Ka Nupepa Kuokoa, Volume XXII, Number 22, 2 June 1883 — HE KAHUNA HOOPUNIPUNI. [ARTICLE]

HE KAHUNA HOOPUNIPUNI.

Eia ma Ualapue, Molokai nei, kahi i noho ai kekahi kanaka o Nahalau kona ihoa, he kahuna hoopunipuni oia. Penei kana olelo: He ona akua, a o Keahinohoikauka kekahi o keia mau akua, he wahine hiu i-a. Kahaha! nui ke akua, nui ke ola, nui ka mana, nui ka ike! Ma ka po Poalua, la 8 o Mei, ua hoao oia e lapaau mua ia Kahiamoe, (k). Ua olelo oia he kahili lau-ki ka laau e kahili ai i ka maka o Kahiamoe, a ina e pau ka awa a me ka rama i ka inu ia e ua wahi kahuna la o ke ola no ia o ka maka. Ea, pau ka awa a me ka rama, a me ke kupa moa, a me na mea ai i hoolakoia no kana oihana, aohe ola o ka eha o ka maka o Kahiamoe. He hoopunipuni keia hana ana. Ma ia j?o no, ua lawelawe hou oia e lapaau ia Hoomaniha, (w.) Penei ke ano: Ke inu nei au i keia kiaha rama, a ina e pau kuu papa-hana i keia po, alaila, o kou ola no ia, a ku oe a hele i keia po ma o a maanei. Pau ka rama a me ka papa-hana, aole he ola iki, ke ku nei 110 ka puu nui ma ka opu o Hoomaniha. He mau hana hoopunipuni keia. Ma ia po no, ua olelo hou ua wahi kahuna la e inu ana oia i ka apu awa a me ke kiaha rama, a me ka apu kai, alaila, e make ana o Kamai, wahine a Kahiamoe. Kahuhu! eia no o Kamai ke ola nei a hiki i keia la. Nolaila, ua maopoix) ka hoopunipuni o keia kahuna. Ea, auhea Ia na makai makaala ole i na hewa o ka apana, eia ka lawehala la o Nahalau, he kahuna hoopunipuni! Nolaila, mai puni ko Molokaikanaka i keia wahi kahuna; aole he laikini o keia wahi kahuna e lawelawe nei i ka oihana lapaau; ea, e hooi>aa koke i ka halepaahao ma Pukoo, a i ole ia, e hoihoi aku i Pauoa, i kona wahi, anoai paha ua maa no ko laila poe kanaka i na hana hoopunipuni a keia wahi kahuna. Nolaila, oka lohe ko oukou a makaala, o puni auanei i na hoohei a keia wahi kanaka kahuna! He hoike niakou no ka oiaio. J. Makaolehua, opia Ualapue, MolokaL