Ka Nupepa Kuokoa, Volume XXII, Number 49, 8 Kekemapa 1883 — KA HUI KALEPA HAWAII O HILO. [ARTICLE]

KA HUI KALEPA HAWAII O HILO.

Mawaena o na kolamu o na olelo hoolaha o keia helu o ko kakou pepā e ikeia ai ka hoolaha a kekahi hui kale\)a Hawaii o Hawaii. He hana kupono no keia ke hapaiia e ko Hawaii nei poe keiki ponoi, a ua paipai no hoi keia pepa no ia ano hana iloko o na manawa i kaa hope ae. 0 kekahi o na kumu hoola o ka lahui, oia ka hana, ka imi loaa ma na ano pono a pau, a me ka hoohana i na loaa. Nolaila ke hauoli nei ke Kuokoa no ka hoalaia o keia huT kalepa iwaena o ko Hilo poe keiki kamaaina; e holo pono lakou, a koikoi ka mea kaupaona ma ka aoao o na puka. He mau hui kalepa no ka i kukuluia i na makahiki i hala, a iloko o keia mau la kekahi; ua pomaikai, a ua poho no hoi. 0 kekahi mau kumu o 'ka pilikia ana o kahi poe o kakou i komo iloko o keia hana, oia ke akahele ole Ua ake n6 ka hikiwawe o na loaa, a ua aie nui aku no ka waiwai; loaa ka haawe kaumaha he aie nui hiki ole ke hookaa, a haalele ika hana. A o kekahi kumu e poino ai, oia ka hana apiki o na poo o ka hui, huna i na waiwai, o ka hui, a pela wale aku. Ke lana nei ko makou manao e kaawale ana ka hui kalepa o Hilo i keia mau hihia, a e holomua ka lakou mau hana. O kSi noeau, ke akahele ame ka hoopono na mea e hiki ai.