Ka Nupepa Kuokoa, Volume XXII, Number 51, 22 December 1883 — HOIKE KULA KAIKAMAHINE O KAWAIAHAO [ARTICLE]

HOIKE KULA KAIKAMAHINE O KAWAIAHAO

Ua malamaia ka hoike o ke kula kaikamahine o Kawaiahao mana la hoike elua, Dec. 18 me 19, maloko 0 ko lakou keena kula. Ua hiki kino ae i keia mau la na maka hanohano makaikai i na hana hoike, oia ke alii Pauahi, Mrs. Hartwell, Mrs. P. C Jones, Mrs. A. 0. Polepe, Mrs. Lowell Smith, Mrs. Dickson, Mrs. S. E. Bihopa, Mrs. Rice, Mr. me Mrs. Haida, Miss. Storrs, Mrs. E. Mahelona Mrs. H. Kawainui, Mrs. Mary Poli, Rev. J. Waiamau, W. N. Lono, na haumana o ke kula Kahuna, na makua o na keiki a me ka lehulehu. Hoomaka ia ka hoike ma ka hora 8 me 44 minute o kela me keia la, ma ka wehe mua ana i na hana me ka pule. Ma ka la mua i hoike ai, o ka mahele haahaa o na papa ma na haawina a me kekahi mau mahele kiekie kakaikahi; e laa ka papa ekahi, ma ka Helunaau, malalo o ke alakai ana a Miss. Chamberlain; mahele haahaa ma ka Hoikehonua, Julia Kawewehi ke kumu papa haahaa ma ka Arimatika, Esther Kanepuu ke kumu, —Himeni, "Morning Awaketh," ke kula a pau. Hoike ia ka papa haahaa ma ka heluhelu me na haawina kuwaho, Julia Kawewehi ke kumu; Palapala Aina no na kaikamahine hilii, Miss. Flaxman ke kumu; papa ekahi ma ka Arimatika, Julia Kawewehi ke kumu,—Himeni, "Mornjfng Hymn, ke kula a pau. Ma ka pau ana o keia himeni, he mau haiolelo me ka heluhelu kumuma-

nao na kekahi mau kaikamahine. Haiolelo : Mary Lahaina—" Ka Popoki keiki." Heluhelu kumumanao: M. Bridges. —" No ke kamaa " Haiolelo : Hattie Kuihelani—"Na Makuahine." Heluhelu Kumumanao : Elizabeth Lahaina—" Na pihi lole. " Haiolelo: Rachel Maluae —"Poker." Olelo Kike: Julia Keonaona me I Lucy Aukai—" Ka manu Swallow ame a'u. "

Hoike ia ka papa ma ke Ao Heluhelu, Flaxman ke kumu; na kaikamahine liilii ma ka helu a me na ninau pili Akua, Mrs. Simpson ke kumu; papa ekahi ma ka heluhelu, Miss. Chamberlain ke kumu; papa ekahi ma ka Wehewehe Ano o ke kanaka, na holoholona, na ia, a me na manu o ka lewa, malalo o Miss. Norton ke kumu nui o ke kula—Himeni—"Sun Shower. " Na heluhelu kumumanao: Minama lona —" Ka hua niu. " Polly Dunean—" Ka peahi. " Auwana Manu — "Na kaikamahine karistiano. " Sarah Kalei—" Ka malama hale ana. " Emily Opunui—" Ka papa kakau pohaku. " Hookani Piano, —Polly Duncan a me Kwai Yieng, he kaikamahine Dake. Pualu Hauoli Karisimaka, ka kekahi mau liiliii he 12. Kanohopono Panee—" Na mea ano nui kaulana o ka 1883. " Ma ka la alua, ua hoikeia na haawina niahele kiekie. Papa elua ma ka moolelo 0 Amerika Huipuia, hai paanaau, Miss Norton ke kumu; papa ekahi ma ke Ao Heluhelu Mrs. Simpson ke kumu; papa ma ka mahele kiekie o ka Arimatika, Miss Chamberlain ke kumu—Himeni a me ka heluhelu kumumanao. Hoikeia ka papa ekahi ma ka moolelo 0 Amerika Huipuia hai paanaau, Miss. Norton ke kumu; papa ekolu ma ka Helunaau, Flaxman ke kumu; papa ekahi ma ka moolelo o Helene, hookahi haumana, hai paanaau, Norton ke kumu —Himeni me ka heluhelu kumumanao. Hoike ia ka papa ekahi ma ka Pili olelo, Miss. Chamberlain ke kumu; na kaikamahine liilii ma na ninau "pili Akua me ka helu kamalii, Mrs. Simpson ke kumu; papa ekahi ma na mea pili Akeakamai, Norton ke kumu—Hi meni ame ka heluhelu kumumanao. Mahope iho o ka pau ana o na haawina, he makana ka na' haumana a me na kumu i haawi aku ai i ke kumu nui oke kula Miss Norton, he mea e hoomanao ai nana ia lakou oiai ia e kaawale' aku ana mai ia lakou aku no kona home makuahine, mamuli o ka pili mau o ke onawaliwali i kona ola kino. Na Miss. Esther Kanepuu i haawi ka makana ma ka aoao o ke kula me na kumu, me na huaolelo 0 ka walohia me ke aloha no ko lakou makua e haalele iho ana ia lakou. Ua hoohelelei ia na waimaka 0 na haumana i ka wa i puina ia ai na huaolelo hoalohaloha; na ka lakou kumu i panai mai ma kona aoj*p i na huaolelo ilihia a hoanoano n\e ka apo ana mai i ka makana a kana mau haumana iaia me ka puuwai i hoomokumokuahua ia i ke aloha no lakou a pau. j Iwaena ona haawina a pau i hoikeia mai ma keia mau la, ke haawi aku nei makou i ka mahalo no ka makaukau a me ka aapo o na kaikamahine ma na buke i ao ia ia lakou oia ka heluhelu, j helunaau, arimatika, wehewehe i ko ke kanaka ano, ka pili olelo, hoikehonua, ka moolelo o Amerika Hui a me ko Helene a me ke akeakamai, na haiolelo me ka heluhelu kumumanao ame ko lakou ahonui me ka pauaho olei ka imi J ana ina haawina; maluna no hoi o na j kumu kekahi mahalo, noko lakou hoomanawanui i ka inea a me ka luhi ana 0 ka hookele pono ana i na hauniana ma na mea hoonaauao ame ka noho maemae ana; ua haawi pau lakou ika ikaika ma ke ao a me ka hoomaamaa ana i na kaikamahine ma na mea pili i ka noho "ohana ana a me ka lawelawe ana ma na hana kupono ika wahine. , O na makua pu kekahi a makou e mahalo nei no ka pauaho ole i na kaumaha oka hoonaauao ia ana oka oukou mau hapuu; aka, mamuli o ka hooma--1 nawanui ana, ua. ohi ia ka hua oka pomaikai oka luhi ana. He pomaikai nui no ka aina a me ka lahui na makua ! e alakai ana i ka lakou mau keiki ma na kula o keia ano; nolaila, ena makua mea keiki i koe, ua hamama ka puka o ke kula no ka hookomo ana 1 ka oukou mau keiki e hoonaauaoia me ka noho maemae ana. O na keiki a ouj kou ma ke kula na hoike oiaio no ke ao pono ia ma ko oukou aoao, a na ma- ; kou e kaupaona a hooia aku i ke akea.