Ka Nupepa Kuokoa, Volume XXII, Number 30, 28 July 1883 — KO KAKOU MAU MOOLELO. [ARTICLE]

KO KAKOU MAU MOOLELO.

Ua nui ko makou minamina no ka haule pinepme o ka puka ana aku o ko kakou mau moolelo hoonanea. Aole i ikeia keia hiohiona i na makahiki i hala hope aku. No ke aha la keia ? E lawehala ole makou no keia mea imua oko makou poe heluhelu. Eia. Ua kaa keia hemahema nui maluna o ko makou mau mea unuhi moolelo, a nolaila, ua nele ko makou pakaukau me na kope o na moolelo. Iloko o ke!a mau pule elua i ha!a aku nei, ua nele holookoa ka pepa me ka moolelo ole, i kela pule aku nei, ua hoea aku ka "Moolelo ona Adimarala Beritania } " a i keia puie, ke hoea aku nei no oia, a iloko no hoi o keia mau pule ua nalowale haalele loa na helehelena o kekahi mau moolelo iho. Aka, he kumu no ko keia nele o kakou i na moolelo hoona- | nea ole. I kekahi wa e paa loa ana na unuhi moolelo i na hana a mau hana e ae, a i kekahi wa e loaa ia ana i ka mai onawaliwali ma ke kino; nolaila haule ka manawa o KiT unuhi ana ina moolelo. Nolaila, e hoomanawanui kakou a he manawa no e ohi auanei kakou i ka hua o ko kakou mau lunaikehala paii|xiuaho ole. E hoomanao pu no hoi kakou, he wa ko na mea a pau.