Ka Nupepa Kuokoa, Volume XXII, Number 51, 22 Kekemapa 1883 — PONO OLE KA HANA A KA MAKAI. [ARTICLE]

PONO OLE KA HANA A KA MAKAI.

I ka po Poaono o ka pule i hala, e moe ana au me ka'u mau keiki hanai, he poe keiki i hooneleia i ka makuakane ole, kikeke mai la kekahi mea ma ka puka o ko makou rumi moe ; ninau aku la au, owai kela mawaho ? Alaila, kamailio mai la kekahi haole a i mai la; E Nalua, e wehe mai i ka puka. Wehe aku la au i ka puka a komo mai la kela, a ike aku la au .o Abe Kaaka, ua ona. Ninau mai la kela ia'u, auhea o Pahau ma ? kuhikuhi aku la au, eia 0 Pahau, Kamaile, o Peleuli, ke moe nei. Alaila, olelo mai la oia ia'u, e waiho oe i na keiki e moe ana, a e ku koke oe a hele mai keia wahi aku. Ala ae la au a hoomaopopo i ko'u kulana, me ka manao e hooko 1 na olelo kauoha, a ia wa i lele mai ai na keiki maluna o'u me ka puliki ana me ka uwe pu. Ko'u ku ae la no ia a puka aku la iwaho, a ia'u e iho ana ma ke alapii, kahea mai la keia haole īa'u e hoi hou aku, hoole aku la au ; holo mai la ke keiki kane mahope o'u, ia wa 1 paki mai ai ua haole nei i ke kamaa ; ko maua hele loa no ia i ka Halewai e hoike no keia mea. Alaila mai ka Halewai, kauohaia mai la au e hoi mai a ka makai ku huina o ke kihi o Kawaiahao, e hele oia a ka hale a e kipaku

i ua haele nei, a i nele kona hoolohe ana ia kauoha, e hopu aku i kona kino a e lawe a hoopaa ika Halewai. Ika hiki ana i ka hale, he okoa loa aku la ka hana aua makai la. Alakaia aku la ua wahi makai la a iloko o ka rumi a ilaila kahi i noho mai ai me ua haole la a puka mai ana a olelo, aole he hiki iaia ke hopu no ka mea aole i ona ka haole, he Kahio wale no. He keu ka

apiki, aole i kauoha ka luna makai haole o ka Hale\vai e hele keia niakai a nana wale aku ma ka ona a ona ole paha, aka, ua hoikeia aku ke kauoha mai ka Halewai iaia e hele a e hookaawale ae i ua haole la a i ole e hopu i kona kino a hoopaa. Ma ka hooko ole ana o keia niakai i ke kauoha i hoikeia aku iaia, ua pilikia au ma ka hooluaieleia i 0 a ianei a ao wale ia po me na keiki e uhai ana mahope o'u. No ia pono ole,-kaukolo hou aku la ka manaolanai ka Halewai. Ia hiki ana aku, he luna makai okoa aole ka luna makai haole mua, aka, he luna makai hou o Holoua. Ia hoike ana aku iaia, i mai la kela aole he hiki iaia. Alaila pau loa ae la na manaolana no ka l<?an o ka pono ame ka maluhia oka noho'na. Pehea la keia ano hana a keia makai a me keia luna makai ? E nana mai kakou 1 keia ano hana. Oka hale i hanaia ai keia hana, oia ka hale o na keiki a Hairama Kolomoku ma Kawaiahao. J. Nalua.