Ka Nupepa Kuokoa, Volume XXII, Number 49, 8 December 1883 — I KA POE KUPONO I KE KOHO BALOTA O KA AINA HAAHEO. [ARTICLE]

I KA POE KUPONO I KE KOHO BALOTA O KA AINA HAAHEO.

la'u e nanea ana i ka hoonuu i na mea hou o na nupepa o ka Ia 24 o kela mahina, pae ana ka leo o ka Elele Poakolu, "Kolekole ka noa a ka poai I kue aupuni e moku kona leani a-i," i alawa auanei kuu hana me ka manao he kavaima ke hana ia ana, eia ka aole, a ninau aku la au, heaha keia pilikia e nui nei ka leo ? Hai niai la kela, ! he mau alihikaua i manao ia e hele aku i ke kaua e hiki mai ana, ia manawa hoolai iho la au, pau ae la ka puiwa oka manao, hoi pono mai la ka manao o ko'u lunaikehala. Me ka leo malie, hai mai la oia ia'u i ka inoa o na alihikaua i manao ia, mai ka mua a hiki i ka hope; ia manawa no pii mai la ko'u wahi kai me ka manao e hoolei mawaho, aka, aole nae i hoale ika lau oka hau. Manao anei oe he poe pakaha keia au i kukala leo nui mai nei ?• Ua hewa anei ka Hawaiian Gazette i kona hoike ana i keia poe ? No ke komo ole anei o na inoa o ka poe haawi aina, poe kamau, humu eke hakai, poe pili ia Humenaio, nolaila anei oe i kapa ai he poe pakaha ? Nani ko kupakaki i keia ana. * He wahi pokii au, ua noonoo akahele au i keia. "E ala e Hawaii 0 Keawe, Maui 0 Kajna, Lanai o.Kaululaau, Molokai Nui a Hina, Oahu o KakuhiKauai o Mano o Kalanipo, e heahea mai e hookipa e hanai ai. Aole hoi e like me Va i ala ka hoōkipa ole ke aloha ole aku, -aka, no ka makani apaapaa au. Nolaila ia oe e Kohala aina haaheo. I haaheo i ke aha ? I haaheo no ke kau 0 ka lei mai kamalii ake kanaka makua pu 110 ka poino o ka apana me ka lahui o ko oukou kohp ana ike kanaka i paa ika uhimaka, o kaoukou hoopau ana no ia i ke kuokoa 0 ka aina, aka, ina pohihihi i kekahi poe no ke ano naauao ole paha, e hele aku e ninau i na kaliu ekalesia, a i ole, i ka mea naauao hoopono me ke aloha ia hai. Nolaila, eia ae he malihini hele a hiki mai, oia hoi o Kope I3araunu, ka mea nana e imi aku na poopoo liilii 0 ke aupuni, pau liilii a k'e akamai, loaa he Make nana e alakai ma ke ala huna 0 ke kai \Jla, pau 0 Balao me kona poe luna ika make. Nau e Kohala e hapai i keia moho a hoonoho ma ka noho hanohano 0 Kohala. O kou hapai ana i keia kanaka naauao a hoonoho ma kou noho, ua kapaia oe he apana naauao no ke keho i ke kanaka ike. Aole auanei e nele kona hoōnaueue aku i na paia paa o ka elemakule i ka wa kahiko, i haaheo i ka nui 0 na kanaka 1 le-i ai Kohala i ka nuku o na kanaka i haaheo no ka maluhia o ka apana, no ka mea, aole he karaima nui 1 hana ia iloko o ka apana, e like me Hamakua, Hilo, Kau, Kona. Nolaila aia ma ka Hma oka poe kupono i ke koho balota o kuu apana ka laau lapaau e ola ai ka mai o kuu lahui, no ka mea, ke uwe mai nei kekahi mau apana no ko lakou mau palapu, ka ri\ai nui o ka lahui, ka waihona dala o ke aupuni, e like me na mea i hoakaka ia e ka nupepa Kuokoa a me Ko Hawaii Pae Aina, ua īke kakou ia mau mea a pau. Nolaila, mai kuai i mau pono kuokoa no kekahi leo malimali, me ka uku kipe, aole e nana ma ka pili makamaka, no ka mea, aia ma ko oukou lima ka pomaikai o ka apana me ka lahui, malaila auanei kekahi 0 na alihikaua kaulana e ku ana ilokō 0 ka hohono o ka uahi pauda, he Nelesona ka olelo ana, ka mea nana e rula na aha kau kanawai, e hoolele aku auanei oia ike ahi Helene e wela ai na maka, pau lihilihi o ka poe kue mai imua ona. B. W. Uilaanapu. N. Kohala, Hawaii.