Ka Nupepa Kuokoa, Volume XXII, Number 42, 20 ʻOkakopa 1883 — TOM TIT. [ARTICLE]

TOM TIT.

Kaumaha. Nele kekahi kumu kula Sabati no ka hapa 0 kana inau haumana. Aloha no kekahi mau haumana elua i ke kumu, ae e imi i haumana nana. Ua paa ko laua manao e imi i kekahi keiki e auwana wale ana ma ke alanui, me ka lole pelapela a weluwelu, Tom Tit (Komo Kite) ka inoa. Ma ka hoao mua ana, aole oia i ae e : hele i ke kula. Paakiki i ka hoole. ! Holo loa hoi mai ia laua aku.

Ma ka hoao hou ana, hoowalewale laua iaia ma ka haawi ana i mea ono. Alakai laua iaia i ka hale kula, me ka hooho. E Miss Mele, eia no ua keiki nei. Ua loaa, ua paa ia niaua. Hana inooia, hoolewa wale 1 na wawae, hooho, e kuu mau hoa, kamailio lapuwale, hookulai i kekahi haumana, e hoao ana e hoomalielie iaia. Kuhi Mele, &ole paha oia e hele hou mai i ke kula. Aka' ua hele hou mai no oia ia Sabati ae. Ma kahi hora kaawale, kamailio ke kumu me Tom Tit Ua laka iki mai la , Ninau oia. He maikai anei kou ? Aole, aole hoi o'u makuahine maikai. Ino wale laua. Keehi ia'u, hoino ia'u, makena ino, aole paha he mau makua ino e ae elike me laua, Aloha paha oe ia laua. 'Aloha ia laua? aloha no ke aha ? Aole o laua mea kupono ke aloha ia. Ane pau loa ko laua manawa i ka ona, ona loa. Inu no, a inu hou, a mau ka inu mai ke ao a po. Ua eleele a uliuli kuu kino a pau i ka hahauia. Ina komo wale au iloko o kā hale, hahauia au i na kamaa buti. Ina loaa au e inu bia ana, ane make au i ka pepehiia e kuu papa. Kai noa e hiki ia'u ke inu bia me kuu papa. Ina hiki ia'u ke mahuka; e.mahuka nae i hea ? Ko laua makemake paha ia, e hele loa aku au. Aole anei laua i hanai ia oe ? Hanai ia'u ? Aole loaa ia'u kahi ai, na hai mai ma ka hoomanawanui. Hana ino mau ko'u dada ia'u. • A ninau Mele. Pehea ? aole anei oe i makemake i wahi e noho ai ? Ae, makemake au e hele aku i kahi e. E haalele i ko'u lole weluwelu nei, a e loaa ka lole maikai. Aka, ina e ike ana kuu mau makua he lole maikai ko'u, hahau laua ia'u, a wehe a lawe ia i ka hale rama i mea kuai rama no laua. A pehea ? makemake anei oe lilo i keiki maikai ? Ae, makemake au e lilo i mea maikai e like me oe, Miss Mele. Aka, ina he mau makua ino kou e like nie ko'u, he wahine ino oe e like me a'u nei. Mahope iho, hele Mele i ka hale o na makua o Tom Tit. He hale ino, a pelapela loa. E uwe ana Tom ma ka ipuka. Ua hahauia, a hookukeia oia iwaho. Komo Mele iloko. Ua maopopo ua inu rama laua, aole nae i ona loa. Ua hele mai au e ninau ia olua, no ka olua keiki, Tom Tit. O ! he keiki ino, he vamana, he lala no Satana, wahi a laua. Ina pela pono ke hoao e hoolilo iaia i keiki maikai ? Aole, aole hiki. Kai noa ua ao, ao, hahau maua iaia. Mau nae kona ino. Aohe mea hiki ke hoano hou iaia. Alia, e ae anei olua e lawe ia ka olua keiki i kahi e ? Ae, e laweia aku oia, he keiki lapuwale. E laweia aku i pau ko maua luhi. Ina makemake oe iaia, e lawe no. E haawi wale al:u no maua iaia ia oe. Olelo Tom, ua ike oe e ke kumu, i ke ano o ko'u mau makua, olelo ino, nuku wale. Alia, aole make e hoino oe i kou mau makua. Pane oia, aole paha laua o ko'u mau makua. Na hai paha au, a lilo hewa na laua i ko'u wa pepe. Ano, e Tom Tit, e' imi ana au i wahi noho nou. Makemake anei oe e hana ? Hana ? Ae, e hnna au e like me ka Nika ke loaa ka hana. Makemake anei oe e hele i kahi loihi ? Ae, i kahi loihi mai na makua aku. Aole o'u e makemake e ike hou ia laua, aole loa. Makemake anei oe e lilo i keiki maikai ? Ae, e hoao au e hoohalike me oe. Ua loaa kahi e noho ai. Oielo Mele. Apopo kakahiaka hele mai oe i ko'u hale, i hoomaemae ia oe, i kahiia ka lauoho, i hemo ka lole weluwelu, a hookomo i ka lole maikai. E haawi i kou aloha i kou mau makua. A ee nfe ke kaaahi a holo i kou home hou. OHoli loaTom. Ua ao e aku Mele iaia no lesu, a no ke ino o ka inu ana i ka bia me ka rama. A pehea ka bia me ka rama ? Aole loa au e hoopa aku ia. Ua pau loa ko'u inu ana. He titotala au e like me oe. Ka holo aku no ia u ke kaaahi, a hiki Tom Tit i kona home hou. He haku oluolu no kona. Aka, o na paahana, he poe inu bia no, a henehene lakou iaia. E, boy. Eia ke kiaha bia awaawa, e inu paha oe. Pela kekahi paahana i : hoowalewale ai. Lawe Tom i ke kiaha a waiho imua o kou alo, a nana pono iloko. Kahaha ! boy hupo. Heaha kau e ike nei iloko o ke kia- < ha ? Ninau ka luna o na paahana. i j Pane Tom. Ike ? Ke ike nei au he i mea īno loa iloko. He kanaka kiekie,

he ano keonimana, e inu ana ika bia. Ike ? Ke ike nei au iua kanaka nei e hele hikaka ana" a hiki i ka hale, lawe ana i ka pahi peni e hoao ana e wehe i ka puka. Ike ? Ke ike nei au iua kanaka nei e qude naita ana, a hoomoe iaia iho ma kahi moe me kona kamaa buti lepo. Ike ? Ke ike nei au ika inoa o ua kanaka nei, oia o Tomaki ka mea e hoowalewale mai ana ia'u. Pela Tom, i hoole ai i na lioowalewale, a kue loa aku i ka inu bia ana, me na waiona a pau. A mahope iho, lilo na paahana a pau i poe haalele loa i ka inu rama ana. Make na makua o Tom iloko oka ona, a kanuia a nalo aku. Iko laua ola ana, ua kokua no Tom ia laua ma na inea e pono ai ke kino. A liuliu, hoi Tom i ka hale o na makua. Nana iloko, aohe mea i ikeia. Holo mai na kanaka e ike i keia malihini. Owai la oiā ? Heaha kana ? Ku oia maluna o kahi pahu, a olelo owau o Tom Tit. He keiki hewa loa mamua. Ua ano hou au i keia wa. Ua waiwai. Ua maikai ka noho ana. A eia ke kumu o ko'u ano hou ana. Ua haalele loa au 1 ka inu bia ana, me na waiona a pau. Aua lawe au ia lesu i Haku no'u, a i Hoola. Aua mau kona kokua ana mai ia'u. A eia ka'u olelo ao ia oukou. E haalele ina waiona a pau, a e hahai mamuli o lesu i hoopomaikaiia mai. Christian. Herald. Unuhiia e Hawaii.