Ka Nupepa Kuokoa, Volume XXII, Number 43, 27 October 1883 — KA DALA HAWAII. [ARTICLE]

KA DALA HAWAII.

Ke kamailio leo nui mai nei kahi nupepa 'waha kanikani o kela aoao i ke dala Hawaii, me ? na huaolelo i kauia a me ke kii oka Moi. Ua ike makou i ke dala i kuniia-me ke kii a i ka nana pono ana, aole ia o ke kii o ka Moi he kanaka okoa loa wale no j o ke ano o kela kii ke nana pono iho, o ke ano a pau loa o Kimo Ailuau o Wailuku, o na huaolelo aole he olelo ana. Ina e nanaia ke kii o Napoliona ma na dala Farani, ua like loa ia me kona kii maloko o na nupepa ke nana iho. Pela no hoi ke kii wahine ma ka hapa lua Amerika ua like no me ke kii ma ka pepa, a o ke kli hoi o ka Moi Kalakaua like ole hoi; ina paha laha aku keia dala ma na aupuni e, e kanalua ana lakou ke ike iho oiai o ke kii o ka Moi aia ia ma na aupuni nui a pau. Aka ke olelo hewahewa nei ua pepa la, oke kii ia oka Moi; e pono iua wahi pepa la e kauoha i ka hale hana dala e hooponopono hou ia ke kii ma ke dala a e hoolike mai me ke kii o na pooleta, i ole e painuu hewa i ke kli o Kimo Ailuau. A ina ua hanaia keia kii ma ke ano pahenehene i ko kakou Moi, alaila he mea ia i ike oleia e oe a me makou, o ka makou nae ua pono ole ka nanaina o ke kii.