Ka Nupepa Kuokoa, Volume XXII, Number 49, 8 December 1883 — NUHOU O NA AINA E. AMERIKA HUI. [ARTICLE]

NUHOU O NA AINA E. AMERIKA HUI.

Ma ka la 20 o ka mahinao Novemaba i hoohuiia ai ma ka berita maro ka haole Ailiki nunui (gumt) oia o Patrick W. o'Brien, a me ka wahine Geremania nunui (giantess) oia 0 Christiana D. Dung, ma ke kulanakauhale o Pittsburg, Piladelepia, i makaikaiia e kekahi heluna kanaka nui maloko a mawaho o ka luakini, kekahi keia o na mare hanohano i ikeia. O ka meaono mare i hanaia ai oia ka meaono mare nui a ka launa ole i ikeiel ma ke ao a puni. He 9 kapuai kona anapuni, a he 3 kapuai ka manoanoa, a mawaho ae o keia meaono mare, he omoomo palaoa nui nona na kapuai 'oa he 5 i kinohinohi pu ia ai ka papaaina mare. O ka paa mare mua loa iho la keia o ke kane a me ka wahine nunui i hoohuiia ma ka mare ma Amenka Hui holookoa, a o ka lua iho la ma ke ao a puni. Oka huina oko laua mau kapuai kiekie he 15 me 3 iniha, oko laua mau kaumaha hui he 547. O ke kaumaha o ke komo mare he r 7 peniweta, a he 5 iniha ke anapuni. E kukuluia ana he hotela nui loa ma ke kulanakauhale o Nu loka iloko o keia mau la koke iho. oka lilo 110 ke kukulu walp ana no a koe ka hoolako ana ia loko, a me ka hoomaemae ana, lie 1,000,000.000 dala. He ewalu arta hale ke kiekie 0 keia hotele a e hanaia ana a paa loa i ole ai e pau i ke ahi. E hakaka ana kekahi mau haole ma ke kulanakauhale o Pulasaki, mokuaitia o Tenesi, a ia wa i wehe koke' ae ai kekahi h'aole i kana pahi pelu nui a oki aku*la i kekahi lima 0 kona hōa hakaka a moku pu ae la maluna aku o ke kuekue lima, ka io me ka iwi pu me he la ua oki ia ka lima me ka pahi okioki a ke kauka ka hele a nemonemo pu. Ua kui ae ka lono a puni ke ao holo okoa nei i ka ikaika 'o J. L. Sulivanaka moho hakaka kuikui kaulana o Amerika Hui. Ua hakakaia e ia na haole kaulana o Ameiika a me Enelani i ka ikaika a aole he hookahi o lakou i lanakila maluna ona a aole 110 hoi he mea nana i hoohina oia ilalo. Malaila kona wahi 1 kaena nui ai, ma o kona hina ole ilalo, a aole hoi he olelo ana a kakou no kona ikaika no ka mea, ua kui ka honua nei a puni no ia lono. Aka, ma ka po o ka la 190 ka mahina o Novemaba, oiai oia me kona mau boaalol)a e nanea ana maloko o kekahi hale inu rama, komo mai ana kekahi negero paele me ke ano hiena hi-o a ku ana imua o ua moho la, a haka pono aku la kona mau maka iaia me ka 1-io nui. Ku ne la ua la iluna mai ka noho ae a hele aku la a imua oua negero la a i akd la: E nana ana oe i ke aha ? No keia mau ole lo i hoopuiwa loa ae i ua negero la a | kuemi hope aku la ihope me ka makau i nui. Aka, lalau nku la ua moho la i ua negero la a hapai ae la iaia iliina me he keiki bebe la, a hoomoe iho la iaia iluna ke alo. laia ana ilalo, a mamuli o kekahi mau kumu ana i ike ole ai a i moeuhane mua ole ia ai e ia*a eka negero, lele ana ua moho la iluna oka lewa a haule pa-hu iho la ilalo iluna ke alo a waiho moe iho la oia no kekahi mau sekona. Aole he maopopo i ua moho la ke kumu o keia lele ana ona iluna a haule pa-hu ana ilalo. Oke komo īloko oka puali koa a i ole e auhau ia ke kanawai hou loa mai nei o ka mokupuni 0 Madec;aseka. Ua hooholo loa ia mai nei i keia wa e hoolakoia na makai kiai o ke kulanakauhale o Ladana, Enelani, me na pu panapana. He kanawalu tausani kamalii o Enelani i hoohui iho ia lakou malalo o kekahi hui "malama i ke ola o na manu" iloko 0 ke kau hooilo, a ua aelike la kou malalo o kekahi hoohiki e hooko aku ia kumuhana iloko o keia mau mahina hooilo e hele nei. Mamuli 0 kekahi kauoha aupuni e kauoha ana e o ia na haumana kula a pau 0 na kula kuokoa, no ia mea ua ulu mai na kuee ana.