Ka Nupepa Kuokoa, Volume XXII, Number 40, 6 ʻOkakopa 1883 — UA HALA HOU KEKAHI O NA KUMU KAHIKO. [ARTICLE]

UA HALA HOU KEKAHI O NA KUMU KAHIKO.

Maluna mai o ka n\okuahi o ka la Sabati iho nei i loaa mai ai ka lono walohia, ua make o Mr. E. O. Hall ma ka mokuaina o Maine, i Amerika Hui. Ua hala aku nei o Mika Holo iloko o ke kanahikukumamakolu o kona mau makahiki. He mau pule i hala ae nei kona holo ana no Ameiika me kana wahine. He hele hoomaha keia hoio ana me ka manao e kaawale ana no kekahi mau pule wale no a hoi hou mai. Aka, aole i ko keia manaolana, a ua kii mai ka Haku i kana ika la 20 o Sepatemaba iho nei. E hoi mai ana ka wahine maluna o ka mokuahi o keia Poakahi ae me ke kino kupapau. Ua hiki mai o Mika Holo i Hawaii nei iloko o ka mahina o lune, 1835 ; o kona mau hoa lawe hana i holo pu mai ai o Koana o Hilo, i hala nuia aku la i kela makahiki, a o Kaimana a kakou e noho pu nei, me ka lakou mau wahine, a me kekahi kumu wahine e ae elua. He ewalu ko lakou nui ma ia holo pu ana mai ona kumu. Oka Mika Holo hana, he pai palapala a me ke ao aku i ko Hawaii nei ma ia hana. Mahope iho ua lilo oia i agena no ka Papa Misiona o Bosetona no ka lakou hana maanei. A pau kona lawelawe ana i ria hana misionori, ua komo o Mika Holo iloko o kahi mau hana aupuni, a ua lawelawe oia me ka hoopono jmaia mau hana a pau. Ua noho o Mika Holo he Kuhina Kalaiaina no ka j Moi Lunalilo. Ua nolio Puuku oia no [ka Paq>a Hawaii no iwakalua makahiki. 'Nui kona aioha ia Hawaii nei.