Ka Nupepa Kuokoa, Volume XXII, Number 49, 8 December 1883 — HOOPOLOLEI. [ARTICLE]

HOOPOLOLEI.

Ua īke ko poe heluhelu i ka palapala a ''Waimanalo" iloko o na kolamu o keia pepa, i hoopuka ia ika la 24 o Novemaba. Ua paneia mai nei no hoi 12 palapala e ])avid Noholoa o kona inoa ponoi, e hoole ana i ka oiaio o na olelo a "VV r aimanalo." Mahope 0 ko makou ninau ana i kahi poe kamaaina o Waimanalo, ua manao makou aohe oiaio na olelo a pau i hoopukaia e ka mea kakau maluna 0 ka inoa o "Waimanalo." Aua minamina makou no ka puka e ana o ia palapala me ko makou ike ole mamua. Ua haawiia mai ua palapala nei iloko o ke ia keena e kekahi mea i maa i ke kakau manao no na nupepa olelo Hawaii ma ke ano he mea hou no Koolau, a aponoia e ka mea iaia ia mahele hana, me ka manao ua pono. 0 ka poe a makou i ninau aku ai, ua hooia moi lakou i ka inoa maikai o ua mau mea la i hoahewaia e "Waimanalo." Ua mare ia laua a ua noho pu me ka oluolu a hiki i keia wa: Aole loa ke Kuokoa e haawi ana i kau wahi lihi 0 kona mau kolamu no ke keehi ana i ka noho maluhia ana o na home o kona poe heluhelu. E pono e.makaala loa ka poe kakau manao no ka pololei o ka lakou mea e hana ai.