Ka Nupepa Kuokoa, Volume XXII, Number 22, 2 June 1883 — KA MOOLELO O NA LA O NA ADIMARALA BERITANIA OIA HOI MA KAHI OLELO ANA. Na Liona Au-moana O ENELANI. KE KAUA ANA O NA AUMOKU KAUA BERITANIA,-A ME KO ENELANI MAU PAPU LAAU, &c., &c. [ARTICLE]

KA MOOLELO O NA LA O NA ADIMARALA BERITANIA OIA HOI MA KAHI OLELO ANA. Na Liona Au-moana O ENELANI.

KE KAUA ANA O NA AUMOKU KAUA BERITANIA,-A ME KO ENELANI MAU PAPU LAAU, &c., &c.

Kahi Rula maikai kahiko, Nana i hoolawa mai na kuhikuhi, Na ka mea Oi o ka Ikaika,— Nana e Noho Alii ka Moana, A owai Ia ka mea hiki ke aa mai ? Owai LA? —Makia o na A umehu BtritanicL I na poe heluhelu —E like me ka mea i hoike mua ia aku no na mea no lakou keia moolelo, pela kakou e heluhelu pakahi ai i ka moolelo o kela a me keia Adimarala. E lawe mai no kakou ma na mea ano nui a lakou i hana ai, oia hoi na kaua a me ko lakou mau inoa kaulana i ike ia ai ko lakou koa a me ka wiwo ole. O keia malalo iho nei ka moolelo o ka Ela o Dudonela, ka Haku Kamaki Kokerana, noloko mai o ke koko Sekotia, oia hookahi ka mea i kapaia e ko Enelani mau koa, oia ka oi o na Adimarala Beritania kaulana loa i keia mea o ka powa i na aumoku waiwai o na enemi ma ka moana, a o kona inoa hookahi, ua kau e ka weli i na moku waiwai e ae o na aupuni nui e holoholo ana ma ka nioana mai kahakai aku o kekahi aina a i kekahi, a ua kapaia kona inoa iloko o keia moolelo—Ka Adimarala Powa Kokerana o na'Aiimoku Beritania. No ka mea, iloko o ia mau makahiki, e hele pinepine ana ke aupuni o Enelani 1 ke kaua me na aupuni e, a oka loaa mau o na moku waiwai ma ka moana i ka Haku Kokerana, oia kekahi mea uui nana i kokua aku 1 ke aupuni makuahine me na puu dala mahuahua i kela a me keia wa. E hoomaka no ko kakou heluhelu mua ana i kona moolelo malalo o na kauoha a Adimarala Haku Kita, e holoholo ana oia maluna o kona moku Adimarala ka Moiwahine Kalota ma ke Kaiu*aenahonua.