Ka Nupepa Kuokoa, Volume XXII, Number 50, 15 December 1883 — HALAWAI LUNAMAKAAINANA [Illegible] KONA HEMA, HAWAII. [ARTICLE]

HALAWAI LUNAMAKAAINANA MA KONA HEMA, HAWAII.

Ma ke ahiahi Poakolu ka la 6 o keia mahina, ua hoala ae na lunamakaainana o Kona nei i halawai makaainana

raa ka luakini o Pukaana malalo o ke kahea ana a G. W. Pilipo, a ua hooko ia. Eia na luna i hiki mai: F. S. Keiki, D. H. Nahinu, C. W. P. Kaeo, a mahope loa mai o Pilipo.

Ke ano nui o ka Keiki haiolelo, oia no ka hoemi i ka uku o ka Moi a me na luna aupuni, a e hoopii luna nui i na Lunakanawai Kiekie no ka hoolilo ana aku nei i ka aina o ke Kulaokamaomao i ka ona miliona. Kahaha makou i na manao hoopii luna nui a Keiki i na Lunakanawai Kiekie, oiai aole na lakou i hoolilo aku kela, aka, na ka Ahaolelo o 1882, a ia iakou paha ka pono loa e hoopii ai. Ka Nahinu hoi, oia no ke ane o ke aupuni, he maikai, he maluhia, ke hele wale ala no i ka maikai a hiki i ka pau ana. Ka Kaeo ht)i, ua hai mai oia i ka olelo maikai imua o ke anaina e pili ana no kona holo lunamakaainana, a i ka nana ana i ke ano nui o kana mau olelo, e hoike mai ana oia iaia iho he Kenela kupono oia na makou e koho a hōouna aku no keia kau ae a hiki mai; ua like no lakou a pau ma ka manao. No Pilipo, ke ano nui 0 kona manao, i hele mai oia e nana i kanaka kupono elike me kona ano ke kuokoa, a oia kona hoa e kohu ai o ka Ahaolelo. C. K. Naope. Kona Hema, Hawaii.