Ka Nupepa Kuokoa, Volume XXII, Number 42, 20 October 1883 — Haawina Kula Sabati. [ARTICLE]

Haawina Kula Sabati.

Hela 5, Sabati Nov. 4. Kumuhana, Ka Samuela haioielo hope. Paiiku Baibala, i Sam. 12 ; 13—25. NO ia mea, e nana oukou i ke alii, i ka mea a oukou i wae ai, a me ka mea a oukou i makemake ai, aia hoi. ua hoonoho mai o lehova i alii maluna o oukou. 14 Ina paha e makau oukou ia lehova, a e malama iaia, a e hoolohe i kona leo, aole hoi e hoole i ke kauoha a lehova ; alaila oukou, a me ke alii e alii ana maluna o oukou e hahai mamuli o lehova ko oukou Akua. 15 Aka, i hoolohe ole oukou i ka leo o lehova, a i hoole hoi i ke kauoha a lehova, alaila, e kue mai ka lima o lehova ia oukou, elike me ke kue i ko oukou poe kupuna. 16 No ia hoi, e ku malie oukou, a ike i keia mea nui a lehova e hana mai ai imua o oukou. I 17 Aole anei keia ka manawa e oki j ai i ka palaoa ? E kahea aku au ia lehova, a e haawi mai oia i ka hekili a me ka ua, i manao ai oukou, a i ike ai hoi, ua nui ko oukou hewa i hana'i oukou imua o lehova, i ko oukou noi ana i alii no oukou. 18 Kahea aku la o Samuela ia lehov3, a haawi mai la o lel\ova i ka hekili a me ka ua ia la ; a makau nui iho la na kanaka a pau ia lehova a ia Samue la. 19 Oleio mai la na kanaka a pau ia Samuela, e pule oe ia lehova i kou Akua no kau poe kauwa, i make ole ai makou ; no ka mea, me na hewa a pau a makou, ua pakui makou i keia hewa hou, o ke noi ana i alii no makou. 20 Olelo aku la o Samuela i na kanaka, mai makau ; ua hana oukou i keia hewa a pau ; aka, mai huli ae oukou mai ka hahai ana ia lehova, e malama oukou ia lehova me ko oukou naau a pau. 21 Mai huli ae oukou mamuli 0 na mea lapuwale, na mea hiki ole ke kokua mai, no ka mea, ua lapuwale lakou. 22 No ka mea, aole e haalele mai o lehova i kona poe kaifflka no kona inoa nui; no ka mea, ua oluolu 0 lehova e hoolilo ia oukou i j)oe kanaka nona. 23 Owau hoi, aole loa au e hana hewa ia lehova ma ka hooki ana i ka pule no oukou ; aka, e ao aku ana ia oukou i ka aoao maikai a me ka pono. 24 E makau nae oukōu ia lehova, a e hookauwa aku nana me ka oiaio a me ko oukou naau a pau, no ka mea, e hoomanao oukou i na mea nui ana e hana mai ai no oukou. 25 Akn, i hana hewa mau oukou, e hoopauia auanei oukou, a me ko 011kou alii. Pauku Oula, p. 24. Manao Nui. He mea pono ke malama i ke Akua. He mea ino ke malama ole,. Na Heluhelu La. 1,1 Sam. 11; 1 —15, 2, 1 Sam. 12; I—l2,1 —12, 3, 1 Sam. 12; 13—25, 4, los. 24; 14—28, 5, Kan. 10; 12—22, 6, 1 Na Lii 18; 20 —40, 7, Mar. 12; 13—17,28—34. Ka Manawa, r. e. 1075, niahope iki iho o ka Helu 4. Kahi i hanaia i, Clilegala, Samuela, ua 70 ona mau makahiki. Mele. " Hua Aloha," Hoku Ao Nani p. 96. Pule i mau ke aloha. Ka Wehewehe me ka Ninau ana. Hai mai i na mea ma ka mok. 11. i, Ka makemake o na kanaka ma lalieka Gileada e kuikahi me Nahasa ke alii o ka Amona, 2, ae oia ke poaloia na maka akau o lakou, 3, olelo lakou e kali i 7 la alaila maopopo, 4, ka uwe nui o na kanaka, 5, ka ninau o Saula i ke kumu o ka uwe, 6, lanakila Saula me ona mau koa, a hoopakeleia ko Ia-

heka Gileada i ka make, 7, Paipai kanaka ia Saula e pepehi i kela poe i olelo, hiki anei ia Saula ke hoola ia kakou ? Hoole nae o Saula, 8, kena Samuela e hele na kanaka i Gilegala e hookupaa i ke aupuni, oia hoi e poni hou ia Saula i alii. A ua hele no, ua pau ke kanalua ana. 1

Mok. 12; 1 —12.' Heaha na mea malaila ? 1, na olelo a Samuela ina kanaka, kona ae i ko lakou noi ana i alii. A eia oia imua o oukou. Owau hoi, eia au, ua hele imua o oukou mai | kuu wa kamalii mai. E hoike mai oukoū i kuu hewa, na mea a'u i lawelawe ai, i alunu ai, &c ? 2 hoole lakou, aole oia i hewa &c, 3, lawe o Samuela ia lehova i hoike nona. Ae lakou ia hoike. 4, hai Samuela, o Mose me Aarona ua hoonohoia e lehova i mau alakai mai Aikupita. A hai mai oia i na hana a lehova i hana'i ia lakou, i na wa pilikia, ika hoala ana i na lunakanawai ia Gideofta, lapeta, Samuela, e kokua e hoopakele, 5, a ike oukou e hoopilikia mai ana Nahasa ma &c., alaila hoole oukou ia lehova, aole oia o ko oukou

alii, i alii kanaka'no. Ma ka pauku 13 ka hoomaka ana 0 ka Haawina o keia la. Na Mahele. I Na olelo ao a Samuela, p. 13 —19. Eia ko oukou alii. Heaha ko lakou pono ? E makau ia wai ? E malama ia. wai ? E āha i kona leo ? E aha hoi lakou me ko lakou alii ? Ina hoolohe ole lakou ia lehova, heaha ka hope ? I akaka ko lakou hewa no ka noi ana i alii, heaha ka Samuela i olelo ai ? I kona kahea ana, heaha ka mea kupaianaha i hanaia ? A aha na kanaka ? A noi aku ia Samuela e aha no lakou ? II Ko Samuela pane ana, p. 20 —25. 20 Mai aha oukou? Ua hewa no, a ke mihi nei. Aka, ua loaa ke alii, ua hookoia ka makemake. Mai huli ae mai ke aha ? A e aha ia lehova, me ke aha ? O lehova no ko oukou poo. 21 Mai huli mamuli oke aha? Na mea lapuwale, na akua kii, akua mana ole hiki ole ke kokua. 22 Aole e haalele o lehovaiawai? No ke aha ? Heaha ko ke Akua oluolu ? 23 Aole Samuela hana hewa ma ke aha ? Ua noi lakou iaia e pule no lakou, ae, e pule no au no oukou, a e ao aku no i ke aha ? 24 E aha nae oukou ia lehova ? A e aha nana, me ke aha ? A e hoomanao i ke aha ? 25 Aka, pehea lakou me ko lakou alii ke hana hewa ? Ka hoopili ana. 1 Mai makemake e hana i kuikahi me kekahi enemi. He enemi ke diabolo, e hana anei i kuikahi me ia ? E ae anei e hookauwa nana ? E poalo oia aole i ka maka akau wale no, aka, i na maka elua. A huki ika poe hookauwa nana ilalo i kahi pouli. E ka mea haipule, mai hana i ke kuikahi me ka mea hoomaloka. He enemi pepehi uhane ia. Eka mea ui, mai hana i kuikahi me ka rama, he enemi pepehi ia i ke kino a me ka uhane, he enemi hana ino ika maka, a hoopio loa i ka malamalama. Eka wahine haipule, e ae anei oe e m'are me ke kane hoomaloka, hana hewa, inu rama? He awaawa ka hope. Mai hana kuikahi na keiki maikai me na keiki kolohe, aihue, hehi Sabati, &c. 2 Ma ka mana 0 lehova e lanakila'i na alii maluna o na enemi ke hele i ke kaua. Aia a akaka he kaua maikai, alaila e noi aku ia lehova e kokua mai. 3 Ina hoowahawahaia kekahi no ke kuhi ana o kekahi poe, aole ona mana, aole naauao, aole akamai, mai huhu oe, a enemi aku aka, e kali no ka manawa e loli ai ka manao o kanaka, a lilo ko lakou hoowahawaha i mahalo no kekahi hana nui. i | 4 Lokomaikai ke Akua, aloha, malama, kokua, hoopakele i na ino, haawi j mai i ka poe kokua ma na manawa'pilikia. Hana ino nae kanaka, lokoino, hoole i ke Akua, a paulele i ke kanaka, i ke alii. Aia i ke Akua ka mana, ka hekili, ka uwila, na olai, na pele, na makani, na kai mimiki. E makau o hoopilikia mai oia ke hookuli. 6 He mihi pono ole kekahi. Ua hala ka nianawa pono. Ina loaa na poino, e loaa ana no, aole pakele. 7 E mau ka pule no ka poe hookuli, oiai e ola ana lakou. Aia a make alaila pau ka pule. 8 E hoolohe na kanaka me-na 'lii i keia mau olelo ao a Samuela. Ina hoolohe oukou i ke Akua a malama iaia e pomaikai ana. Ina hookuli aha na hewa, e hoopau pu ia oukou me ko oukou mau alii. 9 E ae oluolu no na luna ke haawiia ko oukou mau oihana īa hai. Mai huhu, mai ukiuki, mai lili, mai hoomauhala. E oluolu aku, e hana maikai aku i na hope, kokua no. Mele. " Aloha, " Hoku Ao Nani p. 55Pule i mau ke aloha, &c. Haawina no Nov. n, 1 Sam. 1.5; 12 —26.