Ka Nupepa Kuokoa, Volume XXII, Number 31, 4 August 1883 — Page 2
| This text was transcribed by: | Mary Alice Kaiulani Milham |
| This work is dedicated to: | Dallas Kealiihooneiaina Mossman Vogeler |
Ka Nupepa Kuokoa
KE KILOHANA POOKELA NO KA LAHUI HAWAII.
KUOKOA ME KE AU OKOA.
[I Huiia]
No ka Makahiki....$2 00
Eono Mahina........1 00
Dala Kuike ka Rula.
POAONO, AUGATE, 4, 1883
HE NINAU
Ua loaa mai i ke KUOKOA he leta no Wailuku Maui. e i ana: "Aloha oe, ke mana@ nei au e hoakaka aku i na inoa o na lunamakaainana o ka apana o Wailuku nei l@eia nei i keia mau @, W.O. Smith, L.P. Ka m@hi. @oe e hoolaha ae i keia mau inoa ma @a kakou pepa. a nau @ ae i kau manao."
O ka ano @ kela, e ninau mai ana I ka manao ke KUOKOA no ke kupono a kupono ole paha o ka poe nona na inoa maluna ae. i mau wahaolelo no na makaainana iloko o ke kau Ahaolelo a keia makahiki ae. Ua makaukau no keia pepa e pane i ke ninau. O. J. Haole, he kanaka ia i hoao ole ia i na kau Ahhaolelo i hala, aohe i ikeia @hana hana no ka mea, aole oia i noho mua ma ke kahua o ka poe kau kanawai. Aka, ua ikeia oia ma na hana e au he kanaka hoopono, he pololei, a he makaukau i ke kamailio, he aloha nohoi i kona lahui kanaka a he makee i na pono a pau o Hawaii nei. Manao makoa e pomaikai ana ko na "Wai-Eha" ke loaa keia kanaka.
O na kanaka elaa iho, W.O. Smith a me L.P. Kanealii, he mau mea laua i a iho mua iloko o kahi mau kau Ahaolelo i hala, a ua ike mua ia laua. He loio o Kamika. o oia no kekahi o na loio o ko Kawainui ma aoao nana i pale lanakila ka hoopii laibila a Ioane Likikini. Ua noho mua oia iloko o ka Ahaolelo, a na ikeia kona makaukau a me ka wiwo ole i na wa a pau; e ku mau ana oia mamuli o na pomaikai o na makaainana a me ke kuokoa o Hawaii. O Kanealii iho, ua noho mua no oia i kahi mau kau Ahaolelo i hala, aohe nae maopopo loa o ka hana ma kona lima. He ano makaukau ole kona lima. He ano makaukau ole i ke kamailio, a he hopo wale, aohe ike pono i na hana o ke poe kau kanawai, ke ole makou e kuhihewa, ina oia ia, aka, ina he Kanealii e ae, oia iho la no.
KUMAKAIAIA KE KOKO A ME KA IO HOOKAHI.
Aia maloko o ka Elele Poakolu o ka la 25 o Iulai he palapala na J.H. Kenoi, e hooili ana i na huaolelo ino a pelapela loa maluna o J. Nalua. Aole makou i ike pono ia J.H. Kenoi, aka, ua lohe wale ia ae no he koa oia. Ina pela minamina makou i ka oihana o ke koa i ka hoopaumaele wale ia i na olelo pono ole o keia mea kamailio noonoo ole. He kamana o J. Nahua i ike maopopo ia ma keia kulanakauhale; aole oia he kanaka palaualelo, he hana mau oia i ka hana i oaa i kona lima. Aole na hai e malama nei kona ola, aka, nana ponoi no ma ka hana a kona mau lima: a ua malama pu no hoi oia i ke ola o kahi poe pilikia. He mea kupanaha ka hoino wale ana o kekahi i kona hoa kanaka o ka lahui a me ka ili hookahi, e like me keia a Kenoi e hana nei ma ke akea ia Nalua i kona ili a me kona io hookahi. A he hoike no hoi keia no ke kaa loa ana o ka Elelle iloko o ka mimilo o ka lapuwale, i ka haawi ana i kona mau kolamu i alanui na ke kanaka Hawaii e hele ai a pepehi me na olelo hoomainoino i kona hoa o ka lahui hookahi, me ke kumu ole. Ua hai aku makou i ko makou manao ia Nalua, he mea makehewa kona pane ana aku i keia mau huaolelo hoino, na kana hana a me kona ano e hoike akea ae i ka oiaio ole o na olelo kumakaia. F. like me ka makou i pane mua iho nei, he kanaka hana mau oia, a o kona uku e loaa ana he $2.50 me ka la, a o kona mau loaa ua lilo ia ma ka malama ana iaia iho a me kekahi ohana makua ole, aole ma ka uhauha ana a me ka lapuwale e like me kahi poe i ikeia.
KA MOI KUI O HAWAII.
(Kakania no ke Kuokoa)
Ma ke awakea o ka Poalua nei, ku mai la ka mokuahi o ka moi kui i Hawaii nei. I ka moku i kaalo ae ai i ka nuku o Mamala, ua haawi ia aku ka hoomaikai o uka nei o ka aina, ma ke kani ana o na pu aloha he 12 no ka hoomaikai ana ia moku, a kani ke ae la na bele o na hale Kaawai, a welo ae la na hae maluna o ka mokuahi Pele, a kani hone mai la ka leo o ka Bana puhi ohe o ke aupuni. Ia manawa, ua lilo ia i mea nune ia, e kekahi poe o ke kulanakauhale nei; o ke kani ana o ka pu, a me ke kani ana on na bele, a ninau iho la i ka ninau - He pu aha la keia? Eia ka pane, "he pu hoomaikai no ke Alii ku-i o Hawaii." Oia no hoi ka mea nana i hoolaha ae ma na nupepa o Kaleponi, "aia o Hawaii iloko o kona lima, a me ke kapa ana i ko kakou Moi, he bebe." Ma ia mau pane, aole e hiki ke ninau hou aku, no ka mea, ua loaa pono loa mai la ka haina o ka ninau. A pela e ko ai na olelo o ka wa i hala, i ka i ana ae; "ua hiki no iaia ke malama i ka Moi, a me na ohana Alii a pau o Hawaii nei me kana loaa ponoi." A oia ke ano o keia mau pu i panai ia aku ai; ina pela, Heaha la ka hana i koe? Eia wale no paha, o ka pii ae no o Kauhikoa a kau i ka hano haweo.
He mea nu hou ano nui keia a ka lahui holookoa mai o a o e nana mai ai, i ke au o na Moi mua, aole e ki ia ka pu i kekahi kanaka hookahi, ina he luna aupuni, a luna aupuni, e ae paha o na aina e i noho aloha me kakou ma Hawaii nei. Heaha la ke ano o keia hana? Ke pane ia mai la, ke hoike ia mai la, ke hooia ia mai la, me he uwa ana la na ka piha kanaka, a ke puana ia mai la me na leo moakaka lea e lohe pono ai na pepeiao kuli. "he hoohaahaa ana i ke kulana o ke aupuni, a me kona lahuikanaka, malalo o ke kanaka hookahi."
NA MILIONA ELUA
(Kakauia no ke Kuokoa)
Ma ka Poalua i ku mai ai ka moku ahi Mariposa, ua loheia ae iwaena o keia kulanakauhale, ke kumu ka o ke kani ana o ka pu no kona lawe ana mai nei i na miliona dala elua o ke aupuni, i kuniia ma ke kii o ka Moi Kalakaua.
Eia ka mea kupanaha, ma na aupuni nui o ke ao nei, i ko lakou hana ana e dala no ko lakou aupuni, aole lakou i hana i kekahi hana o keia ano, ka haawi aku o ka aina he mau kipu aloha ana.
Malia nae paha, i ke aupuni hoi o waawaa iki naaupo ke kani ana o na pu, heaha ke mea o ka hoonalo ana iho i ka ino o ka moe?
Eia ka mea maopopo loa, ua hookoia na olelo wanana a keia mea nona keia moku, aole e hala he umi makahiki e lilo no oia he Moi no keia aupuni, a ua hookoia ia mau olelo ana.
Pehea la ka mea haku manao o ka Elele Poakolu, oia ka mea hoole loa i na olelo a keia haole, oiai i hoolaha ae ai ma na nupepa o Kaleponi, me kona olelo kaena maopopo, aka i keia ku ana mai nei hoi o kona heaha ka mea i ikeia, o ke kani o ka pu, kani ke na bele, o-ae la, a kupinai ae la na lea hoopahenehene e olelo ana, ua hiki mai nei ka Moi elua o Hawaii nei, ka mea nana e malama ke ola o na alii o Hawaii nei, a ua pono no ia kaena ana, he lani i luna, he honua ilalo.
Ke ku nei ka lahui e nana i keia ano hana, a ina hala aku keia lohe a lohe na aupuni nui o ke ao nei, o ke aupuni o Hawaii ua kipu alona aku la i ka ona miliona o Kulaokamaomao, aka, nui ka henehene ia mai. eia ka lakou olelo, ua hiki no, oiai, oia ka lua o ko lakou Moi. Kupanaha no.
Heahi ka Waiona e hoopau ana.
PEHEA KAKOU E PAKELE AI?
HELU 2.
O ke kui ikaika ana mawaena o na manao o ka poe hoole waiona a me ka poe makemake i ka hoonoa anai ka waiona, aole ia he mea hou ma Hawaii nei, Aole no hoi ma Hawaii nei wale no keia kuee ana. Ma na aina a pau kahi i halawai ai na haole me ka poe ili ulaula, ua hoalaia me ka hakalia ole na ninau no ka waiona. A o na poe a pau i aloha ia i na lahui ulaula, ua hooikaika lakou e kinai i ka waiona. Aole i nele ka lahui Hawaii i na makamaka oiaio, mawaho ae o na kumu misionari, nana i kokua ia lakou ma ka imi ana i na mea e pakele ai ka lahui i ka make ma o ka inu ana i ka rama. I ka makahiki 1835 o Hoapili ke alii Kiaaina o na mokupuni o Maui. Ia wa e kuai nui ia ana ka waiona, ma Oahu a ua holo aku kekahi moku mai Honolulu aku a i Lahaina me ka waiona, a manao ka mea nona ka waiwai e kuai aku i ka rama i ko Lahaina poe. E ku ana ma Lahaina ia wa he mau moku o kohola, a i ka hiki ana aku o keia moku kuai waiona, ua hoopii ae kekahi poe kapena imua o ke kiaaina e kipakuia ka moku mai Maui aku ; aole paha e nele ka makemake o ka poe heluhelu i ke KUOKOA e ike ka palapala hoopii a keia poe kapena moku lokomaikai a me ko lakou mau inoa. Oia keia:
LAHAINA, NOVEMABA 17, 1835.
I ke Kiaaina Hoapili.
O makou, ka poe nona na inoa malalo iho, ua hele mai i keia aina maikai e hoolako i ko makou mau moku me na mea ulu, a ua loaa nui no hoi ia makou ia mau mea, a i panai no ia mau mea ua haawi aku makou makemake e hele i Oahu, no ka mea, he kuai ka poe sela. Ua makemake makou i kou mokupuni, no ka mea, he kanawai maikai ka oukou e papa ana i ke kuai ana o keia mea make. Aka, mahope o ko makou hoomaha ana maaanei no kekahi mau pule, ua hiki mai kekahi moku mai Oahu mai me ka rama a e kuai ana. Ke inu nei ko makou poe luina, a ke hoomaka nei na pilikia. Ke nana aku nei makou ia oe i maluhia. Ke manao nei makou, oiai ua uhai keia poe i ko oukou kanawai maikai, he mea pono ke hoopaiia lakou ma ka hoouku ana i ke dal, a i ole ma kahi ano ae, a e kipakuia lakou mak ka mokupuni aku, mahope o ka ninimiia o ko lakou rama a pau iloko o ke kai. Eia na inoa Franklin Riddell, Chrystopher Allyn, Philetus Pierson, Hernry Lewis, Charles G. Barnard, George Alle, James Pierson, Geo. Haggerty, Richared Weeden, David Baker, Isaac Brayton, John Henderson, Edward Harding, Timothy W. Riddell, Rodolphus N. Swift, Elijah Davis, James B. Wood, George Allen.
He umikumamawalu ka huina o keia poe kapena i kakau inoa malalo o ka palapala hoopii ia Hoapili i hoikeia ae la maluna. Ua ae ke kiaaina i ko lakou hoopii, a ua kipakuia ka moku kuai waiona mai ka mokupuni aku o Maui,
I ka makahiki 1834 ua hoalaia he ahahui hole waiona ma Lahaina. He umikumamaono kapena moku, a he umikumamawalu alii moku, no na moku e ku ana ia wa ma Lahaina, i komo ae i keia ahahui, a me na poe e ae he lehulehu wale. O Kapena Joseph Allen, he kapena no kekahi o na moku okohola, oia kekahi o ka poe ikaika loa i ke kinai ana i ka waiona iloko o ia mau la kahiko; a ua hai aku oia i kona manao i ka Moi maloko o kekahi leta.
Iloko o ka malahiki 1835 ua kaheaia he halawai nui o na alii a me na makaainana ma ke kulanakauhale nei o Honolulu. He halawai hoole waiona ia. Ua kohoia iloko o ia halawai he komite, he poe Hawaii wale no, nana e kakau i palapala hoopii i ka Moi, a o ka palapala hoopii mua loa no paha keia i kakauia a laweia aku imua o kekahi o na Moi o Hawaii. Penei ua palapala hoopii la:
HONOLULU, NOV., 26, 1835.
E ike oe, e ka Moi Kauikeaouli, o keia ko makou manao akahele me ka hookamani ole. Ke hoopii nei ko makou noi ia oe.
O ke kuai ana i na waiona, a me ke kuai hoopukapuka ana aku o na waiona ma na hale kuai lama, a me ka puhi ana i ka waiona, e hoopau loa ia---o keia mau mea ekolu wale no.
Ke manao nei makou aole e ilihune ke aupuni ke hoopay ia keia mau mea, no ka mea, ua hihia na kanaka a me na haole pu kekahi i keia mau mea ino.
Ua ike oe i ka ona, na hkaka ana, na hoeha ana a me ka make o na kanaka a me na haole mamuli o ka wai ona oiai kou au e noho nei, aole o makou wale, kou lahui kanaka ka i ike i keia ino, aka, ua ike kekahi poe Kapena moku i keia mea, a no keia kumu, he nui ka poe i paa i ka hao o na kanaka maoli a me na haole.
Nolaila, he nui ko makou makemake e hoopau loa ia keia mau mea poino; aole wale no ko makou pomaikai in@ keia palapala hoopii e noi nei, aka, no kou pomaikai o kou poe allii a me na makaainana.
Nolaila, o makou, ka poe i hoopailua i na hana i hoopii ia maanei, ua kakau makou i ko makou inoa malalo o keia palapala e kue ana i ke kuai nui, ke puhi ana, a me ke kuai liilii ana o na wai ona ma keia mau mokupuni.
A e pakuiia mai hoi kou ae oiaio, e hookapu ana i keia mau mea; no ka mea, ua ike no oe aohe ia he mea kue, aka, he maluhia nui no ka lahui o keia aina, a me ko na aina e iloko nei o kou aupuni, a ke Alii. A ina ua maopopo keia ia oe, e hoike mai i kou manao, i ike makou a i lohe hoi."
He ekolu mai alii wahine i kakau mua i na inoa malalo o keia hoopii, oia o KINAU, KEKAULUOHI, a me KEKAUONOHI a mahope aku o lakou na alii kane o KEKUANAOA, AIKANAKA a me PAKI. Mahope aku o ka inoa o na alii i kakau ia ai ka inoa o na makaainana, he mau tausani ma Oahu nei, a he mau tausani ma na mokupuni e ae.
(Aole i pau)
KUAPAONA KUPONO
E ke KUOKOA e; Aloha oe:-- Aia ma ka nupepa Elele o ka la 25 o Iulai, ua ike iho au i ka pane a C.K. Kapa, e hoolaha ana oia no kona kipakuia ana mai ke kula kahunapule aku.
Aia ma ia hoolaha i hiki ai ia ʻ u ke hoike aku i ko ʻ u manao imua o ke akea e like me ka makemake o ka mea nana ka pane.
Ma kuu nana ana mai ka mua a ka hope o kona mau manao, ua loaa ia ʻ u elua mau manao nui. Oia keia, na ka pau ana o kona mau pono i ke kuaiia, a me kona kipakuia ana mai ke kula kahunapule aku.
Ma keia mau manao elua, ua kaupaona ia e a ʻ u ma ka ʻ u ana paona a ua loaa ia ʻ u hookahi a ʻ u manao e hoike aku ma ke akea oia ka manao elua: o ka manao o kahi, aole a ʻ u mea e kamailio ai no ia mea.
E pono i a ʻ u ke hoakaka aku i kuu makamaka no keia mau manao nui elua.
Mai kuhihewa oe o kou komo ana ma ia kula a lilo oe he haumana iloko o ia makahiki hookahi au i noho ai, he hoike ia ua lilo oe i haumana. He like ole ke kulana o na kula nui me na kula haahaa. O ke komo ana ma na kula nui, e hoomaluia ana na keiki; ina e ike na kumu i ka makaukau o na haumana io no ia kula au i komo ai.
Ina aole e ike ia ka makaukau, alaila, he mana hiki no i no kumu ke hoihoi ia haumana e like me oe.
Pela no ma ka Kulanui o Lahainaluna, a pela ho ma na kula nui e ae: nolaila, ina i@ ua ike na kumu i kou ano nawaliwali ma kekahi mea, alaila, ua hiki no.
O ka elua keia o na keiki o Hawaii Komohana i hana pono ole ia, nolaila, ke ao aku ne@au ia ahahui mai hana kamahi.
E hoohalike mai na ahahui a pau me ka ahahui makua o Maui: nolaila, e iawe ka Ahahui o Hawaii Komohana ma ke ano makua ua ikeia ae la ka hana kamalii loa a keia ahahui.
S.P.K.
He hoopaapaa nui ma ke huina o Alanui Puowaina a me Moiwahine mawaena o kekahi mau makai ku huina o ke kulanakauhale nei. Ua hoopukaia na huaolelo ino loa e kekahi o laua, ka mea i hiki, ole i ke kanaka e malama ana i ke @laluhia o ka lehulehu, ke hana no kekahi wahi kumu ano ole. No ia hana, aole loa makou i mahalo ia makai no @ana mau olelo ino loa. Oiai, ua hoolilo oia i ka pono o ka lehulehu i mea ole. O ka lua hoi o ka makai, me na olelo maikai wale no oia i kamailio ai, a ua haawi makou i ko makou mahalo iaia, no kona haawi ana i na olelo naauao a me ka hoopuka ole i na olelo ino no ia mea. Ua hanaia keia iwaena o ka lehulehu e ku puni ana ia laua. Hpra 1231 ia wa o ke awakea Poalua ino nei o Iulai 31. He mea hiki ole i na kiai o ke aupuni ke hakaka a mokuahana mawaena o laua, oiai hookahi no a laua punawai e inu ai a hookahi hoi kahu nana e hanai. Aole makou i mahalo iki i keia mau mea, a me kela makai nana i kapa aku i kona hoa makai he holoholona a he lapuwale me ka olelo aku e hakaka laua,-aole minamina ke laweia ke pihi &c. E na kiai o ka lehulehu, mai hoao e hookuee ia olua iho a wawahi i ka noho aloha ana o ka puali nona na mahalo ana i keia au o ko kakou wahi waa Aupuni e nee nei iloko o ke kupilikii a me na paio ana he nui, oiai, na ko oukou puali i hookanaaho ae ia kakou oiai ke aupuni iloko o na hoino ia.
HAWAII.
NA HOOLAHA HOU.
AHA Hookolokolo Kiekie o ko Hawaii Pae Aina. Ma ka hooponopono Waiwai. Ma ka hana o ka Waiwai o KEKAHUNA k., o Honolulu, i make. Me ke Keean Imua o ka Lunakanawai BENJ. H. AUSTIN. Kauoha e Hoolaha i ke Noi e Apono i na Papa Hoike, Hookuu ana, a e Mahele i ka Waiwai.
Ma ka heluhelu a me ka waiho ana mai o ka Palapala Noi a me ka Papa Hoike a W.R. Castle ka lunahooponopono o ka Waiwai i Kekahuna k., no Honolulu, i make, e noi ana e aponoia na hoolilo he$1555.02 a e hoike ana o na mea i loaa mai iaia he $1555.02, a e noi ana nana a aponoia kela mau mea. a e kauohaia e mahele @ waiho ana ma@ i @kuu ana iaia a me kona mau hpe mai ko lakou noho ana ma ia nao lunahooponopono.
Ua kauohaia, o ka POALUA, oia ka la 11 o SEPATEMABA, M.H. 1883, ma ka hora 10 kakahiaka, imua o ka Lunakanawai Austim ma ke Keena ma ka Hale Hookolokolo ma Honolulu, oia kahi a me ka manawa i kohoia no ka hoolohe ana i ua Noi la, a me na Papa Hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou e ae oleia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A o keia kauha ma ka olelo Hawaii, e paiia maloko o ke KUOKOA, he nupepa i pai a hoolahaia me Honolulu, i ekolu pule mamua ae o ka manawa oleloia no ka hoolohe ana.
Kekauia ma Honolulu, ko Hawaii Pai Aina, i keia la 10 Augate M.H. 1883.
A. FRANCIS JUDD,
Lunakanawai Nui o ka Aha Kiekie
Ikea: HENRY SMITH,
Hpe Kakauolelo.
1131 3t.
AHA Hookolokolo Kiekie o ko Hawaii Pae Aina. a ka Hooponopono Waiwai. Ma Ka hana o ka Waiwai o BERITA KAWELO i make. Olelo Kauoha mamul o ke no a ka Lunahooponopono Waiwai no ke kuai ana i kekahi Waiwai Paa.
Ma ka heluhelu a me ka waiho ana mai o ka palapala noi a Pualo Lokana k., ka lunahooponopono o ka Waiwai o Berira Kawelop o Waialae, i make, e noi ana e kauohaia e kuai i kekahi waiwai paa o ka mea i make i oleloia e waiho la me Waialaeiki, Oahu, i kakauia ma ka Palapala Sila Nui Helu 5473, a me ka Palapala Sila Nui Helu 2370, a e hoakaka ana i kekahi mau kumu ku i ke kanawai e aeia ʻ i e kuaiia ua waiwai paa la.
Ua kauohaia e hele mai ka poe i pili i ka mea i make i oleloia, a me na mea a pau i kuleana i ua waiwai la imua o keia Aha, ma ka POALIMA ka la 31 AUGATE, M.H. 1883, ma ka hora 10 o ke kakahiaka, ma ke Keena Hookolokolo ma Honolulu, ma ia wa a ma ia wahi e hoike mai ai, ina he kumu kekahi e hoopula oleia ai ka olelo kauoha e kuaiia ua waiwai la.
A ua kauoha hou ia, e hoolahaia ke kope o keia olelo kauoha no ekolu pule mamua ae o ka la e hooloheia ʻ i i oleloia, iloko o ke KUOKOA he nupepa i paiia ma Honolulu Pae Aina. Augate 1, M.H. 1883. A.F. JUDD,
Lunakanawai nui o ka Aha Kiekie.
Ikea: HENRY SMITH,
Hope Kakauolelo. 1131. 3t
AHA Kiekie o ko Hawaii Pae aina. Ma ka Hooponopono Waiwai, Mokupuni o Oahu Hawaii Pae Aina, ss. Ma ka Waiwai o HENRY S. SWINTON o Honolulu, i make. Olelo Kauoha e koho ana i la e hooiaioia ai ka Palapala Kauoha, a no ka hoolaha ana.
No ka mea, ma ka la 20 Augate M.H. 1883 ua waihoia mai imua o ka Aha, kekahi Palapala i oleloia, oia no ke Kauoha Hope Loa o Henry S. Swinton i make aku la: a me ka Palapala Hoopii e noi ana e hooiaioia kela Palapala Kauoha a e hoopuka hoi ka Palapala Luna Hooko no John H. Brown, W.R. Seal, a me Henry S. Swinton, ua waihoia mai e John H. Brown.
Nolaila ua kauohaia, o ka POAHA, oia ka la 23 AUGATE, M.H. 1883, ma ka hora 10 kakahiaka, ma ka Rumi Hookolokolo o ia Aha ma Aliiolani Honolulu, oia ka la me ka hora e hooiaiaioia ai ia Palapala Kauoha, a e hoolohe hoi no ia noi ana mai, a me ka poe a pau i pili, e kue ana i ka Palapala Luna Hooko.
A ua Kauoha hou ia, e hoolaha no ia mea no na pule ekolu iloko o ka Hawaiian Gazette a me ke KUOKOA, he mau nupepa i paiia a i hoolahaia ma Honolulu.
Kakauia ma Honolulu ko Hawaii Pae Aina, Augate 2 1883.
A.F. JUDD,
Lunakanawai Nui o ka Aha Kiekie.
Ikea: HENRY SMITH
Hope Kakauolelo. 1131 3t.
HOOLAHA KUDALA.--E malamia ana he kudala nui kuike ma ko makou halekuai ma ka la 15,16, o AUGATE, M.H. 1883, a e kuaiia aku ana na waiwai nani he lehulehu o na ano a pau i ike oleia ma Hawaii nei.
E.P. ADAMU, Luna Kudala.
1131 2t.
NA HOOLAHA HOU.
Ma ke Keenaoka Lunakanawai Kaapuni o ka Apama Elua o ko Hawaii Pae Aina.
Ma ka Waiwai o DANIELA K. NAPAHI k., no Kau, Hawaii, i make.
Ua heluhelu a @a waihoia ka palapala @i o G.P. Kamauoha, e noi ana e hooponoponoia ka waiwai o Daniela K. Napahi k., no Kau, Hawaii, i make, a e hoonoho i luna hooponopono no ia waiwai, a i kahu malama no na keik @o ole a ka mea i make.
Nolaila, ua kauohaia na mea a p@u i pili, o ka POALUA, ola ka la 4 o SEPATEMABA, 1883, i ka hora 9 kakahiaka, ma ka Hale Hookolokolo ma Waiohiau, Kau, Hawaii, oia kahi a me ka manawa i koh@ no ka hoolohe ana ia noi, me ka kue ke hoikeia.
F.S. LYMAN.
Lunakanawai Kaapuni.
Hilo, Hawaii, Iulai 19, 1883. 1130 3t.
MA ke Keena o ka Lunakanawai Kaapeni Ap@ Ekolu o ko Hawaii Pae Aina. Ma ka Waiwai o K. PAULO k, no Hilo, Hawaii i make.
Ua heluheluia a ua waiho@a ka palapala noi a J.S. Kalama, e noi ana e hooiaioia ka palapala kauoha hope loa o K. Paulo k., no Hilo, Hawaii, i make, a e hoonoho iaia i Luna Hooko no ia kauoha.
Nolaila ke kauohaia aku nei na kanaka a paul i pili, o ka POALIMA, oia ka la 14 o SEPATEMABA, 1883, i ka hora 10 o ke kakahiaka, me ka Hale Hookolokolo ma Hilo, Hawaii, oia ka la me kahi i kohoia no ka hoolohe ana i ua hoi la, a me na mea kue ke hoikeia.
F.S. LYMAN.
Lunakanawai Kaapuni.
Hilo, Hawaii, Iulai 17, 1883 1130 3t.
Me ke Keena o ka Lunakanawai Kaapani Apana Ekolu o ko Hawaii Pae Aina.
Ma ka Waiwai o TTUS COAN, no Hilo, Hawaii, i make.
Ua heluhelu a ua waihoia ka palapala noi a Lydia B Coan me Samuel L. coan, na Lunahooponopono no na waiwai o Titus Coan, no Hilo, Hawaii, i make, e noi ana e aponoia ko laua hoike hope, a e hooholoia ke waiwai i na hooilina, a e hookua ia laua me ko laua hope.
Nolaila, na kauohaia na mea a pau ke pili, o ka POALIMA, oia ka la 14 o SEPATEMABA, 1883, ma ka Hale Hookolokolo ma Hilo, i ka hora 10 kakahiaka, oia kahi a me ka manawa i kohoia no ka hoolohe ana i ua noi la, me na mea kue ke hoikeia.
F.S. LYMAN
Lunakanawai Kaapuni
Hilo, Hawaii, iulai 17, 1883 1130 3t.
MA ke Keena o ka Lunakanawai Kaapuni Apana Ekolu o ko Hawaii Pae Aian.
Ma ka Waiwai o s. KAHOOKANO k., no Kau, Hawaii i make.
Ua heluhelu a ua waihoia ka palapala noi o C.N. Spencer, me J. Maluaikoo, na Lunahooponopono no na waiwai o S. Kahookano k no Kau, Hawaii, i make, e noi ana e aponoia ko laua hoike hope a e hooholoia ka waiwai i na hooilina, a e hookuu ia laua me na hope.
Nolaila, ua kauohaia na mea a pau i pili, o ka POALUA, oia ka la 4 o SEPATEMABA, 1883, i ka hoa awakea, ma ka Hale Hookolokolo ma Waiohinu, kau, Hawaii, oia kahi a me ke manawa i kohoia no ka hoolohe ana i ua noi la a me na mea kue ke hoikeia
F.S. LYMAN
Lunakanawai Kaapuni
Hilo, Hawaii, Iulai 19, 1883 1130 3t.
HOOLAHA PAELAN AIAN.--Mamuli o ke noi ana mai o Keliikanakaole w., e hooponoponoia na pale@a o kona aina e waiho nei ma Hilo, Mokupuni o Hawaii, i kapaia NANAUE.
Nolaila, ke hoikia aku nei i na mea a pau i pili, o ka POAKOLU, oia ka la 22 o AUGATE, M.H. 1883, i ka hora i awakea, ma ke Hale Hookolokolo ma Hilo, Hawaii, oia kahi a me ka manawa i kohoia no ka hoolohe ana i ua noi la me na mea kue ke hoikeia.
A ke hoike aku nei ka lohe i na mea nona na aina e pili pu ana, oia ke Kuhinoa Kalaiaina no ke @ Kahuku; ke waiwai oR. Keelikolani, no ka@ me J.O. Dominis, no ka aina o Ho@
F.S. LYMAN,
Komisina Palena Aina.
Hilo, Hawaii, Iulai 19, 1883 1130 3t.
HOOLAHA PALENA AINA--Mamuli o ke noi ana mai o Rev. C. Ponyou, e hooponoponoia na palena o kona aina e waiho nei ma Puna, Mokupuni o Hawaii, i kapaia o WAIAKAHIULA.
Nolaila, ke hoikeia kau nei i na mea a pau i pili, o ka POAKOLU, oia ke la 22 AUGATE, M.H. 1883, i ka hora 10 kakahiaka, ma ka Hale Hookolokolo ma Hilo, Hawaii, oia kahi a me ka manawa i kohoia no ka hoolohe ana i ua noi la me na mea kue ke hoikeia.
A ke hoike aku nei ka lohe i na mea nona na aina e pili pu ana, oia ke Kuhina Kalaiaina, no na Aina Aupuni; ka waiwai i R. Keelikolani, no ka aina o Kahuwai me Kauaea; a me kahi poe e ae paha, ke hoomaopopoia mai.
F.S. LYMAN
Komisina Palena Aina
Hilo, Hawaii, Iulai 19, 1883 1130 3t.
MA ke Keena o a Lunakanawai Keepuni o ka Apana Elua o ko Hawaii Pae Aina.
Me ka waiwai o D.G. SYLVA, no Lahaina, Maui, i make.
Ua heluhelu a ua waihoiaka palapala noi a J.A. Nahaku, kekahi o na Lunahooponopono o ka waiwai o D.G. Sylva, no Lahaina, Maui, i make, e noi ana e hoaponoia kona Moo-Waiwai, a e hookuu iaia mai ka oihana a e hooholoia ka waiwai i na hooilina.
Nolaila, ke kauohaia aku nei na kanaka a pau ke pili, o ka POAHA, oia ka la 16 o AUGATE, 1883, ma ka hora 9 A.M., ma ka Hale Hookolokolo ma Lahaina, oia ka la a me kahi i kohoia no ka hoolohe ana i ua noi la a me na mea kue ke hoikeia.
ABR. FORNANDER,
Lunakanawai Kaapuni,
Lahaina, Iulai 17 1883. 1130 3t.
MA ke Keena o ka Lunakanawai Kaapuni o ka Apana Elua o ko Hawaii Pae Aina.
Ma ke Waiwai o KEKAHUNA k., no Lahaina, Maui, i make.
Ua heluheluia a ua waihoia ka palapala noi a Waikane w., e noi ana e hooponoponoia ka waiwai o kana kane i make oia hoi o Kekahuna k., no Lahaina, Maui, a e hoonohoia i kahu no na keiki @o ole.
Nolaila, ke kauohaia aku nei na kanaka a pau ke pili, o ka POAHA, oia ka la 16 o AUGATE, 1883, ma ka hora 10 A.M., ma ka Hale Hookolokolo ma Lahaina, oia ka la me kahi i kohoia ai no ka hoolohe ana i ua noi la a me na mea kue ke hoikeia.
ABR. FORNANDER,
Lunakanawai Kaapuni.
Lahaina, Iulai 17, 1883. 1130 3t.
MAMULI o ka mana i haawiia mai ia ʻ u e ke Kumukanawai a me na Kanawai o keia Aupuni, a ma ko ʻ u manao ana he mea keia i ku i ka pono,
Ma keia ke Kauoha nei au. O ke Kau Hookolokolo o ka Aha Hookolokolo Kaapuni Apana Ekolu e malamaia ana ma Waiohinu, Kau, Hawaii, ma ka Poaha mua Sepatemaba 1883, ua hoopaneeia a ka POAKA@ ka la 10 o Sepatemaba i oleloia u@a ka hora 10 A.M.
IKEA ko ʻ u lima a me ke sila o ka Aha Sila] Kiekie ma Honolulu, i keia la 12 o Iulai M.H. 1883. A.F. JUDD,
Lunakanawai Nui o ka Aha Kiekie.
Ikea: HENRY SMITH,
Hone Kakauolelo. 1129 4t.
MAKEMAKE IA.
Ke hoike ia aky nei na mea a pau e makemake ana e loaa na PAI AI ma ka PAKEKE a me ka PAHU paha, e kauoha mai a ʻ i ma ka leta no ka hoolawa ana aku i na kauoha Ai a puni keia mau Paemoku; o na kauoha no ke kulanakauhale, e lawe ia aku no e like me ka makemake o ka mea kauoha ma ka ipuka o ko oukou mau hale, no ke kumukuai haahaa loa. E waiho ae i ka oukou mau kauoha ma na leta ma ka Hale Leta.
ALBERT K, KUNUIAKEA.
Honolulu, Mei 12 1883. 1119 @f.
AHA Hookolokolo Kiekie o ka Hawaii Pae Aina. Ma ka Hooponopono Waiwai. Ma ka Waiwai o JOHN KAAUA O Makawao, Maui, i make kauoha ole. Imua o ka Lunakanawai Nui JUDD. Olelo Kauoha e Hoolaha aku no ke N@i ana mai e Ko@ i Lunahooponopono Waiwai.
Ma ka heluhelu a me ka waiho ana mai o ka Palapala Noi o Kahopuk@kahi k., no Honuaula. Mokupuni o Maui, e hoike mai ana, o John Kaaua no Makawao, ua make kauoha ole ma Makawao, ma ka la 20 Iulai M.H. 1883, a e Noi ana e haawiia ka Palapala Hookohu Lunahooponopono Waiwai ia William - Austin Whiting, a e koh@a eia a Lunahooponopono Kuikawa, a hiki i ka manawa e hooloheia @ ka Palapala Noi i oleloia.
Ua kauohaia, o ka POAKAHI, ka la @ o AUGATE, M.H. 1883, oia ka manawa i kohoia no ka hoolohe ana i ua Noi la, imua o ua Lunakanawai la, ma ke Keena Hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e holahaia ma ka olelo Hawaii i ekolu pule ma ke KUOKOA, he nupepa ma Honolulu. A ua kauoha hou ia, e kohoia o William Austin Whiting i Luanhooponopono Kuikawa e like me ka mea i noi ia mai.
Kakauia ma Honolulu, ke Hawaii Pae aina Iulai M.H. 1883, A. FRANCIS JUDD,
Lunakanawai Nui o ka Aha Kiekie.
Ikea: HENRY SMITH,
Hope Kakauolelo. 1130 3t.
AHA Hookolokolo Kiekie o ko Hawaii Pae Aina. Ma ka Hooponopono Wawiwai. Ma ka Waiwai o NOA k., o Palolo, Oahu, i make kauoha ole. Imua a ka Lunakanawai BENJ. H. AUSTIN. Olelo Kauoha e Hoolaha aku no ke Noi ana mai e Koho i Lunahooponopono Waiwai.
Ma ka heluhelu a me ka waiho ana mai o ka Palapala Noi a bila k., me Opiopio w@ o Palolo, Oahu, e hoike mai ana e oa k., no Palolo, Oahu, ua make kauoha ole ma Palolo ma ka la -o- M.H. 1881, e Noi ana e haawiia ka Palpala Hookohu Lunahooponopono Waiwai ia Bila k., oia ke kane mare hou a Opiopio w. ka makuahine ponoi o ua Noa la i make.
Ua kauohaia, o ka POAHA, ka la 10 o AUGATE, M.H. 1883, oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae oleia ai ua Noi la. A o keia olelo kauoha e hoolahaia ma ka olelo Hawaii i ekolu pule ma ke KUOKOA, he nupepa ma Honolulu.
Kakauia ma Honolulu, ko Hawiai, Pae Aina, Iulai 26, M.H. 1883.
BENJ. H. AUSTIN.
Lunakanawai o ka Aha Kiekie,
Ikea: HENRY SMITH,
Hope Kakauolelo. 1130 3t.
AHA hookolokolo Kiekie o ko Hawaii Pae Aina. Ma ka Hooponopono Waiwai. Ma ka Waiwai o KEPIO k., o Moanalua, Oahu i make kauoha ole. Imua o ka Lunakanawai BENJ. H AUSTIN. Olelo Kauoha e Hoolaha aku no ke NOi ana mai e Koho i Lunahooponopono Waiwai.
Ma ka heluhelu a me ka waiho ana mai o ka palapala Noi o Hina k., o Honolulu, Oahu, e hoike mai ana, o Kepio w., no Moanalua, Oahu, ua make kauoha ile ma Kalihi ma ka la 15 o Iulai M/H. 1883, a e Noi ana e haawiia ka Palapala Hooko Lunahooponopono Waiwai ia Hina k.
Ua kauohaia, o ka POAHA, ka la 16 o AUGATE, M.H. 1883, oia ka manawa i kohaia no ka hoolohe ana i ua noi la, imua o ua Lunakanawai la, ma ke Keena Hookolokolo o keia aha ma Honolulu, a ma ia manawa a ma ia wahi no e hele mai ai na mea a pau i pili e hoike mai i ke kumy=u, ina he kumu oiaio ko lakou e ae oleia ai ua Noi la. A o keia olelo kauoha e hoolahaia ma ka olelo Hawaii, i ekolu pule ma ke KUOKOA, he nupepa ma Honolulu.
Kakauia ma Honolulu ko Hawaii Pae Aina, Iulai 26 M.H. 1883. BENJ. H. AUSTIN,
Lunakanawai o ka Aha Kiekie,
Ikea: HENRY SMITH
Hope Kakauolelo. 1130 3t.
AHA Kaapuni Apana Eha o ko Hawaii Pae Aina. Ma ka Hooponopono Waiwai. Ma ka Waiwai o LAAUNUI k., i make kauoha ole, Imua o ka Lunakanawai Kaapuni ma ke Keena.
Me ka heluhelu a me ka waiho ana mai o ka Palapala Noi a keauhuakea k, moopuna o Laaunui k e hoike mai ana o Laaunui k. no Koloa, ua make kauoha ole ma Koloa, ma ka la 24 o Novemaba M.H. 1883, a e noi ana e haawiia ka Palapala Hookohu Lunahooponopono Waiwai ia A.K. Mika.
Ua kauohaia, o ka POAONO ka la 18 o AUGATE, M.H. 1883, i ka hora 10 kakahiaka, oia ka manawa i kohoia no ka hoolohe ana i ua nonoi la, imua o ua Lunakanawai la ma ke Keena Hookolokolo o keai Ana, ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolahaia ma ka olelo Hawaii i ekolu pule ma ke KUOKOA, he nupepa ma-Honolulu.
Kakauia ma Koloa, Kauai, ko Hawaii Pae Aina, Iulai 17, M.H. 1883. J. HARDY,
Lunakanawai Kaapuni Apana Eha.
1130 3ts.
AHA Kaapuni Apana Eha o ko Hawaii Pae Aina. Ma ka Hooponopono Waiwai. Ma ka Waiwai o PANI k., i make kauoha ole. Imua o ka Lunakanawai Kaapuni ma ke Keena.
Ma ka heluhely=u a me ka waiho ana mai o ka Palapala Noi a Kala w, wahine kane make a Pani k e hoike mai ana o Pani no Lawai ua make kauoha ole ma Lawai ma ka la 16 o Okatoba M.H. 1879, a e noi ana e haawiia ka Palapala Hookohu Luna Hooponopono Waiwai ia A.K. Mika.
Ua kauohaia, o ka POAONO, ka la 18 o AUGATE, M.H. 1883, ma ka hora 10 kakahiaka, imua o ua Luankanawai la, ma ke Keena ma ka Hale Hookolokolo ma Koloa, ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua Noi la.
A o keia kauoha ma ka olelo Hawaii e paiia maloko o ke KUOKOA, he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Koloa Kauai ko Hawaii Pae Aina, Iulai 17 M.H. 1883, J. HARDY,
Lunakanawai Kaapuni Apana Eha. 1130 3t.
AHA hookolokolo Apana Eha o ko Hawaii Pae Aina. Me ka Hooponopono Waiwai. Ma ka Waiwai o ISAAC H. K. HART i make kauoha ole. Imua o ka Lunakanawai Kaapuni ma ke Keena.
Ma ka heluhelu a me ka waiho ana mai o ka Palapala Noi a Mrs. Elizabeth Hart e hoike mai ana o Isaac H.K. Hart no Waimea, Kauai, ua make kauoha ole ma Waimea, ma ka la 7 o Aperila M.H. 1883, a e noi ana e haawiia ka Palapala Hookohy Lunahooponopono Waiwai ia Paul Puhiula Kanoe.
Ua kauohaia, o ka POAONO ka la 4 o AUGATE, M.H. 1883, i ka hora 10 kakahiaka, oia ka manawa i koho@a no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha ma Koloa, a ma ia manawa a ma ia wahi no e hele mai ai na mea a pau i pili e hoike mai ke kumu, ina he kumu oiaio ke lakou e ae ole ia ai ua Noi la. A o keia olelo kauoha e hoolohaia ma ka olelo Hawaii, i ekolu pule @a ke KUOKOA, he nupepa ma Honolulu.
Kaukauia ma Koloa ko Hawaii Pae Aina, Iune 30, M.H. 1883. JACOB HARDY,
Lunakanawai Kaapuni Apana Eha.
1129 3t.
100 DALA MAKANA,--E haawiia no keia makana i ka mea a mau mea ana e hoike mai no ka hopu ana ia JOHN BROWN he paahao i holo mahuka ma ka
POALUA IULAI 17 1883
Kona ano, he maka uliuli, lauoho eleele, 5 kapuai 2 iniha me 1/4 ke kiekie, aole i mareia he 43 ona mau makahiki. Mai Nu Ioka mai oia he sela no ka moku kalepa Amerika "Moro Castle," he aeto me ka hae ma kona lima hema, e pii ana iluna o kona poohiwi. He kanaka Farani ma ka hanau ana.
W.C. PARKE,
Ilamuku.
Honolulu, Iulai 20, 1883. 1130 4t.
NA HOOLAHA HOU.
I @KO O KA AHA H@ K@ O KO HAWAII PAE AINA @. Ma ka lokomaikai @ Pae aina: M@ Ea W @ Hamaku o ke Aupuni @ Me ka @
Ke kauohaia @ nei @ Frie@ Brown. Ka mea @ mai ana oia a kana pu@ he iwakalua mahope iho o ka@ keia., e hele mai imua ak@ Kiekie, ma @e Keena H@ Oahu, ma ka Po@ @ L@ ana, ma ka hora 10 @ aha ia e ae ole ia ai ke @ iloko a @ana palapala h@
A e h@h@ mai e @ke pih@ @ kau mau @ @apaia.
Ikea ka Mea H@ nakanawai Nui o k@ M@ kolo Kiekie, @
Iulai, @ 1883.
{Sila o ka Aha Kiekie
@ H@
Hope K@
Eia ka pane a ka @ maluna ae @
Ua @ pono au ia W@ oleloia maloko o keia pa@ aku nei au i keia pal@ ia, oiai aole oia i l@aa n@
(Inoa.) W. C. P@
K@ Hawaii Paie A@
Mokku@ @
Ke hoike nei au ma ke@ luna ae, he K@p@ oiai @ la kii i hoopulaia ma ka @ Annie Kaeha@ kue @ W@ a me ka hoike a ka H@ mali @ ua hoike la a ka @ ka Aha ma ke Kau o @ paneeia ua h@hia la a ke K@ 1883, a iloko o ia manawa @ pe oiaio o na palapala ku@mea i hoakaka@ ma ke K@ i ka mea hoop@ ma @ Okatoba i ele@ I hoike no keia, ko @ me ka hoop@ pu @ Kiekie ma Honolulu @ 1883.
{Sila o ka Aha Kiekie
HE@
Hope Kakau@
Kakauolelo.
OLELO PANE @
O ka hoolaha @alau a kua wa@ Mrs. Honolulu N@a Kaa a @ ma keia helu 27, ua lal@ noho kue iki, aole @a : haa@ ua ke noho pu nie, aole kue ke@ o keia mea i h@ ma k@ oiaio o ia mea ua hele @ maua ma na wahi a pau me @ka noho ana. Eia @ a pau o kuu wahine amre. @ pela i hoikeia ma ke kanaw@ ka ona maluna @ waia@ hina. N@
Kaupo, Mai, Iulai 16, 1883.
OLELO HOOLAHA
Owau o Mrs. Kaohua@ mare a Kale, ua @hi @ ana me kuu kane mare no K@ kahi hewa, a ua pau oia he mau @ hhalepaahao, noho iho au Ka @ mea nana e malama ko ʻ u P@ ia. Nolaila ke manao n@ au @ ko mau noho mare ana, a na @ loihi ke kaawale ana , a na @ ko ʻ u ola a me ko ʻ u pono kin@
MRS. KA@
Honolulu, Iulai o, 1883.
O@ ua hookoha pon@ au @ ka m@a malaio, i Lunahoop@ no ka Waiwai o J. Ala@yo Ia@ make, ma keia ke hoolahaia aku @ a pau he kuleana ko lakou i ka waiw@ i make, e hoike mai lakou a K@ pala kupono iloko o na m @ la aku, o h@ole mau ia lakou.
W.@. A. P@
Lunahooponopono o ka Wa@w@
Jackson.
Makawao, Iulai 6, 1883. @
OLELO HOOLAHA
E ike auanei na kanaka a pau. @ mea nona ka inoa malalo, ke pa@ pu loa aku nei au i ka poe waiw@ noho anan maloko o keia aupuni @ oukou i kuu wahine mare ia Mrs. @ ua haalele kumu ole mai oia ia u a @ wahi moe. Aole loa au e hookaa@ mau aie a pau ana e aie ai. ma@ oukou ia poho. Ke papa pu ia aka @ a pau mai hookipa a malama i@ mau home, o hoopiii au ia oe@ wai
R@
Kahuku, Koolau, Iulai 9, 1883 @
INA KAUA E kA HOA, E KIPA MALIHINI.
Ia oukou e olu mau hoa mai Ha@ai, e ike mai ia ʻ u he hoa kanaka @ he ae nei au halekuai Iole, hale @ hale ai pi, a pela aku, na ke @ hawanawana o Kawaihae kai @ au ia oukou e o ʻ u mau makam@k@ pau, e kipa mai e ike pono i k @ kou hoa, a e kuai hoi @ wa@w@ kepono loa, i oi aku ka p@l@k@ pahee me he wai ono la o ka @ ka ono i ka puu, e naue a @ mea lia o ka puuwai, ol@ a@ ka wa hookahi halekuai, @ ola e i ala, a he hoo@ w@ make, aka, e hoomanao @ k@ Naulu, he hoa kauna pi @ inoa o ka Hui Kalepa a Hawa@
KEKAHIAWAN@
Kawaihae-kai, Hawaii, @
HOOLAHA PA@A
Ke haiia aku nei ka lohe @ loa, e nana mai i keia @lel@ H@ kuleana i kuu kane mare @N@ hoolimalima a kuai lil@ a na @ a niau kanaka paha, i na aina @ i make, oia o A.A, C@. @ me Niamalu ma Manawa@ pela no hoi me na lio, bipi, h@ @iisa @ ma ka hoailona hao @ oleloia, a owau ka ona i ke@ w@ waiwai i haiia maluna, ke ol@ kuu inoa ma kekahi palapala @ o na waiwai a pau o p;e;poa ,a @ aole he mana i kuu kane e h@ he ka lehulehu i keia.
MRS. HONOLULU @E.
Pukaauhuuhu, Kaopo, Iulai 2, 188@
OLELO HOOLAHA
Hookahi mahina a oi i haa@ mai ai ka@u mahina mare @ M@ ia ʻ u a ,e lp @ moe, a @ iaia aole no hoi i hoonele i k @ aka, ua malama pono elike me @ ne make@ wahine. Nolaila @ aku nei au i ka poe waiwai @ kou iaia o poho auanei @ me ka poe e hookipa ana @ hoopii au elike me ke kana@ le no wahi i koe aole i pa@ o kuu home noho ma KAAAAAA Kauai.
Nawiliwili, Kauai, Iulai 6, 1883.
OLELO HOOLAHA
E ike auanei na kanaka a @ keia Olelo Hoolaha, o@ kaina ponoi o @akoka @ noia mai au i hope malama a @ kona mau waiwai a pau, oiai @ oia i Kina. Ma keia ke h@ ka poe a pau i aie iaia, e h@ kou i ko lakou mau aie ia ʻ u @ elua mai ka la e puka aku nei @ laha, a i ole, e hoopiiia no lakou a@ @ wai. Eia kekahi, aole loa au e ae @ aa aku na ho@pono ana mai ia ʻ u @ keia i kanawai mai keia la aku.
Hanalei, Kauai, Iune 1@ ʻ 83 @