Ka Nupepa Kuokoa, Volume XXII, Number 49, 8 Kekemapa 1883 — PANE. [ARTICLE]
PANE.
Ua apono a hooia mai nei o F. S. Keiki i ka mea a Kona Akau i hoikeike ai. Ua hoole mua mai a mahope ae mai ana e haawi i mau pai ai na na luna hooikaika. Aole anei oia ke kipe i mea e puka ai. Ina e manao ia, ona paī ai ka mea e lu ia aku ana i inea e puka ai oe e Keiki, alaila, aole anei he mea maopopo o kou lu ana ia i na kenikeni mai kou pakeke ae. Aole i olelo o Kona Akau e hoahewa ia ma ke kanawai, aka, he mau hana nae ia e hoike mai ana i ka hoopilimeaai i mea e hoi mai ai na lilo. O ke kuokoa o ka mea pakali ole me kekahi mea e ae i puka oiaio. E Kona Hema, mai pu ni mai i ke kalohe a me ka alapahi, aka, mao ka uwahi he makole malaila. Nana pono ia mai ka nahesa, he aila ma ka waha, a o loko aku he lua nui oke koliuliu. Kapae ae i kona balota. Owau iho no. Kona Akau. Jr.