Ka Nupepa Kuokoa, Volume XXII, Number 38, 22 September 1883 — Page 3
| This text was transcribed by: | Francene H Aarona |
| This work is dedicated to: | To my husband Kamaka, who encouraged me to kokua Awaiaulu and my understanding of Olelo Hawaii |
Ka Nupepa Kuokoa
KE KILOHANA POOKELA NO KA LAHUI HAWAII.
HOOLAHA MAU.--- E hookaa ae na Luna i na Dala o ka NUPEPA KUOKOA ma @ @ ]. Kahalewai ma ke Keena o ka Pe- @ @ @ kihi o ke alanui Moiwahine me alanui Nuuanu, a aole e aeia ka hookaa ana ma ka @ kekahi mea e ae.
NUHOU KULOKO.
Inoino loa ke alanui pali o Nuuanu keia mau la.
Aia i Kau ka Ilamuku Mika Paka i Keia mau la.
Ke pua nei ka uwahi o ka Madame Pele i keia mau la.
Nui ka mahaloia o kapena Bates o na mokuahi Iwalani no kona eleu a mikiala
I ka Poakahi nei ka hoomaka ana o ke kula hou a Atkinson. He 60 ka @ na haumana.
Ua malama ia e Rev. A. Mackintosh @ paina luana ma kona home i ke ahiahi Poalua nei.
Pomaikai ko Kau poe i keia mau la ma o na pakaua he makena wale i hoo-@ iho malaila.
Ua waiho aku o Kapena Loke a me ake i ko laua mau hookohu ʻ na lala no Palapala Hoopaelimahana.
He oiaio a he oiaio ole paha na lono e puapuai nei, e holo balota lunamakaainana o Kikaha i keia kau ae.
Ua hookohu ka hui Hawaii nana @ o na holoholona i ka makai @enrtens i agena no lakou ma ke kulanakauhale nei.
Ua haalele mai o W. S. Lokai ia makou a me ka makou @man hana ma kona makalua ua paniia o Kahalewai.
I Kau aku nei ka Lunakanawai Kiekie Alapaki kahi i malama ai i ke kau hookolokolo kaapuni apana ekolu a i ka Poaono o kela pule kona hoi ana
@ ka mokuahi Iwalani.
Ua hauoli makou ma ka pahola ana @ @ @ ka lono, ua palekana loa o Mr. W. A. Kinney mai ka hoomailo ana a ka mai @tiva ma kona kino, a ua loaa nou ka ikaika iaia e hoomau hou aku ai i ka lawelawe ana i kana hana loio.
I ke kulanakauhale nei o Aberahama Fornander ka lunakanawai kaapuni o ka aha hookolokolo apana elua i kela @ aku nei, a i ka Poalua nei kona @ali hoi ana aku no kona home i Lahaina.
Ke huhu hou mai nei ka Elele i ka @ ia ana o Hoke i keiki pulumi, o ka pololei ka, he kakau kope; akahi no kakau kope i hoolaha ole ia ai, oiai ua pili kana hana i ke keena aupuni.
Ua hoea kunahihi mai nei ka Elele he kekahi palapala i hoounaia mai iaia mai na ilina kupapau mai, na ke ʻ lii o na daimonio. Ua makaukau ka na keena no na mai pupule a ke Elele i hai aku ai ia iaia. Hu ka aka.
E kahi apana nupepa ! eia iho kahi pupule ino loa, kahi mea nana i haku iho nei kou mau manao no ka mea, e wahi pa kaulei, he nui na hale i hookipa iaia o ka ike ia i ke ano uluahewa, nolaila kipaku ia, hele aku ana, a pela aku, a hoi hou no i ko hale, o ai @ai kona inoa.
Ma ke ahiahi o ka Poaha nei i ku mai ai ka moku kalepa Southard me ka poino. Ua haalele keia moku kalepa ia Oregona Amerika Hui no Nu Ioka. He malie ka moana ma na la mua o kana huakai a hiki i ka la 13 o Augate, loaa oia i ka ino o ka makani puahiohio ikaika Cyclone--pau iho la kona mau kia i ka haklhaki. Ua kipa mai ola i o kakou nei no ka lapaau hou ana
Mamuli o ka eleu o na lawelawe ana o ka hooko ponoia ana o na kanawai o ka aina nei ma Kau i Hawaii e ko laila @una makai Edward Smith, ke ano na@ la na punana puhi rama o ua apana la a ke ano aneane loa la e nalohia @. He eleu io no keia ano lawelawe ia ana o ke kanawai, a he mea pono e mahaloia na hana a keia luna makai.
Ke hoike mai nei ka Elele i kona manao iho, aohe puhi nana kee e ae a e KUOKOA i kupalu ai hookahi wale iho no o K. A. K. N. oia ka ke KUOKOA i ike pono, oia hoi kai hoopiha i ko ke KUOKOA mau kolamu i kona mau manao ponoi, a holo nae ua puhi nei a lapuu mai ana iloko o ka lua o ka Elele a hamama mai ana ka waha i ke KUOKOA; malia ka e holoke nei ua puhi nei elua kahuna nana e kupele nei.
Ma ke ku ana mai a ka Iwalani i ka Poaono o ka pule i hala, a i ka moku e kokoke ana e pili i ka uwapo, ike mai ia o K. Ia H. e hau ana ka waha a kokoke e uwe, a kaumaha no ko K. manao i ka ike ana mai i kona hoa; i ka pili ana o ka moku, pii aku la o H. iluna o ka moku, lulu lima laua o K. ninau mai o K. heaha keia e hau nei ka waha ? pane o H. heaha mai kau, o papa e pau ana mai ka noho kuhina ana a e pilikia ana kakou ; ninau hou o K. heaha ke kumu ? pane o H. o ka ai a ka lahui i waiho ai iloko o ka umeke aupuni, ua pau loa, oia no paha ka papa la i ahuai iho nei, a kakou no hoi e ike ana, a oia ke kumu au e ike mai la ia ʻ u.
Ua hoea mai nei ma ka Elele na manao o P. K. N. o "Ka ua Pauli o lele " me kona mau manao ahewa i ke KUOKOA, ke kaena nei keia olohe kalai manao ma ke akea o Elele ka oi wahi ana ina o ka mea e olelo ai ko no, aohe hoi hope wahi ana; ae, ua pono e P. K. N. hoolohe pono mai a eia ka ninau a puka aku, pane pololei ia mai. O ka elua miliona dala a Puuohau i hoolaha ai ua loaa mai i ke aupuni, he oiaio anei ia ? O ka hoolaha a ua pepa la i na pule i hala aku nei he nui ke dala ma ke aupuni, he oiaio anei ia ? a nau e hoaiaia mai malia o ola ka mai o ua wahi pepa la ia oe. Ke i mai nei hoi oe he nupepa ko ia o kana olelo i na wa a pau, eia iho ke pohue.
NUHOU O NA EKALESIA.
Ma ka la Sabati nei ua haiolelo ke kahu o Kaukeano maluna o ke poolelo ma Kekahuna 7 : 10, "Mai olelo ae oe, no keaha la i oi aku ai ka maikai o na la kahiko mamua o keia mau la?" A i ka po iho ma 2 Oihanaalii 20: 15, hapa hope o ka pauku, penei ka olelo ; "Mai makau oukou, aole hopohopo imua o keia poe nui; aole ia oukou ke kaua, i ke Akua no."
Ma Polelewa ua haiolelo ko laila kahu ma ke poolelo ma 1 Samuela 1: 22, hapa hope, "Aia e ukuhiia ʻ ku ai ke keiki, alaila lawe aku au iaia, e ikea ia ma ke alo o Iehova, a e noho mau ia ilaila."
Ma Kaumakapili ua haiolelo o Waiamau i ke awakea, ma Kinohi 6: 3, ke poolelo, "I iho la o Iehova, aole e noho loa kuu uhane me kanaka;" a ma ka po iho ma Solomona 4: 18, ke poolelo, "O ke ala o ka poe pono, ua like ia me ka malamalama e aa ana, e mahuahua mau ana i ke awakea loa."
Ma Kawaiahao ua haiolelo o Paleka ma I Petero, 2: 6 ke poolelo, "Aia hoi ua hoonoho wau ma Ziona, i pohaku kumu no ke kihi, i waeia, a he mea waiwai io; a o ka mea manaoio aku iaia, aole e hoohilahila ia.
Aole i lohe ia mai na hana o kekahi au halepule. E oluolu na makamaka e makaala a e hoike mai.
Ua hai mai kekahi makamaka, ua hewa ka na mea i hoolaha ia i kela pule no ka halepule o Kalihi, wahi ana ke malama mau ia no na halawai Sabati malaila. Pono loa ina pela.
Eia malalo iho he apana o kekahi leta i loaa mai i ke KUOKOA mai Lanai mai, malalo o ke poo "hauoii piha," penei: "i ke kakahiaka o ka la 9 o Sepatemaba, oia ka la Sabati, i ka hora 11 o ke awakea, komo mai la iloko o ko makou luakini he pake o Mo King kona inoa, a ua haiolelo ai oia ma Mataio mokuna 4, pauku 2 a hiki i ka 17, ma ka olelo Beritania kana haiolelo a na George Kaihenui i mahele ma ka olelo Hawaii."
A ua pane iho ka mea kakau ia leta malalo iho penei: Pehea hoi kakou e Hawaii ponoi, no ka mea, ke 60 makahiki keia a oi o ka olelo a ka Haku me kakou, eia no nae ke noho nei i ka muliwaa."
Aka, ke manao nei ke KUOKOA ke neenei no ka pono imua, ua emi paha ma kahi mau apana, aka, no ka aina holookoa ke nee nei no.
HE LUKU WELIWELI.
KANAHIKU-KUMAMALIMA OLA UHANE I MAKE.
Ma ke ku ana mai o ka moku kuna Irwin mai Kapalakiko mai, ua loheia mai ma ona la ka lono weliweli malalo iho no ka poino a luku weliweli o na kanaka ma ka mokupuni o Iava. Ua koho waleia aku no ka huina kanahiku kumamalima oia ka huina o ka poe i make, aka, ua olelo hou ia, he mea maopopo ole ke koho pololei ana i ka huina nui loa o ka poe i make. Mamuli o na lono i hoikeia mai Ladana mai ke kulanakauhale o Batavia o ua mokupuni la, ua oleloia, o ka a ana o ka luapele ua oi loa aku o ka ikaika mamua o ka mea i manao ia. O ka hapanui o ka aoao akau o ua mokupuni la, ua paa pono i kekahi ulu laau nui, a a mamuli o na ula ahi wela a me na pohaku enaena i kiolaia mai loko ae o ka luapele a haule iwaena o keia ulu laau, na ia mea i hoolilo i ua ulu laau la i hookahi umu nui o ke ahi. E hina ana na kumu laau nunui ilalo me he mala huika la imua o kekahi makani ikaika. Elike me ka mau a me ka ikaika o ka pii ana o na ula ahi lalapa iluna o ka lewa a me ka ikaika pu o ka hoohakui ana a ka olai, pela ka ikaika o ke kupikipikio ana o na ale o ka moana e hoopuni ana i ua wahi mokupui nei. Weliweli a ka launa ole mai na hiohiona e hoopuni ana i ua wahi mokupuni nei. Weliweli a kupilikii ke kulana o na kanaka. O keia iho la na hikimua o ka poino i hoohalua iho maluna o ua wahi mokupuni la.
Ke mau nei no ka pii ana a na ula ahi wela me ka hoonaueue ana a ka olai i ka aina holookoa, alaila, hoomaka ke kai i kana hana. Ekolu ale nunui o ka pii ana a i ka aina maloo kahi e kuku ana na hale lehulehu o na kanaka laweia a pulumi pau ia aku la iloko o ke kai; o ka aina holookoa a pui me na nanaina uliuli o na mahinaai kope, raiki, iniko, paka, a me na mala ko nunui, ua lilo he hookiona kai, lepo, pohaku, a me na pohaku pele--he mahinaai o ka poino a me ka inea. Aole he mahinaai hookahi i pakele.
Mamua pono o ke alo o ke kulanakauhale o ua mokuuni la, oia o Batavia, he auna hale pupupu lehulehu ke kuku ana no na Pake, a ma keia mau pupupu hale kahi i hookahua iho ai na Pake he iwakaluakumamalima tausani. O na hale a me na Pake a me ko lakou mau pono a pau, ua unuia aku a pau iloko o ke kai--pau i ka make a poino a mai loko ae o keia huina i hoikeia maluna, ua pau loa lakou i ka make a koe he elima tausani wale no.
Mai loko ae o kanakolukumamamlima haneri haole Europa a me Amerika ma ke kulanakauhale ponoi, he ewalu haneri o lakou i make. O ke taona o Anfer ko lakou wahi hookio ʻ na a ma keia wahi kahi i puulu nui ai na haole Europa a me Amerika, ua uhi pu mua ia wahi e na pohaku a me na lepo, alaila, miki mai la ke kai pahola ae la ma o a maanei a lilo iho la ua kahua hale la i loko kai. Ma kekahi mau taona e ae ua like no a like na haawina poino i paholaia.
O na hale ipukukui i kukuluia ma ka lae o Sunda ua nalowale malalo o ka moana a me ka puu kahi i kukuluia ai ua mau hale ipukukui la. I keia wa kahi i ku ai ka puu a me ka hale ipukukui, he moana wai wale no i keia wa. O keia na lono maluna ae i ikeia a i pahola mua ia na lono ma ka la 29 o Augate, a o keia malalo iho na lono i ikeia ma ka la 31 o ia mahina no.
Ma keia la ua ano akakuu loa na hookalakupua ana a ke olai a me ka luai pele, a manao iho la na kanaka i ko lakou palekana. Aka, ua hewa ko lakou manao koho, no ka mea, ua pii hou ae la na ula ahi lapalapa mailoko ae o na luapele me ka halulu nui i loheia ma ka mokupuni o Sumatena, a pahola aku la ma na aoao a pau o ka aina na lalapa ahi i pakui pu ia me ka makani puahiohio a na ia mea i wiliwili ae i na kanaka, na kaupaku hale, na lio a me na mea a pau iluna o ka lewa. Weliweli maoli keia lono i hiki mai i o kakou nei.
HE HANA ANO E.
Aia ma Makapala kahi i hookahuaia ai keia hana ano e Halawale, J. Kekipi, a me Eli Kekipi,a ke kolo aku nei keia hana ano e a alakai lalau i ka baibala.
Ma ka la 12 o keia malama, ike iho au i na leta i kakauia penei : He leta na Iesu Kristo. Eia iho ka poe nana ua mau leta la.
Uaia, Piilani, Keoloewa, Kainapau Molale, Kopiimoku, Heanu, Kamana, Kalahoouka, Kaanaana, Kaimana, Kanealai, Kawahamae, Kapuaahiwa.
E nana mai kakou i ka manao o ua leta nei i kakauia ai, a maloko oia hoi na manao he mea e eha ai ka naau o ka poe haipule. Penei na manao o ua mau leta la : Sept. 10, 1883.
Ka hale o ke Akua ma Makapala Kohala Akau mokupuni o Hawaii.
Mai ka Moi Kalakaua e noho nei ma ka noho alii, Kona mau hope ma ka noho alii, ko ka Moi Kuhina nui ma ke aupuni, ka Lunakanawai Kiekie me kona mau hope, ka Ilamuku nui me kona mau hope, ka poe e noho nei ma na oihana ma Hawaii a ka moku kaili la o lalo, na alil aimoku o ka aina, ka poe waiwai a me ka poe ilihune, ka poe naauao me ka poe naaupo, ko ke Akua poe kanaka me ko ke kiabolo, na makaainana o ka Moi iloko o keia aupuni, a ma ka lokomaikai o ka Makua ke Keiki ka Uhane Hemolele, Amene. A ma o Iesu Kristo la ke ʻ lii o na ʻ lii ka haku o na haku, ke ʻ lii kiekie loa maluna o ke ao holookoa a pau, o ka haneri kanaha kumaha o ka poe i honoia ma ka lani a ma kona aloha, ua kauoha mai Oia ma o kona mau kauwa nei e kakau iho i Rona manao penei :
Ia oe e Molale a me kou kaikuahine me na keiki pu, aloha oukou a pau loa.
E hele koke mai oukou i ke ahiahi o ka la Sabati Sept. 16 1883, no kekahi hana ano nui loa, he leo no Iesu. He leo hea nei, he leta na Iesu. Amene.
JOHN KEKIPI, U. P. H. J. ELI KEKIPI.
Oia ae la ka moolelo ma ua leta nei i hoounaia aku ai i na lala o ua hui alakai lalau i ka baibala. H. M. HALELEKA. Halawa, Kohala.
HU HEWA KA OLELO.
Ua hoike mai nei ka Elele, ka hala wai hoole waiona ma Kaumakapili i ke ahiahi o ka Poakolu i hala, a e ahewa nui ana i ke KUOKOA. Aole loa e loaa i ka Elele he kiko eleele ma na mea a ke KUOKOA i hoike ai no ia halawai.
O na mea a pau i hoike ia oia maoli no ke ano, aole ia he halawai hoole waiona, apuali inu wai hoi, aka, he halawai ia e kono maopopo mai ana i ke koena o ka poe i koe e inu i ka waiona.
Ina e nana pono ka Elele i ka ka Moi olelo, ike no oia i ka mea oiaio no ke ano o kela olelo "Temperance" wahi a ka Moi, he lawe akahai, ka lua, he pakiko ma ka inu ana i ka waiona, a pela wale aku.
Ma ia ano ko ke KUOKOA olelo ana, aole he halawai hoole waiona, ke ano o ka hua hoole, oia ka ae ole o ke kanaka e lawe i kekahi mea i ike ia konaino, a hoopa hou ole hoi ia mea, aka, ma keia, aole pela, e kono mai ana kia i ke anaina, he mea ponoke lawe a inu i ka waiona ma ke ano akahai, a pakiko hoi.
Aole i hoino o Paleka ia Kipikona, aole i hoomauhala akn, na ka Kipikona mau hana no oia i hoino.
No ka mea, ma ia po, hoike maoli mai o Kipikona i kona makau mai i ka rama, a makemake ole hoi, no ka mea, he elemakule ia wahi ana, a olelo mai imua o ke anaina, aohe maikai o ka rama.
E ka Elele he mea maikai anei i ke kanaka ka ho-a ana i ke ahi a a, a olelo mai aohe o ʻ u makemake e ho-a i ke ahi, oiai ke ahi e a ana, pela no o Kipikona i hoike mai oia i ka makau i ka rama, a i kona makemake ole hoi, pehea oia i ka manawa i hooholoia ai ka bila rama, ua hoole anei oia ? a ua aua anei oia i kona o lima ana, aole, aole loa no, aka, hoole mai nae.
Ma keia ano, ua kapaia mai nei o Paleka he hana ino, hoomauhala, aole pela, aole anei ou ike e ka Elele na ka hana a ke kanaka e hana ana nana no ia i hoino, ina he maikai a ina he ino paha ?
Ke olelo nei ka Elele, i ka manwa i olelo ai o Kipikona, holo o Paleka a mawaho o ka puka aniani. E ka Elele e nui kou wahahee ana, na kau hana oe i hoino
HOOLAHA AKEA.
Ma ka hora 12 o ke awakea o keia la Sepatemaba 12, e kukalaia ai na noho kahiko a me na papa hele o ka Lua kini o Kawaiahao ; ma Kawaiahao no e kukala ai. Nolaila e hele ae na mea a pau i makemake e koho i ka mea i makemakeia. Hora 12 ponoi ma Kawaiahao.
Ua hoao kekahi poe kolohe e hoohaunaele i ka halawai ma Kawaiahao i ka po Poakolu nei. Ua hele ae he puulu kanaka me na kamalii, a mawaho o ke keena halawai kahi i hooluana ai me na " gita " a lakou ; he himeni ka hana a me ka walaau, a me ke kahea okoa aku ma na olelo pelapela i ka poe iloko o ke anaina halawai. Hookahi keiki i hopuia, a ua haawiia oia me kana " gita " ma na lima o ka makai. Ma na kanawai o ka aina e waiho nei, ua maluhia na anaina halawai a pau, a na ke kanawai e hoopai ka poe hoohaunaele.
E PUU ANA KA LAE O KA ELELE E KAHI ANA KE POHUE.
Ua hoea mai nei ka Elele waha-a me kona mau manao haokea, malalo o ke poo, "He ninau nui Hohonu." I ka nana pono ana i ka nui io a me ka hohonu, eia ka, he pa kaulei na wahi manao, hokai no hoi ua kamalii kahea makani o Hilo, kahea ka waha i makani nui aohe nae he pa mai, pela no kahi keiki o ka Elele, olelo mai he nui, he hohonu, eia ka he ole loa.
E ninau ana i na Kawainui a me Paleka i ke kani ole o ka bele a me na mea kani e ae no ka wa e pau ai ka Aha Kuhina, mai pono kau hoohalahala ana i ke kani ole oia mau mea kani, ina i pau io ka Aha Kuhina a kani ole, alaila, haalou iho ko aka, ke wikiwiki ala ko waha i ka oaka, aka, mumule oe i ko ke KUOKOA ninau ana mamua no na pu i ki ia ai i ka la i ku mai ai ka ona miliona me kona moku, aka, pane hoolalau nae oe, a he ku i ka hoka a me ka hilahila nui.
Malalo oia mau ninau ana a ke KUOKOA, aole e hiki i ka Elele ke ku a apo io no ia mea, no ka mea, he oiaio na mea a pau i kamailio ia.
Ke kuhikuhi mai nei ka Elele i kahi o ka pauda ikaika loa, aia ma kahi o ka hale lio o Kimo Doka, ae, ke pono ala no, e olelo iho oe e ka Elele i ko mea haku manao, oia ka hale pauda ana i hoopiha ai a piha ka pu ana, a i ke ki ana, hoea mai la elua alelo, eha lehelehe. A mahope iho, pii iluna o ka puu a kukala mai imua o ke akea, mai hele oukou e keia anaina ma ka hale pauda o Kimo Doka, o elua anei alelo o oukou a eha lehelehe, a mai ai hou i ka luai e like me au Papa pono.
HE POLOAI I KA LEHULEHU.
Ma ka halawai a kekahi poe Hawaii i ka po Poalua i hala, ua hooholo lakou e kukulu i Ahahui Kalepa Hawaii ma keia kulanakauhale, a e puunaue ia iloko o 1000 mahele ma ka $5.00 o ka mahele hookahi. E wehe akeaia ka puka no ke komo ana mai o ka lehelehu e makemake ana e hapai pu i keia hana mai keia la aku a hala hookahi malama a maloko o ia wa e hookaa ai ka poe lawe kuleana ia Sam ʻ l Mahelona ma Honolulu, ka Puuku no ka manawa, aole nae e oi aku na mahele a ka ka mea hookahi e lawe ai mamua o ka elima dala. Nolaila, o makou o ke komite poloai i ka ka lehulehu i kohoia, ke pahola aku nei i na kono ana i ka poe makemake i keia hana, a no ka wa e hoomahuahua ai kakou ma na hana mikiala, a e hoike i ko kakou ake e lawelawe i na hana hookuonoono mawaena o ko kakou lahui. No na mea i koe e ninau ia J. U. Kawainui, ke kakauolelo no ka manawa. O makou no.
Na komite. { James. Keau. B. W. Kawainui. Sam ʻ l. Mahelona
NA HOOLAHA HOU.
J T. WATERHOUSE ( Walakahauki )
---
HALEKUAI KUKAA NUI ME LIILII.
Ua piha pono me na waiwai makamae e hewa ai na maka i ka nui o ka lehua.
Heaha no la hoi ia !
---MALAILA---
Na Apa Kilika o na ano a pau,
Pahoehoe o na ano a pau,
Alapia o na ano a pau,
Huluhipa o na ano a pau,
Na Huluhulu holoku,
Na Keokeo Paina,
Lilina lau puu,
Wetoria,
Leponalo,
Lainakini,
Ahina pelekane,
Na Kihei o na ano a pau,
Na Koloka o na wahine,
Na Kihei Huluhulu,
Na Kalakoa o na ano a pau,
Na Kihei uhi moe,
Na Koloka o na wahine,
Na uhi Kilika,
Na uhi Alapia,
Na Hainaka nunui a liilii.
---Eia hou.---
HE HELUNA NUI ONA PAA LOLE O NA KANE A ME NA KAMALII.
Na Apa paina maikai loa,
Polu manoanoa a lahilahi,
Huluhulu manoaoa a lahilahi,
Na Apa huluhulu a pahee,
Na paa lole huluhulu, kane, me kamalii,
Na Pililakeke loloa a pikopoko,
Na Palule kaula o na ano a pau,
Na Palule keokeo,
Na Palule kalakoa,
Na Paleili.
Na Papale wahine i kinohinohiia me na pua a
me na hulu nani, a he heluna nui o na
kane a me na kamalii o na ano a pau.
HE HELUNA NUI O NA KAMAA.
Na Kamaa buti,
Na Kamaa pihi,
Na Kamaa huka,
Na Kamaa laholio,
Na Kamaa weleweka.
HE HELUNA NUI O NA NOHO LIO MAIKAI.
Na Noho Italia
Noho pulu mamua
a mahope o kela a
me keia ano.
NA AILA O KELA A ME KEIA ANO.
Na Aila honua helu I he aiai me he wai.
Aila pena, aila hoomaloo, aila Oliva,
Aila inu, Aila lauoho,
Waiala maikai.
NA PENA WAIHOOLUU LIKE OLE.
Keokeo,
Eleele,
Polu,
Melemele,
&c., &c., &c., &c.
---
Ina iho Ina iho.
Na ipuhao, na ipu ti,
Na loi nui a liilii,
Na pahi nui a liilii,
Na pahi olo, pakahi
Na pahi olo palua.
Na tabu nui a liilii,
Pakeke nui a liilii,
Na loko kamana,
Na lako amala,
Na kamaa lio,
Na moe hao,
Na pela uwea.
NA LAKO HAO, MA KA AINA A ME KA WAI.
Na lako pa,
Pa nui a liilii,
Na bola,
Na kiaha aniani,
Na aniani kilohi,
N ipukukui o na ano a pau.
HE HELUNA O NA MEA AI.
Palena poepoe,
Palena poepoe palupalu,
Palena huinaha,
Palaoa o na ano a pau.
Na kamano maikai loa ma ka pahu,
Na kamano tini.
Paakai o Livapulu,
Paakai inu,
Paakai hu,
Mauu Kaleponi,
Palani ai a ka lio.
---
He heluna nui o keia mau waiwai aiwaiwa o ko ʻ u mau halekuai aole i pau i ka huaiia aku na oukou no e hele mai a kilohi no oukou.
Ua waeia keia mau waiwai me ka maiau, ma Pelekane, Farani, a me Amerika, no ka pono a me ka pomaikai o na kanaka Hawaii. O na kauoha mai na mokupuni e hookoia me ka eleu loa. J. T. WATERHOUSE ( Walakahauki. )
NA HOOLAHA KUMAU.
HE NUI ANEI KOU MAKEMAKE I NA
Mikini Humuhumu Lole !
Ina pela, e kipa mai no ma ka Halekuai o
Kakela & Kuke !
A malaila oukou e ike ai a makaikai i na ano
Mekini a WHEELER a me WILSON
mai ke $40 a hiki i ke $50 ke kumukuai
ka mea hookahi
NA MIKINI A SINGER !
ma ke $50 pakahi me ke ano
MIKINI A WIILCOX ME GIBBS
ma ke $30 a hiki i ke $50 ke kumukuai.
I mea e pau ai ko oukou kanalua e na makamaka no ke
kupono o keia mau Mekini, e naue mai no
me ke kuihe ole, a e ike no oukou iho.
628 tf
H HACKFELD & CO.
Ua makemakeia
NA ILI BIPI,
NA KIWI BIPI,
NA IWI BIPI,
E haawi ia no ke kumukuai kiekie o ko kakou makeke nei e tf
MAKANA LA KULAIA KUAI !
MA LA
HALEKUAI LOLE NUI O
HONOLULU NEI.
E makana waleia aku ana he
mau kii pena i ka mea kuai mai
a hiki aku i ka $1.00 a oi aku ka
lilo i ka wa hookahi.
EWEHE MUAIA ANA IKEIA LA
MA KA HALEKUAI LOLE NUI
O
HONOLULU
He Kuai Manuahi Launa ole.
He Kuai Hoopoho a Hoopakika.
E hele nui mai e na makamaka.
E wae oukou e like me
o oukou makemae
iho i na
waiwai o kela a me
keia ano he nui
wale.
A. M. MELEKI.
HELU @100 ALANUI PAPU.
NU HOU ! NU HOU !
---
Na Waiwai Hou Loa !
NA PAIKINI O KELA AU.
---
E Loaa no ma ka la Halekuai o
DILLINGHAMA MA,
Ma Alanui Papu.
---
Oia na waiwai malalo iho nei :
Na Palau, Kaa Huilapalala, Kopala,
Piki, Oo, Koi, Koilipi, Na Hama-
re Kamana o na ano a pau,
Na mea Hana a na Ka-
mana, Poe Hamo
Puna, na Am-
ara a me
na mea
hana o ka
Poe Akeakamai
a pau. Pena Aila,
Vaniki a me na Palaki,
Paula, Poka a me na Kukae-
pele, Palaki Hamo Puna, Pulumi,
Pakeke, Kapu Holoi Lole a me na Papa
Holoi Lole, na Iputi,
na Pa Palai, na Ma
kau Lawaia, Na
Aho Lawaia o na
ano a pau, na Kaula
o na ano a pau, na
Pahi, O, a me na
Puna, a he nui aku
no na mea i koe.
I KUPONO NO KA HOOHIWAHIWA ANA !
NA HALE
---
I hiki ole ia makou ke huai pau aku
aka, na oukou no e hele mai a e
hoonuu iho. O keia maluna ae, e
loaa no ma ka halekuai o
Dilinahama Ma,
1036-3m ] Ma ka helu 37, Alanui Papu.
NA HOOLAHA KUMAU.
CHAS. J. FISHEL.
---
CHAS. J. FISHEL.
---
CHAS. J. FISHEL.
---
EIA AU IMUA O KE KAHUA.
---
Ke hea mai nei ke Kahuli leo leo,
Eia ianei ko lia. Ko lia la e
ke hoa, ina iho la-e-o.
A pane mai oe olu iho au, i olu hoi nei
mau la make pehu.
---
137 Pahu lole hou. 137 Pahu lole hou.
ONA Waiwai hou a pau loa o ka hoea koke ana mai nei no ia, e loaa no ma ko ʻ u halekuai me na kumukuai emi. Eia ua mau kumukuai la :
16 la Kalakoa $ 1.00
86 Kakini paa lole kane $6.50 o ka @paa
23 Kakini paa lole Kamalii $2.75 " " "
120 Palemai o na kane @13 c. " " "
322 Apa lole huluhulu 25 c. o ka ia
72 Apa Lihilihi pukaaniani @ @ " " "
220 Kakini kihei puu 25 c. o ka kihei
O kau me hoinainau iho la nu ka ia
O ka lawelawe malie ma@ aku no,
Pau hewa e ku waimaka aohe @
Homai ! Eia no.
Homai ! Eia no.
Ua makaukau au a ua hiki ke kuai kukaa a kuai liilii i na waiwai a pau me ke kumukuai waipahe.
---
O na Kauoha a pau mai na Mokupuni e hookoia me ka eleu.
"Hooheno mai ana ko aloha ia ʻ u,
Me he kui houhou ala i kuu poii,
He halia mau ia no ka mid night,
No ka po huihui kehau ana. "
---
UA HOOHUI pu no hoi au i mea e holopono ai na kuai hoopakika ana o na waiwai o kela a me keia ano, he pakaukau kahi e kuaiia ai na waiwai like aole, no ke
KENIKENI WALE NO.
Owau mai kau e hea mai ai,
E hea ke kanaka e komo maloko,
E hanai ai a hewa ae e ka waha,
Eia no ka uku -
NA HAINAKA,
KAWELE,
AI KALA,
LEI AI.
No Kenikeni wale no!
A he nui wale aku no na mea i kou i haki ole ke huaipauia aku.
E AU !! E AU !!!
CHAS. J. FISHEL.
Kihi o Alanui Papu me Hotele. tf.