Ka Nupepa Kuokoa, Volume XXII, Number 49, 8 December 1883 — NA NANE A ME NA HAINA. [ARTICLE]

NA NANE A ME NA HAINA.

E S. N. Kawaiolu. Aloha Oe ; — Akamai loa oe ike kuailo ana. Pololei loa kau haina me na mea a pau e pili ana. He keu oe. Eia ka nane hou, nau anei e kuailo, a na kahi ae paha ? Ewalu o'u lala. Ka mua he hua haole. Ka mua me ka 2 he alii no Aigupita. Ko'u 1, 2, 3, ka inoa Laūna o ka la. Ko'u 1, 2, 3, 4, he mea pili 1 ka mea mele hookani. Ko'u 2, he mea pili i ka paina ana. Ko'u 2, 4, he inea pili ika mahiai. Ko'u 2, 4, 6, he mea pili i ka moa kane. Ko'u 3, 4, 7, 6, he mea pili i ka lohe. Ko'u 2, 7, 4, pili i ke ko. Ko'u 6, 7, 8, pili i ka rama. Ko'u 8, 7, 6, pili i keia wa. Ko'u 5, 4, 6, pili i ka mea kolo. ' Ko'u 6, 3, 4, pili i kekahi pahi. Ko'u huina, ka mea 1 akamai i ka haku i na olelo nane. Hawaii. He 11 o'u mau hua palapala; penei: 1, 5, 3, 11, e loaa no au īa oukou i ka ua-loku o Hanalei, e Hoeipo ana me ka wai ula 6 Makaweli, i ka pahapalia o Polihale. Ko'u 8, 9, 1, 7, aia au ina Lehua kaulana o Lihau, i ka loku a ka ua Paupili, 5, 1, 11, e loaa no au i na Lehua kaulana o Kukalaakamanu, e walea ana ika puili hua Mokihana, 2, 11, e loaa no au e walea ana me na opio o ka ua Kukalahale, ua hele wale a nohea i ka loku a ka ua Waahila. Ko'u 4, 5, 6, 7, owau ka oukou e lei nei a e hoonipo ai i ke ala me ke onaona Hookahi wale no hua i koe oia ka ka hua umi, a ke waiho ia aku nei na oukou e hoike mai, a i ka hui ana i na hua a pau e ike no oukou ia'u he anoano, eehia, a me ka weli, aka, aia nae iloko o ko'u huina ke ola no na mea uhane a pau, a owau kekahi niea nui nana e kaupaona ia oukou, a me ka oukou mauhana. Owai au ? A mahea ko'u wahi e noho nei ? Eia ka nane, kuailo ia mai, a o ka mea e loaa, 25 Pooleta, ke hai mai i ka haina me ka wehewehe, a e loaa no ka makana. ' Owau no. J. W. H. Isaac Kihe.