Ka Nupepa Kuokoa, Volume XXII, Number 51, 22 December 1883 — NO NA EKALESIA. [ARTICLE]

NO NA EKALESIA.

Ma Kawaiahao, ua haiolelo o Rev. E. S. Timoteo ma Isaia 1 : 16, hapa hope penei: " U'oki ka hana hewa ana. " Ma Kaumakapili, ua haiolelo o Waiamau ma loba 1 : 8, penei : " I mai la o lehova ia Satana, ua noonoo pono anei oe i ka'u kauwa īa loba, aohe mea elike me ia ma ka honua, he kanaka pono me ka pololei, ua makau i ke Akua, ua hookaokoa ika hewa. " He elua manao, ka mua, ka makau i oleloia, ka lua, hookaokoa ika hewa. He haiolelo keia i mahalo nuiia. Ma ka po iho, ua hoonohoia oia i kahu no ka ekalesia o Kaumakapili. No ka nui o ka ua nolaila aole i pau pono mai na kornite nana na hana like ole, aka, mamuli o ka makaukau a me ka eleu o ka Lunahoomalu oia o Kauka Hai, ua laweia e ia na apana hana a na komite i hiki ole ae. Ma Kawa, ua haiolelo o S. L. Desha ma Kinohi 4 : 10, hapa hope penei : "Ke hea mai nei ka leo o kou kaikaina ia'u mai ka lepo mai. " Ekolu manao, ka mua, ka mana o ka lunaikehala o ke kanaka e hoahewa ana iaia no kana mau hewa i hana ai, ka lua, na poino e kau mai ana maluna o ka mea hoomau ma ka hana hewa, ke kolu, hookahi wale no wahi e holoiia ai o na kikohukohu oka hewa mai o kakou aku, oia ka punawai i hookaheia ma ka puu o Kalewari. Ma Waikapu, ua haiolelo o Kaili ma loela 2 : 29, hapa hope penei: "E nini aku au i kuu uhane." Ma Haiku, ua haiolelo o Paaluhi ma Epeso 51 2, penei: " E haele hoi oukou ine ke aloha, elike me Kristo i aloha mai ai ia kakou, a haawi hoi iaia iho no kakou, i alana me ka mohai i ke Akua, i mea ala oluolu." Ekolu manao, ka mua, e haele na kahunapule maloko 0 na kauoha a ka Haku, me ke aloha, ka lua, no ka mea, o lesu Kristo no ke alakai o ka poe haipule a pau, a ua hoike ke Akua nona mai ke Kauoha Kahiko a me ke Kauoha Hou, ke kolu, ua haawi 0 lesu iaia iho no kakeu i alana a i mohai, pela ka poe haipule e haawi ai ia lakou nona, a e hoomau a halawai pu me ia. He hoike Kula Sabati nui ko na Kula Sabati o Maui Hikina ma ka la Kalikimaka ma Waihee. He maikai na lono i hoea mai no na hana ma ka ekalesia o Wailuku, pela no hoi me na lono mai na ekalesia o Kona.