Ka Nupepa Kuokoa, Volume XXII, Number 42, 20 October 1883 — E HOOPAU I KA PAIO PAPA. [ARTICLE]

E HOOPAU I KA PAIO PAPA.

He manawa loihi i hala ae nei, maloko o na nupepa Ko Hawaii Paeaina a me Elele, ua ike mau ia ua piha kekahi mau kolamu o ia mau na manao paio, mawaena o ka Nawahi a me Puuohau. I ka nana pono ana i kekahi mau manao, ua kupono ole loa ke heolaha ia; a he mea waiwai ole hoi no ka le hulehu, a ma ka hapa nui o na manao ua ikeia, he iinau manao pili kino wale no. Ma ko'u ano, he mea heluhelu i keia mau pepa e paio nei; ua manao au, he mea pono i na ona o keia mau pepa ke hoopau aku i ka laua paio ana maloko 0 na kolamu oka laua mau pepa, no ka mea, ua ikeia kekahi a me kekahi, a ua maopopo no hpi ke kumu e paio ai. O keia paio, ua maopopo na koa e paio nei, me ke kumu 0 ko laua paio ana, eia nae ka mea apiki, no ke aha 1 paio ole ai he alo ahe alo ? Ua manao paha he mea lealea i ka hapa nui 0 ka poe naauao ka ike ana i na manao paio pilikino mawaena o laua. Ua hoonele ia ka lehulehu me na mea e waiwai ai ma ia mau pepa, no kela mau kolamu i paa i kela manao paio mawaena o na mea elua wale no. Ke manao nei au, aole waiwai 0 ka lehulehu e nana mau i keia mau manao paio. Ua pono loa, e hoopau aku na ona o keia mau pepa i keia hana, a e kauoha ia laua e paio he alo a he alo. A ina e paakiki loa laua, e pono paha e hana laiia i naau nupepa na laua iho, e like me nupepa kakau lima, o keia ko'u manao no ka pono oka lehulehu heluhelu. C. W. P. Kaeo.