Ka Nupepa Kuokoa, Volume XXII, Number 41, 13 October 1883 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA KUOKOA ME KE AU OKOA.

[I Huha.]

No ka Makahiki…………… $2.00 

Eono Mahina……………… $1.00 

Dala Kuike ka Rula.

 

POAONO, OKAPOKA 13, 1883.

Pana e Thos. G. Thrum ma ka halepai o ka nupepa Saturday “Press”.

 

I SHALL BE SATISFIED.

George Hyrami, Part IV, No 24.

1

Kou uhane, no ke aha

@ nei?

No ke aha i mau ke noi,

Mau ka @.

Cho.                E @ oluolu au,

E oluolu au,

E @ oluolu au,

E oluolu au @

Ke ala me kona ano

E @ oluolu au,

E oluolu au

Ke ala me kona ano.

2

Kuu uhane e pai ana,

I @ mau loa e,

No ke aha @

I kuu @ ole nei

Cho.                            E oluolu, &c.

3

Kuu uhane, aha au la?

Waiho i ke @ anei?

@ anei i ke kea,

I @ ke ola e.

Cho.                            E oluolu, &c.

4

Kuu uhane, e mau ke noi

Pau ka hewa, ala mai

Ae ia I@ hahai iaia,

A loaa ka olu e.

Cho.                            E oluolu, &c.

HAWAII.

Haawina Kula Sabati.

Holu 4, Sabati Oct. 28.

Kumuhana, ke kohoia’na o Saula i alii.

Pauku Baibala, 1 Sam 10;17-27.

  H@ ae la o Samuela i na kanaka i o Iehova Ia ma Mizepa.

  18  I aku Ia i na mamo a Iseraela, @ ka olelo a Iehova ke Akua o ka @ ua lawe mai nei au i ka Iseraela mai Aikupita mai, a ua hoopakele ia oukou i ka lima o Aikupita, a i ka lima o kona aupuni a pau, a me ka @ i hooluhi ia oukou.

  19  A ua hoowahawaha oukou i ko oukou Akua i keia la, oia ka i hoola ia oukou i na mea ino a pau a me na po@ia o oukou; ua i aku oukou iaia, e hoonoho i alii maluna o makou.  No ia mea, e hoike oukou ia oukou iho imua o Iehova ma ko oukou hanauna, a ma ko oukou mau tausani.

  20  A hookokoke mai la o Samuela i na hanauna kanaka a pau o ka Iseraela, ua laweia ka hanauna o ka Beniamina.

  21  A hookokoke mai la ia ia ka hanauna o ka Beniamina ma ko lakou mau ohana, ua laweia ka ohana o Ma@ a ua laweeia o Saula ke keiki a Ki@ a imi lakou iaia, aole i loaa.

  22  No ia mea, ninau hou lakou ia Iehova, e hiki mai ana anei ua kanaka ia maanei?  I mai Ia o Iehova, aia ua pee oia maloko o na ukana.

  23  Holo lakou a lawe mai iaia mai@ mai; a i ke ku ana oia iwaena o na kanaka, ua oi kona kiekie mamua o na kanaka a pau, mai kona poohiwi aku, a hala loa iluna.

  24  Olelo aku la o Samuela i na kanaka a pau, e nana oukou iaia nei, i ka mea a Iehova i wae ai, aohe kona like iwaena o na kanaka a pau.  Hooho aku la na kanaka a pau, i aku la, e ola ke alii.

  25  Alaila, hai aku la o Samuela i ke ano o ke aupuni, a kakau iloko o ka buke, a waihoia imua o Iehova.  A hoihoi aku la o Samuela i na kanaka a pau i kela mea keia mea i kona hale iho.

  26  A hoi aku la o Saula i kona wahi ma Gibea; a hele pu me ia kekahi poe kanaka, na ke Akua i hoopa mai i ko lakou naau.

  27  Aka, olelo mai la ka poe hewa, pehea la e hoola mai ai keia kanaka ia kakou?  a hoowahawaha lakou iaia, aole i lawe mai lakou i na haawina iaia; aka, noho malie no ia.

  Pauku Gula, p. 24.

  Manao Nui, Ae ke Akua e hookoia ka makemake o kanaka oiai ua kue ia makemake i ko ke Akua makemake.

  Na Heluhelu Ia.  1. 1 Sam. 9:1-14.  2. 1 Sam. 9;15-27.  3. 1 Sam. 10;1-10.  4.  1 Sam. 10;17-27.  5. 1 Sam. 11;1-15.  6. Hal. 2;1-17.  7. Hal. 12;1-20.

  Ka Manawa, B.B. 1075 mahope iki o ka Helu 3.

  Kahi i hanaia’i, Mizepa.

  Samuela ka lunakanawai me ke kaula

  Mele.  “Paa mau ka Baibala,” Hoku Ao Nani p. 174.

  Pule i malamaia ka baibala.

  Ma ka pauku 17 ka hoomaka ana o ka Haawina o keia la.

KA WEHEWEHE ME KA NINAU ANA.

  Ma ka Helu 3, e ae ana i ke noi a na Iseraela i alii.  Ma ka mok. 8;11-18, ua haiia ke ano o ke alii ke loaa, e hookaumaha ana, e alunu ana, &c., p. 19-22.  Paakiki nae kanaka, paa ke noi ana i alii. A olelo ke Akua ia Samuela, e ae oe i ko lakou noi.  Ua ae no.  A hoihoi aku oia i na kanaka i ko lakou mau home.

  Ma ka mok. 9 ua nalowale na hoki o Kisa.  Ua hele Saula kana keiki me kekahi kauwa e huli.  Halawai pu me Samuela ke kaula.  Olelo oia u loaa na hoki mai manao hou no lakou.  A maluna owai ka makemake o na Iseraela a pau?  Aole anei maluna ou?  A ahaaina pu, a pau ka ahaaina, ua hoouna e ia aku ke kauwa mamua.  A koe Saula me Samuela wale no.  Ma ka mok. 10; 1-16 ka poni ana o Samuela ia Saula me na olelo a Samuela ia Saula, na wanana, ka halawai me na kaula, a  wanana pu Saula, &c.

NA MAHELE

I  Na olelo ao, p. 17-19.

  Mahea i hoouluuluia’i na kanaka?  Mizepa, mahea ia?  Heaha malaila mamua?  Owai kona inoa hou?  mok. 7;11,12.  Heaha ka Samuela mau olelo ao?  Heaha ka ke Akua i hana’i ia lakou?  A ua aha lakou i ke Akua?  Heaha ka lakou i noi mai ai?  Nolaila e aha lakou?  Mahea? a ma ke aha?  Imua o Iehova, oia hoi imua o ke kuahu no Iehova.  mok. 7;9.  Ehia hana una?  Oia hoi na ohana makua he 12.  A ua mahele hou ia i mau ohana uuku iho, mai ka ohana nui a i ka ohana hookahi.

II  Ke koho ana, p. 20-22.

  Ma ka hailona paha ke koho ana. Ma ke ano balota paha, ua kakauia na inoa he 12.  Beniamina ma kekahi apana pepa ili, Iuda ma kekahi, Dana ma kekahi, Zebulona ma kekahi, &c., pela a pau na inoa he 12.  Hookomoia iloko o ka pahu, hooluliluliia i huiia ke ano, alaila komo ka lima a unuhi i kekahi apana a nana owai? o mea, o Beniamina.  Akaka ka ohana nui.  Beniaminia.  Ua maheleia ia ohana i mau ohana hou.  Hailona hou, owai ka i laweia?  Ka ohana a Materi.  Mahele hou ia ka ohana a Materi, owai ka i laweia?  Ka ohana a Kisa, oia ka ohana hookahi, oia hoi ka makuakane hookahi, ka makuahine hookahi, me ka laua mau keiki.  Owai ka lala ohana a Kisa i laweia?  Saule, ea.  Ua akaka e ia Saula oia ka mea e kohoia’na.  Ua poni e ia oia e Samuela i alii no ka Iseraela.  Auhea Saula?  Ua holo, ua pee, hoohaahaa oia iaia iho.  Ma ke aha i maopopo ai kahi i pee ai oia?  Ma ka Urima, ma ka Tumima paha.  Nana Puk. 28;30, Nah. 27;21.

III.  Ko ka makemake o ka Iseraela, p. 23-24.

  I ka huli ana ia Saula aloaa, ua aha ia oia?  A pehea kona kiekie?  Kupono ia i ke ano alii ma ko ke kanaka manao.  He kino nunui, puipui.  A pehea Samuela i olelo ai?  A aha na kanaka?  Akahi no a loaa keia mau hua ma ka baibala.  E ola ke alii.  No ke aha ka loaa ole o ia hua mamua?  Ua akaka e o Saula no ke alii.  No ke aha keia hana ana ma ka hailona?  I hooiaio kanaka i ko ke Akua wae ana.  Ka mea a ke Akua i wae ai ua kupono oia i ko lakou makemake.  Ua makemake lakou i alii kanaka, a ua wae ke Akua ia Saula, no ka mea ua ike ke Akua, o kona ano kino e mahaloia’na ia e kanaka.

IV.  Ka hana hope a Samuela, p. 25-26.

  Hai aku Samuela, eia ko oukou alii.  Ua ko ko oukou noi ana.  A heaha kana i hoike aku ai?  Ke ano o ke aupuni, Kan. 17;14-20.  A kakau ia mahea?  A waihoia mahea?  Imua o Iehova.  Mahea ia wahi?  E huli i loaa.  Nawai i hoihoi aku i ma kanaka?  Na ke ‘lii anei? Na Samuela paha?  Me he la o Samuela ka mea nui.  A hoi aku Saula ihea?  Mahea Gibea?  Owai ka i hele pu me Saula?  Na ke Akua I hoala i ka manao, i ke aloha o ko lakou naau.

V.  Hoohalahala kekahi poe, p. 27.

  Kupaianaha! ua ko ka makemake, ua loaa ke’lii.  He kino maikai i ku i hanohano.  Ua hoowahawaha nae kekahi poe, a ninau pehea?  Aole i hana Saula i akaka ke ano o kana hana.  Hoahewa e lakou iaia!  Ke ano ia o kanaka.  A pehea Saula?  Noho malie no me he la aole oia i ike, aole i lohe no keia poe enemi.  Akahai oia.

KA HOOPILI ANA.

  1  Paa ka manao o kanaka ma ka hewa, ma ka hooko ana i ko lakou makemake.  Ua haiia ka hope no ka hewa, ka hope o ka inu rama, o ka moe kolohe, o ka hehi Sabati, o ka hoole i ke Akua, o ka lealea.  Mau nae ka hana hewa.

  2  Mau ka hana ana i ka hana liilii, loaa kekahi hana nui i kekahi poe.  He mea liilii ka huli ana i na hoki o Kisa.  Ma ia huli ana, loaa ka waiwai nui, ka oihana alii.  He oihana haahaa ka oihana Paniolo, malia paha e loaa ana kekahi pono nui malaila ke imi i ke kaula e kuhikuhi, elike me Saula.  Imi oia ia Samuela e kuhikuhi, &c.  Ka hewa loa o ka hana Paniolo ka hana me ka hoomanao ole i ke Akua, aole ma na la noa wale no, aka, ma na la Sabati kekahi.

  3  Wanana ka poe hewa elike me ka poe pono i kekahi manawa, me Saula, a puka mai kela olelo maa, o Saula anei me ka poe kaula?  Pule a haiolelo a himeni kekahi poe me ka hookamani.

  4  Malama ke Akua i na kanaka, hana maikai, hoopakele mailoko mai o na poino, hoowahawaha no nae lakou iaia, hoole i kona alii ana, &c.

  5  E hana na alii elike me ko lakou hoohiki ana, e malama i ke kanawai o ke Akua, me ke kanawai o ka aina.

  6  He poe lapuwale kekahi, aole oluolu i ko lakou alii, i ko lakou mau haku, aole oluolu ia Iesu, hoole no iaia, hoole aole hiki iaia ke kokua, ke hoola.  Heaha ko lakou manao, me ko lakou hope?  E makau i ke Akua, e mahalo i na alii.

  Mele.  “Ke Lei o Ziona” Hoku Ao Nani p. 258.

  Pule i makau i keia alii.

  Haawina no Nov. 4, 1 Sam. 12;13-25.

 

MOOLELO O KA AHAHUI EUANELIO O KA MOKUPUNI O OAHU.

  Halawai ka Ahahui Euanelio o Oahu ma Kaumakapili, Oct. 23, 1883, hora 10 A.M.

Ekalesia,                                  Kahu,                          Elele.

Kawaiahao,                             H. H. Paleka,               Archer.

Kaumakapili,                           ---                                Kalama.

Kalihi & Moanalua,                 Paaluhi,                       Koalii.

Ewa,                                        ---                                Keone.

Waianae,                                 Kekahuna,                   ---

Waialua,                                  Timoteo,                      Kamakaole.

Kahuku,                                  ---                                Luiki.

Hauula & Kahana,                  Kaapu,                         Naili.

Waikane,                                 Paikuli,                        Kaoheleahi.

Kaneohe,                                 ---                                Kapu.

Waimanalo,                             Waiwaiole,                  ---

NA MAKUA.

L. Kamika, C.M. Hai, A. O. Polepe.  No Maikonisia, S. W. Kekuewa.

Koho ka Aha ia S. Waiwaiole i luna hoomalu, S. Paaluhi i kakauolelo.

Koho ka lunahoomalu i komite Imihana, Polepe, Timoteo, Naili.

Komite Imi Haawina, Paikuli, Kapu, Keone.

Komite Pai Moolelo, S. Paaluhi, J. Kalama.

Lilo o Waiamau, Kahulu, Nawaa, Kaaua, Kalauao, a me na lala kula Sabati i mau hoa kuka.

PAPA HANA A KE KOMITE.

1 Hapalua hora haipule.

2 Hoike Kihapai.

3 Kula Kahunapule.

4 Palapala Hoopii.

5 Heluhelu Kaawina.

6 Kokua Kuloko.

7 Kokua Kuwaho.

8 Hui Kahunapule.

9 Na Ekalesia Kahu ole.

10 Na paa Manuahi ma na Kihapai.

11 Na Misionari Kaahele.

12 Na Hale Kahu.

13 Hebedoma Haipule.

14 Ka la pule no na Kula.

15 Kahi e halawai hou ai ka Aha.

Hoike mai o Paleka, Paaluhi, Timoteo, Luiki, Kaapu, Paikuli, Kapu, Waiwaiole, Henere Walakahauki, Keone, Kekehuna, i ko lakou mau Kihapai.

NA PALAPALA HOOPII.

  Na Paaluhi i heluhelu mai na Palapala Hoopii.

  Lilo o Paikuli, Timoteo, Kaapu, i komite e nana i na Palapala Kahea.

  Lilo o Polepe, Kapu, Naili, i komite no ka Palapala a T. Kaehuaea, a me ka Palapala e pili ana ia J. Kalama, komite noi dala no ka luakini o Kaumapili.

  Hoopanee keia Aha a hui hou i ka hora 1 P.M.  Pule o Waiwaiole.

  Hui hou ka Aha.  Pule o Koalii.

  No ke kula Kahunapule.  Hoakaka mai o Hai.

  Heluhelu mai o Timoteo i kana haawina.

  O ka noho ana o Melezizekeka i kahuna nui no Iehova, ua nele anei oia i ka makuakane a me ka makuahine ole?  i nele ai kkona moolelo ma kinohi.

  Paaluhi i kana haawina.  E wehewehe ia 1 Ioane, 1;7.

  Hai i kana haawina.  Ina e mau io no ma haipule io a ola, pehea e kupono ai ke ao ana ia lakou, e kiai ma ka pule o make oukou.

  Hoike mai o Timoteo, ke komite o na Palapala hoopii Kahu.

  Ua kanalua ia ko Kaumakapili, a ua hoihoi hou ia i ka ekalesia.

  O ka Palapala a ko Ewa – ua aponoia.  Ua hoopaneeia ka Aha i ka hoike a ke komite.

NA KOKUA KULOKO.

Hai, Timote, Kalama, na komite mahele.

Kawaiahao,                 $200.

Kaumakapili,               “  “

Kalihi & Moanalua,     “100

Ewa,                            “ 70

Waianae,                     “ 92

Waialua,                      “100

Kahuku,                      “ 50

Hauula & Kahana,      “100

Waikane,                     “ 75

Kaneohe,                     “100

Waimanalo,                 “ 63

NO KE KOKUA KUWAHO.

  Ua lohe keia Aha i ka hoike a ke kakauolelo o ka Papa Hawaii, ka emi o na kokua Kuwaho.

  Ua hooholoia – O na dala mahinahou e hoihoiia mai i ka waihona o ka Papa Hawaii.

KA HUI KAUNAPULE.

  Ua hooholoia – Ka hui ana, a na ke kakauolelo o ka Papa Hawaii e hoike ae ma ka nupepa, ka la e hui ai.

  Waiho hou mai ka ekalesia o Kau makapili i ka Palapala kahea kahu, a me ka pane a ke kahu imua o ka Aha, a waiho hou ia ma ka lima o ke komite.

  A ua lawe hou mai ke komite imua o ka Aha i kana hoike.

  Hoopono aku ka Aha no ka Palapala kahea kahu o Kaumakapili.

NA EKALESIA KAHU OLE.

  Mahaloia ka ekalesia o Kahuku, no ka pau ana o ko lakou aie i ke kahu mua, a ke paipaiia aku nei ia ekalesia e kahea i kahu no lakou i keia wa.

  Hoopanee, a halawai hou i ka hora 9 A.M. o ka la apopo.  Pule o Hai.

LA HANA A POAKULU, OCT. 3.

  Malamaia ka hapalua hora haipule.  Heluheluia ka moolelo, a aponoia, lilo o Henere Walakahauki i hoa kuka.

NA PAA MAKUAHI MA NA KIHAPAI.

  Mahaloia kekahi mau ekalesia no ka eleu ma ka hoomaemae ana – e pono i na ekalesia e ae e hoohalike.

NA MISIONA KAAHELE.

  Ua apono ka Aha i ka misiona kaahele.

  Ua koho ka Aha ia Waiwaiole, Waiamau, Paaluhi, Henere Walakahauki, oia ke komite, a he mana hoi e haawi ai i Palapala apono i ka misiona kaahele ma ka inoa o keia Aha.

  Kohoia o Hai, Paaluhi, Archer, a me ke komite o Kaumakapili, a na lakou e noonoo i komite, hoonohoia o Waiamau no Kaumakapili, a me ka poni ana ia Nawaa.

  Ua apono aku ka Aha i ka hoike a ke komite no ka palapala komite noi dala o Kaumakapili, ma na mokupuni ma o ko lakjou komite, o Kalama.

  O ka Palapala Hoopii a Kaehuaea, ua haule.

  E hoomau aku i ke komite o na kahua luakini.

NA HALE KAHU.

  E hooikaika koke na ekalesia hemahema, aole o lakou hale kahu.

  E hoomauia o Kaapu, Timoteo, Kekahuna i mau komite paipai.

HEBEDOMA HAIPULE.

  Ka hebedoma mua o Ianuari 1884.

KA LA PULE O NA KULA.

  Poaha hope o Ianuari.

  Heluhelu mai o Kapu, i ka haawina o ka ekalesia o Kaneohe.  E wehewehe i ka pauku 12 1 Tes. 2;

  Hoopanee keia Aha a hui hou i ka hora 1 P.M.  Pule o Kala.

  Halawai hou ka Aha.  Pule o Kapu.

  Heluhelu mai ke komite Imi Haawi na.

1  E wehewehe i ka manao o ka pauku 82 Tes.7;                  S. Paaluhi.

2  E wehewehe i ka pauku 20 mok. 2 o Hoikeana.                E. S. Timoteo.

3  E wehewehe i na ouli o ka manawa.                                  C. M. Hai.

4  E wehewehe i ka pauku 1 mok. 7; Hoikeana.                    H. H. Paleka.

5  E wehewehe i ka pauku 10 mok. 7 Hoikeana.                   Ek. Kaumakapili.

   E hoomau aku i na haawina mua.

6  O ka babeziko ana a Ioane ia Iesu ma ka muliwai o Ioredane.  Ua hooluu maoli ia nei, aole paha?                                                                                            S. Waiwaiole.

7  E wehewehe i ka pauku 17 Halelu 51;                               J. N. Pailkuli.

8  Pehea la e lilo ai ka lawelawe ekalesia ana ma Hawaii nei, i mea e hooulu nui ia ai na hana misionari?                                                                           J. W. Kaapu.

9  E wehewehe ia 2 Tes. 2;3,4.                                              Ek. o Ewa.

10  E wehewehe i ka manao o ka mokuna 12 Hoikeana.       J. Kekahuna.

11  E wehewehe i ka pauku 1 mokuna 16 Hoikeana.            Ek. o Kahuku.

  Heluhelu mai a Paaluhi.  He Palapala noi na ka ekalesia o Kaumakapili e noi mai ana i keia Ahahui.

  Ina he mea hiki i keia Aha, ke apono aku no ke kokua mai o ka Papa Hawaii, ke ola o M. Juaea.

  Olelo Hooholo.  Hooholoia.

  Me ka naau menemene a walohia no ko kakou makua Rev. M. Kuaea, a malalo hoi o keia palapala noi, mai ka ekalesia o Kaumakapili.  Pono no i keia Aha ke noi aku i ka Papa Hawaii.  E haawi i $75.  E hoomaka ana ma ka la 1 o Oct. a na ka lunahoomalu a me ke kakauolelo e noi i ka Papa Hawaii ma ke inoa o keia Aha.

KAHI E HALAWAI HOU AI KEIA AHA.

  Ina e hoopaneeia keia Aha, e halawai aku ma Waikane, i ka Poalua mua o Aperila, 1884.  Hora 10 A.M.

  Ke mahalao aku nei keia Aha, i ka ekalesia o Kaumakapili, no ko lakou kokua ana mai i na mea e oluolu ai na lala o keia Aha.

  Heluheluia ka moolelo, a aponoia.

  Hookuuia ma ka pule a S. Waiwaiole.                                 S. PAALUHI.             Kakauolelo.

 

MAKE I ALOHA NUILA.

“Holo Waimea i ka ike a ka makani,

Hao mai na ale a ke kipuupuu

He laau kala ia na ke anu,

I oo i kanahele o Mahiki

Ku aku la i ka malanai a ke kipuupuu,

Halu ka maka o ke hoa i Ouli

Niniau eha ka pua o Koaie,

Eha ia’u kanahele o Waimea

Akahi a hai mai i kona eha, ua eha i-a.”

  Ma ka Poaha la 20 o kela mahina, ma Waiemi, Waimea, Hawaii, ua lalau mai la na lima menemene ole o ka make o kaualupe aku la ia J. W. Kuakini ma kela aoao o ka muliwai eleele, a haalele iho la i na luhi, a me na inea o keia ola ana, oiai ka mai e hoomailo ana i kona kino no ka manawa loihi.  Aka i keia loaa hou ana, ua oi loa aku ka ikaika o ka mai, a iloko o na la he 14 wale no ua heo aku la ma kela aoao.

  Ua haalele iho oia mahope nei he wahine, he mau kaikamahine, he kaikuaana, he mau kaikuahine, he kaikaina, na makua, ka ohana lehulehu ma ia pohai, a me na hoa’loha o na kuahiwi a me ka kualono, na hoa alo pu o ka ua a me ke anu o Waimea, e kanikau aku ma keia aoao o ka lua me na naau mokumokuahua i ke aloha.

  Ua hanauia o Kuakini ma Ahulani, Kohala Akau, Hawaii, i ka mahina o Aperila o ka makahiki 1844, mai ka puhaka mai o ke keiki alii Waipo a me Mere Parker, a ma Anaehoomalu kona wahi i hanaiia ai a nui me na makua ame ka kupuna.

  Mahope mai ua mare oia i ka wahine oia o Kailiula, a ua noho oluolu pu laua a hiki i kona la i haalele iho la; a mailoko mai o ko laua puhaka ua hanauia mai he 12 keiki, a mailoko ae o ia huma hookahi waleno kaikamahine e ola nei, aloha ino!  He 39 makahiki 7 malama me 11 la kona ola ana ma keia ao mauleule a make aku la.

  Ua hoolewaia kona kino kupapau ma ka Poaono ka la 22 mai kona home aku ma Waiemi, a hiki ma ka luakini Imiola, i ukaliia e ka huakai kanikau ma na kaa a me na lio, malalo o na hooponopono ana a Hon. Sam’l Parker.

  Ua weheia ke anaina kanikau e ka maku Laiana.  O kana pooolelo aia ma Kor. 15;21, penei”  “No ka mea mai ke kanaka mai ka make, a pela no mai ke kanaka mai ke aloha ana mai ka make mai.”  Ma keia anaina ua hai ia ke kumu o ka make ana o Adamu ma, oia no ka hookuli, a pela i kau ai ka make i na mamo.  Ua hoolanaia ke anaina, ma ke ala hou ana o ke kanaka Iesu Kristo mai ka make mai, pela e ala hou mai ai ka poe make, a ku imua o ka Lunakanawai Nui ma ka ka

Hookolokolo, a pela aku, a hookuuia ke anaina.

  O J W. Kuahini i hal aku la, he kanaka oluolu a heahea i na makamaka.  He kumaaina oia a puni ke kuahiwi o Maounaloa.  Ua noho hoahanau oia iloko o ka ekalesia ma Waimea, a i ka aneane ana e ele loa kona hanu, ua hoopuke oia i keia mau huaolelo me ka nawaliwali, “Pomaikai ka poe make, ke make iloko o ka Haku.”        S. H. M. AUWAI.   Waimea, Hawaii.

 

HE KUHIHEWA LAKI.

  Aloha ole ka’u keiki, wahi a kekahi makuahine ilihune.  Ua ike ka’u keiki i ko’u pilikia, i kuu nele i na mea e pono ai ko’u kino.  Nui kona waiwai, a ua palapala mai oia ia’u i kela a me keia malama, eia nae, he wahi kii wale no maloko o na palapala.  Pela oia i kekahi kanaka aloha i hele mai eike, a e kokua iaia.

  Makemake au e ike ia mau kii.  Ae, e kii aku au.  Kii aku ia a lawe mai, nana ua kaanaka nei i na kii, a hooho; e ka wahine, he wahine waiwai nui oe, o keia mau kii, he mau kii kikoo dala ia ma ka Baneko, he pa 50 dala ko kela a me keia.  E kakau oe i kou inoa ma ke kua, a lawe ia mau kii i ka Baneko, a e loaa koke no na dala he nui wale.

  Pela io anei?

  Ae.

  Kei kuu kuhihewa, kuhi au he mau pepa kii wale no, aohe ano.  Ua laki loa nae au, kuhi au he keiki aloha ole ka’u, eia ka he keika aloha nui, aloha mau.

  No ke aha kona lawe ole i kona mau leta me na kii i ka poe i ike, a noi aku e wehewehe mai i ke ano?

  E na makuahine me na mea e ae, he mau kii dala no ko oukou mau uhane maloko o ka leta nui na Iesu mai.

  E heluhelu oukou, a ina pohihihi ia e noi aku ia hai e heluhelu, a wehewehe mai i ke ano.  O ka mea i manoaio ia Iesu, he ola mau loa kona.                   HAWAII.

AOHE OIAIO.

  E oluolu mai ke KUOKOA ia’u no ka manawa mua loa e pane aku me ka hoike i ka oiaio imua o na tausani poe heluhelu o ke KUOKOA, no na mea a C. K. Kapa, i hoolaha ai no ka hoala ana o ka Ahahui Opiopio Imi Pono Karistiano o Keaukukuiula nei i hui kalepa, a malia ua manaoio kekahi poe ia mau olelo ana, ua olelo oia, ua lulu ia a ua loaa na dala he 112.  Ke hoole aku nei au, aohe oiaio o ia mau mea, ua haohao loa au i kela mau olelo i hoike i mai nei.  Owau kekahi lala o kela hui, a he hope kakauolelo no hoi, aole nae au i ike i keia mea, a ke haohao loa nei au i keia mau dala.  Aohe o’u ahewa a kue, ina oia e hoike ana mawaena iho no ona a me kekahi mau lala, keia mau dala i luluia, aka, o kona olelo ana na ka Ahahui holooloa i lulu ia mau dala nolaila, kue loa au, oiai, aohe like o ka pono me ka hewa, pela no ka ahahui me kela mau huahelu io ole he $112.  O ka oiaio maoli keia a me ka pololei, aohe epa, akue me ka manao ino, aka, me ka hoike pono ana i me e maemae ai ka inoa o ka Ahahui ma o kela mau huahelu ole, a me kela hui kalepa hana malu, a hoike i ke akea ma ka inoa o ka Ahahui, aole nae pela ka oiaio.

  Aole o keia pane ana a’u i kuu hoa he mea ia nona e eha ai, aka, ua imi au i ka maemae o ka inoa o ka Ahahui.

  Owau iho no.           J. K. KAHOLI.  Kohanaiki, N. Kona,  Sept. 25, 1883.

 

NA HOOLAHA KUMAU.

 

ASA KAULIA.

  Loio a he kokua ma ke Kanawai.                                                                 tf.

 

J L KAULUKOU.

  Loio a he kokua ma ke Kanawai.

  KEENA HANA:  Ma ke Keena o W. C. Akana ma alanue Moi.              tf.

 

W O SMITH.

  LOIO, LOIO, LOIO.

  KEENA HANA:  Helu 36 alanui Kalepa.                                                  tf.

 

HENRY N. KAHULU.

  LOIO, LOIO, LOIO.

  E loaa no ma Koolauka a ma Honolulu i kahi wa, mna ke Keena o W. L. Holokahiki ma alanui Betela.                                                                                                               112S 1 @.

 

W A KINI.

  LOIO, LOIO, LOIO.

  KEENA HANA:  Helu 15 Alanui Kaahumanu, Honolulu.                       tf.

 

W R KAKELA.

  Loio a he koku ma ke Kanawai.  He Luna Hooiaio Palapala.                    tf.

 

W L HOLOKAHIKI.

  Loio a he koku ma ke Kanawai.  He Luna Hooiaio Palapala.                   

  KEENA HANA:  Wehekealaula alanui Betela                                          tf.

 

A ROSA. (AKONI.)

  Loio a he koku ma ke Kanawai.  He Luna Hooiaio Palapala.                   

  KEENA HANA:  Ma ke Keena Loio Kuhina.                                           tf.

 

S B DOLE.

  LOIO, LOIO, LOIO.  He Luna Hooiaio Palapala.

  KEENA HANA:  Ma Alanui Kaahumanu.                                                tf.

 

CECIL BROWN.

  Loio a he koku ma ke Kanawai.  A he Agena Hooiaio Palapala no ka Mokupuni o Oahu

  KEENA HANA:  Helu 8 alanui Kaahumanu                                             tf.

 

JAMES M. MONSARRAT.  (MAUNAKEA.)

  Loio a he koku ma ke Kanawai.  He Luna Hooiaio Palapala.                   

  KEENA HANA:  alanui Kalepa                                                                tf.

 

RICHARD F. BICKERTON.  (PEKEKONA.)

  Loio a he koku ma ke Kanawai. 

  KEENA HANA:  Helu 27 alanui Kalepa.                                                 tf.

 

SAM’L L. KAWELO.

  LOIO, LOIO, LOIO.

  KEENA HANA, Puakalehua, alanui Maunakea, Honolulu.                       tf.

 

SAM’L K. KAEO.

  LOIO, LOIO, LOIO.

  KEENA HANA:  Me J. L. Kaulukou ma ke Keena o W.C. Akana.         tf.

 

KALE KULIKA.

Luna Hooiaio Palapala Moraki a me na Palapala o ia ano, Luna Hooiaio Palapala Aelike mawaena o ka Haku a me ke Kamea, Luna haawi Palapala Mare.

KEENA HANA:  Kihi o alanui Moiwahine me Kaahumanu.                       tf.

 

C C COLEMAN.

Amara a he mea hana Mekina Kapili Kapuai hao lio, A ME KA Hana ana Kaa Lio, etc.,

Halo Hana ma Alanui Alii,

905-tf              E kokoke la i ke Alanui Papu.

 

A H MEEKAPU.

Tele humuhumu lole.  HALE HANA:  Helu 11 alanui Nuuanu.                  tf.

 

F PAHIA, SAM,L M. KAAUKAI.

Ana aina!!  Ana aina!!! 

KEENA HANA:  Aia ma alanui Moi, kokoke loa i ka Uwapo o Hooliliamanu.      tf.

 

C BREWER & CO.  (BURUA MA.)

  Ua makemake ia ka poe mea ILI KAO MALOO a me na ILI BIBI, a pela hoi me na ILI MILO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.                                                                        tf.

 

JOSEPH E WISEMAN.

LUNAHOOPONOPONO  O NA WAIWAI PAA A HE Luna Imi Hana,

  Helu 27 Alanui Kalepa, Honolulu

Luna Hoolimalima no na Rumi, na Hale, a me Luna Kuai me Hoolimalima o na Waiwai Paa ma na wahi a pau o ka Paemoku.  Luna imi Hana no ka poe a pau i nele i ka hana ole ma na wahi a pau i makemakeia ma kekahi mokupuni o ka Paeaina.

  N.B. – Na Palapala Hoolimalima e hanaia me ka eleu; e ohiia na Bila Aie a me na hana e ae a pau e pili ana i na hana Oihana Kalepa me ke eleu a me ka pololei.  O na Unuhiolelo a me na Maheleolelo ana, e hookoia me ka maikai.  O na kauoha a me na kamailiio ana maloko o na leta no kekahi o na hana malunaae, e hookoia me ka eleu loa.                 tf.

 

NA HOOLAHA KUMAU.

 

KA MIKINI

HUMUHUMU @

MAIKAI

ST. JOHN.

E LOAA NO MA KA @

MR. GEO. F. WELLS.

  O ka Mikini Humuhumu @ loa keia, i hiki ke @ hope, a i ikeia ma ka Pae Aina Hawaii nei.  He Mikini maikai loa no na ka moku Hawaii, he mikini luhi ole.

  KUMUKUAI $55.00 me Hookahi Gita (Kika) hookani maikai loa makana.

  O ka poe ma na kuaaina e @ keia ano mikini humuhumu, e hoo@ kou i ke dala ia

GEO. F. WELLS

Ma Honolulu, a nana no e @ i makemakeia, me na mea a pau @ ka mikini, a nana e hookau aku @ moku, me ke kaki ole ia o ka mea @ mokini la.

  O ka poe a pau e holo mai ana no Honolulu nei, mai poina lakou i ke kipa ana @ halekuai o

GEO. F. WELLS

Ma Alanui Papu, a e kilohi iho @ humuhumu la, oia ka Royal St. John.

  Eia pu no me ia na pila hookani @ a pau, o ka loaa kuke ana mai nei no ia mai Amerika a me Europa mai, oia Na Pila Guitar (Kika), he 150 @ mai ka $5 a hiki i ka $125 kumukuai o ka pila hookahi.  200 Koliana mai ka $2 a hiki i ka $@ ke kumukuai o ka pila hookahi.  100 Ohe Puluka, $2.50 a hiki i ka $@ ke kumukuai o ka ohe hookahi.  12 Pahu Hookani nunui, a me 25 @ Hookani liilii, a me na ano mea @ keleawe a pau, e loaa no ma @ lekuai i hoikeia maluna me ke KUMUKUAI EMI WAIPAHE Na Piano nunui maikai, e loaa no me ke Kumukuai Emi Loa i ike ole ia ma Hawaii nei.

  He nui aku no na mea i koe, na kela a me keia e kilohi nona iho, ke nae ae ma ko’u halekuai ma Alanui Papu.

  E hookoia ka makemake o kela a me keia me ka eleu.

GEO. F. WELLS

1094 tf                       Alanui Papu.