Ka Nupepa Kuokoa, Volume XXII, Number 39, 29 September 1883 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

HOOLAHA, MAU.--E hookaa ae na Luna i na Dala o ka NUPEPA KUOKOA ma ka lima o L. Kahalewai ma ke Keena o ka Pepa, ma ke kihi o ke alanui Moiwahine me alanui Nuuanu, a aole e aie aeia ka hookaa ana ma kekahi mea e ae.

 

Kela me Keia.

            Ua ku mai i ka la Sabati nei ka mokuahi Madras.

 

            He omaimai ko ke Kiaaina Kekaulii o Hawaii i keia mau la.

 

            O ke kunu kalea ke laha nui la ma @ i keia mau la.

 

            Ua hoomama ae nei ka mai kuhewa @ Keoni Kamaki i keia mau la.

 

            @ Marwood, ke kanaka li kanaka o ke kulanakauhale o Ladana, Enelani, @.

 

            @ aku nei o Hanalana e hoehoe @ pakahi me Laycock ma ka muliwai @ Enelani.

 

            @ mai a ua holo aku ka mokua@ mai na panalaau mai o ka @ Kapalakiko i ka la Sabati nei.

 

            @ ia Kapena, wahi a na ka@ aualelo a kekahi poe o ke @ le nei ka nupepa Elele.

 

            @ o Wailuku i keia mau la @ iho ana e pilikia ana ia @ wai ole.

 

            @ emiia ana i ka ekolu tausani koa @ koa Beritania e hokahua la @

 

            Ma na lono hope mai nei, ua loheia @ ka mai ana i o kakou nei ka mokukaua Beritania Swiftsure Adimarala @

 

            E hoomaka ana ka wili o ke ko o na @ mahiko o Wailuku Maui i keia @ ia mahina no e hoomaha ana @ na wiliko o Kauai.

 

            Hoakaka kuikui ana o Slade me Mitchell ma kekahi kulanakauhale ma @ kuaina o Kanasa i keia mau pule @.

 

            He 9 la ka holo ana aku nei o ka mokuahi  "Kulanakauhale o Nu Ioka" mai Honolulu aku a i Kapalakiko ma kana huakai hope aku nei.

 

            Ua uku e iho nei ka ona miliona i kona mau auhau o keia makahiki ae, a ma kona uku e ana i kona auhau ua ola ka makapehu dala o ke aupuni.

 

            I ka wa i lohe ai ke kaikuahine o Kapena Uweba i ka make ana o kona kaikunane, ua ku a pupule koke oia, a holo oia a lele iloko o kekahi muliwai a make.

 

            He $20,000 ka i hookaawaleia e ka ahaolelo o kela kau aku nei no ka hoomaemae ana i na uwapo o Honolulu nei. Auhea la keia puu dala a ihea kahi i hoolilo ia ai?

 

            Ua hoomaka iho nei i ka la 19 o keia mahina ka hapaha kula hooilo o ka @ ala ao hoomaamaa o Punahou ma kke alanui o  Beritania. O Miss Moore ke @ a o Miss Storrs me Miss Lewis @ kokua.

 

            Eia na inoa o na paa balota "alii" o ke kulanakauhale nei e holo ana no keia kau ahaolelo: F.H. Hayselden (Kika @), @ Ruseell, (Lukela), Hoapili Beka, me J. Poepoe.

 

            Ua hookaawaleia he 30,000 dala no ke alanui pali o Lahaina a hiki aku i Wailuku. Aole i hoohanaia keia puu dala, a aia ihea la keia puu dala kahi i hoolana ia ai? Ua ike no makou, aia iloko o ka eke a hakai.

 

            Ma ka la 17 o keia mahina i weheia ai buke a ka Luna Helu o Hilo i ka lehulehu, a he keu aku a ka huhu o ka poe ku i ka auhau no ka paewaewa o ka helu ana, a ua nui ka poe hoopii imua o ka papa hoopii auhau.

 

            Ua kauoha na Adimarala Beritania i kona mau eneginia e ana kokeia ke kowa Sunda ma Iava ma keia nalowale honua ana o na hale ipukukui a me ka puu o Sunda a hiki i na moku ke holo me ka loaa ole o na poino.

 

            Mamuli o ka hoolaha a ke Kiaaina Keoni Kamaki ma ka nupepa Gazette, ua ike iho makou ma kana hoolaha, aole loa e hookaaia a hoomaopopoia no hoi na aie i hoaie ia ma ka inoa o ka Puali Puhi Ohe Hawaii ke ole e kauohaia e ia.

 

            Na E. Helekunihi a me J. Halaulani o Haiku i hoike mai ia makou no ka pau ana i ke ahi ma ka po o ka la 20 o keia mahina na hale laina o ka wiliko o Haiku. Ua hai mai o Helekunihi ia makou, i pakele wale no lakou hale no ka pa makani ole, a ina he makani pau ko lakou hale a pilikia pu. Aole i haiia mai ia makou ke kumu o ka a ana o ke ahi.

 

            O na lono ano nui iwaena o na makai o Kauai, oia ka mahuka ana o kekahi pake paahao. Aka, aole i like ka lawelawe ana o na hana pili oihana makai o Kauai me ko Honolulu nei, no ka mea, he mau la wale no kona mahuka ana ua loaa hou no, aole pela na makai o Honolulu nei, no ka mea, i ka mahuka ana o Keoni Balaunu, ua nalowale loa a aole i loaa hou a hiki i keia la.

 

            I ka wa i loaa mai ai ia makou ka lono no ko Keiki holo balota ma Kona Hema, a makou i hoike ai ma kekahi itamu ma ka aoao eha o ka pepa o keia la, ua lono hou makou ua hoounaia mai he lono i kekahi o na agena o Keiki ma Honolulu nei mai Kona mai e i ana mai holo aku o Keiki ilaila, no ka mea, e holo balota ana no ua mea la nana i hoouna mai ua kauoha papa la.

 

            Ma ka papa kuhikuhi holo o na mokuahi Ocianica o ka mahina o Okatoba me Novemaba, ua makou e haalele ana ka mokuahi Mariposa ia Kapalakiko i ka la i o Okatoba no Honolulu, a haalele ia Honolulu no Kapalakiko i ka la 15. A o ka mokuahi Alameda e haalele ana oia ia Kapalakiko i ka la 15 o Okatoba no Honolulu, a haalele ia Honolulu no Kapalakiko i ka la i o Novemaba.

 

            NUHOU O NA EKALESIA

            Ma Kawaiahao i ka la Sabati nei, na Rev. Kekuewa i hai ka olele ma Ier. 17 4-8. "E poino ana ke kanaka i hilinai i ke kanaka, a manao iho la i ka io i ikaika noan, a haalele kona naau ia Iehova; e like auanei ia me kahi i haalele ia maloko o ka waonahele, aole ia e ike i ka wa e hiki mai ka maikai, aka, e noho no oia ma na wahi maloo ma ka waonahele, ma ka aina hua ole, a noho ole ia. Pomaikai ke kanaka hilinai ia Iehova, a o Iehova hoi kona mea e manaolana ai." Ma Kaumakapili ua haiolelo o Waiamau ma ke awakea, a i kokua ia e Kamika Makua, ma Pukaana 20; 13 ka poolelo, "Mai pepehi kanaka oe." Ua pili ka haiolelo no ka hoole waiona; me he mea la o ka inu rama he pepehi kanaka ia. Ma ka po iho na Paleka i hai ka olelo, ma Isaia 55, 7 ke poolelo, "E haalele ke kanaka hewa i kona aoao iho, a me ke kanaka lawehala i kona mau manao, a e hoi mai hoi oia io Iehova la, a e lokomaikai no oia iaia, a i ko kakou Akua hoi, no ka mea, e kala nui loa auanei oia." Ua haiolelo ke kahu o ka ekalesia ma Polelewa maluna o ke poolelo ma Mar. 4:28, "Hoohua wale mai no ka honua, mamua ka hoomaka, mahope iho ka huhui, aia ka hua oo maloko o ka huhui."

            Ma Mareko, 16; 20 ke poolelo; "hele ae lakou a pau; hana pu mai la no hoi ka Haku me lakou, e hooiaio ana i ka olelo, me na hana mana e pili ana." Ma ka luakini Bihopa na Mr. Wallace i hai i ka olelo i ke awakea a me ke ahiahi.

            --Ua hoonohoia o J. Kalana i kahu no ka ekalesia o Haili ma Hilo ma ka la 16 iho nei o keia mahina.

            --Ua holo mai nei o Keaweamahi o Wailuku no ka hooponopono ana i ke kahua o ka luakini Kaahumanu ma ia wahi; ua loheia ua nalowale na palapala e hooponopono ana i ke kahua o ia hale.

            --Ua hoike ia mai e kekahi malihini o Kohala i ka po Sabati nei ma Kaumakapili, he mau hana ano e loa ka Eli Kipi a me kekahi poe iho e hana nei ma ia apana, e hoao ana lakou e hoomokuahana i ka pono. Aele e hahai ana ka poe pono ia mahele o ia mau hana.

            --Apopo e hoike ai na kula Sabati o Kaumakapili. Ua poopanee ia ka hoike hapaha o na kula Sabati o Kawaiahao no ka pau ole o na hana hoomaemae o ka luakini.

 

HUPO POELEELE KA ELELE.

            Ua ike iho au i na manao hupo awawa i hoolaha ia ma ka Elele, e ke alakai oia pepa, a me ia manao au i heluhelu ai, ua ike au i na manao o ua alakai poeleele la o ka Elele, e hapala ana ia Nawahi, Pilip. Haole i a lepo, me ka manao paha o ua wahi taata la, he poe puaa makou, e like la me ia, a ke noke hala ole mai nei ia Haole, me na olelo pelapela, i hoolimalima ia e Kipikona me ke dala, me ka manao oia hoolimalima ana, oia ka mea e ko ai o ka Kipikona mau manao ekaeka, ina pela ka manao o ke poo oia pepa, e hoolimalima i ke alakai oia pepa me ke dala, i mea e hooko ia ai kona mau manao ino, ina kanaka i aloha ia ai paulele ia e na poe maikai o ka aina. A i ole ia, ua papale paha ke alakai oia pepa, a i ole, ua o!ia paha i ka rama, i hui pu ia me ka baka nau kuha hohono, no ka mea, ke ha`u mai nei ka waha, elike me ke keko apiki, alaila, ua popolei ka mea i olelo ia maluna, he alakai poeleele ke poo o ua pepa la, a ua pono no ke oleloia e ka lehulehu, he palu kuha nui oia no ka honua nei, a me Kipikona, ua oi aku ka pono e hoi mai i Wailuku nei i kalaiwa kaa na Haole e aho ia ola ka noho ana, a me ka ohana, a he wahi dala maemae ia aka, manao ae e o kau olelo pelapela pupuka ana imua o ke ao holookoa oia ka mea e loaa ai kau, ea, ke hai aku nei au ia oi, aole oe i ike i kau mea e kamailio nei, no ka mea, ua like ka pouli me ka malamalama ia oe, ua like no ka ono o ke pilo a me ala i kou puu, no ka mea, ua hookomo oe ia mau mea a pau iloko o kou olelo, e palu mau ana kou alelo i na hupe o kou mau puka ihu e pakelo iho ana, o ka mea kani ia o kou maka.

            Ke ninau mai nei ua wahi palu kuha nei a Kipikona. Owai la o Haole? He ninau hoohenehene keia, ua ike no ua wahi kanaka la iaia a ua kamaaina no, ua kamailio pu, a i keia wa ua makapaa, a no ia makapaa, makapaa la i keaha? I ke dala hoi paha a Kipikona a ua wahi taata iki haawale la e painuunei. Eia ka haina moakaka, oia no o Haole o Wailuku, mokupuni o Maui. He kanaka palu kuha ole ia, he kuokoa kona, he mea alakai i ka lehulehu ma ke kalai manao iloko o na nupepa, e hele imua me ka wiwo ole. He pukuniahi, aohe wai e pio ai, ke olelo hou mai nei ua wahi Elele la, ua paapu ka ka maka o Haole i ka lepo o Puakaiaino ke hele la a wili ka ea i ke kuhihewa, ke manao nei au o oe ka i kuhihewa poeleele ike ole, aha, pela io no, o kou ano no ia. Ke nana nei o Haole i ke kekee e na kuhina, no keaha? wahi a ka ninau. Eia, elua Ahaolelo i hooholo i kekahi mau haawina dala no ka hale makeke o Wailuku, ahea hana ia ke alanui pali? ahea la kukuluia ka hale makeke? Eia ka haina, aole he dala i koe o ka waihona lahui, ua pau ia wai? Ia wai hoi, aia i hea kahi i hookahe ia ai o kela mau dala? aia i heka, e pono e hai koke mai i kahi i hookahe ia ai o kela mau dala, a heaha la ka mea i hana ole ia ai ke alanui pali o Aalaloa, aole i maopopo ia makou ke kumu oia hana ole ia ana, a pehea ia, manao anei ka Elele ua hiamoe, a ua paa na maka i ka lepo e like me ka ka Elele e olelo hoohenehene mai nei, i ka nui paha o kou manao, nui ole wale, i ka manawa e noho kuhina Kalaiaina ana o Hutchinson, ua hoomaka oia e hana i ua alanui la mai Kamaalaea a hiki i Keanapaakai, pau e kahi dala i hookaawaleia ai e kekahi kau Ahaolelo mamua, no ka mea $10000 wale no i hooholoia ai, aka, i keia manawa ua hookaawale ia $3000 no keia alanui pali, aia mahea ua mau dala la kahi i waiho ia ai, aole anei ia he kekee ia o na kuhina, aole he hoohana i ke dala i kahi a ke kanawai i kuhikuhi ai

            Ke manao nei anei oe, ua hiamoe o Wailuku, aole lakou e hiamoe ana a huli keia honua, aka, o kau olelo e Elele e hu ana ia ma kapa alanui, kahi a na Aeto maka loloa e kiei mai nei. Ke makaala mau nei ko Wailuku i na hana kekee a na luna aupuni, a me ko lakou hooko ole i na kauoha a ke kanawai. Eia keia mea kamailio nui a ua wahi Elele nei, mea ae no he poai kue aupuni, a kue Moi, a me ka hoina i ke aupuni, me he mea la, o oe me Kipikona he mau lima lawelawe olua no kekahi poai okoa aku a makou i ike ole aku ai, e manao ana e hoopau i ke kuokoa o Hawaii, aka, aole e nalowale ana ka olua, a no ka oukou mau hana. Ke olelo mai nei oe, he alakai aupuni maikai o Kipikona, he aloha ia Hawaii, a me`ka lahui, wahahee, auhea ka hoike o kona aloha ia Hawaii, a me ka Moi, aole au i ike i na hoailona o kona aloha Moi a me ka lahui, aole hookahi iniha, eia wale no ka mea i ike ia, he uhauha dala no kahi hana i kauoha ole ia e ke kanawai, nolaila, he nui ka haohao o na makaainana o Wailuku no keia mea, ma ka nana ana i kela puu dala i hookaawale ia ai, oia hoi he 3000 he mau dala mahuahua ia e hiki ai ke hana i kela alanui ino, e pii ana i na pali e iho ana i na awawa. Eia kekahi, aole hele mai kahi kuhaina e nana ina hemahema o ka mokupuni, aka, hookahi wale no wahi e noho ai. Heaha ka hana ma ia wahi? hookahi hana he palaualelo maopopo, poho ke dala a ke lahui. E nana ia Waila, kela kuhina Kalaiaina maikai, manaoio hana, hele oia io ia nei e makaala i ka hana a na hope ma kela wahi keia wahi, pela no o Moehonua, he Hawaii oiaio, ua like ka laua hana o Waila. Pehea o Bush i noho kuhina iho nei, aole oia i hele e like me kela mau kuhina a hiki i kona pau ana. Eia ka`u mea i ike, aia ma kahi o na hoaaloha malaila e hele ai e launa, aole he hele ma ke ano o ka oihana. A pehea ia la e Elele poeleele au e painuu nei. Heaha la ka waiwai o keia mau puu dala nui i haawiia ai i na kuhina noho wale i kahi hookahi, aole he hele e nana i ka hemahema, a i ole i ka makaukau paha o ka hana, a na hope ma kela wahi diea wahi, eia ka mea maopopo, no ka mea, na hai e hanai ia lakou, eia wale no ka lakou hana o ke kali a hala ka mahina iho ana na lima huluhulu ilalo. Aka, i na na lakou ponoi ia hana aole e hiki ia lakou ke noho wale o pololi auanei, aka, na hai ka hana, a na hai e uku ana ia lakou. Pehea hou ia e ua Elele poeleele nei? Ke hai aku nei au ia oe, mai pai oe i ka maikai o au mau kuhina, manao anei oe he nalowale kau mau hana, ka lakou mau hana, a me ka oukou mau hana ia makou, ua like me ke aniani kilohi na hana ma Honolulu ia makou o waho nei ke nana aku, hookahi a`u mea minamina, ua poho loa na kukuna o ka la i ka ike ana i na alelo o kela Elele, ina he hiki i ka wela o ka la ke haawi mai i ahi e hoopau ai ia pepa a lilo i lehu ua oi aku ia mamua o ka hele ana o ua pepa la imua o ka lahui opio o keia au, me na manao pilau e hoomaea ai i na puka ihu o kuu lahui, i maa i ka ike ana i na manao waiwai o ke KUOKOA a me ka Paeaina, na waha olelo hookamani ole i ka hai aku i ka oiaio, me ka manao wiwo ole imua a na hoku he lehulehu wale, hiki ole ke helu aku. Nolaila, pehea la i puka mai ai keia mau manao mai loko mai ou, a e olelo ino i na keiki lae oo i noho i Lahainaluna, i hea la kou wahi i ao ia ai i ke kuamuamu aku ia Pilipo i ka pau o ke dala o ke aupuni i ka aihue ia, i kona wa i Luna Auhau ai, ke manao nei au he wahahee ina paha i aihue o Pilipo ina ua hoopii ia oia, aka, aole au i lohe ua hoopiiia, ma keia olelo ana au pela, ua maopopo ia`u, ua pupule hupo koa oe, a ua poho ka malamalama o ka la i ka haawi ana maluna ou, oiai oe e hoino ana i na mea a ka malamalama i makemake ai.

            A heaha hoi ko Nawahi hewa au i olelo ino ai, aole au i ike ua kuamuamu ia oe, aka, he mau olelo naauao kana i hookuu iho nei i ke akea e paio me kona hoa Lahainaluna oia hoi o Puuohau; eia nae pau e no ia Elele poeleele na hookauhua ana o ko makou mau la hanau, akamai no ka helu ana pololei, nawai la i ao ia oe pela e olelo wahapee ai, "ae ua ike au," na kekahi diabolo mai loko mai o na ilina, a ke ola nai no na hanauna, o Elele kekahi o ia poe, ea, aole keia he nuku, aole no he paio, aka, he olelo hoakaka i ke ano o ke kulana o ka manao a me ka olelo, ka`u olelo hope loa keia me ke aloha, aole au e haliu hou ana e kamailio ke pane ia mai.           IOSIA. HAOLE.

            Wailuku, Sept. 22, 1883.

 

OWAI KOU INOA? LEGEONA.

MAREKO. 5;9.

            Ma kela pule, ua hai aku au i ke ano o ia hua. Apoluona. He alii oia. A o Legeona, he bataliona koa ia malalo ae o Apoluona. He nui ka bataliona. He kapena okoa ko kekahi, he kapena okoa ko kekahi, a pela aku. Ua like ka manao o na kapena a pau.

            Ua lokahi ko lakou manao e keakea aku i ka hana a ke keiki a ke Akua. Ua hoikeia mai oia me ka mana e hoopau ai i na hana a ka diabolo. Huhu loa o Apuluona.

            Hoala oia i kona mau Legeona, a hoouna ia lakou i kela wahi i keia wahi a puni i ka mana e hana ino i na apana o Iesu Kristo.

            Owai na kapena o keia mau Legeona? 1 o Alekohala kekahi kapena. Aia no ia iloko o na waiona a pau, maika bia a i ka barani, o Bia, Saida, Pota Ela, Waina, Gini, Wiseke, Rama, Barani, Awa, Okolehao; he mau koa lakou nei malalo ae o Alekohala. He kapena kupanaha ia, aole ona waha, aole wawe, aole lima. Auwe! Pehea la oia e lawelawe ai?

            Me na lala owai ke hana ana? Me na lala o na `lii, o na kuhina, o na luna aupuni, lunamakaainana, luna `lii, me na lala o ka poe hana, o ka poe kuai, o ka poe inu. No lakou nei na waha, na wawae, na lima o Alekohala.

            Pela anei? Ae. E komo ae iloko o ka hale bia. Aia ilaila ka waha, ka wawae, ka lima o Bia. Olelo ka mea kuai, makemake anei oe i ke pola bia? Ae. Nee ka wawae, ninini ka lima, inu ka mea i noi. A ona iho la. Aole ka mea hookahi, ua Legeona keia poe kuai bia me na waiona e ae, me ka poe inu hoi. Kaena Apoluona, aka hene, hookano. E, auhea ka mana o Iesu? Eia ia`u ka mana.

            Legeona kuu inoa, nui makou. Makehewa ka hana a oukou na agena o Iesu, na kahuna, na haiolelo, na kahu ekalesia, na baibala. Ke holo lanakila nei makou. Auhea ka pau ana o na hana a ka diabolo? Alia oe, e ke Lii, o Alekohala.

            Ua hoomaka ia kou haule ana. E hoi ana oe i ka lua hohonu o Apoluona i kou wahi ponoi; o oe me ka poe paakiki loa e kokua ia oe. Lakou pu me oe ma ka lua hookahi.

            2 Palaka kekahi kapena o na Legeona. Ma o keia kapena la kekahi lanakila ana o Alekohala. No ka palaka ka lilo ana ia alii.

            Aohe manao. Aohe makau. Ae wale aku no e inu i ka waiona. Hoohiki me na hoa, me ka manao ole i ka hope. Lawe no i ka lanahu ahi maloko o ka poli, me ka manao ole e wela ana mahope.

            He mea ino loa ka keia kapena. Hoohiamoe i ka lunaikehala. Ua ae no oia e pule, e heluhelu i ka baibala, e hele i ka halawai, me ka olelo, ua maikai oe, ua pule, ua halawai. Aohe ou mea e makau ai.

            Hauoli hou Apoluona. Nui keia Legeona. He poe keakea loa i ka hana a na agena o Iesu. Lilo na olelo ao a na kahanapule i mea ole.

            Nui na kokua o Palaka, mi puhi baka, mi puhi opiuma, mi noho wale, me hiamoe, mi noonoo ole, mi naaupo, mi nele i na mea e ola ai.

            Aka, ua paa ka manao o ke Lii mana loa o Iesu Kristo. E hoopauia keia mau hana a ke diabolo. E noi aku na haipule io i ka Uhane Hemolele e iho makawalu mai me kona mana lua ole e hoopau i ke aupuni o Satana ma keia ao.            HAWAII.

 

            E kalaia mai makou e ko makou poe heluhelu, no ko makou hoaiai ole aku i kela mau pule aku nei no ka hoea a hoea hou ole o ka Helu 6 o "He ahi ka Waiona, a pehea Kakou e Pakele ai." Ke hoike aku nei nae makou i ka lohe, e hoolahaia aku ana ka Helu 6 i keia pule ae.

 

            He nupepa ka na poe o ka Halemai ma Kakaako e hoolaha nei, o ka inoa, Ko Kakou Home. He nupepa kakau lima.

 

KA HOOLAHA HOU.

 

JT. WATERCHOUSE

(Walakahauki.)

 

HALEKUAI KUKAA NUI ME LIILII.

Ua piha pono me na waiwai makamae e

hewa ai na maka i ka ani o ka lehua.

Heaha no la hoi ia:

MALAILA

Na Apa Kilika o na ano a pau,

            Pahoehoe o na ano a pau,

                        Alapia o na ano a pau,

                                    Huluhipa o na ano a pau,

                                                Na huluhelu holoku,

                                                            Na Keokeo Paina,

                                                                        Lilina lau pua.

                                                                                                            Wetoria,

                                                                                                Leponalo,

                                                                                    Lainakini,

                                                                        Ahina pelekane,

                                    Na Kihei o na ano a pau,

                        Na Koloka o na wahine,

            Na Kihei Huluhulu,

Na Kalakoa o na ano a pau,

                        Na Kihei uhi moe,

                                    Na Koloka o na wahine,

                                                Na uhi Kilika,

                                                            Na uhi Alapia,

                                                                        Na Hainaka nunui a liilii.

 

Eia hou.

HE HELUNA NUI ONA PAA LOLE

O NA KANE A ME NA KAMALII.

 

Na Apa paina maikai loa,

            Polu manoanoa a lahilahi,

            Huluhulu manoanoa a lahilahi,

            Na Apa huluhulu a pahee,

            Na paa lole huluhulu, kane, me kamalii,

            Na Pililakeke loloa a pokopoko,

            Na Palale kaula o na ano a pau,

            Na Palule keokeo,

            Na Palule kalakoa,

            Na Paleili.

Na Papale wahine i kinohinohiia me na pua a me na hulu nani, a he heluna nui o na kane a me na kamalii o na ano a pau.

 

HE HELUNA NUI O NA KAMAA.

            Na Kamaa buti,

            Na Kamaa pihi,

            Na Kamaa huka,

            Na Kamaa laholio,

            Na Kamaa weleweka.

 

HE HELUNA NUI O NA HOHO LIO MAIKAI.

            Na Noho Italia,

            Noho pulu mamu@

            a mahope o kela a

            me keia ano.

 

NA AILA O KELA A ME KEIA ANO.

Na Aila honua helu i he aiai me he wai.

Aila pena, aila hoomaloo, aila Oliva,

Aila inu, Aila lauoho,

Waiala maikai.

 

NA PENA WAIHOOLUU LIKE OLE.

            Keokeo,

                        Eleele,

                                    Polu

                                                Melemele,

&c.,                 &c.,                             &c.,                 &c.

 

Ina iho Ina iho.

            Na ipuhao, na ipu ti,

                        Na koi nui a liilii,

                                    Na pahi nui a liilii,

                                                Na pahi olo, pakahi

                                                            Na pahi olo palua.

            Na tabu nui a liilii,

                        Pakeke nui a liilii,

                                    Na lako kamana,

                                                Na lako amala,

                                                            Na kamaa lio,

                                                                        Na moe hao,

                                                                                    Na pela uwea.

 

NA LAKO HAO, MA KA AINA A ME KA WAI.

 

            Na lako pa,

            Pa nui a liilii,

            Na bola,

            Na kiaha aniani,

            Na aniani kilohi,

            N ipukukei o na ano a pau.

 

HE HELUNA O NA MEA AI.

                        Palena poepoe,

                        Palena poepoe palupalu,

                        Palena huinaha,

                        Palaoa o na ano a pau.

            Na kamano maikai loa ma ka paho,

            Na kamano @ini,

            Paakai o Livapulu,

            Paakai inu,

            Paakai hu,

            Manu Kaleponi,

            Palani ai a ka lio.

 

He heluna nui o keia mau waiwai aiwaiwa o ko`u mau halekuai aole i pau i ka huaiia aku na oukou no e hele mai a kilohi no oukou.

Ua waeia keia mau waiwai me ka maiau, ma Pelekane, Farani, a me Amerika, no ka pono a me ka pomaikai o na kanaka Hawaii. O na kanoha mai na mokupuni e hookoia me ka eleu loa.

            J.T. WATERHOUSE.

                        (WALAKAHAUKI.)

 

NA HOOLAHA KUMAU.

 

HE NUI ANEI KOU MAKEMAKE I NA

Mikini Humuhumu Lole!

Ina pela, e kipa mai no ma ka Halekuai o

Kakela & Kuke!

A malaila oukou e ike ai a makaikai i na ano

Mekini a WHEELER a me WILSON

mai ke $40 a hiki i ke $50 ke kumukuai ka mea hookahi.

NA MIKINI A SINGER!

ma ke 450 pakahi me ke ano

MIKINI A WILCOX ME GIBBS

ma ke $30 a hiki i ke $50 ke kumukuai.

I mea e pau ai ko oukou kanalua e na makamaka no he kupono keia mau Mekini, e nana mai no me ke kuihe ole, a e ike no oukou iho. 623 tf

 

UA MAKEMAKE IA

NA ILI BIPI,

NA KIWI BIPI,

NA IWI BIPI,

            E haawi ia no ke kumukuai kiekie o ko kakou makeke nei e

            H. HACKFELD & CO.

Honolulu' Mei 22, 1880. tv 964

 

MAKANA LA KULAIA

KUAI!

MA LA

HALEKUAI LOLE NUI O

HONOLULU NEI.

E makana waleia aku ana he

            mau kii pena i ka mea kuai mai

                        a hiki aku i ka $1.00 a oi aku ka

                                    lilo i ka wa hookahi.

EWEHE MUAIA ANA IKEIA LA

MA KA HALEKUAI LOLE NUI

 

HONOLULU

He Kuai Manuahi Launa ole.

            He Kuai Hoopoho a Hoopakika.

                        E hele nui mai e na makamaka.

            E wae oukou e like me

                        o oukou makemae

                                    iho i na

                        waiwai o kela a me

                        keia ano he nui

                                    wale.

                                                A.M. MELEKI.

HELU 104 ALANUI PAPU.

 

NU HOU! NU HOU!

NU HOU! NU HOU!

 

Na Waiwai Hou Loa!

NA PAIKINI O KEIA AU.

 

E Loaa no ma ka ka Halekuai o

 

DILINGHAMA MA.

 

Ma Alanui Papu.

 

Oia na waiwai malalo iho nei: Na Palau, kaa Huilapalala, Kopala, Piki, Oo, Koi,

Koilipi, Na Hamare Kamana o na ano a pau, Na mea Hana a na Kamana, Poe Hamo Puna, na Amara a me na mea hana o ka Poe Akeakamai a pau. Pena Aila, Vaniki a me na Palaki Pauda, Poka a me na Kukaepele, Palaki Hamo Puna, Pulumi, Pakeke, Kapu Holoi Lole a me na Papa Holoi Lole, na Iputi, na Pa Palai, na Ma kau Lawaia, Na Aho Lawaia o na ano a pau, na Kaula o na ano a pau, na Pahi, O, a me na Puna, a he nui aku no na mea i koe.

 

I KUPONO NO KA HOOHIWAHIWA ANA!

NA HALE

 

I hiki ole ia makou ke huai pau aku, aka, na oukou no e hele mai a e hoonuu iho. O keia

maluna ae, e loaa no ma ka halekuai o Dilinahama Ma, 1036-3m] Ma ka helu 37, Alanui Papu.

 

NA HOOLAMA KUMAU.

CHAS.  J.  FISHEL.

CHAS.  J.  FISHEL.

CHAS.  J.  FISHEL.

EIA  AU  IMUA  O  KE  KAHUA

Ke hea mai nei ke Kahuli leo lea,

Eia ianei ko lia.  Ko lia la eke hoa, ina iho la-e-o.

A pane mai oe olu iho au, i olu hoi neimau la maka pehu.

137 Pahu lole hou.      137 Pahu lole hou.

ONA Waiwai hou a pau loa o kahoea koke ana mai nei no ia, e loaano ma ko’u halekuai me na kumukuaiemi.  Eia ua mau kumukuai la:

16 Ia Kalakoa.................................$1.00

86 Kakini paa lole kane...$6.50 o ka paa

23     "        "     Kamalii...$2.75  "  "   "

120 Palemai o na kane..........15 c.  "   "

322 Apa lole huluhulu....    .25 c. o ka ia

72     "    Lihilihi pukaaniani       "   "   "

220 Kakini kihei puu......25 c. o ke kihei

            O kau mea hoinainau iho la no ka iaO ka lawelawe malie waleia aku no,Pau hewa e ka waimaka aohe i eha,Homai ! Eia no.Homai ! Eia no.

            UA makaukau au a ua hiki kikuai kukaa a kuai liilii i na waiwaia pau me ke kumukuai waipahe.

            O na Kauoha a paumai na Mokupunie hookoia me ka eleu."Hooheno mai ana ko aloha ia u,

            Me he kui houhou ala i kuu poli,He halia mau ia no ka mid-night,No ka po huihui kehau anu.

            "UA HOOHUI pu no hoiau i mea e holopono ai na kuai hoopakika ana o nawaiwai o kela a me keiaano, he pakaukau kahi ekuaiia ai na waiwai likeole, no ke

KENIKENI  WALE  NO!

Owau mai kau e hea mai ai,E hea ke kanaka e komo maloko,E hanai ai a hewa ae e ka waha,Eia no ka uku

 -NA HAINAKAKAWELE,

AI KALA,

LEI AI,

No Kenikeni ale no!

A he nui wale aku no na mea i koe i hiki oleke huaipauia aku.

EAU !!  EAU !!!

CHAS. J. FISHEL.

Kihi o Alanui Papu me Hotele.          tf.