Ka Nupepa Kuokoa, Volume XXII, Number 25, 23 June 1883 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

Hoolaha Mau.

 

Ehookaa ae na Luna i na Dala o ka Nupe@@ kuokoa ma ka lima o W.S. Lokai, ma @e Keena o ka Pepa, ma ke kihi o ke alanui Moiwahine me alanui Nuuanu, a aole e aeia @a hookaa ana ma ka lima o kekahi mea e ae.

 

Nuhou Kuloko.

 

Inehinei ka holo ana o Hoku Ao no na paeaina o Maikonisia.

 

Ua holo ka moku manuwa Amerika Hatafoda i ka wanaao o ka Poalua nei.

 

Ua hoikeia ae he lono, e ku mai ana ka mokuahi Marisopa i ka la 26 o keia mahina ae.

 

Ma ke kakahiaka o ka Poakolu nei i ku mai ai ka manuwa Amerika Essex mai Kalio mai.

 

I ka auina la Sabati o kela pule aku nei i ku mai ai he manuwa Farani i ko kakou awa nei.

 

He lono, e huli hoi mai ana k On a Miliona i Hawaii nei ma ka mokuahi Marisopa iloko o keia mahina ae.

 

He ahí nui kai ikeia ma ke awaawa o Makiki i ke kakahiaka o ka Poakahi nei. Ua pio no nae.

 

He la hoomanao no ka la hanau o Kamehameha ka Poakahi nei, @ he la hoomanao no hoi ia no kela kahua kaua weli weli o Watalu.

 

Ua ku mai ka mokuahi Sue@a i ka auina la o ka Poalima o kela pule, a nana i hoau mua ka uwapo mokuahi kahiko i hana hou ia iho nei.

 

Ua lohe mai makou mawaena o na hihia nui a kekahi loio o keia kulana kauhale e hooloheia ana ma ke kau @anako o keia kau, he mau hihia oki @are ka hapanui.

 

Ua haule i ka Poakahi nei, he wahi leta me $500 bila banako maloko, na kekahi haole o na mokupuni o kakou nei, oiai oia ma kona alahele e hiki aku ai i ka Paka o Kapiolani.

 

I ka Poakahi ka la @ o keia mahina ae e noko ai ke kau hookolokolo Kiu@e ma Honolulu nei. E makaa@a e na Kiure i ka la i hoikeia a e akoakoa ae ma kahi i hoikeia ak@ ia oukou.

 

He wahi kuaua ka i hoohelelei iho ma ke mulanakauhale nei i ka wanaao o ka la Sabati nei, a ma ka po o o ka Poakolu nei a me ke kakahiaka o ka Poa@a nei, ua hoohelelei hou iho he mau kuaua koikoi.

 

Maweaena o na ohua maluna mai o ka mokuai "Kulanakauhale o Nui Ioka" i ka la Sabati nei, ua huli hoi mai keia mau kamaain@ o kakou: Moohean, Kinau Waila, A. Herbert, Keoki Luka, a me kekahi poe e iho.

 

No elima makahiki ko Mr. A. T. Atkinson noho ana ma ke ano he kumu kula no ka halekula o Koleaka, a malalo o kona noho kumu ana, ua no ho kula ia e ia mai ke 42 a hiki i ka aneane ana e piha ka 250 ha@mana a hiki iho la i kona wa i hoopauia iho nei.

 

He 700 põe i kaupaonaia ko lakou mau kaumaha pakahi ma ka mea kaupaona o Howe, ma na la hoikeike o kela pule aku nei, a mailoko mai o ke ia poe he 700, hookahi o lakou i oi ae kona mau paona oia o Hiue Makinikae@ he 261 on a paona.

 

Mawaena o na hihia o ke kau Kiure o keia mahina ae, e hooloheia ana na hihia laipila o ka Hope Luna Makai o Wailuku kue i na Hoahanau Kawainui a me ka on a a lunahooponopono o ka nupepa Gazette, a me ka hihia laipila ia Kauka Pika kue i ka nupepa Papa Pai Poano.

 

I ka Poalima o kela pule aku nei ka hoike ana o ke kula nui o Punahou, a ua hoomauia i ka Poakahi a me ka Poalua nei. Ma ke ahiahi o ka Poalima nei i haiolelo ai na haumana e puka ana ma ka luakini o Kaukeano. Ua haiia mai @a makou no ekolu mahina e hoomaha ai na haumana.

 

Ua ilo mai nei i ke k@aiia e Waila ma kekahi o na mokuahi hou o Spreckels ma, a e hooliloia aku ana oia i mokuahi holoholo piliaina no kakou nei. Ua kapiliia keia mokuahi ma kekai pa kapili moku o ke kulanakauhale o Piladelepia. He 800 on a tona, a ua hooiaioia he hiki iaia ke holo he 12 1/2 mile i ka hora. He 195 kapuai kona loa, a he 16 kapuai kona hohonu. E hoea mai ana oia i o kakou nei iloko ae nei @ ka mahina o Iulai.

 

Mamua aku nei, ua hoolaha aku makou no ka aihueia ana o kekai mau moa na ka Luna Wai, a o @a mau moa @a ua manaoia e hoikeikeia ana ma ka hoikeike i weheia ai i ka Poakolu a me ka Poaha o kela pule aku nei. Ma ia mau la hoikeike, ua ikeia ua mau moa la ma ka hoikeike, ua hookomoia e hoikeike e kekahi haole. Ua ninauia aku ua haole la i kahi i loaa ai iaia ua mau moa la, a ua hoike oia ua loaa iaia ma o kekahi Pake la. He mau moa minamina loa ia keia e ka Luna Wai, a ma na la hoikeike iho nei, ua lio ia mau moa kekaki makana.

 

He puhi ohe hauoli mahina ma ka Ema Kuea i ke ahiahi o ka Poalua nei.

 

Ua lonoia ua waiho aku ka Hunona a Kipikona i kona kulana kakauolelo o ka Papa Ola.

 

Ma ka Poalima ka la i o keia mahina, ua hanau mahoe mai ka puhaka o Kaona me kana wahine he ma kaikamahine mohaha.

 

Ua olohani ae kekahi hapa o na keiki hoonoho hua o ka halepai o Kipikona i ka Poalua nei, mamuli o kekahi mau hana eoanookoa a ka luna nui o ka halepai.

 

Maluna o ka mokuahi "Kulanakauhale o Nu Ioka," a me ka mokuahi Sueza, i loaa mai ai na nuhou makamaka o na aina e, a eia ke paholaia aku la imua o ku makou poe heluhelu.

 

Ua hoopaahaoia kekahi Elele o ka Hale Aupuni i ka Poakahi nei, no kona inu ana a on a alaila kii aku la oia i ka lio o kekahi nea e a noke i ka holoholo.

 

Ua hala aku nei iWailuku ma ka mokuahi Likelike i ka Poalua nei, ka Lunakauawai Kiekie Alapaki, no ka malama ana i ke kau hookolokolo kaapuni Apana Elua e malamaia ana ma ka hale hookolokolo ma Wailuku.

 

I ka auina la o ka la Sabati nei i maneleia aku ai ke kino kupapau o ke'lii Ruta Keelikolani a i ka ilina kupapau alii o Maemae. Nui ka poe i komo ma ka huakai hoolewa a nui no hoi ka poe makaikai ma na h@ina alanui.

 

He pepa pili dala ka hana a ka poe mai lepera ma ka halemai ma Kukuluaeo, aole o ka poe mai wale no, aka, o kekahi poe e ae no kekahi o mawaho aku nei, a mawaho aku lakou o ka pa e pipili ai a o na lima ke ho@o loa aku iloko no ka puu pepa. He pono anei keia hana?

 

Me ke kaumaha makou e hoike aku nei, ua hala ma ka aoao mau o keia ola ana ko makou makamaka a hoa hana pu oia o Mr. S. W. Kua Milimili. Ua kamaaina oia i makou, a ua kupa kona mau helehelena i ko makou alo. Ua hala oia. Aloha ino.

 

O kela mea e pili ana i ka mare'o Kapu i ka wahine a hoi i ko na aina e, aole he oiaio o ia, ke hoi wahine ole aku nei no oia me kana mau keiki. O ka wahine a R. Maka kekahi e hoi puana me kana mau keiki, a me kekahi poe Kilibati.

 

E lawia ana kekahi mau hoa o ka Ahahui Opiopio o Kaimakapili i ka hana a ko kakou Haka i ko na aina e ma ka inoa o ka Hui Opiopio. O hua mau keia i loaa ma keia hana e hele nei i na aina pouli.

 

Ma ke awakea o ka Poaono o kela pule aku nei i kudala akeaia ai kekahi hapa o na aina o Lunalilo ma ka hale kudala o E. P. Adamu. He nui ka poe i akoakoa malaila no ke koho ana i na aina. Malalo iho na aina i kudalaia: Ekolu aina kalo ma Waikiki, lilo @a Kamuela Paka no $190. Aina ma Iao Maui, lilo no i ka mea maluna no $250. Kau, 2357 eka, lilo ia Mrs. C. R. Bishop no $500. Elua loi kalo ma Waikiki, lilo ia F. L. Leslie no $110. He mau kahua kupono no ke kukulu hale o ka apana helu i he 7 a oi eka, a me ka apana helu 2, he 4 a oi eka, ua lilo no i ka mea maluna no #3415. Apana helu 3, he 4 a oi eka, lilo ia G. H. Dole no $170. Apana helu 4, 5, 6, 7, 8, 9, he 4 a oi o lakou eka pakahi, ua lilo ia J. M. Monsarrat no ka huina dala he @, 765. Apana helu 1o me 11, he @ 4 eka o kahi a he 30 kahi, lilo ia Kimo Kamapela no $1,210. Apana helu 12 he 2 a oi eka, lilo ia M. Hyman no $425. Apana helu 13, 14, 15, he 3 a oi o lakou mau eka pakahi, lilo ia Kamuela Paka no $1, 665. Apana helu 16, he 3 a oi eka lilo ia Kimo Kamapela no $600. Apana helu 17, he 3 a oi eka, lilo ia Kakalaika no $600. Apana helu 18, 19, 20, 21, he 3 a oi ko la kou mau eka pakahi, lilo ia Kimo Kamapela no $2, 865. Apana helu 22 me 23, he 4 eka o kahi a he 2 o kahi, lilo ia W. H. Bailey no $775. Apana helu 24, 25, 26, he 4 eka pakahi o na apana hope, a aole he maopopo na eka o ka apana mua, lilo ia Akanu no $1, 110. Apana helu 27, 28, 29, he 6 eka pakahi o na apana hope a he 4 o ka apana mua, lilo ia Kimo Kamapela no $270.

 

Nukou O Na Aina E.

 

Kela Me Ke@a.

Ua poniia ka Emepera o Rusia ma ke kulanakauhale o Mosakao i ka la 27 o Mei. He la maikai ia, a ua holopono na hana a pau. Ua hoike ae kekahi mea i ike maka i na hana o ia la, o ke kaiaunu a me ka aahu i kalaunu ia ai ka Emepera, he keu ia a ka nani, mamua o na nani e ae ana i ike ai, ke 30 makahiki ae nei a oi ihala. O ke kalaunu i kalaunuia ai ka emepera, oia no ko kalaunu i ke au o ka Emepera Paulo, a o kona waiwai io, he 3, 000, 000 rubela. (Dala Lukini.)

O ka aliimoku ela o ka mokuahi Tokio i ku iho nei i o kakou nei mamua aku nei, ua make mai nei oia ma Kapalakiko i ka la 230 Mei.

Ua hook maopopo aku nei ke aupu ni o Farani ia Enelani, aole no kona ake e lilo ka apana aina o Tonquin i panalaau nona a okona hoouna ana i kona mau koa ilaila, aka, ua ake oia e hooko ponoia ka hooholomua ana o ke kuikahi.

Ua hoopuka ae nei ka Emepera o Geremania he kuauhau, e hookaawale ana i ka la 10 me 11 o ka mahina o Novemaba o keia makahiki, i mau la hoonanao no ka piha ana o na hoomanao ana o ka hanau ana o Matina Lutela.

Ua hiki aku he mau kahuna Moremona me kekahi poe hoahanau Moremona Nu Kilani me hookahi kanaka Hawaii mai lepera i Loko Paakai i ka la 200 Mei.

Ua ki poka pahuia he elua mau awa kumoku o ka mokupuni o Madegaseka e na moku manuwa Farani e ku la malaila, a ua nui ka poho o na waiwai Kalepa o Enelani a me na waiwai o kekahi mau aupuni e ae.

He 52, 000 na haumana Kula Sabati ma ka huakai hookahakaha o na papa Kula Sabati a pau o ke kulanakauhale Brooklyn mokuaina o Nu Ioka.

Ka He Kupapau o na Kaula Kahiko.

Ua oleloia, ma ka hoopiina aku o ka mauna Olive@a ma kahi kokoe i ka He Kupapau o na Iudaio, aia ma ia wahi ponaha uuku i hookaawaleia e na Iudaio a he wahi hoano no hoi, a ma ia wahi kahi i kanuia ai na Kaula Kahiko oia o Hagai, Zakaria, a me Malahi. Ua nui ke kaumaha o ka manao o na kanaka Helena a puni ka honua nei a me ka poe Iudaio pu, i ko lakou lohe ana e kuaiia ana ua wahi ponaha la i hoomana e aku, a e manao ana lakou ekukulu i luakini malaila, ma o ka ae ana aku o na mana aupuni o Tureke, ka poe ia lakou ka hooponopono ana o ua wahi ponaha aina la.

Moremona ma Amerika.

I keia wa e hele nei, ua nui ka pihoihoi a me ka uluku nui o na kanaka maauao o Amerika no ka laha nui ana o ka hoomana Moremona ma Amerika a puni. Ma ka mokuaina o Karolina Akau, he lehulehu wale o na kahuna Moremona e kaahele la ma na kulanakauhale liilii o ia mokuaina, e komo ana ma na hale, me ka hoala ana i na aha halawai malu me ke koi ana aku i na kanaka e huli ma ka hoomana Moremona a e hoi a noho i Uta, a ua hopohopo no hoi lakou ke hoike ae i ka lakou hana ma ke akea. He nui ka poe i puni i keia mau hana apuhi a ke@a mau kahuna Moremona, a ua haalele iho lakou i ko lakou mau home a hele kuewa wale aku la i kela wahi mailhini, a he hana nui keia a ka Ahaolelo o Amerika e noonoo ai. Ua hoolaha ae kekahi nupepa i kona manao maluna o keia kumuhana a penei ka hoike a ia pepa.

 

He Wahi Manao Kokua Ia James. K. Awihi O Kalawao Molokai.

Ia'u e hoonanea ana ma kuu home noho, hiki ana kuu lani, kuu milimili, oia hoi, ka Nupepa Kuokoa; ka olai o ka moana Pukipika, ka uwa teregalapa hai moana, ia'u i wehe ae ai i ikona uwepa i hoopaaia ai, ike iho la au i kekahi manao no ke poo maluna.

"Nuhou o ka Panalaau o na Lepera."

Ma ia manao au, i ehaeha ai kuu naau, komo ka maeele a ke aloha i kuupuuwai; no ko'u mau hoa o ka ili hookahi i Kalawao, keia mau uhane a ke Akua i hana ai a ke hoomainoinoia nei, oiai i ka Peresidena mua o ka Papa Ola. Ua malama pono ia lakou, a pehea lakou i keia wa? Ke malama pono ia nei paha lakou, aole paha; eia ka'u, he hoohalike ia nei lakou e like me ka ilio; nawai keia hana? Aole anei na W. M. G. Peresidena hou o ka Papa Ola? nana, nana no, ke aawi nei oia i ke kamano awaawa na na mai e ai; he hana kupono anei keia? aole aole loa, ma kuu averika ana, aole i pono. O keia hana, he kumakaia maoli no i keia Lahui Hawaii; ke hoohalike nei au iaia, e like me Iuda, Isekariota. Ka mea nana i kumakaia ka Haku, Iesu Karisto.

Lapuwale loa keia hana ana pela.

S. M. Piikuahine.

Kahukuloa, Maui.

 

Ka La @ Oiune Ma Kohala.

 

I ka hiki pono ana ae o ke kuhikuhi minute i ka hora 10 o ke kakahiaka Poakahi, ka la hoi i manao waleia ua hanau o Kameameha I, ma ia la. Ua akoakoa mai na Kula Sabati o kela a me keia apana ma ka luakini o Iole. He@la maile loa keia, aole mau ao o ka po ana iho e manao ia aku he ua. O na alakai o kela apana, me keia apana he mau alaki eleu wale no, a he ku no hoi no hana o ka la i ka uleu.

Ua wehe@a ka hana me ka mele ana i ka mele Lahui "Hawaii Ponoi," mahope o ka pau ana o kela mele he pole na ke kahu. A mahope o kela na hana o kela me keia apana. Ua ku hea mai la ke kahu kula Sabati nui i ka apan o Pololu, ia wa i kani kiekie mai ai na leo o na puukani oia awaawa hauliuli, ua ku no i ka nahe na leo. He nakulu ana oloko o ke anaina, oili mai la na puukani o Niuhii, he mau ka@ina wawae hele me he mau kaa no ke ka hua kaua, a ku mai la mamua o ka awai, a kuu mai la i ko lakou mau kani leo kanaka me haale, ua k@ no i ka nani na hana o keia apana. I ka anaiua e haiulu ana na wawae ilalo o ka hale, ia wa i oili mai ai na kahuli leo lea o Makapala, ke hele la na leo o "Baso" a uwe hone, aia hoi i ke kiekie na "Soporano" o ke 'Ten' me ka 'Alto,' aia laua i ke aheahe. Nani no na hana o keia apana. Pela no hoi ko Halawa ua hele a "Molale." Pela na apana e ae, ma ka apana hope loa, malaila na hana anohoihoi iwaena o na opio, me na kanaka makua. Ua pakoluia ka hoi ana o kela me keia apana, i ka nana ana iloko o ke anaina aole i ikeia ka uluhua, aka, ua hoolohe pono ia a hiki i na hora o ka auina la. Me he mea la, i ka nana ana o ka mea e kakau nei i na hana oia la, ua hauoli @a ko'u puuwai i ko'u koho ana, me he mea la, o keia ka oi a puni o Hawaii nei. Ma kekahi mau apana, he mau haiolelo e pili ana no na kula Sabati no ka hooholo mua ana, ma @@u koho ana, ua kupono loa ia mau haiolelo e hoouna ia iloko o na nupep@, no ka mea, he ku maoli i ka naauao ha wehewehe ana.

J. Keaweopala (Opio.)

Kohala, Hawaii, June 15, 1883.

 

Ho Alohaloha Alii.

 

I ka Mea Kiekie Pauahi Bihopa;

Me ke aloha luuluu:

Mamuli o ko ka Makua Mana Lou ae oluolu ana mai, e hea mai i ka hanu hope loa o kou kaikuaana Alii, Ka Mea Kiekie ke Kama Alii Wahine Ruta Keanolani Kamuolaulani Keelikolani, i ka hora 90 ke kakahiaka la 240 Mei M. H. 1883, maloko o Hulihee ka Home aloha o na kupuna Alii o oukou i hala e aku. Amamuli o kona oluolu ana i kahea mai ai i kona leo hope loa i kou kaikuaana Alii.

Ano, ua hooneleia Oe i ke kaikuaana Alii ole, a ua hoonele pu ia me kou mau makaainana nei. Nolaila, o ma@ kou o kou mau makaainana, he mau lala iloko o ka Ahahui Opiopio Imi Pono Karistiana o Kailua, he mau makaainana aloha Alii e noho ana ma ka apana o Kona Akau Hawaii, ke komo pu aku nei makou iloko o ke kanikau pu ana me Oe no kou kaikuaana Alii i hala e aku i ke ala hoi ole mai. Nolaila, ke waiho aku @ei makou i ko makou mau hoalohaloha anu imua o kou Kiekie.

Hooholoia. --Ke hoike aku nei makou i ko makou manao aloha Alii ma ke kom@ @@@@ aku me Oe iloko o na kanikau @@@@@ ana no ka make ana o kou kaikuaana Alii.

Hooholoia. --Ke kulou haahaa aku nei makou imua o ka Makua Mana Loa, a ke nonoi aku nei hoi i ka lokomaikai o ka Haku e hhoomama mai i kou naau kaumaha, a nana hoi e kokua mai ia Oe i na manawa a pau o keia noho kanikau ana.

O makou no me ka haahaa

Na Komite

D. Alawa.

P. Adamu.

K. Kalani.

Halehalawai o Holualoa, Mei, 30, 83.

 

I ka Moiwahine Kane make Ema Kaleleonalani: Me ke aloha luuluu:-

Mamuli o ko ka Makua Mana Loa oluolu ana e kahea mai i ka hanu hope loa o kou kaikuaana Alii Ka Mea Kiekie ke Kama Alii Wahine Ruta Keelikolani, i ka hora 90 ke kakahiaka o ka la 240 Mei M. H. 1883, maloko o Hulihee, ka Home aloha o na kupuna Alii o oukou i hala e aku.

A mamuli o kona oluolu ana, i kahea mai ai i kona leo hope loa i kou kaikuaana Alii.

Ano, ua hooneleia kou Alo Alii i ke kaikuaana ole, a ua hoonele pu ia hoi me kou mau makaainana nei.

Nolaila, o makou o na lala o ka Ahahui Opiopio Imi Pono Karistiana o Kailua, he mau makaainana aloha Alii, e noho ana ma ka apana o Kona Akau Hawaii.

Ke koto pu aku nei makou me Oe iloko o ke kanikau kumakena ana no kou kaikuaana Alii i hala aku.

Nolaila, ma o ko makou mau Komi@e la, ke waiho haahaa aku nei makou i ka makou mau hoalohaloha ana imua o kou Kiekie.

Hooholoia.--Ke hoike aku nei makou i ko makou aloha Alii, ma ke komo pu ana aku me Oe iloko o na kumakena ana no ka make ana o kou kaikuaana Alii.

Hooholoia.--Ke kulou haahaa aku mei makou imua o ka Mea Mana Loa, a ke nonoi aku nei hoi i ka lokomaikai o ka Haku e hoomama mai i  kou naau kaumaha, a nana hoi e kokua mai ia Oe i na manawa a pau o keia noho kanikauaua.

O makou no me ka haahaa.

Na Komi@e

P. Adamu.

D. Alawa.

K. Kalani.

Halehalawai o Holualoa, Mei. 30, 83.

 

I ke Alii ka Moi o ko Hawaii Pae Aina, Kalakaua: Me ke aloha luuluu:-

Mamuli o ko ka Makua Mana Loa oluolu ana, e kahea mai i ka hanu hope loa o kou kaikuahine Alii, Ka Mea Kiekie ke Kama Alii Wahine Ruta Keanolani Kamuolaulani Keelikolani, i ka hora 90 ke kakahiaka o ka la 240 Mei M. H. 1883, maloko o Huli@ee, ka Home aloha o na kupuna Alii o oukou i hala e aku.

A mamuli o kona oluol ana, i kahea mai ai i kona leo hope loa i koa kaikuahine Alii.

Ano, ua hooneleia ko@ @lo Alii i ke kaikuahine ole, a ua hoonele pu ia me kou lahui mai o a o.

Nolaila, o makou o na lala o ka Ahahui Opiopio Imi Pono Karistiana o Kailua, he mau makaainana aloha Alii e noho ana ma ka apana o Kona Akau Hawaii.

Ke koto pu aku nei makou me Oe iloko o ke kanikau kumakena ana no kou kaikuahine Alii i hala e aku la i ke ala hoi ole mai.

Nolaila, ma o ko makou mau komite la, ke waiho haahaa aku nei makou i ka makou hoalohaloha ana imua o kou Kiekie.

Hooholeia.-- Ke hoike aku nei makou i ko makou aloha Alii, ma ke komo pu aua aku me Oe iloko o na wa kanikau kumakena ana no kou kaikuahine All i hala e aku la i ke ala hunakele a Kane.

Hooholoio.--Ke kulou haahaa aku nei makou imua o ka Makua Mana Loa, a ke nonoi aku nei hoi i ka lokomaikai o ka Haku e hoomama mai i kou naau kaumaha, a nana hoi e kokua mai ia Oe i na manawa a pau o kou noho kanikau ana.

O makou no me ka haahaa, na Komite i hoko pono ia e ka Ahahui Opiopio Imi Pono Karistiano o Kailua, Kona Hawaii.

Na Komite

D. Alawa.

P. Adamu.

K. Kalani.

Halehalawai o Holualoa, Mei. 30, 83.

 

I ke Alii ka Moi o ko Hawaii Pae Aina, Kalakaua: Me ke aloha kaumaha:--

Mamuli o ko ka Makua Mana Loa oluolu ana, e kahea mai i ka hanu hope loa o kou kaikuahine Alii, Ka Mea Kiekie ke Kama Alii Ruta Keanolani Kamuolaulani Keelikolani i ka hora @0 ke kakahiaka o ka la 240 Mei, M. H. 1883, maloko o Hulihee, ka Home aloha o na kupuna Alii i hala e aku.

A mamuli o ka oluolu ana o ka Makua Mana Loa i ke kahea ana mai i kou kaikuahine Alii.

Ano, ua hooneleia kou Alo Alii i ke kaikuahine Alii makua ole, a ua hoon@le pu ia me kou lahui mai o a o.

Nolaila, o makou o kou mau makaainana aloha Alii, e noho ana ma ka apana o Kona Akua Hawaii, ke komo pu aku nei makou me Oe iloko o ke kanikau kumakena ana no kou kaikuanine Alii i hala e aku la i ke ala hoi ole mai.

Nolaila, ma o ko makou mau Komite 'la, ke waiho aku nei makou me ka haahaa i ko makou mau hoalohaloha ana imua o kou kiekie.

Hooholoia.--Ke hoike aku nei makou i ko makou aloha Alii, ma ke komo pu ana aku me Oe iloko o na kumakena ana no ka make ana o koukaikuahine Alii.

Hooholoia.--Ke kulou haahaa aku nei makou imua o ka Makua Mana Loa, a ke nonoi aku nei hoi i ka lokomaikai o ka Haku, e hoomama mai i kou naau kaumaha, a nana no hoi e kokua mai ia Oe i na manawaa pau o keia noho kanikaa ana.

Na Komite.

J. G. Hoapili, D. Alawa Jos. Kahoopaa, S. Kane, S. W. Kawewehi, J. I. Palapala, D. Makainai, G. N. Meemii, I. W. Hoa, N. Naauhau, Jack Namauu, E. O. Hoopale, H. Kameeui, J. W. Upumea, S. W. Kahele.

Kahaluu, Hona Akau, Hawaii. Mei. 1883,

 

I ka mea Kiekie ka Hon. Mrs. C. R. Bishop kekahi o na Alii hanau o ka aina: Aloha oe:--

Ua oluolu i ka makua Mana Loa ka lawe ana aku i ke ola o kou kaikuaana hoahanau ke alii ka mea kiekie Ruta. Keelikolani mai keia ola ana a i ka hopena mau o na mea a pau. Nolaila, o makou o na huna lepo makaainana o ke alii e noho ana ma ka apana o Kaunakakai Mokupuni o Mo lokai. Ke komo pu aku nei makou me oe iloko o ke Kanikau Kumakena no kou hoahanau alii i aloha nui ia Nolaila.

Hooholoia:--Ke hoike aku nei makou i ko makou aloha alii ma ke komo pu ana aku me oe iloko o na wa kumakena no ka make ana o kou hoahanau ali@.

Hooholoia:--Ke kuloa aku nei makou me ka haahaa imua o ka Mea Mana Loa, a ke nonoi aku nei i kono lo komaikai e hoomama mai i kou naau kaumaha, @ nana e kokua mai ia oe i na manawa a pau o keia mau la kanikau.

Na Komite.

J. N. Uahinui. Iokia.

S.K. Kuapuu.

J. N. Kanaana.

Kaunakakai, June 8, 1883.

 

Ua lohe mai makou, ua noi aku ke aupuni i ka luakini o Kawaiahao i wa hi (no ka poe Kilibati i pau ko lakou manawa hana a e manao ana e hoi) e noko ai a hiki i ko lakou wa e hoihoiia aku ai. He hana haakei loa keia a ke aupuni.

 

Na Hoolaha Hou.

 

Makemake Ia.

Ke hoike ia aka nei na mea a pau e makeh@ke ana e k@@@ na Pai Ai ma ka Pakeke a me ka Pahu p@h@, e kan@ha mai k@u ma ka le@@ no ka hoolawa a@a aku i na kauo@a. Ai a puni @e@ @@@ Paemoku: n@@ kauoha @o @@ @@lonakauhale, e lawe ia aku no e like me ka makemake @ @a mea kanoha m@ ka ipeka o @o @ak@@ mau hale, no ke kumukuai haahaa loa. F. waiho ae i ka @@kin@@ m@@ kaooha ma na le@@ na La Hale L@a.

Ala@@@ K. K@n@@@kea.

Honoluie. Mo. @@ 1883. 1110 ti.

 

F. Akahele

Ma kea ke hoolaha@@ aku nei, @@le ku au e ho@@@ i kekahi ai@ i hoa@e ia m@ @oe inoa e @e@si mea a mau mea @aha, @e ole e loaa alu he palapala hoapono i kakauia e a'u.

Ro5i Mooney.

Kohala, Hawaii. Mei 28, 1883. 1122 @1.

 

Olelo Hoolaha

Ua makemake o Kauka Kokeke e hoike aku imua o kona mau me@ mai a me no makamaka pu, ua hoololi ae nei oia i ko@a wahi noho a me kona hale @apaau, a aia ma ke kihi o na Alani'i Besi@ania @ me Rinene

1111 @ms.

 

Na Hoolaha Kumau.

W. A. Kini

Loio: Loio:

Keena Hana Helu 15. Alanui Kaahumanu,

Honolulu. 1121 tf.

 

Ka Laina Hooholo

Kaa Ukana a Oir'a O

Kauai.

Ehaalele ana i ke Awa o Nawiliwili no Koloa me Kapaa ma na Poalua a pau, mahope iho o ke ku ana aku o ka Mokuahi, a e hiki hou ana ma kahi i hoikeia maluna no ka halawai ana me ka Mokuahi ma na Poalima a pau.

 

Uku Auhau No Kela A Me

Kela Huakai

$2.50

A ma na apana mamao iki aku, e like me

ka Aelike.

 

No na Ukana, He io Paona aole

Uku.

 

E hoolakoia no na Lio in a i Makemakeia.

W. H. Rice,

On a.

1118 @ms.

 

He Nui Anei Kou Makemake I Na Mikini HUmuhumu Lole!

Ina pela, e kipa mai no ma ka Halekuai o

 

Kakela & Kuke!

 

A malaila oukou e ike ai a makaikai i na ano

Mekini a Wheeler a me Wilson

mai:00$40 a hiki i ke $50 ke kumukuai

ka mea hookahi.

 

Na Mikini A Singer!

ma ke $50 pakahi me ke a@o

 

Mikini A Wilcox Me Gibbs

ma ke $30 a hiki i ke $30 ke kumukuai. I mea e pau ai ko oukou kanalua e na makainaka no ke kupono o keia mau Meikini, @ naue mai no me ke kuihe ole, a e ike no oukou iho 6@@ tf

 

Lole Makepono

Ke kuike e loa@ @o ia ma kahi o

 

Kakela me Kuke.

E laa na

Ahinahina, kalakoa. Keokeo, Leponalo. Pena, Aila, Aila Honua, Aniani.

 

Na Mea Piula,

Kopa, Aila Hoomaloo, Kui Kakia, Pakeke, Tabu Kaula, Noho Lio, Hulu Palahi, na Palumi, ahe agena no na mokupuni o Hawaii neino na Lainakininao

Lainakini Maoli, Kilika, Palule Kalakoa, Alapia, Kelepa, Na Lole Kupono i ka Wawae, Palule Huluhulu, Na Lole Huluhulu, Na ka hoohelo ana, Li Lole no pini. Lihilihi, etc. @h@n@

 

Mikini Humuhumu

 

Makepono i oa.

A he mau

 

Mea Ai Kahi:

Ka palaoa, Kopaa Raiki, Pia, Hoohu Paakai, Huaala, Pia Kulina, Kope.

--A He--

 

Laau Lapaau Kaulana Loa

A Dr. Jayne.

Laau Hoomaemae Koko Laau Hoopau Naio, Penikila, Huaale, Laau Kunu,

 

Me na Laau Hamo, a P@la '@e.

@@@@

 

Na@ Hoolaha Kumau.

Nu Hou! Nu Hou! I

 

Eia aku nei o Charles J. Fishbe@ Amerika

Haipuia a me Europa, no ke @@@

ana i waiwai hou o na la@o na

m@ o na kane me na wahi

ne a me ka o@ha@a @u-

nouhumu me ka

emi k@a.

 

Ua @wa mai nei hoi @@ @@oe@  keka@:

ka m@o waiwa@@ @@@@@@ @@

@aia Poaoo@ me ke @@ @@ no @a

manawa mua. E hele ma

a e wae no @ak@e @@o

Na ka hik@mua o@

ka @ou moa

1115 @@

 

Makana La Kulaia

Kuai!

Ma Ka

Halekuai Lole Huio

Honolulu Nei.

 

Emakana waleia aku ana he

mau ku pena i ka mea kuai mai

a hiki aku i ka $1.00 a oi aku ka;

lilo i ka wa hookahi

Ewehe Muaia Ana Ikeia La

 

Ma Ka Halekuai Lole Nui

 

O

 

Honolulu

 

He kuai Manuahi Launa ole.

He Kuai Hoopoho a Hoopakika.

Ehele nui mai e na makamaka.

E awe oukou e like me

ko oukou makemae

iho i na

waiwai o kela a me

keia ano he nui wale.

A. M. Meleki

Helu 104 Alanui Papai.

 

Nu Hou! Nu Hou!

 

Ma Waiwai Hou Loa!

Na Paikini O Kela Au

 

E Lo@@ no ma ka @a Haleku@i o

 

Dillinghama Ma,

 

Ma Alauui Pap@.

 

Oia na waiwai malalo iho pe@

 

Na Palau, Koa huilapalala, Kopala,

Piki, Oa, Koi, koilipi, Na Hamare Kamana o na ano a pau, Na mea Hana a na Kamana, P@e Hamo Puna, na Am@ra a me na mea  hana o ka Poe Akeakamai a pa@. Pena Aila. Vaniki a me na Palaki, Pa@da, Poka a me na Kukuepele, PalakiHamo Puno, Pulumi, Pakeke, Kupu Holoi Lole a me na Pupa Holei Lole, na Ipuli, na Pa Palai, na Ma Kau Lawaia, Na Aho Lawaia o na ano a pau, na kaula o na ano a pau, na Pahi, O, a me na Puna, a ke nui aku no na mea i koe.

I kupono no ka hoohiwahiwa awa i

Na Hale

 

I hiki ole ia makou ke huai pau aku aka, na oukou no e hele mai a e hoonuu iho. O keia maluna ae, e loaa no ma ka halekuai o

 

Dilinahama Ma,

[1030-3am] Ma ka helu 37, Alawai Pap@.