Ka Nupepa Kuokoa, Volume XXII, Number 48, 1 December 1883 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

KUOKOA ME KE AU OKOA.

[I Huiia.]

No ka Makahiki $2 00

Eono Mahina…1 00

Dala Kuike ka Rula.

@ 1883

            Paiia e Thos. G Thrum, ma ka halepai o ka nupepa Saturday Press.

 

I KA UHANE ALAKAI.

@

1

@hane Alakai,

@ mai,

Kai malie ia @

Mai @ aku @

@ nae,

Ke @

Hele mai a hahai ia'u

Na'u e alakai a mau.

2

@ Hoa @

@ pili mai

@

A hoopuni i ke ao,

Aia @

@ mai,

Hele mai a hahai ia'u,

Na'u e alakai a mau.

3

Aia @

A kaka@ mai,

@ ka pule no,

Me ka makaala pu,

Ia makou e kali nei,

E hawanawana mai,

Hele mai a hahai ia'u,

Na'u e alakai a mau

            HAWAII.

 

Haawina Kula Sabati.

Helu 11. Sabati Dek. 16.

Kumuhana. Davida e hoopakele ana i kona enemi.

Pauku Baibala 1 Sam. 24; 1 17.

A I KA hoi ana mai o Saula i ka hahai ana i ko Pilisetia, ua hai @ aia o Davida ma ka wao@ Enegedi.

            2 Alaila lawe ae la o Saula he ekolu  @ kanaka i wae ia noloko mai o @ a pau, a hele aku la e imi ia Davida a me kona poe kanaka maluna o na pohaku o na kao hihiu.

            3 A hiki aku la i na pa hipa ma ke ala, malaila he ana; a komo aku la o Saula e uhi i kona wawae: a o Davida a me kona poe kanaka aia ma na aoao o ke ana.

            4 I aku la na kanaka o Davida iaia, aia hoi, ua hiki mai ka la a Iehova i i mai ai, aia hoi, e hoolilo ana au i kou enemi iloko o kou lima, i hana akua ai oe iaia elike me kou makemake. Alaila ku ae la o Davida, a oki malu @ la i ka lepa o ka lole aahu o Saula.

            5 A mahope iho, kui iho la ka naau o Davida iaia iho, i kona oki ana i ka lepa o ka aahu o ka lole o Saula.

            6 I aku la ia i kana poe kanaka, ua hoole mai o Iehova ke hana aku au i keia mea i kuu haku, i ka mea a Iehova i poni ai, a e kau aku i kuu lima maluna ona, no ka mea, oia ka mea i poniia e Iehova.

            7 Hooikaika aku la o Davida i kona poe kanaka ma keia olelo, aole ia i ae aku ia lakou e kue ia Saula. Ku ae la o Saula mawaho o ke ana, a hele aku la ma ke ala.

            8 Mahope iho, ku ae la o Davida a hele aku la iwaho o ke ana, a kahea aku la mahope o Saula, i aku la, e kuu haku, e ke alii. A nana ae la o Saula mahope ona, kulou iho la o Davida me kona maka ma ka honua, a haule iho la ilalo.

            9 I aku la o Davida ia Saula, no ke aha la oe i hoolohe ai i ka olelo a kanaka, i ka i ana mai, aia hoi, ke imi nei o Davida e pepehi ia oe?

            10 Aia hoi, i keia la ua ike kou maka i ka hoolilo ana o Iehova ia oe iloko o kuu lima ma ke ana: a i mai la kekahi e pepehi ia oe: aka, ua aloha au ia oe, i aku la, aole au e kau aku i kuu lima maluna o kuu haku: no ka mea, oia ka Iehova i poni ai.

            11 E nana oe, e kuu makuakane, e nana hoi i ka lepa o kou aahu ma kuu lima: no ka mea, i kuu oki ana i ka lepa o kou aahu, aole hoi i pepehi ia oe, e nana hoi, e ike oe, aole he hewa, aole hoi he lawehala iloko o kuu lima, aole no au i hana hewa aku ia oe: aka, ke imi mai nei oe i kuu ola e lawe aku.

            12 Na Iehova e hooponopono iwaena o kaua, a na ia Iehova e hoopai ia oe no'u: aka, aole e kauia aku kuu lima maluna ou.

            13 Elike me ka olelo a ka poe kahiko, no ka poe hewa mai ka hewa; aka, aole e kauia aku kuu lima maluna ou.

            14 Mamuli owai i puka mai nei ke alii o ka Iseraela? e alualu ana oe ia wai? mamuli o ka ilio make anei? mamuli o ka ukulele anei?

            15 O Iehova ka lunakanawai, a nana e hooponopono iwaena o kaua, a nana hoi e hooponopono mai i kuu mea, a e hoopakele mai ia'u mai kou lima ae.

            16 A pau ae la ka Davida olelo ana aku i keia mau olelo ia Saula: i mai la o Saula o kou leo anei keia, e Davida e kuu keiki? a hookiekie ae la o Saula i kona leo iluna, a uwe iho la.

            17 I aku la oia ia Davida, ua oi aku kou pono mamua o ko'u: no ka mea, ua hana pono mai oe ia'u, a ua hana ino aku au ia oe.

            Pauku Gula, Mat. 5: 44.

            Manao Nui, ka hana maikai ana, oia wale no ka mea e pau ai ka manao enemi.

            Na Heluhelu La. 1, 1 Sam. 21; 1—15, 2, 1 Sam. 22; 1—23, 3, 1 Sam. 23; 1—15, 4, 1Sam. 24; 1—29, 5, 1Sam 25; 1—22, 6, Mat. 5; 38—48, 7, Hal. 57; 1—11.

            Ka Manawa, B. C. 1060, 23 paha makahiki mahope o ka Helu 10.

            Kahi i hanaia ai, ka waonahele o Enegedi ma Iuda ma ka aoao komohana o Kaimake.

            Make Samuela 86 ona mau makahiki.

            Mele "Hui anei ma o." Hoku Ao Nani. p. 40.

            Pule i makaukau e hui pu ma ka lani.

KA WEHEWEHE ME KA NINAU ANA.

            Hai mai i na mea nui ma ka mokuna 21.

            1 Ka hele ana o Davida i Noba i pakele i ka make ia Saula

            2 Ka loaa ana iaia o ka berena laa a me ka pahikaua a Golia, ua ikeia e Doega no Edoma.

            3 Ka holo ana o Davida i o Akisa la ke alii o Gata. Makau iaia no kona lohe ana i kona kulana, a hoololi i kona ano me he kanaka hehena la, a kipakuia 'ku oia e ke alii.

            Hai mai i na mea ma ka mokuna 22.

            1 Ka hele ana o Davida ma ke ana o Adulama. Hui pu me ia ka poe aie a pilikia, a hiki i ka 600.

            2 Lawe oia i kona mau makua e noho ma ka aina o Moaba, a pau ka wa pilikia.

            Ao ia Davida e ke kaula e hele aku i kahi e ma Iuda.

            4 Kuhi Saula ua kue kona poe iaia a ua hele mahope o Davida.

            5 Hoike o Doega i kahi ana i ike ai ia Davida.

            6 Kena o Saula e pepehi ia o Ahimeleka ke kahuna nui me na kahuna he 85, a lukuia Noba me na mea a pau olaila.

            Na mea iloko o ka mokuna 23.

            1 Ke kaua ana o ko Pilisetia ia Keila.

            2 Ko Davida hoopakele ana ia Keila a luku aku i ko Pilisetia.

            3 Kona holo ana i Sipa a halawai pu me Ionetana.

            4 Ke alualu ana o Saula ia Davida ma ka waonahele o Maona. Aole nae i loaa no ke kii ia e hoi i ke kaua ana mai o ko Pilisetia. A hoi aku Davida i na wahi paa o Enegedi.

            Ma ka mokuna 24 ka hoomaka ana o ko kakou haawina o keia la.

NA MAHELE.

            I Ke alualu ana o Saula ia Davida, p. 1—3.

            1 I ke kaua ana 'ku o Saula i na Pilisetia, ua lanakila anei oia? Ae, nolaila kona hoi ana mai.

            Heaha kana i lohe ai? Mahea ka waonahele o Enegedi? Ilaila anei Davida mamua?

            2 Manao anei oia e alualu hou aku ia Davida? Ehia tausani koa ana i lawe ai e hele pu? Pehea ka nui o ko Davida poe? 600 paha. Aole nae he poe keia. Aole i manao o Davida e kaua aku ia Saula ma, aole manao e kipi a e pepehi ia Saula. Kuhihewa Saula.

            A imi Saula ia Davida mahea? He hana kupono anei keia i ka hanohano o ke 'lii?

            3 Loaa heaha ma ke ala? A aha Saula ma ia ana? E uhi i kona mau wawae i hoomaha ma ka hiamoe ana.

            Aia o Saula ma ka waha o ke ana, a owai maloko loa? Ua pouli ko loko, aole ike Saula he poe maloko.

            II Ko Davida hoopakele ana ia Saula.

            4 Heaha na kanaka i olelo hookonokono ai ia Davida? Heaha ka Davida i hana ai?

            5 Mahope pehea i hana ai ko Davida naau?

            6 Heaha ka Iehova i hoole ai ia Davida? No ke aha?

            7 Hooikaika Davida e aha kona poe kanaka? Aole ma ke pepehi ia Saula ea Aole lohe i keia kamailio ana, ala ae oia a hele me ka ike ole ia, aia kona enemi iloko.

            III Na olelo a Davida ia Saula. p. 8—15.

            8 Mahope iho, i ka puka ana o Davida iwaho o ke ana, aha oia ia Saula? Aha hoi Saula? Pepehi anei oia ia Davida? Aha hou Davida?

            9 Heaha ka Davida i ninau aku ai ia Saula?

            10 Heaha ka Davida i hoike aku ai ia Saula?

            No ke aha ko Davida hoopakele ana ia Saula, oiai, ua hiki iaia e pepehi, a ua paipai pu ia e pepehi iaia?

            11 Kauoha Davida ia Saula e nana i ke aha? I ike oia aole ona hala e imi ai oia e pepehi iaia, oiai e imi ana oe e pepehi mai ia'u.

            12 Nawai hooponopono iwaena o laua? A e aha iaia nona? Aole au e aha ia oe? Aole ia'u ka hoopai ana ia oe, ia Iahova ia.

            13 Heaha ka olelo a ka poe kahiko Pehea ka pili ana o keia olelo ia Davida? Penei paha, ina he kanaka hewa au, ina ua pepehi au ia oe, oiai, aia oe iloko o ko'u lima, oiai oe e hiamoe ana maloko o ke ana.

            14 Heaha na ninau a Davida ia Saula? Ma ia mau ninau, ua hoohalike o Davida iaia iho me ke aha?

            He ilio make, he ukulele, he mana ole.

            15 Owai ka lunakanawai? A nana e aha? Maluna o Iehova ko Davida hilinai ana.

            IV Na olelo pane a Saula. p. 16—17

            16 Ua kapa Davida ia Saula he makuakane nona. Nolaila, kapa Saula ia Davida he keiki nana.

            Heaha kana i ninau ai? A aha oia i kona leo, a aha iho la? Ka mana ia o na olelo oluolu a Davida. Sol. 15. 1 25; 15.

            17 A olelo oia ia Davida pehea? Ua hana Davida pehea? Mat. 5; 44

            He mihi io anei keia a Saula? Ua like paha me ko Parao.

KA HOOPILI ANA

            1 Ka hoopunipuni ana o kekahi, he mea ia e poino ai na kanaka he nui wale. Pau kela mau kahuna Ahimeleka ma i ka pepehi ia. Pau Noba i ka lukuia. Heaha ke kumu? Ka hoopunipuni ana o Davida. Hoopunipuni kekahi, olelo, aohe poino ke inu liilii i ka rama, aohe poino ke lilo i ka lealea, i ka hula, &c.

            He poe hoopunipuni na kahuna hoomanamana, na kahuna Pope, na kahuna Moremona. Puni na kanaka lehulehu. Nui ka poe i make, a e make ana ma o ka hoopunipuni ana a hai.

            3 Kokua i ka poe ilihune, auwana, a aie, e like me Davida, e like me Iesu.

            4 E ninau e i ko ke Akua manao, e noho, e hele, a kaua, e noho malie anei oukou? Aia a akaka ko ke Akua manao, alaila, hooko.

            5 He mea ikaika ka lili. Sol. 6: 34 35, 27; 4.

            6 Ikaika hoi ke aloha, nolaila ka pakele o Saula mai ka make.

            7 E waiho i na hoopai a ke Akua.

            8 He kumu liilii kekahi kumu o ke kaua, a o ka hoopii ana i na aha hookolokolo. Ke alualu nei anei oe i ka ilio make, i ka ukulele?

            9 He mea hikiwawe ka ae ua hewa. Ae Saula ia Samuela ua hewa, ae no ia Davida ua hewa. Aka ua hoomauia no ka hewa. He mihi hookamani ia. E mihi pono. E hoohua i ka hua i ku ka mihi io.

            10 Mai hoohalike oe me ke kanaka hehena i pakele ae i ka pilikia, o hehena io auanei oe, a kipaku ia i kahi e auwana wale ai.

            Mele. "Hoomaikai i ka Makua," Hoku Ao Nani. p. 41.

            Pule hoomaikai i ke Akua.

            Haawina no Dek. 23, 1 Sam. 31; 1—13.

 

EIA KA OIAIO.

            Ma ka NUPEPA KUOKOA o ka la 24 o kela mahina, ua ike au he manao i kakauia malalo o ke poo "Kane me ka wahine umi keiki" ma ka apana o Waimanalo Oahu. Aole he oiaio o ia mau mea a pau i hoikeia ma ua manao la. Ke hoike aku nei au maanei, a aole au me ka'u wahine i lawelawe ma keia hana karaima i oleloia, aole loa i pa a moeuhane mua ia e maua e hana ana maua i keia hana ku i ke karaima.

            Ua olelo pu ia no hoi ma ua manao la ua lilo ka'u wahine me hai, a me hai i loaa ai ua opu keiki la e olelo ia nei. Eia ka oiaio e na makamaka. Ua piha iho nei ka eono makahiki o ko maua noho ana he kane a he wahine, aole au i ike iki ua kaawale aku ka'u wahine mai ko maua berita mare, a o ka wa hea la kona kaawale ana aku? E ke kanaka opu ino, lili, manao lapuwale, ihea la kou ike ana ua kaawale ka'u wahine mai ia'u aku? E ke kanaka hohe, e ka lapuwale, owai kou inoa ponoi? Pehea la oe i huna ai i kou inoa ponoi a hoolaha pee oe malalo o ka inoa kapakapa ano ole? Aka, eia au ma kou mau meheu ke hookolo aku nei au, ke hanu aku nei, a loaa oe ia'u ku kaua imua o ke kanawai a e hooiaio oe i ka oiaio o kau mea i hoolaha ai, no ka mea, ua hana oe i ka hana ku i ke kanawai.

            E wehewehe iki au maanei: Ua oleloia ua ike ka'u wahine he opu keiki kona a no ia kumu ua ake iho la oia e umi i ke keiki. Pehea la i ike ai keia kanaka hohe he opu keiki o ko ka'u wahine? Pehea la, ua oi anei ka ike o kekahi mea okoa loa i ke kulana o kekahi wahine mare mamua ae o kana kane mare? Na'u no e hoole, aole i oi ko hai ike mamua o ko ke kane mare. A ina pela, alaila, aole i ike keia mea e hoolaha nei he opu keiki ko ka'u wahine. No ka mea o ka ekolu mahina no keia a oi, pehea akaka anei ia wa ua loaa ka opu keiki? E maopopo loa anei he opu keiki io ko ka wahine oiai na mahina wale no ekolu a oi? Aole loa, aole loa. Aia a piha na mahina eha a elima alaila maopopo lea a akaka he opu keiki io. Nolaila e ke kanaka nona ka inoa "Waimanalo" aole oe i ike i kau mea i hoolaha ai, ua hupo oe ma kau hoolaha ana, a ma kou hupo ana komo oe iloko o ka pilikia.

            Maanei ke hooki nei au malalo o ko'u inoa ponoi a pololei.

            DAVID NOHOLOA.

Waimanalo, Koolaupoko, Nov. 26 '83.

 

HE MOOLELO EEHIA

NO NA

HANA HOOWELIWELI

O KE

TOWERA O LADANA.

Mai ka peni a ka mea unuhi moolelo o "Be[riana ka Wiwo Ole a me Mahoni ke Koa."]

BUKE ELUA—MOKUNA I.

MERE KA MOIWAHINE.

I KA huakai hookahakaha e maalo ana ana malalo iho o ka ipuka pa o ke Towera Koko, ua hoomoana aku la lakou maluna o ke kahua uliuli akea o ua Towera la. Ua poai puni ae la lakou i ka moiwahine, a iwaena o kela a me keia hapaha o ua poai poepoe la, e ikeia no na oiwi kino loloa o Goga me Magoga, a ma nae aku o laua na wahi kanaka peke o Oga a me Zita. I ka moiwahine i lawe ae ai i kona wahi ma waenakonu o keia pohai kanaka, ia wa i hoea mai ai ka Haku Kelinetona mai kana huakai mai i hoouna ia ai me kekahi poe kanaka maka hanohano; a o keia poe kanaka, ua hoopaahaoia lakou iloko o ke Towera no ko lakou hiipoi ana i ka hoomana Roma, a e hookuu lanakila ia ana lakou me ke kalaia e Mere. O ka mea mua i hele mai imua o Mere he kanaka koikoi kulana kiekie; a iaia i hiki aku ai imua o ka moiwahine, haule iho la oia ma kona mau kuli me ke kulou ana imua o ke alii. Ua hoopiha ia o Mere me ke aloha nona, me ka haloiloi o na waimaka, no ia mea, ua pane aku la oia me ka leo mokumokuahua:

            E ku ae iluna e kuu Haku Duke o Norefoka. O ka hoopai i kau ia maluna ou i ka wa o kuu makukane e nohoalii ana ua huikalaia; o kou kulana, kou mau pono pilipaa, kou hanohano a me kou mau waiwai, e pili hou aku no ia me oe.

            I ka hoi ana aku o ke Duke, hele mai la o Gadina ka Bihopa o Winchester imua o Mere.

            Aole o kou kulana oihana bihopa wale no ke pili hou aku ana ia oe, wahi a Mere, aka, e haawi pu ia aku maluna ou i kulana kiekie hou ae, oia hoi, ke hookohu aku nei au ia oe i haku puuku no ko'u alo alii.

            Ua hookau mai kou kiekie i ka hanohano maluna o'u me ka oluolu, wahi a Gadina me ka honi ana iho i kona lima.

            Aole he mea hou aku nou e hauoli ai e kuu haku wahi a ke aliiwahine i pane aku ai; aka e kapae iki ae oe no keia manawa, he nui aku ka makou hana no ka poe i koe.

            Ia Gadina i kaawale aku ai, alakai ia mai la kekahi bihopa hou imua o Mere oia no o Bona.

            E kuu haku, wahi a Mere i pane aku ai, iaia i kulou hoomaikai mai ai, ano, ua pili hou aku me oe kou kulana oihana ma ke ano diakona o Ladana, a o ka makalua e noho ia nei e ka mea i kupono ole ia kulana kiekie, oia ka Bihopa Ridele, e hookaawale ia ae oia mai ia wahi ae i kaawale kahi nou. E kuu haku Kelinetona, wahi a ka moiwahine Mere i pane aku ai, e hana koke aku oe i palapala hopu, a e kii aku iaia a hoopaa ae iloko o ke Towera.

            Huli ae la o Renada a pane aku la i ka Haku Pemeberoke: Ua hoike aku au ia oe mamua i ka hopena e kau mai ana maluna ona, o kana mau olelo hope i hoike ai, oia ka mea nana i kumakaia aku iaia. E ukali aku auanei o Cranmer mahope ona ma keia alanui hookahi me ke kaulua ole.

            I ke kau hou ia ana mai o ke kulana mua maluna o ka Bihopa Bona, ua hookuu lanakila ia oia mai ka noho ana he pio, a hali hou ia mai la imua o ke aliiwahine kekahi mau pio e ae, oia a Tunstall ka bihopa o Durehama, a me ke Duke wahine o Somaseta; ua hele aku la laua a haawi aku la i na hoomaikai ana imua o ka moiwahine Mere, a ua apo ia mai la laua me ka pumehana e ke aliiwahine me ka huikalaia.

            O ka mea hope loa o na paahao i lawe ia aku imua o Mere, he kanaka opio ui oiwi kino maikai me ke kulana hanohano. Oia no o Edewada Coatine (Edward Courtenay,) keiki a ka Makuisa o Exeter, ka mea i okiia ke poo i ka makahiki 1538. Mai ia manawa i hoopaahao ia ai keia keiki, a he moopuna oia na ke aliiwahine Catarine, ke kaikamahine muli loa a Edewada IV, a o ka makuakane o keia keiki ka hooilina o ka nohoalii.

            Ia Coatine i lawe ia aku ai imua o Mere, ua pane mai la oia penei: Ke hookipa mai nei au i aoe me aloha, e kuu cousini, wahi a ka moiwahine Mere i pane aku ai, me kona haawi ana aku i kona lima iaia, a lulu lima pu iho la laua me ka pumehana. O na hooko ana a ke kanawai i kau ia maluna ou, ke kapae ae nei au ia: a oiai aole e hiki ia makou ke hoola mai i kou makua, aka ua hiki ia makou ke hoouka aku i na pomaikai o kana keiki me ka hookau pu ana aku i kona mau kulana hanohano mua a pau maluna ona. Nolaila, o oe ka Ela o Deronasire. O kou palapala hookohu, e loaa aku no ia ia oe ke makaukau, a o na waiwai a pau o kou makua e paa nei iloko o ko makou lima, e pili hou aku no ia ia oe.

            Haawi aku la o Catine i ka hoomaii mahalo lua ole i pahola ia mai e Mere maluna ona, me ka halii pu ana iho na mino aka hoihoi makaleho o ke aliiwahine nona, a he mea ia i hoohuoi ia e kela me keia mea, malia o koho aku ke aliii iaia i kokoolua nona.

            Huli ae la o Pemeberoke a pane aku la ia Renada, ua piha hoihoi ke aliiwahine ia Coatine, ua hoike mai oia i na mino aka ma kona mau papalina me ka paulehia nona, me he mea la, e haawi aku ana oia i kona lima iaia me ke kanalua ole.

            Hamau i pane aku ai ka emebasedoa. O ka wa keia e o-u ai i ka omaka ana o ka opuu. He kane okoa no ka'u i manao ai na ke alii.

            Ke ole nae au e kuhihewa, o ko haku no kau o Pilipo o Sepania, wahi a Pemeberoke i pane aku ai: ua kupono io no ina aole oia he katolika.

            Aole nae o Renada i pane aku, aka, mino aka iho la oia me ke kuoo.

            Hauoli loa au i ka lohe ana aku nei i keia mau olelo wahi a De Noailles, iaia e i lohe mahui aku ai i na kukai kamailio ana a Renada ma, aole no he kupono i kokoolua oia no o Heneri II, oiai e hui ana o Enelani me Sepania ma ka aoao ana. No Coatine au e hooikaika ai me ke kue ana i ka Renada kahua i manao ai.

            I ka pau ana o na paahao i hali ia mai i ke kala ia, ua haawi aku la o Mere i ke kauoha e hookuu lanakila ia ka poe a pau i hoopaa pio ia iloko o ke Towera no ko lakou paulele i ka oiaio o ka hoomana katolika.

            O ko'u manao mua, wahi a Mere, e malamaia ke anaina hoolewa o kuu kaikunane, Edewada VI., ka mea nona ke kino e waiho nei aole i huna ia, oiai ka wa o kekahi poe okoa e hooikaika ana no ka nohoalii; e lawelawe ia elike me na loina o ka ekalesia Roma. E malama ia ke anaina haipule ma Westminster Abbey.

            Aole e hiki pela, e kou kiekie, wahi a ka bihopa Cranmer i pane aku ai. O ke alii ka Moi Edewada VI., no ka ekalesia Perosetane oia.

            E akahele kou hoao ana mai e kue mai ia'u, e kuu haku, i pane aku ai o Mere ke ke ku io. O ko'u hoopaa ana aku nei no ia i ka bihopa Ridele, a me ka hakalia ole hoi no ka hoopaa pu ana aku ia oe.

 

HE HOOKULI I HOAPONO IA.

            Pehea? He hookuli maikai no anei kekahi? Alia. He makuakane nana na keiki elua, he kaikamahine kekahi o Lukia ka inoa, a he kaikunane kona, eha makahiki kona emi ana malalo iho o Lukia.

            Ua haawi ka makuakane ia Lukia he piki nui a maikai nona ponoi no ia. A he wahi piki uuku iho kana i haawi ai ia Lukia, me ka olelo, na kou kaikunane keia. E lawe oe ia a haawi aku iaia

            Ka hele no ia o Lukia a hoi koke mai no.

            Ninau ka makuakane, ua haawi anei oe i kou kaikunane i ka piki a-u i olelo ai ia oe nona ia?

            Ulaula mai ka maka o Lukia a huli ae me ka ekemu ole.

            Ninau hou ka makuakane me ka leo ane huhu, ua haawi anei oe i kou kaikunane i ka piki a'u i olelo ai nona ia?

            Hoole oia, e ka makuakane, aole au i haawi aku ia piki iaia.

            Heaha kau i hana ai me ia piki? ninau ka makuakane.

            Ua ai au ia piki, pane Lukia.

            Pehea? aole anei oe i haawi i wahi piki? Ae, ua haawi aku au i ko'u piki iaia.

            No ke aha oe i haawi aku ai i kou piki iaia, aole ka piki a'u i olelo ai nona ia?

            Pane Lukia, no ka mea, he piki nui a he piki uuku ko iala. A kuhi au ua oi kona makemake i ko'u mamua o kona makemake i kona.

            Ae, aka, aole pono ia oe ke hookuli i ka'u kauoha, pane ka makuakane.

            Aole o'u manao e hookuli i kau, e ka makuakane, pane Lukia me ke kapalili o ko loko ona.

            Aka, ua hookuli no oe, e ke kaikamahi i ka'u, pane ka makuakane.

            A pane Lukia me ka helelei o kona mau waimaka, ua manao au, aole e huhu mai ana oe ia'u ke haaawi au i ka piki nui i kuu kaikunane.

            Aka, ua makemake nou ka piki nui, no ka mea, ua oi aku kou mau makahiki, pane ka makuakane.

            A pehea, ke manao nei anei oe ua like kona aloha ia oe me kou aloha iaia?

            Ae, no ka mea, i ko'u haawi ana i ka piki nui iaia, hoole oia, aole lawe. Nou no ia wahi ana. Make koi ikaika ana kona ae e lawe ia.

            UNUHIIA E HAWAII.

 

NA HOOLAHA KUMAU.

CHAS. J. FISHEL

CHAS. J. FISHEL

CHAS. J. FISHEL

EIA AU IMUA O KE KAHUA

Ke hea mai nei ke Kahuli leo lea.

Eia ianei ko lio. Ko lio la e

ke hoa, ina iho la-@.

A pane mai oe olu iho au, i olu hoi @

mau la maka paha.

137 Pahu lole hou. 137 Pahu lole hou

ONA Waiwai hou a pau loa o ka hoea koke ana mai nei no ia, e loaa no ma ko'u halekuai me na kumukuai emi. Eia ua mau kumukuai la:

16 Ia Kalakoa…$1.00

86 Kankini paa lole kane…$6.50 o ka paa

23 " " " Kamalii…$2.75 " " "

120 Palemai o na kane…15 c. " "

322 Apa lole huluhulu…25 c. o ka ia

72 " Lihilihi pukaaniani…" " "

220 Kakini kihei puu…25 c. o ke kihei

O kau mea hoinainau iho la no ka ia

O ka lawelawe malie waleia aku no,

Pau hewa e ka waimaka aohe i eha,

Homai! Eia no.

Homai! Eia no.

UA makaukau au a ua hiki ke kuai kukaa a kuai liilii i na waiwai a pau me ke kumukuai waipahe.

'O na Kauoha a pau mai na Mokupuni e hookoia me ka eleu.

Hooheno mai ana ko aloha ia u,

Me he kui houhou ala i kuu poli,

He halia mau ia no ka mid-night,

No ka po huihui kehau anu."

UA HOOHUI pu no hoi au i mea e holopono ai na kuai hoopakika ana o na waiwai o kela a me keia ano, he pakaukau kahi e kuaiia na waiwai like ole, no ke

KENIKENI WALE NO.

Owau mai kau e hea mai ai,

E hea ke kanaka e komo maloko,

E hanai ai a hewa ae e ka waha,

Eia no ka uku—

NA HAINAKA,

KAWELE,

AI KALA,

LEI AI,

No Kenikeni wale no!

A he nui wale aku no na mea i koe i hiki ole ke huaipauia aku.

E AU!! E AU!!!

            CHAS. J. FISHEL.

Kihi o Alanui Papu me Hotele. tf.

 

NA HOOLAHA KUMAU.

ASA KAULIA.

LOIO A HE KOKUA MA KE KANAWAI.

@f.

 

J L. KAULUKO@

LOIO A HE KOKUA MA KE KANAWAI.

KEENA HANA Ma ke @

 

W O. SMITH

LOIO. LOIO, LOIO.

KEENA HANA: Helu 30 Alanui K@

tf.

 

HENRY N. KAHULU.

LOIO, LOIO, LOIO.

            E loaa no ma Koolauloa a me Honolulu i kahi wa, ma ke Keena o W. L. Holokahiki ma alanui Betela. 1128 @

 

W A. KINI.

LOIO, LOIO, LOIO.

KEENA HANA: Helu 15 Alanui Kaahumanu. Honolulu. @

 

W R. KAKELA.

LOIO A HE KOKUA MA KE KANAWAI.

He Luna Hooiaio Palapala.

tf.

 

W L. HOLOKAHIKI

LOIO A HE KOKUA MA KE KANAWAI.

He Luna Hooiaio Palapala.

KEENA HANA: Wehe@ alanui Betela. tf.

 

A ROSA. (A@.)

LOIO A HE KOKUA MA KE KANAWAI.

He Luna Hooiaio Palapala.

KEENA HANA: Ma ke Keena @ Kuhina.

tf.

 

S B. DOLE.

LOIO, LOIO, LOIO.

He Luna Hooiaio Palapala.

KEENA HANA Ma Alanui Kaahumanu.

tf.

 

CECIL BROWN.

LOIO A HE KOKUA MA KE KANAWAI.

A he Agena Hooiaio Palapala no ka Mokupuni o Oahu

KEENA HANA: Helu 8 alanui Kaahumanu

tf.

 

JAMES M. MONSARRAT

(M@)

LOIO A HE KOKUA MA KE KANAWAI.

He Luna Hooiaio Palapala.

KEENA HANA: alanui Kalepa

 

RICHARD @. BICKERTON

(PEK@)

LOIO A HE KOKUA MA KE KANAWAI

KEENA HANA: Helu 27 alanui Kalepa.

tf.

 

SAM'L. L. KAWELO.

LOIO, LOIO, LOIO.

KEENA HANA. Puakalehua, alanui Maunakea, Honolulu.

 

SAM'L. K. KAEO.

LOIO, LOIO, LOIO.

KEENA HANA: Me @ L. K@ Keena o W. C. Akana.

 

KALE KULIKA

Luna Hooiaio Palapala Moraki a me na Palapala o ia ano, Luna Hooiaio Palapala Aelike mawaena o ka Haku a me ke Kauwa, Luna haawi Palapala Mare.

KEENA HANA: Kihi o alanui Moiwahine me Kaahumanu.

 

C C. COLEMAN.

Amara a he mea hana Mekina

Kapili Kapuai hao lio.

A ME KA

Hana ana Kaa Lio, etc.,

Hale Hana ma Alanui Alii.

905.tf E kokoke ia i ke Alanui Papu

 

S H. MEEKAPU.

Tela humuhumu lole.

HALE HANA: Helu 11 alanui Nuuanu.

 

F PAHIA, SAM,L. M. KAAUKAI

Ana aina!! Ana aina!!!

KEENA HANA: Aia ma alanui Moi, kokoke loa i ka Uwapo o Hooli@aman@. tf

 

C BREWER & CO. (B@RUA MA.)

            Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuni mai i ko lakou mau ILI me makou, a e haawai no makou i ke KUMUKUAI KIEKIE LOA o ko kakou Makeke. tf.

 

H HACKFIELD & CO.

Ua makemakeia

NA ILI BIPI,

NA KIWI BIPI,

NA IWI BIPI,

E haawi ia no ke kumukuai kiekie o ko kakou makeke nei e tf.

 

WILLIAM AULD.

Luna Hooiaio Palapala Kepa Paahana no ka Apana o Kona.

            KEENA HANA: Ma ke Keena Wai o Honolulu. tf

 

WILLIAM WOND.

Luna Hooiaio Palapala Kepa.

KEENA HANA ma ka Halewai. tf.

 

OLELO HOOLAHA.

            E ike auanei na kanaka a pau ke nana mai i keia Olelo Hoolaha, owau o Apoe (Pake) kaikaina ponoi o Iakoka (Pake) ua hookohu ponoia mai au i hope malama a hooponopono no kona mau waiwai a pau, oiai ua hoi aku nei oia i Kina. Ma keia ke hoolahaia aku nei, o ka poe a pau i aie aia, e hookaa koke mai lakou i ko lakou mau aie ia'u iloko o na mahina elua mai ka la e puka aku nei keia Olelo Hoolaha, a i ole, e hoopiiia no lakou ma ke kanawai. Eia kekahi, aole loa au e ae e hook@ kekahi aie i hoaie ia ma ko'u inoa, ke ole @aa aku na hoapono ana mai ia'u aku. E @ keiai kanawai mai keia la aku.

            Hanalei, Kauai, Iune 1@, '83 1@