Ka Nupepa Kuokoa, Volume XXII, Number 50, 15 December 1883 — OWAI KUU HAKU, OWAU PAHA? O BAKA PAHA? [ARTICLE]

OWAI KUU HAKU, OWAU PAHA? O BAKA PAHA?

He kanaka nau baka. Hoao oia e haalele. Hoo i kona lima iloko oka pakeke a lawe ae i ka baka a hoolei aku, me ka olelo ka pau no ia o kuu nau ana. Aka, ala mai ka ono, ke kuko nui e nau hou. Hoao oia e nau i kela mea keia mea i pani no ka baka. Aole i pau ka ono me ke kuko. Mahuahua loa ka ikaika o ke kuko iloko ona me ka īini e nau hou, a hala na hora he 48 iloko 0 ia iini eha loa. Alaila, olelo oia he mea usi ole keia iini eha loa no kahi apana baka. Kii oia i apana baka, hoo ia iloko o kona pakeke, olelo, ina makemake au i wahi baka, e lawe no au ia. Ikaika loa mai ka makemake, lawe oia ia apana baka ma kona lima a kaikai ia iluna me ka olelo, ono au ia 0e. % Aka, 0 oe anei ko'u haku ? a owau paha kou haku ? He lau nahelehele oe, a he kanaka au. He mea ole wale no oe, he kanaka nae au. E lilo au i haku nou, ke makemake au ma ka hoao ana. Pela oia i kamailio ai me ia apana baka i ke ala ana o kona ono nui. A hala na hebedoma ewalu paha, lawe oia ia a hoolei aku o ka pau no ia o ku ono me ka makemake ana. Ua lanakila loa. E ka poe nau baka, e hoohalike me keia kanaka, me ka hilinai maluna o lesu, a e lanakila no. * Unuhua e Hawaii.