMAU.

 

NU HOU! NU HOU!

----------

Na Waiwai Hou Loa!

NA PAIKINI O KEIA AU.

----------

E Loaa no ma ka ha Halekuai o

DILLINGHAMA MA,

Ma Alanui Papu.

----------

Oia na waiwai malalo iho nei:

Na Palau, Kaa Huilapalala, Kopala,

Piki, Oo, Koi, Koilipi, Na Hama-

re Kamana o na ano o pau,

Na mea Hana a na Ka-

mana, Poe Hamo

Puna, na Am-

ara a me

na mea

hana o ka

Poe Akeakamai

a pau. Pena Aila,

Vaniki a me na palaki,

Pauda, Poka a me na Kukae-

pele, Palaki Hamo Puna, Pulumi,

Pakeke, Kapu Holoi Lole a me na Papa

Holoi Lole, na @puti,

na Pa Palai, na Ma

kau Lawaia, Na

Aho Lawaia o na

ano a pau, na Kaula

a na ano a pau, na

Pahi, O, a me na

Puna, a he nui aku

no na mea i koe.

I KUPONO NO KA HOOHIWAHIWA ANA I

NA HALE

----------

I hiki ole ia makou ke kuai pau aku aka, na oukou no e hele mai a e hoonuu iho. O keia maluna ae, e loaa no ma ka halekuai o

Dilinahama Ma,

1036-3m Ma ka helu 37, Alanui Papu.

----------

HE NUI ANEI KOU MAKEMAKE I NA

MIKINI HUMUHUMU LOLE !

Ina pela, e kipa mai no ma ka Halekuai o

Kakela & Kuke !

A malaila oukou e ike ai a makaikai i na ano

Mekini a WHEELER a me WILSON

mai ke $40 a hiki i ke $50 ke kumukuai

Ka mea hookahi.

NA MIKINI A SINGER !

ma ke $50 pakahi me ke ano

MIKINI A WIILCOX ME GIBBS

ma ke $30 a hiki i ke $50 ke kumukuai.

I mea e pau ai ko oukou kanalua e na makamaka no ke

kupono o keia mau Mekini, e nau@ mai no

me ke kuih@ ole, a e ike no oukou iho.

628 tf

 

NA HOOLAHA KUMAU.

 

CHAS. J. FISHEL.

----------

CHAS. J. FISHEL.

----------

CHAS. J. FISHEL.

----------

EIA AU IMUA O KE KAHUA

----------

Ke hea mai nei ke Kahuli leo lea,

Eia ianei ko lia. Ko lia la e

ke hoa, ina iho la-e-o.

A pane mai oe olu iho au, i olu hoi nei

mau la maka pehu.

----------

137 pahu lole hou.                  137 pahu lole hou

 

ONA Waiwai hou a pau loa o ka hoea koke ana mai nei no ia, e loaa no ma ko’u halekuai me na kumukuai emi. Eia ua mau kumukuai la:

 

16 Ia Kalakoa $1.00

86 Kakini paa lole kane $6.50 o ka paa

23  “ “ “ Kamalii $2.75 “ “ “

120 Palemai o na kane 15 c. “ “

322 Apa lole huluhulu 25 c. o ka ia

72  “ Lihilihi pukaaniani “ “ “

220 Kakini kihei puu 25 c. o ke kihei

 

O kau mea hoinainau iho la no ka ia

O ka lawelawe malie waleia aku no,

Pau hewa e ka waimaka aohe i eha,

Homai ! Eia no.

Homai ! Eia no.

 

UA makaukau au a ua hiki ke kuai kukaa a kuai liilii i@na waiwai a pau me ke kumukuai waipahe.

----------

O na kauoha a pau

mai na Mokupuni

e hookoia me ka

eleu.

 

‘ Hooheno mai ana ko aloha ia u,

Me he kui houhou ala i kuu poli,

He halia mau ia no ka mid-night,

No ka po huihui kehau anu.”

----------

UA HOOHUI pu no hoi au i mea e holopono ai na kuai hoopakika ana o na waiwai o kela a me keia ano, he pakaukau kahi e kuaiia ai na waiwai like ole, noke

KENIKENI WALE NO.

Owau mai kau e hea mai ai,

E hea ke kanaka e komo maloko,

E hanai ai a hewa ae e ka waha,

Eia no ka uku -----

 

NA HAINAKA,

KAWELE,

AI KALA,

LEI AI,

 

No Kenikeni wa-

le no!

 

A he nui wale aku no na mea i koe i hiki ole ke huaipauia aku.

 

EAU!! EAU!!!

 

CHAS. J. FISHEL.

 

Kihi o Alanui Papu me Hote@e.              tf.

 

NA HOOLAHA KUMAU.

ASA KAULIA.

LOIO A @@E KOKUA MA @@@@@

tf.

J L. KAULUKOU.

LOIO A HE KOKUA MA KE KA@@@

KEENA HANA: Ma Ke keena @@@@@

Akana ma alanui m@i. @@@@@

 

WO. SMIT@.

LOIO, LOIO, LOIO

KEENA HANA : HEIA 36 @@@ K@@@

tf.

 

HENRY. N. KA@ULU.

LOIO, LOIO, LOIO.

E loaa no ma kuu@su@@@a a mia H@@@@ kahi wa, ma ke Kee@@@ W. L.

H@@@ ma alanui Betela.                                           @@@@@

WA@ KINI.

LOIO, LOIO, LOIO.

KEENA HANA: Helu 15 A@@@@ K@@@@ manu, Honolulu.

 

WR. KAKELA.

LOIO A HE KOKUA @A KE KAN@@@

He Luna Hooiai@ Palapala.

tf.

 

WL. HOLOKAHIKKI.

LOIO A HE KOKUA MA KE K@@@@

He Luna Hooiaio Palapala.

KEENA HANA: Wehekealaula @@@@@ B@@@ la.

tf.

 

A ROSA. (AK@@I.)

LOIO A HE KOKUA @A KE KANAMA@

He Luna Hooiaio Palapala.

 KEENA HANA: Ma Ke Keena L@@@ Kuhina.

tf.

----------

SB. DOLE.

LOIO, LOIO, LOIO

He Luna Hooiai@ Palapala.

KEENA HANA: Ma Alanui Kaahuma@@

tf.

----------

CECIL BROWN.

LOIO A HE KOKUA MA KE KA@@@@@

A he A@ena Hoo@@@@ Palapala @@@@@@@@

K@p@ni @ Oohu

KEENA HANA: Helu S alanui K@@@@@@@

tf.

----------

JAMES M. MONSARRA@

(MAUNAKEA.@

LOIO A HE KOKUA MA KE K@@@@@@@@@

He Luna Hooiaio Palapala.

 KEENA HANA: Helu 27 alanui K@@@@@@@@

tf.

----------

RICHARD F. BICKERTON.

(PEKEKONA.)

LOIO A HE KOKUA MA KE K@@@@@@

KEENA HANA: Helu 27 alanui K@@@@@@@@

tf.

----------

SAM@L. L. KAWELO.

LOIO, LOIO, LOIO.

KEENA HANA, Puakalehu@, alanui @@@@@ nakea, Honolulu.

----------

SAM@L. K. KAEO.

LOIO, LOIO, LOIO.

 KEENA HANA: Me J. I. Ka@@@@@

Keena o W. C. Akana.

----------

KALE KULIKA.

Luna Hooiaio Palapala M@@@ki @ @@ @@ Palapala o ia ano. Lu@@ H@@@@@@ Palapala A@like @@@@@@ @ ka H@@@@@ me ka@@@, Lu@@ ha@@@ Palapala Mare.

 KEENA HANA: Kihi @ @lan@@ M@@@@@ me Kaahumanu.

----------

CC. COLEMAN.

Amara a he mea hana Mekina

Kapili Kap@ai hao lio.

A ME KA

Hana ana Kaa Lio, etc.,

Hale Hana ma Al@@ai Alii.

905-tf                            E kokoke la i ke a@@@@ @@

----------

SH. MEEKAPU.

Tela humuhumu lole.

HALE HANA: Helu @@ aianui Nuua@@.

----------

FPAHIA, SAM, L. M. KAAUKA@

Ana aina !! Ana aina !!!

 KEENA HANA: Aia ma alanui M@@@@ @@@ ke loa i ka Uwapo o Hoolili@@anu@@

----------

CBREWER & CO. (B@KUA M@@)

 Ua makemake ia ka poe mea ILI KA@@@ MALOO a me na ILI BIBI, a pela h@@@@@ na ILI MIKO o na ano a pau e kuai m@@@ lakou mau ILI me makou, a e haawi no @@@ kou i ke KUMUKUAI KIEKIE LOA @@@@@ kakou Makeke.

----------

HHACKFELD & CO.

Ua makemakeia

NA ILI BIPI,

NA KIWI BIPI,

NA IWI BIPI.

E haawi ia no ke kumukuai kiekie o ko ka kou makeke nei e

----------

WILLIAM AULD.

Luna Hooiaio Palapala K@pa Pu@@@@@@

No Ka Apa@@ @ Ken@.

KEENA HANA: Ma ke Keena Wai @ Honolulu.

----------

OLELO HOOLAHA.

 E ike auanei na kanaka a pau ke nana n@@@@@ keia Olelo Hoolaha, owau o Apoe (Pake@@@ kaina ponoi o Iakoka (Pake) ua hoo@ohu @@@ noia mai au i hope malama a hooponopono @@@@ kona mau waiwai a pau, oiai ua hoi aku ne@@@@ oia i Kina. Ma keia ke hoolahaia aku n@@@@@ ka poe a pau i aie iaia, e hookaa koke mai @@@ kou i k@ lakou mau aie ia’u iloko o @@ mah@@@@ elua mai ka la e puka aku nei keia Oleio Hoo@@@ laha, a i ole, e hoop@@ia no la@@@ ma @@@@@ wai. Eia kekahi, aole loa @@@@@ kekahi aie i hoaie ia ma ko’u me ka @@@@@@ aa aku na hoapono ana mai ia’u aku. E @@@ keiai kanawai mai keia la aku.

 Hanalei, Kauai, Iune 11, ’82.                    1124 @@@.

----------

WILLIAM WOND.

Luna Hoo@@@@ Palapala K@@@.

KEENA HANA     Ma ka Halewai.       @@@