Ka Nupepa Kuokoa, Volume XXII, Number 43, 27 October 1883 — Page 3
| This text was transcribed by: | Heather Heleloa |
| This work is dedicated to: | Heleloa Ohana |
Ka Nupepa Kuokoa
KE KILOHANA POOKELA NO KA LAHUI HAWAII.
NUHOU KULOKO.
La o Kohala i keia mau la wahi a Kalohai.
--
Pepe ka lima o kekahi keiki uuku ma Kakaako ma Poakahi nei ma o kekahi kaa hali ukana i pahu koloheia e kekahi kaikamahine.
--
Nele loa kakou i keia pule me na moolelo ole. Ua piiikiaia ko makou mau mea unuhi moolelo. E uumi ka ono eia no a hoea aku, hea ia la?
--
I ka Poakahi ne ka wehe ana o ka halekuai hou o Gartenberg e ku nei make kihi o alanui Nuuanu me Moiwahine.
--
Mau no ka papaa la o Maui Komohana i keia mai la, a ma Maui Hikina hoi he aho iki la, he haule wahi pakaua no, pela ka hoikeia mai.
--
Ma ka po o ka Sabati ka la 21 o keia mahina, ua hanau main a J. Aea a me kana wahine he keikikane. “Nani ka pua i mohala mohana ma na aekai o Ulukou.”
--
Ua hopu hou ia mai nai e na makai o Hilo he mau pahu rama i ka hale o Aiona. Ua hopuia o Aiona. O ka lua Eo la Keia o kona hopuia ana malalo o keia hana hookah.
--
Ua hala aku no Hana Maui ma ka Leina i ka Poakahi nei ka Hooilina Alii Liliuokalani i ukaliia e kana alii Kioaina a me kona ukali ponoi.
--
I ka poha ana mai o ka malamalama o ka lihiliihi o ke kakahiaka Poalima maluna o ka honua, oia ka la 19 o kela pule, ua kii mai la ka Makua Lani i ka uhane o Miss Makaleka Kahookele no Makapala, Kohala Akau, Hawaii.
--
Ma keia pule ae hooliloia aku ai o healani. no Kauai ma ko Bihopa whai a o Bihopa e hooholoia aku ana ia no Hamakua ma i Hawaii. Ma ko Iwalani pani hoi e hooholoia aku an aka mokuahi hou Planter.
--
Me keian auwina la e hookuku kini popo ai ka hu kinipopo Honolulu me ka hui Spreckelsville o ke kula o Kamaomao ma Kulaokahua. Nawai auanei la ka hanohano o ke kahua kinipopo? na kamaaina paha, a n aka malihini paha, e aho ka naue maoli ana aku ilaila a ika maka.
--
Ma ka Poakolu mua o Nevamaba e noho an aka Ahahui Lunakahiko o Maui i Wailuku hora 10. Ke kau leo ia aku nein a kahu ekalesia a me na lunakahiko o na ekalesia o keia aha, e hele nui mai; mai hoololohe hou i ka auwai a lawe pu mai in a keiki o ka aha no ke kula kahuna. O. NAWAHINE.
--
I ka po o ka la Sabati ne ii ku mai ai ka mokuahi “Kulanakauhale o Kikane” mai Kikane mai a ma ha hora 3 o ia po no i holo loa aku ai oia no Kapalakiko. Ua olelo ke kapena ha aku kona e hoolilo i keia huakai i huakai holo loa mawaena o keia mau awa ku moku ekolu.
--
Ma ka Hoku Ao huakai aku ne ii na paeaina o Maikonisia, ua ku aku oia i ka paeaina o Gilibati iloko o na la holo he 17 mai Honolulu aku nei. Ma o no lono hope i loheia mai nona, aia oia ma Butaritari a ma o na lono i hoikeia ma ona la, ua maikai ke ola kino o na mea a pau, a ua holopono hoi na hana.
--
I ka Poaono o kela pule ke ku ana mai o ka mokuahi Planter, mai LKapalakiko mai iloko o na la holo he 11. Ua kapiliia mai nei keia mokuahi e ka hui kapili moku o na hoahanau Holo o Kapalakiko. He 160 kapuai ka loa o keia makuahi, 30 kapuai ke akea, a he 11 ½ kapuai ka hohonu o ka lua waiho ukana, a he 405 kona mau tona. He 12 mile kona holo i ka hora, maluna ona i hoi mai ai o Paipu a me Poka.
--
Ua ku mai ka mokuahi hou o ka laina hooholo mokuahi Ocianica Alameda mai Kapalakiko mai iloko o na la holo he 7. O ke koolua keia o ka mokuahi Mariposa, i kapiliia ma Piladelepia no ka holoholo ana mawaena o Kapalakiko me Honolulu nei, a o kona mua. Maluna mai ona i huli hoi mai ai o Kauka Makipine, W. C. Wilder hana wahine me ke keiki, a me H. F. Glade.
--
I ka po o ka la Sabati ne ii lele loa ai ka hanu o Peleioholani Makainai me Kakaako, Honolule. Ma Hawaii i Kona Akau kona loaa mua loa ana i ka mai, a mailaila mai kona hoihoiia ana ma ii Honolulu nei no na lapaau ana. Ua au ia i o a ianei e na makua kahi e loaa ai ka oluolu a me ka maha, aka, aole pela ka manao o ka Makua nui, ua kii mai oia i kana o ka uhane, a lawe aku, oiai oia iloko no o lon amau la opiopio. aloha ino na makua ihoneleia a e noho nei ma keia ao me ke kaumaha a luuluu. Aka, e na makamaka, he we ko na mea a pau, he wa e kaumaha ai, a he was hoi e hauoli ai, e kaana like kakou in a haawina like ole a ke au o ka Manawa e panee mai ana imua o kakou, ina he kaumaha a he hauoli. Me na makua luuluu a kaumaha ko makou aloha.
(2 nd column)
Ku i ka hoopailua na kalai manao a ka Elele , he mea oiaio aole moe kona po no ka noonoo nui e hookomo i na huaolelo hailiili pelapela loa ; he mea n aka ao holookoa e puana ae ai, o ka helu ekahi o na pepa i pai ia ma ke aupuni Hawaii, o ka haahaa loa. O ka noho ana o keia au aole like, o kekahi poe ua ao ia ma na ike maemae me na olelo maemae. He pono ia oe e ka Elele, e ao aku i kou haku mai hookomo i na olelo pelapela maluna o kou kino. KUOKOA me Pae Aiua nani kela ha wai ko lalo. MAUNALOA & CO.
--
I ka Poakahi nei i hiki mai ai ka lono kaumaha i o kako nei no ka make ana o ko kakou kanikela ma kea lo Empera o Geremania oia o Mr. J. C. Pfluger (Kale Puluka.) Ua hoomaka ka ikaika loa o ka mai ma ka la 20 o Sept, a i ka la 5 o keia mahina kona make ana. Oiai oia e lawelawe ana i kana hana ponoi, ua pili mau ka mai i kona kuno a ma ka la i hoikeia ae la maluna, i ikaika loa ai ka puka ana o ua mai la a o ka lele loa ae la no ia o lona hanu hope loa. Ua oleloia he make hikiwawe loa mai nei keia ona. I ka makahiki 1850 kona hiki mua loa ana mai ai i Hawaii nei. A ma no lono hope loa mai nei, u aloha hou ia ke waiho la kana wahine iloko o ka nawaliwali a ka mai. No ka hoohanohano i know make ana, ua hoohapa ia na hae a pau o ke kulanakauhale new i ka Poakolu nei a papania no hoi na ipuka o kekahi mau hale oihana kalepa.
--
Na S. Kaina o Koua Akau, i hoike mai makou keia mau lono malalo iho penei: Ua hoao iho nei o Haanio e kip u ma ke kakahiaka Sabati ka la 14 o keia mahina ; i kona wa nae i kia ai i kana pu, ua hala aku laka poka o kana pu ma ka aoao o kona hoa, oia o Kauahuliwaa, e noho ana me ka nanea ; i ka lua o ke kani ana o ka pu, ku aku la ka poka ma ka uha o ka ilio a ua Haanio nei o keia na hana weliweli a keia kanaka ; a o ka lua keia o kona hoao ana e k ii ke kanaka. Ka mu aka pakele ana o kana wahine no kaloihiloa o kana wahi i ki ai, a o ka lua iho la keia. E makaala oukou e na kanaka o ke aupuni ma keia mau apana. Eia no ia hana maalea a ua Haanio ne ii ke kakahiaka Poakahi ae, hele aku la au malaila, e noho ana na kaikamahine ma ka puka o ka hale ; ninau aku la au auhea o Haanio? pane mai la ua mau kaikamahine nei, he mai o Haanio, eia nae us Haanio nei ke waiho ne ii ka mai a ka maalea, maalea no hoi ke kolohe. He olai kai hoonaue iho i ke ahiahi Poakahi ka la 13. Ke mau nei no ka haule nui ana mai o na pakaua ma na apana kuaaian nei, ola na keiki o ka aina wai ole.
--
Mamuli o ka lokomaikai o James Napalimahoe o Puumoi, Hilo, Hawaii ua loaa mai keia mau lono malalo iho: Ua hoala ae nei kekahi mau Hawaii o keia wahi he hui kalekuai. A eia ke ku nei ma Kahalii, aole i holopono ka lakou hana. Ua kohoia i Peresidena, puuku, me ke kakauolelo. Eia no ma keia wahi kekahi wahi hapauea i uwe lealea no kana wahi puaa, a ua nui kona uwe helu ana, a peniei kekahi mau lalani kanikau:
Auwe kuu puaa e
Kuu luhi o keia mau ia
Ua like pu oe me ke keiki
Ka hanai ana &.
Eia ma Puumoi kekahi wahi e haiamu is nei e na kanaka i keia hana uso ole he pepa piliwaiwai. Ke hoomau nei keia poe i keia hana daimonio, auhea la na kaiko o ke aupuni, nana ia mai keia kolohe nui. O keia pepa piliwaiwai, aia ma kahi noho o Good (Kuke) he haole mahiai koi a, eia nae, ke hoopulapula nei ia i keia anoano ino. Ua hoohuiia ma ka hipuu o ka mare o Petero Kane opio me Miss Maria P/ Kaaihue e Rev. Bonbon Gula, ma ka la 29 o Sept. He mau hui hou ke hoala nei maanei a eia na inoa o keia mau hui: Hui Aweaweu, hui Piele maia, hui wai Ekaeka. Eia ma Alakahi keia mau hui e hoalaia nei, o E. Mauhoahia ke poo o keia hana. He mau hana maikai keia e hoomahuiia nei maanei a he mea hou keia.
--
NUHOU O NA EKALESIA
Ma Peleula i ka la pule nei, na ko laila kahu i hai ka olelo, ma Ioane 7 : 17 je poolelo. “Ina makemake kekahi e hana i kona makemake, e ike no ia i ka mea a’u e olelo nei.”
Ma Kauikeano, ua haiolelo ko laila kahu i ke awakea ma ka poolelo ma Mareko 9 : 36, “Lawe ae la ia i kekahi keiki, hooku iho la iaia mawaena konu o lakou.” Ua pili keia haiolelo no ka hoeueu ana in a hana Kula Sabati. Ua haiia mai o ke Kula Sabati oia ke kihapai kahi i houluia na laau hou nana e hoopiha aku ke kihapai. Na haumana na hehu o ke kihapai. 1, Ka hoomakaukau mua no ke kula, 2, Ka hana o ke kula, 3, Na hua maikai o ke kula.
Ua haiolelo o Mr. Wallace, kakahi o na kumu o ka luakini Bihopa, ma ke poolelo ma Mataiao 6:33, “E imi e oukou mamua i ke aupuni o ke Akua a me kona pono, a e pau ua mau mea la i ka haawiia ia oukou.” Ua pili ka haiolelo no ka pomaikai o ka imi ana i
(3 rd column)
ke apuni o ka lani. Ekolu mahele. 1, Ka imi e ana, 2, Kea no o ka mea e imi ai, 3, Ka pomaikai e loaa ana mamuli o ka imi ana.
Ua haiolelo o Paleka ma Kawaiahao aia ma Mataio 6:24, “ Aole no e hiki i ke kanaka ke malama in a haku elua.” 1, Ua hoakakaia no manao ano nui elua o na manao e alakai ana i kanaka. 2, Kekahi mau ano haku e noho haku ana maluna o ko kanaka noonoo. 3, Ka pomaikai o ka nono haku ana o Kristo maluna o kanaka.
Ma Kaumakapili, ua haiolelo o Mr. S. L. Desha, ma Hebera 11:25, “E koho ana ma ka pilikia pu me ko ke Akua poe kanaka, aole hoi ma ka lealea pai koke o ka hewa.” Ua mahe lei aka haiolelo i ekola mahele. 1, Pokole ka lealea o ka poe hewa, 2, O ke koho ana me ko ke Akua poe kanaka, he pilikia, 3, Ka pomaikai o ke koho ana ma ka pono.
--
KUU HOME ALOHA.
Owai la ia home aloha? Oia no o Nawaieha, mai Waihee a Waikapu, manuahi mai hoi o Honuaula.
E na keiki o ka makani Akipohe o Waihee, E ka ua hoehaili o Waihee, E na keiki o ka malu ao o no pali kapu a Kakae, a me ka makani anu la ha kololio, a me na kini o’u o Honuaula e polukuia ana na kipoohiwi e na ale a ka Moae, ALOHA NUI KAKOU: --
Ke waiho haahaa aku nei keia hapa pulima in a inoa malalo ae, i mau I.M no oukou no ke kau o ka M. H. 1884 e hiki mai ana, oia hoi keia :
O KA PONO KE HANAIA
L. W O. KANEALII,
O. NAWAHINE.
LUNAMAKAAINANA ’84.
E na Liona o na Wai, a me na Bea o na makanani, e ala,, e liuliu, e lawelawe, e kiai, e makaala. E ku like iluna a maloeloe, e paio, e paioe aku i auhee na enemi, imua a lanakila. E weheia ana he halawai makaainana ma ka halepule o Waihee ma ka la 28 o Novemaba, nolaila e hele nui ae e lohe in a hana a ia la. E paa iho i ko oukou mau Palapala Hookaa mai haawi aku a kuai no ke dala pau wale. E ike pono oukou a pau i kea no a me ke kulana oukou a pau i kea no a me ke kulana o ka Home aloha nuiia o Nawaieha.
Ke oni la na wai, ke uwe new na ala, ua nalohia aku na oopu, ua hookalaia na mea hao, ua hoehaia na mea uhane ua hoopii in a aha; ua hahau mai ke kanawai, ua eh aka naau, ua maeele maloko, ua luhi na kini; ua hapa ka wai, nakakaka nae na loi, make na huli kalo, pio ka manaolana, ua nele wai ole; ua lohea he leo olo-pihe, he pihe he uwe ana, he leo aha keia? He leo na kamalii, e uwe aloha ana, ua ono i ka waiu; aole nae e loaa, ua haawiia ua lilo i ka olohe Omaomao. Uwe nunulu ae eia ka he leo makua; e kulou iho kulou mai, me he ao opua la e ohumuhumu ana ia Kawelo, e kulou e he e heaha keia? E mimihi ae ana he pilikia. He pilikia aha keia? Ua lilo ka lepo lilo pu me ka wai. Nani pilikia ana no ia na oukou iho no i ke koho ana ia pueo ma i mau L. M. no 1882. Eia ka pono, e kahea leo nui ae, e Io e, ua pa au i ka pohaku a Miliona. Nawai ka hala? Na’u ka hala, wahi a pueo ma. Hookoloia i ka nui manu o kakou. Lilo ae nei o Wailuku, oni ja wai Eleile, akaaka malu o Wailaahia i ka pilikia o Waaihee; e kuhi ana ua mamaoaku ka puupu nui a ka Miliona ku no walawala ana; hoalaia na hui aina, lulu na dala he 350., he huina dala aha keia? He hoopii i ka Pono Wai imua o ke kaulike o ka Paeaina. E na Waieha, e lokahi ka manao, eia au a hoi aku i L. M. no ka M. H. 1884. L. W. P. KANEALII.
Waiohinu, Kau.
--
HE WAHI NANEA.
He lei ko’u, he 21 pua e lawa ai, a penei na hoonohonoho ana:
Pua, 1, 2, aia kuu pua ke hoolai mai la iluna o na moku, i hele kela a nohenohea i ka pehi mau ia e na hunakai o ka moana.
Pua 3, 4, 5, 6, aia kuu pua ua hehi ia e na manu, e ka iwipolena o Haupu a e ike ia no huu pua iluna o na lau lau o ka wao.
Pua 7, 8, 9, 10, 11, aia kuu pua ua luhe i ka wai o Iao, ke lei ia mai la e ka oo, e ka manu ai pua ohele nenee i ka papa o Hopoe. O kahi e hooipo mau ai o a’u mau pua, e loaa no i Panaewa.
Pua 12, aia kuu pua ua hoomalu ia e ke aupuni, a e loaa no i ka papa 4 o na hua pi-a-pa.
Pua 13, 14, 15, 16, 17, 18, 19, 20, 21, e ikeia no a’u mau pua e hooipo ana me ke ‘lii wahine Laiekawai o Paliuli, i pehi mau ia e na kilihune wai a Kauakanilehua, hele kela a ulahaweo. A he mau pua a pau, oia la lawa ana o kuu lei, e ike oe e popohe memele ana i ka ai. Owai ka inoa piha o kuu lei? J. KALEIMANO.
Niulii, N. Kohala, Hawaii
--
Eia mai makou i kakahiaka nui wale. Heaha no la hoi ia!
--
E alawa ae e na makamaka in a ko lomu olelo hoolaha hou e puka aku nei.
(4 th column)
KUU PAU I KA NANI!
--
KA WEHE HANOHANO MUA O KA HALEKUAI NUI I.X.L.,
A. GARTENBERG, [ONA,]
Kihi o Alanui Nuuanu me Moiwahine,
MA KA POAKAHI, OCT. 22.
--
Eia au imua o ke Kahua!
KO LIA E KE HOA, KO PUNI, KO MAKEMAKE INA IHO.
Ua huli hoi mai nei o A. Gartenberg o ka halekuai kukaa mua iho nei o M. Phillip & CO. mai Amerika a me Europa, me ka heluna nui no na waiwai aiwaiwa o kela a me keia ano, oia no lole nani o na wahine, na kane, na kamalii, a me kela a me keia, oia hoi na
NA LOLE NANI I KINOHINOHIIA
NA LOLE, NA KAMAA BUTI,
NA PAPALE, PAHUI, PAIKI, WAIALA, &C. &C. &C.
--No na Wahine.—
NA LOLE KALAKOA, KAKIMIA, NEHE
HULUHULU PAHEE, KALIKI, KAKINI,
LIHILIHI, NA HAINAKA LIHILIHI,
A he 1001 ano waiwai e ae i loe i hiki ok eke helu pau ia aku.
Na kela a me keia e kipa mai a e kilohi nona iho. E au e au.
--No na Makua me na Ui.—
Na paa lole o na makua me na kamalii, kuka, puliki, wawae, mai ka $5 a hiki aku i ke $30. Heaha no la ia, pahee la! E kipa mai e na makua a me na kamaiki, eia la ianei ko lia.
NA PAPALE, PAPALE KAPU, PALULE KEOKEO,
PALULE KALAKOA, PALEMAI, KAKINI,
PALULE KOLOKA, LEI A-I
A o na mea no a pau e lako ai na makua a me na kamaiki.
NA LOL AILA, NA KAMAA KI BUKI
PAHU, ME PAIKI, O NO ANO A PAU,
PAHI PELU, PAHI PAKAUKAU,
O, PUNA, EKEEKE DALA,
IPUPAKA,
A me na mea no a pau e pili ana i ka oihana puhi paka.
PAHI UMIUMI ME HULU, INIKA KAMAA,
KOPA AALA AUAU MAIKAI.
--
A he 10000 mau waiwai e iho kahi, i hiki ole ke huai pau ai aku no ke kowa ole. Piha kui na kolamu o ka nupepa, aole no e pau no inoa lehulehu o ko’u mau waiwai aiwaiwa. He ake a iini anei oukou o ike maka i ko’u mau waiwai i koe? Ina he aka a iini oukou, e kipa mai iloko o ko’u halekuai ma kona la e wehe ai. E hoomanao i kona la e wehe hanohano ai, oia ka POAKAHI OKATOBA 22.
A oiai ua noho au iloko o ka halekuai kukaa mamua kahi i kuai kukaaia ai o na waiwai, no laila ua loaa ia’u keia mau waiwai maluna ae me ka emi loa, pela au e kuai kukaa emi aku ai imua o na makamaka Hawaii. O ka holo a me ka pakika o ke kuai ana ko’u makemake, a oia ko’u kumu i hoailona ai in a kumukuai o kela a me keia waiwai me ka haahaa a me ka moakaka. He hookah no a’u ano kumukuai, nolaila, aole he waiwai e kuaiia aku ana malalo iho o kona kumukuai i hoailoaia!
A kipa mai e na makamaka!!
(5 th column)
NA HOOLAHA KUMAU.
NU HOU! NU HOU!
--
Na Waiwai Hou Loa!
NA PAIKINI O KEIA AU,
--
E Loaa no ma ka ha Halekuai’o
DILLINGHAM MA,
Ma Alaaui Papu.
--
Oia na waiwai malalo iho nei:
Na Palau, Kaa Huiapalala, Kopala
Piki, Oo, Koi, Koilipi, Na Hama-
re Kamana o na ano a pau,
Na mea Hana a na Ka-
mana, Poe Hamo
Puna, na Am
ara a me
na mea
hana o ka
Poa Akeakamai
a pau. Pena aila,
Vaniki a me na Palaki,
Pauda, Poka a me na Kukae-
pele, Palaki Hamo Puna, Pulumi,
Pakeke, Kapu Holoi Lole a me na Papa
Holoi Lolem na Ipuli
na Pa Palai, na Ma
kau Lawaia, Na
Aho Lawaia o na
ano a pau , na Kaula
o na ano a pau, na
Pahi, O, a me na
Puna, a he nui aku
no na mea i koe.
I KUPONO NA KA HOOHIWAHIWA ANA I
NA HALE
--
I hiki ole ia makou ke huai pau aku aka, na oukou no e hele mai a e hoonuu iho. O keia maluna ae, e loaa no ma la halekuai o
Dillinghama Ma,
1036-3m]Ma ka helu 37, Alanui Papu
–
MAKANA LA KULAIA KUAI!
MA LA
HALEKUAI LOLE NUI O HONOLULU NEI.
E makana waleia aku ana he
mau kii pena i ka mea kuai mai
a hiki aku i ka $1.00 oi aku ka
lilo i ka wa hookah.
EWEHE MUAIA ANA IKEIA LA
MA KA HALEKUAI LOLE NUI
O
HONOLULU
He Kuai Manuahi Launa ole.
He Kuai Hoopoho a Hoopakika.
E hele nui mai e na makamaka.
E wae oukou makemae
iho in a
waiwai o keloa a me
keia ano he nui
wale
A. M. MELEKI.
HELU 104 ALANUI PAPU.
--
HE NUI ANEI KOU MAKEMAKE I NA
Mikini Humuhumu Lole!
Ioa pela, e kipa mai no ma ka Halekuai o
Kakela & Kuke!
A malaila oukou e ike ai a makaikai in a ano
Mekini a WHEELER a me WILSON
mai ke $40 a hiki i ke $50 ke kumukuai ke mea hookani.
NA MIKINI A SINGER!
ma ke $50 pakahi me kea no
MIKINI A WILCOX ME GIBBS
ma ke $3o a hiki i ke $50 ke kumukuai.
I mea e pau ai ko oukou kanalua e na makamaka no ke
kupono o leia mau Mekini, e naue mai no
me ke kuihe ole, a e ike noo oukou iho,
628tf
--
MAKEMAKE IA.
Ke hoike ia aku nein a mea a pau e makemake ana e loaa na pPAI AI ma ka PAKEKE a me ka PAHU paha, e kauoha mai ia’u ma ke leta no ka hoolawa ana aku in a kauoha Ai a puni keia mau Paemoku; o na kauoha no ke kulanakauhale, e lawe ia aku no i like me ka makemake o ka mea kauoha ma ka ipuka o ko oukou mau hale, no ke kumuluai haahaa loa. E waiho ae i ka oukou mau kauoha ma na leta ma ka Hale Leta.
ALBERT K. KUNUIAKEA.
Honolulu, Mei 12, 1883- 1119 tf.
(6 th column)
NA HOOLAHA HOU.
J T WATERHOUSE.
(Walakahauki.)
--
HALEKUAI KUKAA NUI ME LIILII.
Ua piha pono me na waiwai makamae e hewa ai na maka i ka nui o ka lehua.
Heaha no ia hoi ia:
--MALAILA—
Na Apa Kilika o na ano a pau,
Pahoehoe o na ano a pau,
Alapia o no ano a pau,
Huluhipa o na ano a pau,
Na Huluhulu holoku,
Na Keokeo Paina,
Lilina lau pau,
Weporia,
Leponalo,
Lainakini,
Ahina pelekane,
Na Kihei o na ano a pau,
Na Koloka o na wahine,
Na Kihei Huluhulu,
Na Kalakoa o na ano a pau,
Na Kihe uhi moe,
Na Koloka o na wahine,
Na uhi Kilika,
Na uhi Alapia,
Na Hainaka nunui a lulu.
--Eia hou.—
HE HELUNA NUI ONA PAA LOLE
O NA KANE A ME NA KAMALII.
Na Apa paina maikai loa,
Polu manoanoe a lahilahi,
Na Apa huluhulu a pahoe.
Na paa lole huluhulu, kane, me kanale.
No Pililakeke loloa a poliopoko,
Na Palale kaula o na ano a pau,
Na Palule keoeko,
Na Palule kalakoa,
Na Paleili.
Na Papale wahine i kinohinohiia me na pea a