Ka Nupepa Kuokoa, Volume XXII, Number 27, 7 July 1883 — Page 1

 Ka Nupepa Kuokoa

KE KILOHANA POOKELA NO KA LAHUI HAWAII.

 

BUKE XX ⅠⅠ , HELU 27.   POAONO, IULAI 7, 1883.   NA HELU A PAU 1127

 

NA HOOLAHA KUMAU.

 

MAIKAI KA MOI

 

KA PAPA,

 

A ME

 

KA LAAU O KOU HALE.

 

NOHEA LA?

 

@ @ HOI NO KAHI O

 

WAILA MA.

 

Nana aku no hoi ia la ohi ka Io o ka laau o

Makawao. i ka ua mea hoi o ka nani.

 

NA PAPA! NA PAPA!

 

A ME

 

Na Pono Kukulu Hale

 

O na Ano no a Pau.

 

AIA MA KE KIHI O NA ALANUI

 

Papa me Moiwahine,

 

HONOLULU.

 

@ @ @ ai e like me ka makemake no ke

 

KUMUKUAI MAKEPONO LOA.

 

PAPA! PAPA! PAPA!

 

            NA PAPA HULUHULU,

           

             NA PAPA MANOANOA,

 

             NA PAPA I KAHIIA,

 

             NA PAPA KERA,

 

             PAPA HOLE KEOKEO,

 

             PAPA HOLE ULAULA.

 

Na Laau, Na Laau,

 

            NA KUA,

 

             NA KAOLA,

 

             NA AAHO,

 

             NA MOLINA,

 

             NA PEAPEA.

 

PINE HULUHULU,

 

PINE I KAHIIA.

 

NA PAPA A ME NA LAAU ULAULA.

 

PILI ULAULA,

 

PILI KEOKEO,

 

PANI PUKA,

 

PUKA ANIANI,

 

PANI PUKA ANIANI,

 

PUKA OLEPELEPE.

 

PENA

 

O NA ANO A PAU,

　　 Hulu Pena mai ka liilii a ke nui,

 

            Aila Pena,

 

             Aila Hoomaloo,

 

             Waniti, Pate,

 

Na Lako o kela a me keia

Ano.

 

            NA AMI PUKA HALE,

             NA AMI PUKA PA,

             ANIANI

 

PEPA HALE A ME NA LIHILIHI,

 

E loaa no malaila

 

PAAKAI HELU I,

 

O

 

 

KAKAAKO ME PUULOA.

 

            No ke Dala Kuike e loaa no na mea a pau i

            haiia ae la no ke Knmukuai Emi Loa. O na

            K@oha mai Hawaii a Niihau, e loaa aku no

            me ka hooko pololeila. E kipa nui ilaila i ike

            ka oiaio. 905@.

 

NA HOOLAHA KUMAU.

 

PAPA! PAPA!

 

NO

 

ALLEN & ROBINSON

 

Ua wehe ae @e mana

 

PA KU AI PAPA,

 

MA

 

Ka U@apo o Pakaka.

 

            Na Papa Ulaula o na ano a pau,

             Na Papa Paina o na ano a pau,

             Na Pili Hale Ulaula,

             Na Pili Hale Keokeo,

             Na Pepa Molina,

             Na Pepa Hoonani Hale.

 

Na  Pena a me na Aila Pona!

 

Na kui o na ano a pau.

 

             Pani Puka a me

             Na Pani Puka Aniani,

             Na Pani Puka a me

             Na Olepelepe.

 

NA LAKO KUKULU HALE

 

O NA ANO A PAU!

 

 E kuaiia ma

KE KUMUKUAI HAAHAA LOA

 

 O keia Makeke.

 

PAPA! PAPA!

 

 AIA MA KAHI O

 

LEWERS & COOKE,

 

(O LUI MA)

 

ma ke kahua kahiko ma alanui Papu a me Moi.

 

E loaa ai na

 

PAPA NOUAIKI.

 

o kela a me keia ano.

 

Na Pani Puka, Na Puka Aniani, Na Olepelepe,

Na Pou, Na O-a, Na Papa Hele, Na Papu

Ku, A me na Papa Moe nui loa

 

Na Pili o na Hale o na Ano a Pau.

 

Na Pepa Hoonani, Na Pena o na Wai e pau,

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau,Na Aila Pena, o

kela me keia ano Na Aila Hoomaloo,

he lehulehu wale,

Na Aila e ae o na

ano a pau.

 

NA WA@ @ANKI

 

A ME NA

 

WAI HOOHINUHINU NANI !

 

O NA ANO A PAU LOA.

 

NA BALAKI ANO NUI WALE.

 

A ke hai ia aku nei ka lono i na Makamaka a

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

 

NO KA

 

UKU HAAHAA LOA.

 

E like me ka mea e holo ana mawaena o

LAUA a me ka MEA KUAI.

 

E HELE mai ! E na Makamaka !!

 

A e lawa no hoi ko oukou makemake

me ka oluolu a me ka maikai.

 

NA WAIWAI HOU LOA

 

O NA ANO A PAU.

 

E LOAA NO MA NA HALEKUAI O

 

WALAKAHAUKI MA !

 

MA ALANUI

 

Papu, Moi a me Moiwahine

 

OIA HOI:

 

Na Noho Lio hou

 loa o na ano a pau,

 Na Palule Keokeo,

 Huluhulu, o na ano

 a pau, Na Pio

 Ahinahina Pele

 kane hou loa o na

 ano a pau. Na

 Pena Kukaepele.

 

Na Kopa Bulu, Na

 Lole o na Wahine o

 na ana a pau. Na

 Pahu Aila Mahu

 maikai loa. No si-

 lika, Pahoehoe, o

 na ano a pau. Ki-

 hei o na ano a pau.

 

HAINAKA LAU NUNUI SILIKA O NA ANO

A PAU.

 

He @ aku no i @, he piha pono  na

Koluma o ka pepa, ina e huai pau

ia aku nei.

 

Eia hou ae a hoea mai i keia mau la

iho he Lako Wafwai hou loa o na ano

a pau, a he lako hou loa i wae pono

ia e J. T. WATERHOUSE, JR., ma

Enelani, a he mau waiwai hoi i kupo-

no loa no ko kakou mau kaiaulu. No-

lailal, e eleu mai e na makamaka a

me na hoa'loha e hoonuu i keia mau

lako waiwai hou loa.  1076-@

 

 

 

 

 

 

 

HE MOOLELO EEHIA

 

NO NA

 

HANA HOOWELIWLI

 

O KE

 

TOWERA O LADANA.

 

[ Mai ka puni a ka mea unuhi moolelo o "Be riana ka Wiwo Ole, a me Mahone ke Koa."]

 

MOKUNA VI.

 

            I ke awakea o kekahi la ae. ua akoakoa mai la ke anaina kukakuka e like me ka mea i kauoha ia e aliiwahine. Mamua iho o keia wa, ua hiki mai la he mau lono hoolele hauli, no ka hoala ana ae o ka poe mahope o ke aliiwahine Mere i ka haunaele; a mamuli o keia man lono i hiki mai, he mea kupono e hoomalu koke ia.

            I hakalia no i ka poe koikoi a me na emebasedoa elua, oia o Renada a me Noailles a hiki mai, me ka noho ana ae o Iane iluna o kona nohoalii, ua ku koke mai la o Pemeboroke a pane mai  la ika aliiwahine:

            Me ka manao kuokoa au e hoike aku nei ia oe e ke 'lii, no ka hiki ana mai o ka lohe, ua hala aku ke Sir Edewada Hastings me na koa he eha tausani malolo ona i ke aliiwahine Mere la. He elima mau okana aina i ala kipi mai, a e hiki ia oe e ke alii ke hoomaopopo iho, o na Haku Wentworth, Sir Thomas Cornwallis a me Sir Henry Jerningham o Suffolk a me Norfolk. Ka Haku Windsor, Sir Edmund Peckham, Sir Robert Drury a me Sir Edewada Hastings, na lakou i hoeueu @ku i ko Buckinghamshire mau kamaaina, a he poe okoa ae i na kamaaina o Oxfordshire a me  Northamptonshire. Ke hele  la keia poe kipi a me na puali malalo o lakou no ka hale kakela o Framlingham, kahi o ke aliiwahine Mere e luakaha la.

            Pane mai la o Iane; he mea pono e hooki koke ia keia mau hana hoala kipi.  E hoouna koke ia i mau puali kaua imua o Mere e hoomalu i keia haunaele.

            Ma owai la ke 'lii e haawi ai i ke alakai ana o keia pnali kaua ? i ninau aku ai o Pemeboroke.

            I ka mea i kamaaina i ka oihana, ina paha i ko'u luaui ke Duke o Suffolk, wahi a Iane:

            O ko'u manao, he mea pono ke haawiia i ke Duke Northumberland, wahi a Arunadela.  No ka mea, ma kahi ana i halihali ai i kana mau mea kaua ma Sekotia a iloko o Farani,ua loaa iaia ka leialii o ka lanakila.  O na hoomanao ana, no ka hoauhee ia ana o na hana a ka poe  kipi ma Dussindale, aole ia ,malalo o ka  mana o mea e aku, aka, ma o ke Duke wale la no; nolaila, o na hoomaikai ana a pau o ka oihana, aia maluna ona.  O ka lanakila i loaa ma Norfolk i ike ia e kakou, malalo no ia o na hookele ana a ke Duke, a he mea auanei ia a e wiwo ia ai e na kanaka, a aole lakou e ae ana e paa i na mea kaua a paio mai imua ona. Iwaena o keia mau mea a'u i hoike ae nei, he mea pono ia'u ke hoomanao aku i kou kiekie, e hoouna ia i mea i kamaaina a ike ia kona kulana kiekie e ka lehulehu, a he kanaka makaukau ma ka ohiana kaua iloko o ke aupuni; aole ma ia mea wale no, aka, ma ke kuhikuhi a me ke alakai pu ana i kona mau koa, ma ke kahua kaua a me na wahi hoomoana, a pela pu no hoi me kona akamai a me ka wiwo ia, a me keia mau mea e hoouilani ia ai kona mau koa a i ole, kau aku i ka hoopai maluna o lakou aole lakou e hana hou pela.

            Hooho koke ae la o Kikila, no ke Duke Northumberland ko'u koho ana.

            A pela me ko'u wahi a kekahi.

            Hooho like mai la ka aha kuka mai o a o, ua lokahi like makou a pau o ke Duke ke hela.

            Huli mai la o Iane i ke Duke a pane mai la: Ua lohe kou kiekie i na manao i hoike ia. E lawe anei oe i ke alakai ana?

             Aole, wahi a ke Duke i pane aku ai me ke ka-ka-na. E hookahe ia ko'u koko no ka malama ana i kou maluhia e ke 'lii. Ke ike nei au i na hana maalea a kou aha kuka, a aole loa au e lilo i luahi na lakou. O ko lokou ake, o ka hookaawale aku ia'u mai ia oe mai. E haawi aku na ke Duke Suffolk e alakai a na'u e malama i ka maluhia o ke Towera nei.

            Mai ae aku iaia e waiho mai, i hawanawana aku ai Simona Renada ia Iane. Ma kou hoouna ana iaia, e loaa papalua auanei ia oe ka pono, oia ka lanakila e loaa ana maluna o ke aliiwahine Mere a me kou kaawale ana mai ka auamo ana e kau mai ai maluna ou. Ina o ke Duke o Suffolk ke kaawale ana, a koe iho oia ka mana o ke Towera nei, aole loa e loaa ia oe ka mana e paa nei i kou lima ano.

            Ua pololei oe, wahi a Iane. E kuu haku, iaia i pane hou aku ai ike Duke, ke hoomaopopo lea nei au, o oe ka keia aha kuka i lokahi like ai; a ke noi nei au ia oe, ano, e hooko aku i ko lakou makemake a pela pu me ko'u.

            No ke aha la i hoouna ole ai kou kiekie i ke Duke o Suffolk, e like me kau ano koke iho nei i manao ai? i pane aku ai ke Duke Northumberland.

            Ua hoomanao koke ae au, wahi a Iane. Mamuli o ka ike ana o kuu kane ua kupono iaia e kaawale mai ia'u aku iloko o keia wa kupilikii, nolaila,ua hooholo paa iho au, aole e hoonele ia'u iho me ke kokua ole. Nolaila, he mea pono i kou kiekie, e haawi koke oe i na huhui ki a pau o ke Towera i ko'u luaui ke Duke o Suffolk.

            Aole pela. e ke 'lii, wahi a Northumberland.  

            Aole pela ana o onei, e kuu haku, wahi a Iane. Aole loa au e ae e haalele mai ko'u makua ia'u. Owai aku ua mea kupono a kou kiekie i manao ai e haawi i ke alakai ana.

            Aole he mea kupono e ae a'u i ike ai, wahi a ke Duke.

            Alaila, he mea pono i kou kiekie ka ae ana e hooko i ke kauoha, wahi a Iane.

            Ina o ke @ ia @ @ @ e hooko no au. Aka, ke ike nei au i ka pilikia e hoohalua mai nei imua o ko'u alahele, wahi a Northumberland.

            Aole io no he manaolana ana nona, no ka pilikia e kiai mai la iaia, aole loa e hiki iaia ke alo ae ma kahi e; i hawanawana aku ai o Pemeboroke ia Renada.

            Ke makemake nei ka aha kuka e ike i ka manao o kou kiekie no keia hana, i ninau aku ai o Arunadela.

            Penei ko'u manao, ina ua apono oukou i ko'u hele ana, alaila, e hele au; me ke kanalua ole i ko oukou hooko pono ana i ka ke alii mau kauoha, ka mea hoi a'u e waiho nei iloko o ko oukou lima, wahi a ke Duke i pane aku ai.

             Aole he manaolana ana nona i koe; wahi a Renada.

            E kakau inoa koke ia ke komisina o ka mea kiekie no ke alakai ana i ka puali kana, a ke kauoha nei au ia oe e hooko koke aku me kou ikaika a pau, i pane aku ai o Iane.

            E hana aku no au i ka mea e waiho nei iloko o'u, wahi a ke Duke. E halawai pu au me ka puali kaua i keia po ma Durehama Hale, a e ike au i ka makaukau ana o na puali me na mea kaua, no ka hele ana i ke kahua mokomoko, mamua o ka puka ana o ka la.

            Ua meha iho la ke anaina o ka ahakuka, oiai e kakau inoa ia ana ke komisina o ke Duke e na hoa a pau o ka aha kuka.

            Pane aku la o Renada ia Arunadela, he palapala make  keia nona.

            Eia ko palapala hoapono malalo o ke Sila o ke aupuni o Enelani, wahi a Pemeboroke, iaia i waiho aku ai iloko o ka lima o ke Duke.

            E hooponopono ponoi no au i ko'u mau puali kaua, aole hoi malalo o ka mana o ke aupuni, i pane aku ai ke Duke.

            Haliu ae la o Pemeboroke i ka aha kuka a ninau aku la, pehea ko oukou manao e na haku?

            Ua lokahi like makou, i pane aku ai o Renada me ka hawanawana; ke hoolala e nei oia i kona poino.

            E loaa no i kou kiekie ka mana piha a me na kuhikuhi ana o ka puali kaua, wahi a Pemeboroke.

 

( Aole i pau. )

 

            Eia iloko o kekahi hale hoahu mauu ma Kakaako, kahi e noho nei ka poe Gilibati e manao ana e hoi i ko lakou aina pakahi; ua kipakuia mai lakou mai ka hale hoomalu mai malalo o na kumu ano ole.

 

KA MOOLELO O NA LA

 

 O NA

 

ADIMARALA BERITANIA

 

OLA HOI MA KAHI OLELO ANA.

 

Na Liona Au-moana

 

O ENELANI.

 

KE KAUA ANA O NA AUMOKU KAUA

 

BERITANIA, - A ME KO ENELANI

 

MAU PAPU LAAU, &@., &@ .

 

Kahi Rula maikai kahiko,

Nana i hoolawa mai na kuhikuhi,

Na ka mea Oi o KA IKAIKA,

Nana e Noho Alii ka Moana.

A owai la ka mea hiki ke aa mai?

            OWAI LA? 　

 

Makia o na @ @

 

 KA HAKU KOKERANA

 

       I ka wa i hiki aku ai o ka Haku Kokerana i kahi a na aumoku Beritania e ku ana, kuu iho la oia i kona moku o Adimarala Samereza, haawi aku la oia i na palapala a ka Haku Kita, me ka hoike ana aku i na ulia o poino i loaa iaia, oiai oia ma kona alahele moana e hiki aku ai i na kahakai o Aikupita.

       Iloko o na la eha o keia noho ana o ka Haku Korerana me na aumoku, hoomakaukau iho la oia no ka huli hoi ana e hui me ka Alihikaua Haku Kita. Ma ka auina la o ua la nei, pa maikai mai la kekahi wahi makani mai ka hema mai, a huki ae la lakou i ko lakou heleuma, a hoopuka mai la iwaho o na kahakai o Aikupita ma ke koena o ua lo nei, a i ke ahiahi loa ana iho, pau aku la ko lakou nei ike ana aku i na aumoku, a hookahi ihu a lakou e hooiho nei, oia ke @ o @ @ Sepania.

       Ua olelo mua kakou maloko o na helu i kaa hope ae nei, he kialua holo mama ka moku o ka Haku Kokerana, a no ka oi loa aku o kona holo, oia ke kumu i hiki ke olelo ae,  ua hiki i ka Haku Kokerana ke powa i na moku waiwai e holo ana ma ka moana, malalo o ka hae o na enemi. He mea hiki no paha ia kakou e hoopokole i keia mau hana koa, a he hookahi no mea nui o ka hoike i ka nui o na waiwai i powa ia me na moku i nahaha, ai puhi ia hoi i ke ahi.

       He mau la ekolu keia holo ana o ka moku kialua, aia hoi mamua iki iho o ka hora @o o @a kakahiaka nei, selo ia ae la e na kiai o luna o na kia, ua ike ia he mau moku ekolu e holo mai ana ma ko lakou alahele. O keia man moku ekolu, ike mai la no ho lakou i keia moku kialua e holo aku ana, selo ae la no hoi ko lakou mau kiai iluna o na kia, me ka hoomau no i ka holo ana mai ma keia alahele.

       O keia mau moku ekolu, he mau moku Paniolo lakou i piha me na waiwai o kela a me keia ano, hookahi moku o lakou i kapa ia o ka Potuna, elawe ana keia moku iloko o kona opu, he hapalua miliona o na dala, a he miliona a oi ma ka waiwai. O keia poe Paniolo, ma ka mokuaina o Barazila, Amerika Hema, ko lakou wahi i noho ai e hooikaika i ka hana malalo o kekahi hui waiwai nui o Sepania, no na makahiki he @o a oi, a ua manao lakou, i loko o keia mau makahiki aku i koe, e hoi ana lokou i ko lakou aina paa i Sepania, a ilaila lokou e lealea ai no ka luhi a lakou i hana ai ma ka aina malihini iloko o ko lakou mau la hope.

       No ko lakou ike maka ana mai i keia moku kialua e holo aku ana, aole i kupono ia wahi nona e holoholo ai. ina oia he moku e lawelawe ana i na mea kaua, no ka mea, e like me ko lakou manao ana, e holo lakou mawaho o na palena a na moku kaua e holoholo ana i pakele lakou mai ka loaa ana mai i na moku o na enemi, pela la hoi keia moku kialua e holo nei ma keia alahele hookahi, no ka makou o halawai me na aumoku kaua o na enemi. Mamua o ke kokoke loa ana mai he mau mile ka mamao, kau mai la na moku ekolu i ko lakou mau hae, a ike ia aku la he mau moku Paniolo wale no lakou ekolu, a iloko no hoi oia mau minute pokole, huki ae la ka Haku Kokerana i kona hae iluna, me ka hoomau ana i ke kia pololei i ka moku nui o lakou, ana hoi i manao koho wale aku ai, ua oi palua ka waiwai o ia moku mamua o na moku liilii e ae elua.

       Iloko o ka hapalua hora mahope mai o ia manawa, ano kokoke loa aku la ke kialua Beritania i kahi a na moku kalepa waiwai e holo mai nei, a iloko o ia manawa i kauoha ae ai ka Haku Kokerana i kona mau aliimoku, e wehe ia aku na panipu, a e kuu ia na waapa nunui iloko o ke kai, no ka holo aku iluna o ua moku kalepa la.

       I ka manawa a na waapa i kuu ia iho ai ilalo, iho aku la ka Haku Kokerana i ukali ia e na koa marina he 45@ a oiai lakou e nonoho ana iluna o ka waapa, aia hoi, ike mai la na moku kalepa waiwai he moku kialua kaua keia e kii aku ana e hao i ko lakou mau wai wai, hoohuli koke ae la lakou i ko lakou ihu i ka hema, a hooiho pololei aku la no na kahakai o Aparika.

       I ka wa a lakou i hoohuli ae ai i ko lakou ihu hou e holo ai, ai hoi, ike mai la ka Haku Kokorena i ko lakou hana ana pela, a no ia kumu i manao ai oia, he mau moku keia e lawe ana i kekahi mau waiwai makamae  i oi ae mamua o na loko kaua, nolaila, ku ae la ua Haku Kokerana nei mahope o ka waapa, a puhi aku la oia i kana ole makani, e olelo aku ana ia lakou e haawipio mai ia lakou iho, mamua o kona hoomaka ana e alualu aku ia lakou.

       O keia mau olelo a ka Haku Kokerana i olelo aku ai, aole i hoolohe ia mai e na enemi, huki ae la lakou i na pea kau aoao ma o a maanei o ka moku, a holoholo ia aku la ka moku e like me ka hiki ia ia ke holo, a o na waapa Beritunia i kuu ia ai iloko o ke kai, kau aku la ka Haku Kokerana i kana hae kahea i kona moku kialua holo, a kii ia mai la lakou e kona moku, a huki ia ae la na waapa iluna, huli ae la ka Haku Kokerana a haawi aku la i kana kauoha e hooiho pololeiia ka moku mahope o na moku kalepa Paniolo e hooiho ia i ka makani.

 

(Aole i pau.)

 

DYING FOR A DROP.

 

I HOOKAHI KULU.

 

       I mea inu hou, e Beke. Ane make au no ke kulu hookahi. I hookahi kala i pohala au. He kulu aha ka ia nei e noi aku nei? He kulu wiseki. Owai ka mea e noi ana? He wahine iloko o ka hale mai. He wahine maikai mamua, o Mere kona inoa. O kona makuakane, he mea kuai rama oia me na mea ona e ae. Honi oia i ke ala rama.

       Hoao no e inu. Imu liilii mamua. Ala mai ke kuko me ka makemake nui e inu. Inu no. A inu hou. A inu a loihi. Pau nae ka makemake me ka inu ana mahope iho. Mare oia me kekahi ui maikai e ae. Maikai ka noho pu ana, aloha kuikahi, pomaikai, aole inu rama ke kane; pela hoi ka wahine a loihi. Mahope iho, ala hou ke kuko no ka rama. Ikaika loa ke koko. Ke komo no ia iloko o ka hale inu rama, a hoomaka e inu hou. Ka inu no ia, a inu hou, a inu hou no, a lilo i ka ona, a hele hikaka, a mai hina iloko o ka lua wailepo. Pakele nae ma ka lima o kana kane. Ka haalele no ia o kana kane iaia, a nalo loa aku. Haalele no o Mere i ka rama i kekahi manawa. Mihi no i kona kahunapule, e hookahi e haalele. Aka, hoi hou no oia i ka inu ana, me ka ona ana. Kipaku kona makuakane iaia, a aole liuliu make ka makuakane iloko o ke kaumaha no ka lilo loa o Mere i ka ona. Haalele hoi na makamaka iaia. Kei ka pilikia ona. Ua lawe ia oia iloko o ka hale mai. He kauwa kana, o Beke, nana ia e lawelawe a malama. Ma ke noi ana ia Beke, loaa ia Mere kahi kulu wiseki. Ua loaa ole nae i kekahi la.

       Noi o Mere ia Beke e kii i ke kahunapule. Kii oia iaia iloko o ka ua nui, me ka makani ino. Kikeke oia ma ka puka o ka hale. Owai malaila? He wahine i aahuia i na weluwelu me ka pulu loa i ka ua. O Beke keia. Heaha kau i hele mai nei iloko o ka ua me ka makani nui? Ua hoouna mai nei o Mere ia'u e kii mai ia oe ke kahuna e hele e ike iaia. Ka hele no ia ona iloko o ka ino a hiki i kahi o Mere, o Beke kona alakai. Heaha kou makemake? E Mere. He mea uuku no. Mai hoo le oe. Heaha ia mea uuku? I mea inu; ane make au. I wahi kulu hookahi.

       Nolaila anei kou kii ana ia'u  e hele mai iloko o keia ua a makani ino loa?

       Ae; aole anei he pono? E haawi oe i hapawalu ia Beke i mea kuai i wiseki no'u. Ua haalele ia au. Ua nele lea i ke dala. Aohe kene@a i koe hookahi ia'u. E haawi oe i hapawalu ia Beke i loaa koke kahi wiseki no'u. a e pule au nou a mau loa aku. Hoole nae ke kahuna. Kena Mere ia Beke e imi i wiseki nona. Loaa iki no a inu Mere.

       Kamailio no a hoomaka e maule.

       E auhea Beke? I wiseki hou. Ninau ke hahuna e p@le paha au, a e heluhelu i ka Baibala. Aole o'u makemake i ka pule, i ka baibaia. Ka wiseki kuu makuakane, kuu makuahine, kuuhome, kuu @, kuu hoomana. I wiseki hou, i hookahi kulu. Ke make nei au no ke kulu wiseki hookahi. Me ka hooho weliweli, olelo oia, ke hele nei au i kahi e noi aku ai, i hookahi ku lu@ he noi makehewa no nae. O kona make koke no ia.

 

NA'U NA KE HAHUNA

 

 HE MAU @ ALOHA.

 

       He oiaio, e like me ka mea i piana mau ia i na la i hala ae, ua haiki mai na keehina kulana o ke kanaka Hawaii maluna o kona aina kulaiwi; a ua nele no hoi  na i na kumuhana hoolana manao mai ke Aupuni mai; aka, aloe ia he kamailio ana no ka nele i na hana i ike mua ia a i kamaaina a kuluma i na kupa o ka aina. O ka paeli ana i ka loi kalo a me na mahakea, a kanu aku i ka huli a me ka lau uala, aole ia he mau hana hou, aka, he mau hana ia i manaoia, ua hanau pu ia me ko kakou lahui, @@ai, o ke @ no ia o ko kakou mau kupu na, a hoea loa mai i o kakou nei.

       Iloko o na la i aui e aku la, he mea nui ka aina i ke kanaka Hawaii, a o ka hua, ke ola hoi e loaa mai ana mai kona mau makalua mai, mahope iho o ka luhi o ke kanu ana a hiki i ka wa e @@ai, he mea ia i oi pakela ia ka minamina nui a me ka makee nui ia; aka, i keia wa la a makou e kamailio nei, ua ike a ano hoowahawaha ia o ka hana mahiai kalo a uala, a ua ane pau ka manao nui @ o ka aina; no ka @, @ ko makou hakilo ana a me na makai ana ma na kuaaina. ua hoomaopopoia ma kahi i nohoia e kanaka Hawaii a kuluma,kahi hoi i paeli ai mai kahiko mai a kahi moopuna kualuna. eia ke noho ia nei e ka malihini o ko na aina e mai, mamuli o ka moraki, a i ole, ma ke kuai maoli ana mai o ke kamaaina i kona  waiwai a lilo  i ka malihini,  Ma na ninaninau ana a makou, he mea maopopo, aole loa e hiki ke kau ia aku kekahi kumu hoahewa i ka malihini, aka,e kala ia mai makou ke pane ae,(a he oiaio maoli no) o ke kamaaina no ke ahewaia no kona nele a me ka ilihune, no kamea, ua hoolilo oia i ka molowa a me ka uhauha i haku maluna ona, a nana no i poloai aku i ka noho'na lapuwale e noho hoa'loha pu me ia.

       Aole no hoi ike mai ka poe e noho nei me na wahi apana kuleana i ka hopena o ko lakou mau hoakanaka, alaila noonoo iho; a hoao aku e pale ae i ke kau pu ana mai o ia hopena ano like maluna o lakou; aka, ua waiho hoohemahema wale lakou me ka hoopalaleha, aole loa he mahi aku, a kanu hoi i ke kalo a uala, a mea kanu waiwai e ae hoi; he ole loa no. Hookahi mea i ike ia, o ka nahelehele e ulu ana, a ua like ka nanaina me he aina la i noho ole ia e kanaka.

      No keia mau hiona i ike ia, ua ulu ae na manao kaniuhu iloko o makou no ka poe makamaka noho hoopalaleha o keia ano; a me ke aloha pu no hoi i ka aina. Ina me keia e mau aku ai, alaila, e nalo ana kona mau nanaina, a he mau helehelena malihini ke ike ia. Ma keia wahi, aole no e hiki ia makou ke hoopau i keia kamailio ana, me ka haawi ole ae i na mahalo kiekie i ka poe kakaikahi i noho me ka mikiala a me ka hooikaika, a e noho kuonoono nei me ka maikai a me ka lawa i na mea a pau no ke ola ana. A i ka poe noonoo ole ko makou mau paipai ana e ala a e hoohoihoi ae i ka paipai o ka ilihonua me na wehi o na lau mea ulu no ko oukou mau pono ponoi iho.

 

       Ua kokoke mai ka hopena o na mea a pau, nolaila, e kuoo oukou, a e hoomau ma ka pule.       PETERO.

 

       E hoomau oukou ma ka mea kupono i ke ahonui iloko o oukou, a i hemolele hoi.       IAKOBO.

 

       O ka huina nui o na lilo no ka hoomalamalama ana i ke kulanakauhele o Piledelepia iloko o ka mahina o Ape @ rila, he S14,738.38. 

        

 

 

 

 

 

 

,......