Ka Nupepa Kuokoa, Volume XXII, Number 42, 20 October 1883 — KELA A ME KEIA. [ARTICLE]

KELA A ME KEIA.

O ka mea nana i haku kela himeni ma ka buke himeni Hawaii oia " E pili i ou la au e kuu lesu, " na kekahi kaikamahine opio i haku, he kaikamahiue ia na kekahi lunahooponopono o kekahi nupepa ma Enelani,a ua hakuia ua himeni la a paiia i ka makahiki 1841. Ua pinepine ka meleia ana o ua himeni la, a hiki i keia la ke mau nei no kona meleia ma na anaina haipule. Ua hanau keia kaikainahine iloko o.ka makahiki 1805, a make iloko o ka 1849. No ke kokua ana i ka bila kanawai VViseke, a me ke kue ana, ka hakoko nui mawaena 0 na makaainana ma ka mokuaina o Georgia, Amerika Hui iloko o keia mau la. 0 ka olelo .ao a kekahi o na paahana 0 loko 0 kekahi hale leta ma Amerika Hui, oia kona ao ana ma ka wahi leta e palu ai a aole ma ka pooleta, no ka mea 0 ka mea hoopipili o ke pooleta, ua hui pu ia me kekahi laau make. Iloko o na mahina ehiku o keia makahiki, ua komo aku iloko o Amerika Hui ma na awa ku moku a pau he 370, 000 kanaka 0 kela me keia ano. Ua hookuuia o Frank }ames, .kela haole powa kaaahi o ka mokuaina 0 Misouri, Amenka Hui, ma o kona hookolokoloia ana imua o na Jiure i kela mahina aku nei, aka, mamuli 0 ke kauoha a ka aha, ua hoomoe hou ia kona hookolokolo ana a keia mahina; e hoomanaoia. o keia haole e oleloia nei oia kela haole alakai o kekahi hui powa

kaa ahi a me ka powa pu ana i ke ola 0 na nia ka mokuaina o Misouri 1 Amerika Hui. Ua nui na hana powa a keia hui i hana ai a ua nui no hoi na makai kiu i hoounaia e ke Kiaaina o ua mokuaina la e kiu ia lakou a pau pu i ka make. Aole he mea o lakou i pakele i ka make mai keia hui powa aku. Kau ka weli o na kanaka o ua mokuaina la i keia hui, a mamuli o ka huliana o kekahi mau lala oua hui la ma ka aoao o ke aupuni i paa ai ke alakai o keia hui a nohaha ka hui. Ua hoopaaia keia alakai i hookolokoloia mai nei a hookuuia ma ka hookuu ana a na Jiure ua kpu iho na hiona pioloke ina kamaaina oka mokuaina 0 Misouri*