Ka Nupepa Kuokoa, Volume XXII, Number 38, 22 September 1883 — NUHOU O NA EKALESIA. [ARTICLE]

NUHOU O NA EKALESIA.

Ma ka la Sabati nei ua haiolelo» ke kahu o Kaukeano maluna o ke poolelo ma Kekahuna 7; 10, "Mai olelo ae oe, no keaha la ioi aku ai ka maikai o na la kahiko mamua-o keia mau la?" A i ka po iho ma 2 Oihanaalii 20: 15, hapa hope 0 ka pauku, penei ka olelo; "Mai makau oukou, aole hopohopo imua o keia poe nui; aole ia oukou ke kaua, i ke Akua no." Ma ua haiolelo ko laila kahu ma ke poolelo ma 1 Samuela 1: 22, hapa hope, "Aia e ukuhiia'ku ai ke keiki, alaila lawe aku au laia, e ikea ia ma ke aio o lehova, a e noho mau ia ilaila." Ma Kaumakapili ua haiolelo o Waiamau ike awakea, ma Kinohi 6: 3, ke [ poolelo, "I iho la o lehova, aole e nojha loa kuu uhane me kanaka; " a ma |ka po iho ma Solomona 4: 18, ke pooj lelo, "O kc ala oka poe pono, ua like j ia me ka malamalama e aa ana, e | huahua mau ana i ke awakea loa." Ma Kawaialiao ua haiolelo o Paleka ma 1 Petero, 2: 6 ke poolelo, "Aia hoi ua hoonoho wau ma Ziona, i pohaku kumu no ke kihi, i wueia, a he mea I waiwai io; a o ka mea manaoio aku iai īa, aole e hoohilahila ia. Aole i lohe ia mai na hana o kekahi mau halepule. E oluolu na makamaka e makaala a e hoike mai. Ua hai mai kekahi makamaka, ua hewa ka na mea i hoolaha ia i kela pule no ka halepule o Kailhi, wahi ana ke malama mau ia no na halawai Sabati malaila. Pono loa ina pela. Eia malalo iho he apana o kekahi ieta i loaa mai i ke Kuokoa mai Lanai mai, malalo oke poo "hauoii piha," I penei: " i ke kakahiaka o ka la 9 o Sej patemaba, oia ka la Sabati, i ka hora !11 oke awakea, komo mai la iloko o ko makou luakini he pake o Mo King kona inoa, aua haiolelo mai oia ma Mataio mokuna 4, pauku 2 a hiki i ka 17, ma ka olelo F3eritania kana haiolelo a na George Kaihenui i mahele ma ka olelo Hawaii." A*ua pane iho ka mea kakau ia leta malalo iho penei: "Pehea hoi kakou e Hawaii ponoi, no'ka mea, ke 60 makahiki keia a oi o ka olelo a ka Haku me kakou, eia no nae ke noho nei i ka muliwaa." Aka, ke manao nei ke Kuokoa ke nee nei no ka pono imua, ua emi paha ma kahi mau apana, aka, no ka aina holookoa ke nee nei no.