Ka Nupepa Kuokoa, Volume XXII, Number 43, 27 October 1883 — NUHOU O NA AINA E. [ARTICLE]

NUHOU O NA AINA E.

Ma ka la 9 o keia mahina he hoonaueue ikaika ana 0 ke olai ka i ikeia ma Kapalakiko. He elua manawa o ka hoohakui ana, aole nae he mea i poino. He 4 kapuai nie 9 iniha ke kiekie 0 ka moiwahinq Vitoria. O VVong Ching Foo, he Pake lunahooponopono 0 kekahi nupepa Pake ma Nu loka, ua nalowale honua oia aole mea i ike i ke kumu 0 kona nalowale honua ana. Ua holo aku no Tonquin mai Toulon Farani aku he moku i piha i na koa he 790, a me kekahi heluna nui o na lako kaua. He nene kaua nui ma Europaholookoa a puni, ke puapuai mai nei ma na lono hope i hiki mai i o .kakou nei. Ua oleloia, ua lokahi ae o Geremania, Atiseturia, me Kina, e kaua aku ia Farani, Rusia, a me Italia, a o Enelani ke ku nei oia i ka wa, a aole maopopo kona aoao e kokua ai. Aka, ma ka hoomaopopo lea ana aku me he la e kokua ana oia ma ka aoao o Geremaeia ma. 0 Rusia kona pulakaumaka nui, a nolaila, ua hakapQno oia ma ka Rusia aoao e kokua ai; a oiai ua ano moakaka ko Rusia aoao e kokua ai, nolaila, me he la e lele kokua aku ana oia ma ko Geremania ma aoao. He nene kaua huliamahi keia a puni o Europa holookoa ke pii ae ko lakou mau okalakala pakahi a hu loa mawaho o na palena kupono o ka noho'na maluhia a hoaaloha. Ua hoopukaia e kahui Nihila o Rusia, he mau palapala pai e kauoha paa ana i ke aupuni e hoopau koke ke aupuni i na hana lokoino a hoomainoino maluna o na kino o ka poe a.pau i hoopaahaoia malalo o na karaima pakahi i hanaia e lakou. A ua kauoha pu lakou ma ua palapala la i ko lakou mau lala a pau e akahele ma o ka hopuia e na makai 0 ke aupuni.' 0 ka lakou hana e hana ai maluna o ke aupuni ke hooko ole ia ka lakou kauoha, aole i hoikeia ma ua palapala la, ua huna lakou ia mea. Ma Rusia no hoi iloko mai nei no o keia mau la mai nei, ua hopuia mau lala o ua hui Nihila la, a o keia poe i hopuia iho la, he mau haumana kaikamahine o kekahi halekula kaika- j mahine o na ohana pua alii a ohana hanohano o ke kulanakauhale o Petereboro. Ma keia hopuia ana mai nei 0 keia mau kaikamahine, ua loaa aku a ua hopu pu ia he mau palapala ano nui 0 ua hui la maloko 0 ko lakou mau pahu, a he mau palapala i paiia maloko na manao e kipi ana i ke aupuni a me ko lakou Emepera. Ma keia mea ke kumu i hoolaha akea ae ai ua hui la 1 kekahi hapa o ko lakou manao ma ke akea. Ua malu hoi ke kula aole he lohea a pua hoi o na hana a keia hui i kela mau mahina aku nei, aka hoi i keia mau la mai nei huai ia ae la ka noa a ua hui la a ahu ana na ino i ke akea. Eia ka 0 keia malu o ke kula aia lakou ke nokenoke lā i kahi malu —a ko no ka olelo kaulana, "hoopulapulaia i kahi malu, hoopua ia i ka malamalama." Ma kekahi manao akea o ka nupepa Herala puka pule o Nu loka, i ike iho ai makou i kona kamailio akea ana maluna 0 ke kumuhana ka "Holo Peresidena." Iloko o keia mau la ua puapuai ae na lono a puni o Amerika Hui no ke ake o kekahi mau lunakanawai o ka aha kiekie o Amerika Hui • holookoa e holo balota no ka noho Peresidena o keia kau ae. O Field me Miller ko laua mau inoa. O ka inoa mua no ka aoao Demokarata, a o ka inoa elua no ka aoao Rupubalika. Mamuli o na manao uilani o ka mea nona ka inoa mua e holo balota no ka noho Peresidena, nolaila, uilani ae nei hoi ka mea nona ka inoa elua e holo no i hoi no ka noho Peresidena me ko laua hoike pu i ko laua manao i l:e akea, no ia mea pili aku nei na kalai manao ana a u'a pepa la no laua, a penei kekahi mau mamala olelo 0 ua manao la: No Field, he kanaka kupono no paha ia a he kanaka maikai a he Demo-

karata oiaio, aka, kekahi ia o na lunakanawai oka Aha Kiekie. Me ia kulana ona he mea pono iaia e hookaawale mai na poe e kaukolo nei no na pono oke aupuni. Aka, ina he manao kona e hui pu aku iloko o ia ka aluka ā me ka noho Peresidena, he jnea pono e hoohalike oia me Davis kekahi ona lunakanawai mamua aku nei, oiai i kona wa i manao ai no ke komo pu aku iloko o' ka huikau o ka poe kalai aupuni ame ka holo balota no ka noho Peresidena, ua haalele koke aku oia i kona kulana lunakanawai 0 ka Aha Kiekie, na ia mau hana ana i hoala mai ai iko Miller manao. Md ko makou kaupaona ana a noonoo hoi, ua aie keia mau keonimana i ko laua mau lunaikehala pakahi, i ko laua aina a i ke kaulana o ko laua mau inoa he mau lunakanawai no ka Aha Kiekie, e hoike ae laua ma ke akea ma ke ano aole laua he mau keonimana e ake ana e komo iloko o na aluka o ka poe kalai aupuni a i ole e haalele laua i ko laua mau noho pakahi. E komo kukonukonu loa aku ana makou mamuli o keia kalai ana a ke hoike maopopo nei 1 ko makou manao maoli, oiaio, e pono laua e haalele laua i ko laua kulana lunakanawai oka Aha Kiekie, no ka mea, ua manao makou ua maneo ia ko laua mau noonoo mamuli o keia kumuhana, a nolaila, ua kupono ole laua no na noho i kamaaina loihi ia laua.