Ka Nupepa Kuokoa, Volume XXII, Number 51, 22 Kekemapa 1883 — NUHOU O NA AINA E [ARTICLE]

NUHOU O NA AINA E

Ua mare mai nei kekahi o na loio kaulana o ke kulanakauhale o Wasinetona i kekahi kaikamahine opio, he lawehala nana ma ke kanawai no kekahi karaima a ua kaikamahine la i hana ai he iwakalua makahiki i hala ae nei, a nana i loio i puka ai. 0 ke kaiaima a keia kaikamahine i hana ai, oia kona ki ana i ka pu a make loa kekahi haole opio a he kane hoopalau nana, no na kumu, ua uhaki e ia na olelo aelike no ka mare. Ua haalele keia haole i ua kaikamahiue nei ma ke kulanakauhale o Ilinoi, a hele aku la oia a i ke kula-

1 nakauhale o \Vasinetona, a noi i hanā • nana maloko o kekahi keena o ka hale » aupuni malaila. Mai ke kulanakauhale mai no hoi 0 Kikako ka imi ana 0 keia > kaikamahine a loaa keia haole i Wasinetona, a iaia i hoao aku ai i ke kupaa 0 kona manao mamuli 0 na olelo aelike mua a laua, ua hoole loa mai oia, a ia wa i huki koke ae ai ua kaikamāhine la 1 kana pu panapana aki aku la iaia a make. Oka uku iho la ia a keia kaikamahine i haawi aku ai i kona loio nana oia i hoopakele ae mai na maewaewa a ke kanawai oia kona ae ana e lilo laua i hookahi. Ka lele ana a Overtona. (Overtona leap.) O keia mau huaolelo e kau ae la maluna, he inoa ia no kekahi owawa kuhoho hohonu ma ka mokuaina o Tekaseka, Amerika. He iwakalua-kumamalima kapuai ke akea o keia owawa, a ua oleloia ua iele ia e keia haole .mai kekahi aoao a i kekahi; a penei kahi moolelo e pili ana no keia lele mama ana: He piepiele ka hana a keia haole o Ovetona mawaena o na palena oka mokuaina o Tekaseka a me Mekiko mawaena 0 ka lahui Mekiko me Ilikini. A mamuli o kekahi 0 kana mau hana pono ole a hakihaki kanawai. Ua kipakuia oia ena Ilikini mai kona hehi hou ana ma ko lakon mau palena a ua kauia he puu dala nui makana maluna o kona poo e ke aupilni o Mekiko no kona hopuia a paa a kau na ahewa ana 0 ko lakou mau kanawai maluna ona. No keia mea ua nalowale honua iho la oia no kekahi manawa loihi loa a i kekahi la, ua ikeia oia e kekahi puulu Ilikini ma kekahi wahi e kokoke ana i ko 'akou wahi hoomoana, ua alualu koke ia oia; aka, ua puhalahiu aku la oia mamuli o ka holo 0 ko na lio, a i kona hiki ana aku i keia owawa, manao iho la oia no kona loaa a me kona pilikia. Aole he hiki i kona lio ke lele aku ma kela aoao, no ka mea ua kaea oia. Nolaila, noonoo iho la oia no kekahi hana ana e hana maalea aku ai i kona poe enemi e alualu aku ana mahope ona. I.ele iho la oia ilalo a hou aku ,la i kona lilo me kana pahi a ia wa i lele aku ai ka lio ilal& o ua awawa la a make loa aku la. Aia ma ia aoao o ua owawa la he pauku laau ua olohaka nae o loko. Nolaila kokokolo aku la oia a komo iloko me ka manao e pee, aka, o ia mau hana a ua haole la, ua ike koke ia mai la e na Ilikini aua ike pu ia aku la no hoi kona kokolo a komo iloko o ua pauku laau la. Nolaila holo nui mai la na Ilikini a ua pauku laau la, lele nui iho la ilalo, a olelo nui iho la iwaena o lakou, malalai lakou e ho-a ai ka ahi no ka hoomoa ana ana i ka lakou mau mea ai. Ma kahi e kokoke loa ana iua paku laau la e pee nei. Nolaila, ho-a iho la lakou i ka lakou ahi a i ka lapalapa loa ana ae ona ula ahi, a puia aku la ua pauku laau la a holo puni ae la na ula ahi ma o a maanei o ua panku laau la. No ia mea aole he hiki i keia haole ke hoomanawanui hou aku, nolaila, puoho ae la oia a oili aku la iwaho a holo aku la no keia owawa a lele aku la. He mea eke kahaha nui oua poe Ilikini la i ko lakou ike ana ua kau ua haole la ma kela %oao iloko o kela kowa nui he īwakalua-kumamalima kapuai. Aka, me he la, o kona wahi hanu hope loa iho la ia, no ka mea ma kona kau ana ma kela aoao, ua hehi aku la kona wawae maluna 0 kekahi pohaku paa ole, a h wa oia i kunewa hope mai ai a haule ilalo o ua owawa la a make loa iho la. He hana kaulana ia a haole i hana ai a he owawa kaulana īa a hiki i keia wa; a' ma 0 ka inoa 0 ua haole ta a me kona lele ana i kapaia ai ka inoa o ua owawa la, Overton's leap, ka lele a Ovetona: