Ka Nupepa Kuokoa, Volume XXII, Number 49, 8 Kekemapa 1883 — IKEA KA NOA. [ARTICLE]

IKEA KA NOA.

Maloko o ka Elele Poakolu o ka la aS o Novemaba iho nei kahi i hoopuka ia ai he kukulu manao ano hehena malalo o ke poo, " Kolekole ka noa, " a pela aku. Ina he oiaio ua kolekole ka noa o kahi mea, alaila, o ka noa aku la no ia a ka ona o ua wahi Elele nei, a me kona poe hoa huki kaula o kahi moku aupuni o Hawail Ua hiki ke lawe ia mai ke poo holookoa o ia kukulu manao a hoopiliia i ka lakou mau hana, me ka hoololi ana o hookahi wale no huaolelo ma kahi o "aupuni " hookomo ka huaolelo makaainana, alaila, penei ka heluhelu ana, o kona mau hunolelo: * Kolekole ka noa o ka poai kue makaainana. Na kona mau lima ponoi e oki i k<M»a kani-ai. Moakaka ko lakou maa manao eleele. Ka hoao akea e pakaha i ka pono o ke kanaka Hawaii." O na huaolelo iho la ia a ka Elele 1

hoao ai e hoopili i ka poe e hooikaika nei no ka hoopakele ana ia Hawaii a me kona lahui mai na poino e hookokoke nei, mamuli o na hanā pono ole iloko oke aupuni. Aka, e hoi hou aku no ia mau huaolelo a hoopunana iho maluna o ka Elele a me kona poe. Hana iho la o Naaniana i amana nui me ka manao e li ia Moredekai maluna oua amana la, aka , ua liia o Naamana maluna o ka amana ana i hana ai no hai. Mahea na manao eleele iloko o ka papa inoa o ka poe holo balota i hoopukaia e ka nupepa Hawaiian Gazette. Mahea na hana pakaha wale a lakou;? Aole loa e hiki i ka Eleh ke hookau i kona lima maluna o kekahi hana hookahi a ia poe i mea hooiaio no kana mau olelo hoahewa. Aka, he kumu no paha ko ka Elele no kona hoahewa ana, a o ia kumu, oia no ke ano kuokoa hoopilimeaai ole o ia mau inoa. Ikea ka noa a kahi Elele.