Ka Nupepa Kuokoa, Volume XXII, Number 42, 20 October 1883 — NA'U E PANE O KOALII. [ARTICLE]

NA'U E PANE O KOALII.

Ua ike iho au i kou mau manao, ma ka helu 40 o ka e pane ana i ke KuoKoA,*me ka olelo iho, aole e hooko ia kana wanana. (E hiki mai ana anei ka hopena ?) Eka makamaka e Oluolu oe e hoolohe mai i neia olelo ao; mai pane hou oe ia Kuokoa, ma ke ano hupo, me ko ike iho no he kiko ninau mahope o ke kumumanao— "E hiki mai ana anei ka hopena ?" eia nae, olelo iho oe he wanana ia. Ma ke kumu hea la, i maopopo ai ia oe he wanana ? Ai ole, aole no paha oe i hoonaauao maikai ia, ke kumu paha ia oko kapa ana he wanana. E, ke nināu mai nei oe ia Kuokoa i ka wa e huli hia ai o Hawaii nei ? Eia ka'u haina, no ko ano kuhihewa a maopopo ole ia oe ke kumumanao a me kona ano, nolaik oe i ninau ai pela, me ko manao nae he wanana. Aole! Aole loa. He ninau ka Kuokoa aole he wanana. Ua ike iho au ma ka hapa hope o kou maū manao. E i ana penei: Ua makaukau au e hoolele i na giana pauda o Atenai, ina nae au i ike iho nei i kau mau giana pauda ma kau kalai manao ana, aole, he oki loa no. Ua like pu me kahi apana pepa, e puhi ia ana e ka makani. Nolaila, ia oe %ka makamaka e aho e maliu mai 1 neia leo ao. I pili ai hoi ika Solomona. "O ka mea makemake i ke ao ia mai, e loaa no iaia ka ike. A o ka mea hoowahawaha i ke ao ia mai, he holoholona ia." "0 keia leo kau e hea mai ai, E hookipa ia leo e hoopaa maloko, Mai alala hou ka waha i ka makani, 0 hewa auanei a poino hou." Ua makaukau au i na wa a pau loa. E like me kau e ana mai ai, pela no auanei au e ana aku ai. Albert. Kanoelehua. Lahaina, Maui. Ma Papaikou. Ua ike no au ina wahine e komo ana i ka lole wawae me ke Palaka, a ua ninau aku au i ke kumu o ke komo ana o lakou i keia mau lole. Aua hai mai lakou, i ole ka e nui ka lepo e pili mai ai i ko lakou ili i ka wa hana, a ua apono aku au i keia haina maikai a keia poe wahine huli dala, a aole hoi e like me ka ka Ekle i mahaoi ai i na helu i hala. J. Like. Ua huli hoi mai ko makou makamaka S. L. Desha mai kana huakai hoomaha loihi ma Kona. Momona oia a maikai kona ola kino He nui na manao o ko makou mau makamaka i hoopaneeia a keia pule ae. He mau pakaua kai i hoohelelei iho ma ke kulanakauhab nei.