Ka Nupepa Kuokoa, Volume XXII, Number 42, 20 October 1883 — KA MOOLELO o PILIPO KEKOA! Ka Makai Kiu Ilikini o AMERIKA HUIPUIA! A O KA NANE HUNA O KA 1776. [ARTICLE]

KA MOOLELO o PILIPO KEKOA! Ka Makai Kiu Ilikini o AMERIKA HUIPUIA! A O KA NANE HUNA O KA 1776.

(Mai ka peni a ka mea unuhi moolelo o " Onila Maka, ka Makai Kitt Kaulana o Enelani." ) MOKUNA. XX. He mea huna hou. NO ka pau ole o ke kanalua o ka Makai Kiu i na olelo a Lu Lavonia, nolaila, pai\e hou aku la oia: Aole loa no oe la i hele iki i kahi o Matina Aletona ? Aole loa, a eia hou hoi keia, aole no au 1 lohe ia inoa mamua, a aole no hoi au i ike he wahi kekahi C>ia ano i keia la. A owai na kanaka au i hookomo mai ai iloko o ka rumi heluhelu o ko makuakane 1 ka po nei ? Aole i maopopo ia'u ko'u kumu e pane aku ai ia oe, aka, i mea e pau ai kou kuhihewa, e hai aku no au ia oe, aole loa au i hookomo mai i kekahi mea iloko o ke keena heluhelu buke o kuu makuakane i ka po nei. Kupanaha maoli ka hoi keia mea, wahi a ua Ilikini nei i namunamu iho ai. 0 keaha ke kupanaha ? 1 ko hoole mai hoi aole oe i kahi o Matina Aletona i ka po nei, me kuu ike aku no ia oe ilaila, ake hoole nei nae oe, o ko .uhane ka paha ka'u i ike ai ilaila. He wahahee ia au. E hoole mai ana no paha oe aole oe i ike iki i ka make ana o Manona Beramile ? Ia wa, owaka4iulili ae la na onohi o Lu Lavonia, a hele aku la imua a kalele iho la kona mau lima maluna o ka | poohiwi o ka Ilikini a pane aku la: | Eke kanaka kupanaha e, e kolohe mai ana paha oe ia'u ? aia he mea huna iloko o kau mau olelo kupaianaha, aia pu no hoi he manao koikoi iloko o kau mau hoahewa ana mai ia'u, nolaila, ke noi aku nei au ia oe e olelo ])ololei mai oe ! 1 E hilinai mai ana anei oe i ka'u niau I olelo ina wau e kamailio pono aku ? j Ae. | Alaila, e ike oe i keia hora, he Makai Kiu au, no kekahi mau la, ua hoao j iho nei au e imi i ke kumu o ko Mariona Beramile nalowale kupanaha ana. . A heaha kau mea i ike ? E' hoolohe pono mai oe i ka'ii mau olelo, no ka mea, ke hoike mai nei na hiona a pau, he kokua hewa oe me ka poe powa nana i pepehi o Mariona. A heaha ia mau hoike i loaa ia oe ? Alaila, hoike pakahi aku la ka Makai Kiu i na mea a pau ana i ike ai a hiki i kona ike kino ia ana ia kakahiaka. j Ika pau ana ae o kana mau olelo j pane aku la oia: j He wahi mea kamahao no hoi keia ! Ua like ko'u hewa ole me kekahi keiki iluna ke alo. Aia no nae paha ia oe ke kamaa i loaa ai ia oe ? Ae. E hiki no auanei ia'u ke hooiaio aku? ia oe aole no'u ia kamaa, a ua hai aku nae paha oe i kuu makuakane no na mau mea i loaa ai ia oe ? Aole. i A aia no nae paha ia oe ka owili lauoho i loaa aku ai ia oe me ka pahi . 1 Ae. ! E hoike mai, a e hai aku no auanei au ia oe, aole mai ko'u mau lauoho aku. i Noonoo iki iho la ka Makai Kiu no kekahi wa, a ninau'aku la: He kaikaina no nae paha kou ? Aole. Aohe ou pilikoko wahine i like loa na helehelena me kou ? Aole loa hookahi. Kahaha ! ke pohihi loa aku nei keia hana, aka, e loaa aku ana no nae ia'u i ka noii nowelo ia. Alaila, e kokua aku au ia oe, wahi a Lu. I keia wa no. Ua makaukau au i na wa a pau. Ua aa anei oe e ku imua o ka poino ?

Ua aa loa au. Alaila, e hahai mai oe ia'u i kahi o kaua e halawai aku ai me ka poino. Ae. He loihi loa aku - no mai keia wahi aku. Ua hiki no. E īke ana oe i kekahi mea manaonao. Ua makaukau au. Ahea oe makaukau. I keia wa no. Ua pololi loa ia au-, e hoihoi mua aku īa'u i ka hale e paina ai, alaila, haele aku kaua. He hapalua hora mahope iho oia wa, ua hiki loa ke ikeia aku ka Ilikini me Lu Lavonia e hele ana no ka hale inu rama o Matina Aletona. E like me na mea i hoakaka mua ia, e ku hookahi ana keia hale me ke kokoke ole mai o kekahi hale, a he ululaau nui hoi ke iilu ana mahope aku o ua hale la maluna o kekahi puu. Lawe aku Ia ua Makai Kiu la ia Lu Lavonia mawaena o kekahi alanui ololi oka ululaau a hiki iko laua hiki ana mai ma kekahi puu mahope o ua hale inu rama la. Alaila, nana pono iho lā ua Ilikini la 1 wahī kupono a pane aku la: He makau nae paha oe ke noho hookahi ianei ? Aole. E pee malie oe a e makaala. Ae. , Iloko o keia wa, ke eha la ka puuwai oua Hapa Ilikini la, no kona hoa ui opio nohenohea, no ka fnea, ua hele ae la na papalina lahilahi o Lu Lavonia a weo me he ohelo ai la a ka nianu. Aohe no e nele aku la. Haalele iho la ua Ilikini la ia Lu | a hele aku la no ka hale inu rama. [ He mau anana mai kahi ana i haalele aku ai ia Lu nana pono iho la oia i kana mau lako kaua. laia i kokoke aku ai i ka hale, ua kahaha loa oia i kona ike ana aku aohe mea o loko, he meha wale no. Aka, iaia i kokoke loa aku ai i ka hale, haule iho la oia maluna o kona opu a kolo aku la imua a hiki i kona hiki ana mai ma ka puka. Aohe ana mea i lohe. Ku ae la oia iluna a hookokoke aku la i ka puka aniani, a nana aku la iloko. Aohe no ana mea i ike a i lohe hoi. Hapai ae Ia oia i ka puka aniani iluna a lele aku la iloko o ka hale kuke. No ka meha pu oloko, nolaila, hoomaopopo iho la oia ua hele na mea a pau. Hele aku la oia mai laila aku a loko oka rumi inu rama, ike iho la oia he puu koko e waiho ana iluna o ka papahele. Aole oia i puiwa no keia mea, oiai, ua hoomaopopo koke ae la no oia, oia ke koko o kekahi o na kanaka i ku ai 1 ka pu īaia. Wehe malie aku la oia i ka puka, a nana aku la iloko, a ike iho la ua haalele maoli ia no ka hale, ua holo ua poe powa nei. (Aole i pau).