Ka Nupepa Kuokoa, Volume XXII, Number 32, 11 August 1883 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XXII, HELU 32.        POAONO, AUGATE 11, 1883.        NA HELU A PAU 1132

 

NA HOOLAHA KUMAU.

MAIKAI KA HOI

KA PAPA

--A ME—

KA LAAU O KOU HALE.

NOHEA LA?

@AI NO HOI NO KAHI O

WAILA MA.

@ no hoi ia ia ohi ka lo o ka laau o @, i ka ua mea hoi o ka nani.

NA PAPA! NA PAPA!

A ME

Na Pono Kukulu Hale

O na Ano no a Pau.

@A MA KE KIHI O NA ALANUI

Papa me Mmoiwahine,

HONOLULU

@ e like me ka makemake no ke

KUMUKUAI MAKEPONO LOA.

PAPA! PAPA! PAPA!

            NA PAPA HULUHULU,

                        NA PAPA MANOANOA,

                                    NA PAPA I KAHIIA,

                                                NA PAPA KEPA,

                                                            PAPA HOLE KEOKEO,

                                                                        PAPA HOLE ULAULA.

Na Laau, Na Laau,

            NA KUA,

                        NA KAOLA,

                                    NA AAHO,

                                                NA MOLINA,

                                                            NA PEAPEA.

                        PINE HULUHULU,

                        PINE I KAHIIA.

NA PAPA A ME NA LAAU ULAULA.

PILI ULAULA,

PILI KEOKEO,

PANI PUKA,

PUKA ANIANI,

PANI PUKA ANIANI,

PUKA OLEPELEPE.

PENA

O NA ANO A PAU,

Hale Pena mai ka liilii a ke nui,

            Aila Pena,

                        Aila Hoomaloo,

                                    Waniti, Pate,

Na Lako o kola a me keia Ano.

            NA AMI PUKA HALE,

                        NA AMI PUKA PA,

                                    ANIANI

PEPA HALE A ME NA LIHILIHI,

E loaa no malaila.

PAAKAI HELU I,

-O-

KAKAAKO ME PUULOA.

            No ke Dala Kuike e loaa no na moa a pau i dala @e @ no ke K@kuai Emi Loa.  O na K@ mai Hawaii a Niihau, e loaa aku no me ka hooko pololeila.  E kipa nui ilaila i ike @ oiaio.           905 tf.

 

NA HOOLAHA KUMAU.

PAPA! PAPA!

--NO—

ALLEN & ROBINSON

Ua wehe @

PA KUAI PAPA,

--MA—

Ka Uwapo o Pakaka.

Na Papa Ulaula o na ano a pau,

            Na Papa Paina o na ano a pau,

                        Na Pili Hale Ulaula,

                                    Na Pili Hale Keokeo,

                                                Na Pepa Molina,

                                                            Na Pepa Hoonani Hale.

Na pena a me na Alla Pena!

            Na kui o na @ a pau.

Na Pani Puka a me

            Na Pani Puka Aniani,

                        Na Pani Puka a me

                                    Na Olepelepe.

NA LAKO KUKULU HALE

O NA ANO A PAU!

E kuaiia ma

KE KUMUKUAI HAAHAA LOA

O keia Makeke.

 

PAPA!  PAPA!

AIA MA KAHI O

LEWERS & COOKE!

(O LUI MA.)

ma ke kahua kahiko ma laanui Papu a me Moi.\

E loaa ai na

PAPA NOUAIKI.

o kela a me keia ano.

Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papa Ku, A me na Papa Moe nui loa

Na Pili o na Hale o na Ano a Pau.

Na Pepa Hoonani, Na Pena o na Wai a pau,   Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.

NA WAI VANIKI

--A ME NA—

WAI HOOHINUHINU NANI!

O NA ANO A PAU LOA.

NA BALAKI ANO NUI WALE

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana

--NO KA—

UKU HAAHAA LOA!

E like me ka mea e holo ana mawaena o LAUA a me ka MEA KUAI

E hele mai!  E na Makamaka !!

A e lawa no hoi ko oukou makemake me ka oluolu a me ka maikai

 

NA WAIWAI HOU LOA

O NA ANO A PAU.

E LOAA NO MA NA HALEKUAI O

WALAKAHAUKI MA!

MA ALANUI

Papu, Moi a me Moiwahine

OIA HOI:

Na Noho Lio hou

            loa o na ano a pau,

                        Na Palule Keokeo,

                                    Huluhulu, o na ano

                                                a pau, Na Pio

                                                            Ahinahina Pele-

                                                                        kane hou loa o na

                                                                                    ano a pau.  Na

                                                                                                Pena Kukoapel.

Na Kopa Bulu, Na

            Lole o na Wahine o

                        na ano a pau.  Na

                                    Pahu Aila Maku

                                                maikai loa.  Na Si-

                                                            lika, Pahoehoe, o

                                                                        na ano a pau.  Ki-

                                                                                    @i o na ano a pa@

 

HAINAKA LAU NUNUI SILIKA O NA ANO A PAU.

He @ aku no i @, he piha pane ma K@ o ka papa, ina o kuai pau @a aku @

 

Eia hou ae a hoea mai i keia mau la iho he Lako Waiwai hou loa o na ano a pau, a he lako hou loa i wae pono @ e J. T. WATERHOUSE, JR., ma Enelani, a he mau waiwai hoi i kupono loa no ko kakou mau kaiulu.  Nolaila, e oleu mai e na makamaka a me na hoa'loha e hoonuu i keia mau lako waiwai hou loa.      1076@

 

KA MOOLELO O NA LA

--O NA—

ADIMARALA BERITANIA

OIA HOI'MA KAHI OLELO ANA,

Na Liona Au-moana

O ENELANI.

KE KAUA ANA O NA AUMOKU KAUA BERITANIA,--A ME KO ENELANI MAU PAPU LAAU, &c. &c.

Kuhi Kula maikai kahiko,

Nana i hoolawa mai na kuhikuhi,

Na ka mea OI O KA IKAIKA,--

Nana e Noho Alii ka Moana,

A owai la ka mea hiki ke aa mai?

            OWAI LA?

            --Makia o na Aumoku Beritania.

 

KA HAKU KOKERANA.

O KE kauoha paa a ka Haku Kokerana i haawi aku ai i keia mau waapa kaua, e hoe lakou me ka nakeke ole a hiki i ka wa e pili ai lakou ma ka aoao o na enemi, ua hookoia ke kauoha e like me kona makemake.  Iloko o na minute pokole wale no a na waapa kaua Beritania e hoe malie nei ma na kuaau, ua ikeia aku la kahi kialua kiai awa e lana ana ma ka nuku o ke kaikuono, a ia wa no hoi ka Haku Kokerana i hooiho pololei aku ai i kona waapa ma ka hope o ua wahi moku la, a o na waapa mai mahope, hahai pakahi aku la no hoi lakou mahope o ko lakou mau laina kaua pakahi iho.

            O keia wahi moku kialua kiai awa, he ikaika kona e hiki ai ke hooauheeia keia mau waapa kaua ina i mai aila lakou e like me na rula o na mea kaua.  Aka, o keia poe kanaka Peru, e like me ka lakou maa pinepine ole imua o na kahua kaua nui, pela lakou i palaleha ai me ka makaala ole i ko lakou awa ponoi iho, me ka manao paha, aohe kanana e aa aku ko lakou mau papu pohaku.

            E like me ka eleu o ke alakai ana a keia Haku Kokerana i kona mau waapa kaua, iloko o na sekona pokole mahope iki iho, pa-e mai la ka leo o kekahi mea e ku ana ma ka hope o ka moku kialua, i ka pane ana mai—Owai kela?

            I mea e hikiwawe ole ai lakou ke hooko i ka lakou mau kauoha, haawi koke ae la ka Haku Kokerana i kana kauoha, a hoe aku la na koa me ka ikaika nui i pili ma ka aoao o ka moku ki alua, mamua o ke ala ana mai o na koa e hiamoe la ilalo o ka moku, a hoomakaukau ia lakou iho.  Iloko o na mapuna hoe ikaika he umi a oi iki, pili aku la ka waapa o ka Haku Kokerana mahope o ua wahi moku kialua nei, lele aku la oia iluna o ka oneki, a hou kokeia mai la kona umauma e keia koa e ku nei me kana pu, me kona kuhea ana ae i kona leo a nui, aka, o ka Haku Kokerana, e paa ana kona lima akau i kana pu panapana, hopu aku la oia i ke kuka o ka ai o ke kanaka Peru, kulai aku la oia iaia ilalo, hehi iho la oia i kona kapuai ma ka ai o ua koa la, a kau pololei aku la oia i kana pu panapana ma kona lae me ka pane ana aku iaia penei:

            "E noho malie anei oe, a e make paha," wahi a ka Haku Kokerana.  "E noho malie au me ka walaau ole," wahi a ke kanaka Peru i pane mai ai.

            Haawi ae la ka Haku Kokerana i kana kauoha i kona mau koa, e paniia ka ipuka o na keena o keia moku me ka hikiwawe a e kakiaia hoi a paa i kumu e hiki ole ai i kela poe ke pakele a haawi aku i na hoailona i ke Kakela ua hiki mai na enemi.

            Ua hanaia keia wahi hana koa e ka Haku Kokerana me ka eleu a me ke akamai, a ua lawe pio ia hoi keia wahi moku kuna e na waapa Beritania iloko o na minute wale no he umi.  Ma ka hora 12 opnoi o ua po nei, ua kahea hou ae la Haku Kokerana i kona mau waapa e hoomakaukau ia lakou iho, a iloko o na minute pokole, holo hou aku la ka waapa mua loa, aia hoi iluna o laila ke Pailata Kokerana e alakai nei i keia mau mahele kaua imua o na enemi.

            E like me na rula o ko lakou papa kuhikuhi e olelo ana, o na waapa o ka mahele akahi, e hahai lakou ma ka aoao akau o na enemi, a o na waapa hoi o ka mahele elua, e hahai lakou ma ka aoao hema o na enemi.  Aia iluna o keia mau waapa ua makaukau lakou i na eke pauda i mea e hoopahu ai i ka moku, a na ia mea hoi e a ae ai i ka oneki a me na @kai o na enemi, a lilo na ke ahi e nenehi ia lakou.

            He hora hookahi a oi keia hookomo ana o na waapo, aole loa lakou i ike iki ia a hiki wale @ manawa i pili aku ai na waapa kaua @ ka aoao o na enemi, akahi no a ikeia akou nei e na moku Paniolo i ka nakoke ana aku o na koa me ka lakou mau mea kaua.

            E like me ko @ou palaleha a hilinai maluna o kela m@ kialua kiai awa, pela no lakou i pau ai i ke auhee iloko o keia pouli nui o ka po.  O ka pu panapana hoailona a ka Haku Kokerana i ki ae ai, iloko o @a manawa i pinana like ae ai na koa @ na aoao a pau o ka moku, a o na wahi koa kakaikahi e kiai ana ia luna o ka oneki, ua puehu liilii loa lakou i o @anei.  Ua kiia aku lakou me na poka a hili hou ia aku me na kumu pu, a o @eia na hana a keia poe koa Beritania e hana nei, o ka lawelawe o keia kaua me na lima, oia kekahi kumu i hiki ole ai i na moku Sepania ke pale i na enemi no lakou iho.

            He mau minute mahope iho o ka hookaheia ana o n@ koko o keia poe, aia hoi wawalo ae hana leo papaaina o na pukuniahi, e k@ana i na waapa Betania e lana hele ana iluna o ka ilikai aohe kanaka o luna, iloko o ia manawa i ikeia aku ai kekahi mau moku Sepania e a ia ana e ke ahi, oia hoi, ua hiki aku la o Kapena Kuesa iluna o ka oneki a puhi aku la i ke ahi ma kona mau aoao, a he ma@awa ole ka nanaia ana aku, ua pii ae la ke ahi ma kona mau rigini, a e a ia ana na kia a me na pea.

            O ka papu pohaku o Kalio, i ka wa i ike mai ai i keia @ko o @awa ua ki koke mai la kona batari i na poka pukuniahi i na aumoku e lana nei, oiai, ua ike mai la lakou, e kau ana ka hae Beritania ma na kia o keia poe moku Paniolo.

            Ua hahana ke kaua i hooukaia e na koa Beritania i keia po.  Ua hili aku a hili mai me na elau pu, e hou ana hoi me na pahi, a i ke kokoke ana aku i na hora kakahiaka o ka wanaao, aia hoi lele malu aku la ka Adimarala Paniolo me kakahi mau ukali iluna o ka waapa, a holo aku la no ko lakou mau ola ma na kahakai o ke Kakela o Kalio.

            O keia awa holookoa o Kalio a me kona mau papu pohaku e ku laina ana ma na kahakai, ua hiki ia ke ike moakaka loa ia aku e na koa o keia mau moku, a me ka oioi o na halepule e ku ana mahope aku, oiai keia mau moku elua e a ia nei e ke ahi.  He mau nanaina weliweli ka ike aku i na koa Paniolo e lele ana iloko o ke kai a piholo iho iloko o ka manawaa pokole.  O keia ahi nui e hoomau nei i ka a, he mau minute he 13 i koe, alaila, hiki loa aku la ke ahi e a nei iloko o ka rumi pauda, a na ia mea i puhi ae i na moku Paniolo i ka lewa, a lele liilii ae la kona mau palekai a me ka oneki i o a ianei, a no ke ano kokoke loa o kahi a na moku e lana nei iloko o ka awa, ua ikeia aku la ke ahi e lele ana i na kauhale e pili kokoke ana ma na kahakai, mahope iho o na papu pohaku o Kalio.

            O ka Haku Kokerana, ike iho la oia, ua lilo ka mana o keia awa o Kalio malalo ona, nolaila, ma ka hapalua ponoi o ka hora 5 o ua kakahiaka nei, kau ae la ka Haku Kokerana i kana hae hoailona maluna o ka moku Adimarala Paniolo, e hai ana i na koa iluna o kekahi mau moku e iho, e hoomakaukau i ko lakou mau moku i ka wa e hai hou ia aku ai na kauoha.

            Oiai na mea a pau e ku ana me ka makaukau nui ma ko lakou mau wahi, iloko o ia manawa i ikeia aku ai kekahi hae hoailona e kau mai ana a ka Haku Kokerana, a iloko o ia wa na aumoku i huki ae ai i na pea, a hookuuia aku la na heleuma iloko o ke kai, pa mai la kekahi wahi makani kolonahe mauka iho, a iloko o ia wa i hoopuka aku ai na moku ekolu i lawe pio ia mai e na koa Beritania, a iliki mai la hoi na batari e ku laina nei ia loko o ke kaikuono, a iloko o kela a me keia manawa a lakou e ki mai ai, e kukai pu aku ana no hoi na aumoku i lawe pio ia mai i ka papu pohaku, a iloko o hapalua hora o keia hoopuka ana, puka lanakila aku la ka Haku Kokerana me na aumoku pio Sepania iwaho, kahi hoi a na aumoku e kalewa mai la ma ko lakou kulana mau

(Aole i pau.)

 

KA MOOLELO

--O—

PILIPO KEKOA!

Ka Makai Kiu Ilikini

--O—

AMERIKA HUIPUIA!

--A O EA—

NANE HUNA O KA 1776.

MOKUNA XIII.

(Mai ka peni a ka mea anaki moolalo a "Onila Maka, ka Makai Kia Kaulana o Enelani.")

KA HAKAKA ILOKO O KA RUMI POELEELE

I KONA lohe ana aku i ka inoa o kekahi o na powa, hoomaopopo iho la oia e lanakila ana no oia maluna o lakou.

            Nolaila, nee malie aku la keia i kahi o ka leo hawanawana i pa-e mai ai.

            Iaia i kolo aku ai pela me kekahi mau kapuai, o aku la oia i kona lima imua a ku-ia aku la me kekahi kino kanaka.

            Ia wa, kaili koke mai la oia i kona lima me ka awiwi a kali malie iho la.

            Alaila, o hou aku la oia i kona lima me ke kalele ikaika ana iho maluna o ua kino la, me he mea la, e iniki aku ana oia iaia:

            Aka aole nae i hoike mai ua kino la i kana hoailona iaia nei.

            Ano, ua loaa iaia ke kino o Beramile, nolaila, ua malaelae kona ola imua ona.

            He mea maopopo ua ike mai na powa ua hiki aku he kokua, aka, no ko la nei mai hookahi @, nolaila, aole lakou i haalele iho ia loko o ka rumi.

            Iloko no hoi o keia wa i hoikeia mai ai ke akamai lua ole o ka noonoo o ua Ilikini la.

            No ka mea, i wahi e maopopo ai iaia o ke kino ia o Beramile i pa aku ai iaia, haha aku la oia i ke ano o ka lole o ua kino la, a ike iho la oia i ka pahee.

            Nolaila, manao loa iho la oia o ke kino no ia o Beramile.

            Alaila, hoomakaukau iho la oia iaia no ka hana imua ona.

            Kau ae la oia i kana pu panapana iluna a ki aku la.

            Owaka ae la ka malamalama ma ka waha o kana pu, a ike pu ia aku la he elua mau powa.

            I ka wa ana i ki aku ai, ua kani koke mai la he pu mai kekahi aoao mai o ka hale, aka, no ka hiki@awe loa o ke ki ia ana o keia mau pu elua, ua manao mai la na powa me ka olelo ana.

            He elua mau mea e kue mai nei ia kakou?

            Ia wa, loheia aku, la na kapuai wawae he nui e holo ana ma o a maanei.

            Aka, hoomau aku la no ka, Ilikini i ke ki ana ma kahi ana i lohe aku ai i ka nakeke o na kapuai wawae.

            Ia wa no hoi i ike ia aku ai he maamaama kukui a ike ia aku la he mea e ku ana ma ka puka.

            I ka wa a ka Makai Kiu i huli ae ai a nana,  ike aku la oia ia Lu Lavonia, ua kahikoia no hoi ua kaikamahine maalea la me ka aahu a ka Ilikini i ike mua ai iaia ma ka puka aniani o ke keeena heluhelu o Beramile e kahea ana i na kanaka.

            He oiaio, ua moakaka ae la i kona nonoo kekahi mea e pili ana i keia hana pohihihi, aka, ua oi loa aku nae kona kahaha i ka hohonu o ke akamai a me ka maalea o keia kaikamahine opiopio.

            Ua auhee aku la na powa iloko oia wa pokole loa.

            Ia Lu Lavonia i nana mai ai me na hiona weliweli me na kauwa e kuku ana, pane mai la oia me ka pihoihoi.

            Heaha iho nei keia?

            E lawe mai i ke kukui iloko o ka rumi, alaila, ike pono ia iho, wahi a ka Makai Kiu.

            Ia wa, laweia mai la ke kukui iloko o ka rumi a ike iho la oia i ke kino o Beramile e waiho ana iluna o ka papahele.

            I aha ia iho nei o papa? wahi a ke kaikamahine.

            Ke hoomaopopo nei au ua pepehiia iho nei oia e ka poe kanaka au i hookomo mai nei iloko nei o ka hale! wahi a ka Makai Kiu.

            I pepehi ia iho nei o papa! wahi a @ kaikamahine me ka leo ehaeha.

            Ae, ke hoomaopopo nei au, ua ho@pono kau hana i hoolala ai wahi a ka Ilikini me ka haka pono aku iaia.

            Ia wa, ninau aku la ke kaikamahine.

            Heaha kau e olelo nei?

            Me he mea la, ua maopopo no ia oe ka'u mea e olelo nei.

            Aka, mamua ae o ka hoakaka ana aku no kau mau olelo ano e, e nana mua ae kaua ia papa.

            Me he mea la, aohe ou wahi mea a hopohopo mai ia'u, wahi a ka Ilikini.

            Ia wa, hea aku la o Lu i kekahi o na kauwa a olelo aku la iaia e kii i kauka a holo loa aku e hai ia Wekila Pika.

            E, o kii i ke kauka, aka, no Wekila Pika, mai kii oe iaia, wahi a ka Ilikini.

            Ku ae la o Lu Lavonia iluna me ka mama a pane mai la:

            Owai oe, e keakea nei i ka'u kauoha?

            Ae, e kii loa aku no au ia Wekila Pika wahi a ke kauwa me ka hoomakaukau ana e hele aku iwaho.

            Hele aku la ua Ilikini la a hopu aku la i ua kauwa la ma ka lima a nana pono aku la iaia me ka i aku:

            Ina oe e kii ana ia Wekila Pika, pepehiia oe e a'u a make.

            He oiaio, ua ae akula oia i kana kauoha, a hiki mai la ke kauka.

            Aka, mamua ae o ka hiki ana mai o ke kauka, ua ike iho la ka Ilikini ua maule wale no o Beramile mamuli o kona hahania ana ma ke poo.

            I ka pohala ana ae o Beramile, aole ka Ilikini i kali iho no kana mau hoakaka, aka, ua haalele iho la oia ia la kou a hele aku la no kana hana.

            Nolaila,  i kona ike ana i keia mea, ua hoomaopopo iho la oia ua piha loa ia apana me na powa ino.

            Aka, mawaena o keia poe puni koko e nee malie ana hookahi kanaka wiwo ole e @ ole ia e kekahi, a iloko hoi o na hora he 24 mahope mai o na mea mua i hoikeia ae nei, ua ikeia iho la kekahi mea kamahao.                (Aole i pau.)

 

NUHOU O NA EKALESIA.

            Ua kahea ka ekalesia o Kaumakapili ia Rev. J. Waiwaiole, a ua ae oia e hoi mai @ noho i kahu no lakou.  Ua hiki kino mai o Waiamau i ka Poaono o kela pule, a ua hoomaka kana hana i ka la Sabati nei; ua haiolelo oia ike awakea o ia la ma Kaumakapili, o kana poolelo aia ma Isaia 32: 20, penei ka olelo.  "E pomaikai auanei oukou, ka poe lulu hua ma na wahi wai nui, ma kahi i hoounaia ai ka bipi kaulua a me ka hoki."  I ka poe iho na ka Lunakanawai Kauka i hai ka olelo, ma Mataio mokuna eha ka poolelo, e pili ana no ka hoowalewaleia o ka Haku e ka diabolo.

            --Ua haiolelo o Paleka ma ka la Sabati nei ma Kawaiahao, ma Hebera 6: 13 ka poolelo, penei ka olelo; "Ma na mea luli ole elua, kahi i hiki ole ai i ke Akua ke hoopunipuni, e hoohoihoi loa ia mai ai kakou ka poe i holo i ka puuhonua, e hoopaa i ka manaolana i waihoia mai ma ko kakou alo."

            --Ua hala ke kahu o Kaukeano ma na pali Koolau no kekahi mau pule e hoomaha ai, a ke kokua nei o Rev. A. O. Polepe ma kona wahi.  Ma Kaukeano i haiolelo ai o Polepe i ka la Sabati nei, o kana poolelo ma Ioane 14:  "Mai hookaumahaia ko oukou naau; e manaoio oukou i ke Akua, e manaoio mai hoi ia'u.  Ma ka hale o ko'u makua he nui na wahi e noho ai."

            --Ua hala aku nei ke kahu o ka ekalesia Betele ma Kohala no ka hoolaa ana i ka luakini hou o na Pake ma ia apana.  Ua hoolaaia ia luakini ma ka la 5 iho nei o keia mahina.  Na Rev. S. E. Bihopa i hai ka olelo ma ka Betele (Polelewa) i ka la Sabati nei; o kona poolelo ma 1 Tesalonike 4: 16, 17, 18.  "No ka mea, e iho io mai no ka Haku mai ka lani mai, me ka hooho, a me ka leo o ka luna anela, a me ka pu a ke Akua, a o ka poe make iloko o Kristo ke ala e mai.  Alaila, e kaili pu ia aku kakou ka poe i koe e ola okoa ana, me lakou na ao kaalelewa e halawai pu me ka Haku, i ka lewa; oia hoi, e mau loa ana ko kakou noho ana me ka Haku.  Nolaila, hoi e hooluolu oukou kekahi i kekahi me keia mau huaolelo."

            --Ua kahea iho nei ka ekalesia makua o Kohala ia Rev. E. S. Timoteo o Waialua i kahu no lakou, oiai e manao ana o Bona e hookuu aku i ka hana.  Aka, ke aua nei ko Waialua ia Timoteo, a ua paa kona manao e noho ma Waiahua.

            K@ ka hana ma ka @ Kaawa@ a me ko K@ a ma ka lono @ loaa mai, @ana hana.

            --Ua haheaia @ G W W@ e ka ekalesia o Pukaawa e noho @ kahu no lakou, a ua ae oia

            Ua @na hou iho nei ka ekalesia o Kaneohe i ko lakou halepule a na paa, aohe ai@ a ke lawelawe nei @ hale noho no ke kahui ua loaa kekahi hapu o ke dala, a me ka laau e pono ai.  Mahaloia ka makaukau o keia ekalesia.

            Ke konota a@ na makamaka e hooili mau mai i na mea hou i ano ku pono ke hoolahau e pila ana i na ekalesia Hawaii.  Aka, mai hoo@ na moolelo.

 

NA LETA A NA MAKAMAKA

HOOLAHA H@

            E noho ana ka Ahah@ Euanelio o Hawaii Komohana ma Paauhau Ham@ kua Hikina ma ka Poakolu mua o Sepatemaba, la 5, ma ka hora 10 o ke ka kahiaka.

            Nolaila, ke kanohaia aku nei na la'@ a pau oia aha, a me na elele o na ekalesia i koho pono ia: a ke kauoha pu @ aku nei ka Ahahui Kula Sabati o Hawaii Komohana e hele like ae ma k@ a me ka manawa i hoikeia maluna, e like me ka hoopanee ana.

G. W. WAIAU. Lunahoomalu.

 

HOOLAHA EUANELIO.

            E halawai ana ka Ahahui Enuanelio o Hawaii Hikina ke hiki aku i ka la 30 o Augate, 1883, ma ka Poaha hope ma ka hora 1 p. m.

            Nolaila, e makaala ma i na lala o ka ahahui, a me na elele me ka makaukau i na hoike o na Kihap@i a me na h@ ka mahalo.

J. S. KA@, Lunahoomalu.

 

KA MAKE ANA O K. PAULO.

            Ma ka la 8 o Iulai 1883, ma ka hora 11, oia ka manawa i lawe aku ai ka mea Manaloa ia K. Paulo.

            Ua hanauia oia ma ka makahiki 1809, a ua komo oia i ka ekalesia ma ka makahiki 1836 ma ka malama o Iulai, 3 o ka nui o na makahiki @ ka ekalesia a kuu aku la, he 47.

            Oia kekahi o na hua mua iloko o ka Haku ma keia ekalesia o Haili nei a ka makua Rev. T. Coa@

            A ua waiho oia he puu dala no ke aupuni o ke Akua he $100.

            O ka huina o kona mau makahiki ma keia ola ana, he 74.

            Pomaikai ka poe make, ke make iloko o ka Haku.      J. S. KALAN@.

 

ANOAI O KA MAKANI APAAPAA.

            E ke KUOKOA e: Aloha ae:

No Pololu.  O keia kekahi o na awawa i piha pono i ka nahelehele mamua, aka, i keia wa, na uliuli like i aka laiki mai uka a kai, oia ka hui mahi @ iki a Akina & Co.

            No Waipuka.  O keia kekahi o na aina i piha pono i ka uliuli mai kuahiwi a hiki i ke kai, aka, i keia wa, ua pau ia, a he ula o ka lepo kau e ike, i ka eliia e ka palau.

            Ma keia wahi no, he hiki ke loaa i ke kanaka hookahi eono dala o ka la.

            Penei: Ina elima holoholona o ke kanaka, lawe oe e hoolimalima i ka Pake ma ka akahi dala o ka holoholona hookahi, ua like hoi ia me elima dala, hookahi hoi dala no ke kanaka i ka la hui pu eono dala ka loaa i ke kanaka hookahi i ka la.  He lawe pulapula ka hana.

            No Niulii.  Ma keia wahi oe e ike ai i ka uliuli o ke ko mai uka a kai, aia ma keia wahi e ku nei ka hale wili ko o ka Lunakanawai Hart, a ke ohi mau nei i na hua ohaha.

            No Makapala.  Kekahi keia o na taona o Kohala nei a'u i ike ole ai @ ko'u mau la opio, ua paa pono i na hale, a he makeke kuai ia maanei, a he halekuai no na kanaka Hawaii kekahi e ku nei maanei, a he emi hoi na mea kuai, a ke hoemi mai nei hoi na keiki o ka Aina Pua i ko lakou mau waiwai, a e pau nui ana paha i ka haalele.

J. M. KAUHI JR.

 

            Ua malama o Kanio o Kalihi he paina la hanau o ka laua bebe uuku ma ka Poaha o kela pule aku nei.  Ua ai a lawa ka poe i konoia ma ua papaaina la, pela ka hoike mai a Nakanelua.