Ka Nupepa Kuokoa, Volume XXII, Number 34, 25 August 1883 — EHUKAI SONG. [ARTICLE]

EHUKAI SONG.

1. Alo ana i ka Ehukai, Ale o ke kai melemele Me oe pu ilaila, Ke aloha o kaua. Cho. Nos aloha ia'u, Kawelu holu o Puna Ke aka nae o Kawaikini, Poli o Maluaka. 2. Kuu ipo pua lihau, Kau noe o Kaleponi I ponia me ke aloha, O ka poai Plawaii. Cho. Noe aiob« ia'u, &c. 3. O ke ano aloha me oe, O ka puuwai poina ole Me oe pu ilaila, Ke aloha 0 kaua. Cho. Noe aloha ia'u, &c. A. P. K. Honeysuckle. Mamuli o ka hoopauia ana 0 ko Mr. A. T. Atkinson noho ana he kumukula no ke kula aupuni 0 Koleaka, ua kaili pu a ua hoopau no hoi kekahi mau makua mea keiki i ka hoohele ana i ka lakou mau keiki ma ia kula, a ua noi aku no hoi lakou ia Atkinson e wehe i halekula kuokoa nona. Ma ka nupepa Gazette o ka Poakolu 0 keia pule, ua ike iho makou i kana hoolaha e i ana ua wehe oia he halekula ponoi nona ma ke kahua e ku nei ka halekula Pauoa Valley ma ke alanui Nuuanu.

Ma ka la 6 o keia malama i lawe ia mai ai kekahi piha waa i ka raina, mai Laupahoehoe mai no Waipio, a hoopae ia kekahi rama no Waimanu, ke koena aku no kahi maluna ae la. *