Ka Nupepa Kuokoa, Volume XXII, Number 42, 20 October 1883 — HE KANE HANAINO AU, MY DEAR. [ARTICLE]

HE KANE HANAINO AU, MY DEAR.

Keoni Pali ka inoa o kekahi kane. He wahinē kana me ona mau keiki. Ka wahine me na keiki, he poe titotala lakou. Ua hoohiki e haalele loa i ka waiona. oke kane nae, ua paakiki oia. Aole oia i lilo loa ika ona. Ma ka inu pakiko oia. Aka, ma ia inu pakiko ana, ane like kana hana.i kekahi manawa me ka mea ona loa. Hana ino no ika ohana. Pilikia lakou ilihune. A e mahuahua ana ka pilikia. Ma ka nana aku, e lilo Keoni Pali ika ona mau. E ke kahunapule, e kokua oe ia makou. Nui ka makou pule ana no Keoni Pali. Makehewa nae ka pule. E oluolu oe e hoao e hoohuli iaia ma ka aoao titotala. He manaolana ko makou, e huli ana auanei oia. Hele ke kahuna ika hale o Keoni. E ke kaikamahine, mahea kou makuakane ? Eia no maloko, e hoomakaukau ana ko'u mama i wahi ai nana. 1 kona hoea ana mai, kamailio ke kahuna me ia no na mea ino e pili ana ika inu liilii ana ika rama. Paakiki nae oia. Hoole, aole au he kanaka ona. Inu pakiko no au ika bia. Akaka nae ia'u ka palena. Aole e ae ika palena. A pehea oe ke kiiia e hele e hookolokoloia eka lunakanawai nui ? Uwe iho la oia. Uwe wale iho no nae. Alaila, ninau ke kahuna, o kou inu liili ana, aole anei ia he mea e pane huhu ai i kau wahine i kekahi manawa ? a e olelo ino ai i kau mau keiki ? Well, i kekahi manawa. A o ke dala hoi i lilo i ka rama, aole anei ia he mea e pono ai kou ohana ke make koke oe ? oia hoi ke hoana e oe ia dala no ka wa pilikia, aole haawi aku no ka bia, a no ka rama ? Ae, oiaio no ia. A pehea kou ola kino ? aole anei e mahuahua ka ikaika o kou kino ke hoemi oe i kou inu bia ana ? Ae, hiki paha ia'u ke hoemi i ko'u inū ana. Ma kau hoike ana, aole he wahi pono iki i loaa ia oe ma ka inu liilii, he mau ino nae ka i loaa; aole anei i hiki ia oe ke haalele loa i ka inu ana a pau ? No Sir, aolē loa au e haalele ana. Ua paa ko'u manao e hoomau i ka inu ana. Makehewa ke kamailio hou me Keoni Pali no ka haalele loa i ka waiona. Ua hoomau ia ka pule nona. Pule ke kahuna. Pule ka ohana. Aole poho ka manaolana. A i kekahi la ua loohia Keoni i kekahi pilikia nui. Ua haule ika lio. Ku ka wawae lio ma kona umauma. Pau ke aho. Ua make paha. Alia. Ua waiho ia oia ma kahi moe. He ano make no kona no kekahi mau la I ka pohola iki ana, hawanawana oia i kana wahine. He kane hana ino au, kuu makamaka. Mahope mahuahua ka ikaika o kona leo. Heluhelu kana wahine i ka ke Akua olelo iaia. Hoolohe oia, a noi e hoomau oia i ka heluhelu ana. Komo ka Uhane j Hemolele iloko ona. Ala mai ka mihi | e olelo ana, he kanaka ino loa au. Kei |ke aloha oke x\kua ia'u. Kei ke aloIha o lesu. Make lesu no'u. Pule oia nona iho. Imi oia ia lesu. A loi aa no. Olelo, nui ko'u haiia, hana ino i ka'u wahine, i ka'u mau keiki. Aka, ua pau. Aole ao e inu hou ana ika waiona. A pela io no. Ua ano hou Keoni Pali. Ua lilo i kanaka haipule. Pule pu me ka ohana. Christian. Herald.