Ka Nupepa Kuokoa, Volume XXII, Number 34, 25 August 1883 — AHI WELA KA LUNA O KEAAU. KOMO I KA HOUPO O KA ELELE. [ARTICLE]

AHI WELA KA LUNA O KEAAU. KOMO I KA HOUPO O KA ELELE.

Ke hoea hou mai nei ka Elele me kona mau mano kamalii, a kamailio i ka mea pili ole i ke kahua o ke kalaimanao naauao ana, a ke kamailio nei malalo o ka inoa Mailelauliilaunui, heaha ka manao o ka Elele ma keia mea? No ka nele anei i ka ike e hiki ai ke pani i na olelo a Mailelaulii ? Aka, aole makou e alualu ana malalo o Ta mau olelo ano ole, oiai, o ka makou mea e kamailio ai, oia no ke kalaiaina naauao ana ; aole makou i maa i ka hailiili a me ka hoohepa i na olelo ano ole. Ke kakali nei o Mailelaulii i ko ka Eld< pale pololei mai i na mea i olelo ia ma ke Kuokoa o ka pule i hala, ina hiki ole i ka Elele ke ku maluna o ke kahua o ka hana, alaila ua ahona ke kanu ia oe iloko o ka lua kupapau, aohe noonoo, aohe ike, aohe

akamal No ka mea, he mea makehev«i ke ola ana o ka mea noonoo ole, e like me ka Elele a ka lehulehu e ike nei. Eia ka Solomona, "0 ka mea nele i ka ike a me ke akamai, ua rnake oia i kona wa e ola ana." Pela •no ka Elele; ke ola nei o Elele me kona kino i piha me na mea pelapela, i paapu hoi kona mau kolamu me na ea maea mai ka Waoakua o Sahara. Pela ka nupepa i hoolahaia e ka mea nele ika noōnoo maikai o kona mau manao, he piha i ka opal i, no ka hilahila loa o ka Elele i na mea a Mailelaulii i hoike ai me ka oiaio, hele mai nei malalo o ka hailiili, ma ke ano hakukole, pehea la ka ona o ka Elele i ae ai i na manao o keia ano ? Aole no paha he lunahooponopono o ia Elele,

ke komo nei na manao o ka ohana Lekeona, ka heluna o na uhane ino ma ka īlina kupapau. O oe e ka Elele, he pio oe na Mailelaulii i keia wa, o kou mau mea haku manao, eia laua ma ka poho lirna o Mailelaulii. Ke noho alii nei o Mailelaulii mai ka mea e noho ana i ka noho moi a ia oe e ka Elele lopa kuakea loa, aole oe e hiki ke oni ma o a ma?nei, no ka mea, he powa maopopo loa oe, a ua kupono kau i hai mai nei, ke kahe nei ka hupe mai ko ihu iho, no ke komo o ke anu o na olelo a Mailelaulit iioko o ko pukaihu, ke haukeke mai nei ko lehelehe i ka maeele, ao'ne kapa e mehana ai, hookahi no kapa e mehana ai o ke ahi o na huaolelo a Mailelaulii. O kau hana pono wale no e kn Elele> o ko hana i laau amana nou, alaila, li ae no ia oe iho maluna o ia amana au i hana ai, e like me ke kanaka i hoikeia ma ka buke nui. Aole e hiki i ka Elele ke pani i ka waha o Mailelaulii, e hoomau aku ana ke kamailio ana i na mea pili i ka aha kuhina lima lepo a me ke aupuni kuoloia iluna o na pukoa. Mailslaulii.