Ka Nupepa Kuokoa, Volume XXII, Number 22, 2 June 1883 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

KUOKOA ME KE AU OKOA.

[I Huiia.]

No ka Makahiki          $@ @@

E@@o Mahina           1 00

Dala Kuike ka Rula.

 

POAONO, IUNE, 2, 1883.

 

KE ALII KIEKIE RUTH KEELIKOLANI.

UA HALA ! UA NALO !!

 

            EIA maluna o ko makou hokua e Hawaii. ke haawe aku nei e hoikeike aku i ka hala ana, lele ke aho, a moe oni ole o ka P@@ Alii Kiekie pili ponoi o ko Kamehameha Hale. He ukana luuluu, walania. aweawe a lihaliha na na iwikuamoo o keia lahui e kaniuhu iho ai. Ua pio ke kukui o ko ke Alii Nui KEELIKOLANI hale; ua puanuanu ka home o na Kamehameha; a ua nele ka lahui i ke Alii Kiekie mai ka papa. Mii kukahi kahiko o keia Paemoku. Oia ke Alii kahiko aku i ko na Alii e ae a pau. oiai oia e ola ana. a i kona make ana. ua koe iho la kona pokii Alii Pauahi Bihopa.

            Ua loaa oia i ka mai fiva, a no na la he 11 wale no, a haule aku la. Ua hui keia ano mai fiva me kona mai kahiko, wahi a ka hoike a na kauka, e pili ana i kona puuwai, a no ka loaa ole o ka laau kupono e hoopau kokeia ai keia ano fiva, ua hui mai la kela ano mai mua a ikaika loa ae la ka hana a ka mai. e kinai ana i kona ola.

            Ua oleloia, ua loaa no keia mai iaia mamuli o kona malama pono ole iaia iho, oiai ua hoi mai oia mai Holualoa mai, mai ka holo kaa ana, a i ka hiki ana mai i Kona Hema, ua wela loa oia a me ia wela no ka, hele aku la i ka auau kai, a pau ka auau ana, hoi i kula a komo i ke kapa lahilahi, a noho hou aku ho imua o na aheahe makani malie o ua aina pohu la, a i ka hoi ana aku i kahi moe, ua pii mai la ke anu, aole o kana mai, noke aku la i ka hoouhi i ke kapa, aohe wahi mehana i loaa; a hoopumehana maoliia me ka wai mehana @ a mahope o ka loaa ana o ka pumehana. ua pii nui mai la ka wela, a oi loa aku i ka mea kupono: a pela hoi ke anu i pii hou ai a nui loa.

            Ua inu oia i ka aila no ka hoonoha ana, a ua noha oia a oi aku i ka mea kupono. Pela i hiki mai ai ka lono i Honolulu @ei, a i loaa ai he kumu e holo aku ai na alii ka Moiwahine Kaleleonalani, a me kona hoahanau ke alii Pauahi, mamuli o ia lono hoopuiwa. a o ka Moi paha kekahi ma ia huakai.

            Ma ka hora 10 o ka po Poakolu Mei 23, ua halawai pu na alii, me ke alii mai, a ma ka ike aku a na alii malihini, he maikai no kona ola e make ole ai, aka, ma ka hora 9 o ke kakahiaka o ka la 24 ae, ua haalele mai la oia i kona kaikaina a me kona kaikoeke, e paiauma aku ana nona, a me na ohua pu. Aloha ino.

            Ua lele loa ae ke aho o ke Alii ma kona Hale i kapaia ka “Haleolelo” ma ka pa o Hulihee. Aloha wale oia.

            Huli haliu Kawaikini a Kane,

            E hakoi ana i ke alo o Waialeale

            Ke kumu aku ia o ke anu o

            Maunahina—a—

A Maunahina, huki ae la na pea hala o Puna,

Huki ae la Kalalea, ka paia hala makani,

            Lele pueo ka alihi wai o Koolau,

            O ke poo wai ia o Hanalei nui,

            Aole a-mo-a-mo o Hihimanu,

            Ua like a like no me Limunui.

 

            Ua manaoia, ua hanauia ke Alii ka Mea Kiekie Keelikolani i ka M. H. 1826, mailoko mai o ke ‘lii Pauahi (w) ke kaikamahine a Kaoleioku (k,) keiki a Kamehameha I, ke keiki a Keoua (k) ke keiki a Keeaumoku, (k) ke keiki a Keaweikekahialiiokamoku. He Keawe oia, he Kamalalawalu, a he Kakuhihewa. He Kamehameha oia ma ka lalani pololei.

            Ma Honolulu nei no oia i hanauia ai, aia i ke kahua e ku nei ka Hotele Hawaii kona one hanau. Ua manaoia, ua mareia laua me ke Alii Leleiohoku i ka M. H. 1839, a ua hanau oia i kana hiapo i ke Keiki Alii Kinau i ka M. H. 1841, a i ole 1842. A ma ka M. H. 1848, make aku la kana alii kane.

            I ka M. H. 1856, mare hou oia i ke kane hope oia o Aikake Davis. I ka M. H. 1859, make aku la o Kinau kana keiki.

            He hooilina oia no na waiwau nui o kona mau hoahanau Kamehameha IV, me Kamehameha V, a ua waiho iho oia i keia waiwai nui i kona hooilina i koho ai, oia kona kaikaina Pauahi Bihopa. Penei ko laua pili ana:

            Na Kamehameha I he keiki o Kaoleioku, na Kaoleioku me Kahailiopua ke kaikamahine o Konia w, na Konia ke kaikamahine o Pauahi Bihopa e ola nei. Aole o laua wehe’na. Aole mea hoopaapaa i ko lau pili ana.

            Ke waiho nei ke kino maloeloe oni ole o ke Alii maloko e kona home nani ma Kaakopua, alanui Emma, a ua haiamuia ia wahi e na alii. Ua lohe mai makou, o ka la 17 o Iune nei ka la e maneleia ai kona kino make a waiho i kahi i manaoia no ka hoomaha hope loa ana.

            Ua pau ka hoopunana ana a kona home nani i kona kino uhane; ua nalo kona mau hiohiona mai na kaiaulu olu o Keoneula; ua pau ka pa ana o na ehukai o na Kona i kona ili alii; ua hala ke au o na lau niu me na lau loulu e ani peahi ai i kona hoea ana aku ua nalo kona leo mai ka lohe ana a na pepeiao o kona mau aialo; na hai aku e papahi na lau liko o ia mau uka; na kahi ae hoi e walea ka noho’na o kona mau home i aloha ai; e haohao ana na eheu kehau kololio o ka wehekaiao o Kailua; ua pau ka eha ana o ka ililepo o ke alaloa o Kahelo i na huila o kona kaa; ua nalo o Kamakahonu mai ka ike’na a kona mau maka: a ua pau na hooluolu ana a ke kuono lai o Keauhou i kona kino; ua pau, ua hala, ua hoi aku la oia ma o; i kahi a Kaahumanu ma i hoi mua ai; ua kuu kona mau omaimai ana, ua palekana, ua neenee aku la a hookokoke aku malalo o na kapuai o ka Moi o na Moi.

 

Ikeia Kau na Wahine, he Kau ka makani,

He uinauma i pa ia e ka Moae,

E ka unulau, o Makounulau,

            Ina aku no la i Unulau,

Ka wahine kaili pua o Paiahaa,

Hahai, alualu, puahala,

            O Kamilo, pae kanaka e—

He kanaka ke koa no ka @hu ahiahi,

Oia nei hoi ko ka ehu kakahiaka,

O maua no me ka makua o kakou. Ua ike—a.

 

KA LA HOOMANAO NO NA KOA I MAKE.

 

            O KA Poakolu nei, oia ka la a ka lahui Amerika i hookaawale ai no ka hoomanao aloha ana no ko lakou mau koa i hele ma ke kahua kaua aina a me ka moana no ke pale ana aku i ka enemi a me ka hoopakele ana i ko lakou aina aloha; he la i hoomanao huliamahi nuiia e ia lahui, a e hoakoakoa ana ka lehulehu o kela a me keia mokuai na ma na pa ilina kupapau, me ka hoonani ana i na ilina me na lau a me na pua, me ke mele ana i na mele a me na haiolelo aloha. Aole kela he la hauoli, aka, he la hoomanao me ka u, me na hoohiwahiwa ana i na hana a ia poe i ae e haalele i na home, na wahine a me na keiki, na makua a me na mea a pau, e make i mau ai ka welo lanakila ana o ka hae o ko lakou aina hanau.

            Ua malamaia ua la nei ma keia kulanakauhale e ka hui a na koa e ola nei mawaena o kakou i komo pu ma ke kaua kuloko iho nei ma ua Repubalika nui la. Ua akoakoa ae lakou, he lehulehu wale, mauka o ka ilina pa kupapau ma Maemae, me na lau a me na pua nani, a ua uhiia na ilina o ka poe i komo ma ia kaua, a i holo mai ma Hawaii nei a waiho i ko lakou mau kino ma keia aina malihini. Ua haawia he haiolelo ku i ke aloha a me ka mahalo nuiia e Rev. J. A. Cruzan o ka luakini o Kaukeano, oia hoi kekahi i komo ma kela kaua, a he mau tausani na lehlehu i akoakoa ae e ike. Ua malamaia ka la me ka maluhia, a ua maikai na hana hoalohaloha i kela poe koa oiaio i hala e mamua.

 

HEAHA KA PANE?

 

            A hiki mai i keia la, aole loa i waiho ia mai ka pane ma ko ke aupuni aoao e hoakaka ana no kela mau $40,000 i hoike ia ua nalowale ma ka papa helu dala olelo haole a ke Kuhina waiwai no ka makahiki i pau i Maraki 31, 1883. Aole loa no hoi i waiho ia ae imua o ka lahui Hawaii he hoike no na loaa me na lilo o ke aupuni, e like me ke kauoha a ke aupuni. Heaha la keia mau ano hana? He mea kahaha nui ia keia mau hoopalaleha me ka hoakaka ole mai i kahi i haule ai kela puu dala nui hewahewa launa ole a ka lahui. O keia mau hookananuha ma ko ke aupuni aoao, he mau kumu hooulu ana i na manao hoopahaohao a ohumu o ka lehulehu. No ka mea, ina ua hoolilo ia no kekahi hana a ke aupunii ae ia hoi e ka Ahaolelo, alaila, me he la, ua lawa pono ka manawa iloko o na pule ekolu a eha i hala no ka imi ana. a aole no e nele ka loaa aku. Aka, ina ua mio a nalowale ano e, a ua ulu paha na eheu o ua mau $40,000 nei a ua lele aku no kahi i ike ole ia. alaila, he mea pohihihi ia, a he mea hookaumaha no hoi i ka manao o ke kanaka iaia ka malama ana i ko ka lehulehu a waiwai, a e hoao ana oia e hoonalowale—he mea maa no ia ma na wahi a pau.

            Aka, malia paha aole no hoi i nalowale, aka, ua hoolilo ia paha no kekahi mea i ae ole ia e ka Bila Haawina; alaila, e makemake ole ia ana no e hoike ae, oiai, ua kue ia i ke kanawai, a he hana hewa ia, i like me ka lawe wale i ke dala o ke aupuni a uhauha wale aku.

            Mamuli o ka hoopuka ia ana o ka hoike a ke Kuhina Waiwai no na loaa me na lilo o ke aupuni no kela makahiki i hala, a mamuli hoi o ka ike ia ua haule kela mau dala he $40,000. nolaila ua ulu nui mai na ninau a me na koi ana i ke Kuhina e hoike ae i ke ano a me kahi i nalowale ai ia mau dala. He kuleana ko ka lehulehu e koi i keia mau hoakaka ana. Aka, a hiki mai nae i keia la, aole loa i waiho ia mai na hoakaka i pau ai na hoohuoi. He kumu hoopakui loa keia i ke aupuni, he hoopau loa ana i na manaolana hilinai i na ano hookele hawawa a lauwili; a he hana hookuihe i ka manao o ka poe no lakou na auhau e hanai nei i neia poe Luna Aupuni hana polole@ ole i ka lakou mau apana hana. He wahi huakukui ano e keia; a ke naha ae—e ino ana paha o loko; pomaikai loa nae hoi ina ke mau ala no ka maikai, palekana iki i keia mau la, a oili hou mai ua huakukui ano e.

 

HE HANA PONO OLE LOA.

 

            UA olelo makou maloko o kela pule i hala aku nei, i ko makou lohe ana mai i ka onouhele o Kipikona i ka oihana Loio Kuhina i na Loio naauao o ke kulanakauhale nei, a me ka hooleia. aohe makemake i ka oihana, no ka hilinai ole ia o Kipikona. I keia pule iho nei hoi, ua hoea mai nei maloko o kana nupepa haole he pane hookano, e hoike mai ana i ka hana pono ole loa o keia kanaka. Ua olelo mai nei oia, aole loa ka i noi ia aku kekahi loio e lawe i ka oihana. Ma ko makou noonoo, he hana ku keia i ka hoopilikia ia Hawaii. He hoike maopopo loa no ko Kipikona ake nui e kaa ka mana a pau loa o ka hookele ana i ke aupuni iloko o kona poholima hookahi.

            Ma na aupuni naauao a pau, ua panipu ia ka ipuka, kahi e hiki ai i na hookele aupuni ke hoao e hana i keia kumu hoopilikia aupuni. Aole loa e ae ka lahui e noho mana kekahi kanaka hookahi maluna o na hookele ana i ke aupuni. He mea i kue ikaika loa ia e ka pono a me ka oiaio.

            A pehea la keia hana ma Hawaii nei? Ke ae kaokoa mai nei keia Kipikona maloko o kana nupepa i kona hoao e hookele lima hookahi oia me na mana piha i ke aupuni Hawaii, me na huaolelo hookano a hookiekie. Ua manao oia e ko ana kona makemake, aka, ke hai aku nei makou, aole loa e ae ka lehulehu ia ano hana, a mai noho oia a hoao e lawelawe pela. Ua hoomanawanui ka lehulehu i kana mau hana uhauha a puni hoonanohano ohaka wale, a ua piha ko lakou mau waihona o ka hoomanawanui me na mapuna apu o ka paku-a, ke nauki a me ka manao kuihe; ua haule ko lakou mau manao maikai a hilinai i na ano hana a Kipikona, a ua aneane hiki mai ka manawa e ku ai ka poe aloha io ia Hawaii, a hoopakele ae iaia mai na hookele ana a keia kanaka ma ke ala o ka poino a me ke kahulihia. He like loa keia hana me ka pakaha wale i ka mana o ka lehulehu a anunu aku iloko o ka poholima o ke kanaka hookahi, a he mea hoi aole loa e ae ia e ka poe noonoo naauao a kuonoono o ka aina nei. Mai noho o Kipikona a hoao e kau i ka noho lio maluna o Hawaii, a e holo oia ma ke kua o Hawaii, o huli auanei kona au, a pio kona ipukukui.

 

KE KAKAUOLELO O KA PAPA OLA.

 

            O F. H. Hayselden, oia hoi ka hunona a Kipikona, ua hookohu ia oia i kakauolelo no ka Papa Ola e ua Kipikona nei no, me ka uku he $1800 no ka makahiki. He uku nui keia no kela hana, oiai he mama wale no, ua malama ia no ua hana la e kahi poe mamua, a he mama ka uku, malalo iho o ka tausani hookahi no ka makahiki; aka, i ka hunona hoi a ka Peresidena o ka Papa Ola, ua pehu loa ia a ua kaumaha. He mea no nae i maopopo i na mea a pau, o ke ano no ia o ka hana a ka poe e ake ana e hoomomona i na ekeeke o ka lakou mau punahele.

            Eia nae ka mea kahaha ia e ka lehulehu: Ua haawi ia ka uku kiekie i kela hunona; alaila he kumu ia e manao ia aku ai ua mahuahua loa ka hana, a e paa mau ana hoi na lima o ka mea iaia ka lawelawe ana me ka hana. Aka, aole pela me Kikaha. Ua loaa iaia he mau hana e ae mawaho o kela oihana mua, a ua lilo kona manawa ia mau hana okoa.

            Ma keia wahi, ke manao nei makou he anunu maoli keia ano hana. Aole anei i lawa ka uku makahiki no Kikaha ma ka $1800 no ka makahiki? A o ke kanaka e loaa ana ia uku mahuahua iaia, aole anei he mea pono e hoolilo oia i kona manawa a pau no ka malama ana i ka hana a ke aupuni oiai oia e ai ana i ke dala o ka lehulehu me ka luhi ole? He hana kupono ole loa keia; he lawe wale ana i kahi pomaikai uuku e loaa ana ia hai a hookau aku maluna o ka mea hookahi.

            O kekahi mea kupanaha loa—ua ike ia keia hunona e lawelawe ana i ka oihana hooiaio palapala kepa makai o Kakaako, mawaena o na haneri lehulehu wale o ka poe i holo mai ma ke ano lima hana; aole nae i hoolaha ia kona hookohu ia ana. He hana apiki loa keia a ka poe ialakou kahookele ana i ke Aupuni. O ka huna ana i ke ano o na hana e lawelawe ia nei maloko o na oihana Aupuni, he hoike ana mai ia i ka makau a me ka makemake ole e ike ia. Ua inoino a kupono ole ke kulana o ka mea i hanaia, a o ka hoao e huna ka hopena i ike ole ia ai. Aole loa nae e nalo, no ka mea, ua oleloia e ka poe kahiko—“na ka poma no e hoike mai i kona powa.”

 

HE OIAIO ANEI!

 

            Ua hai ia mai makou e kekahi mea i hiki ke hilinai ia, eia ka Aha Kuhina e ku nei iloko o na hoaleale okaikai o ke kuee mawaena o lakou iho. Ua oleloia, ke ohumu nei kahi mau lala o ua Aha Kuhina nei i kekahi hoa o lakou, a ke hoao nei e hoala ae i na kumu e hiki ai ke hoopau ia mai ka noho oihana ana. He wahi lono ano e keia; he wahi lono no nae hoi e hiki ke hilinai ia i kahi manawa. Ina he oiaio keia lono, alaila, he hoike ana mai ia i ka lokahi ole o na poo oihana o ke Aupuni, a he mau kohoaka hikimua hoi no ka hopena e hoea mai ana i ulu ae mamuli o na kekee a me na pono ole i hana malu ia. Aka, malia he ano lili kekahi kumu, e ake ana no ka lima nui e pau no a pau loa iaia, a ko ai na iini makaleho i hoopu ai iloko no na makahiki lehulehu i hala ae nei. Na ke au o ka manawa e hoike mai.

 

HE HANA NUI

 

            Ma kahi mau lono i hoea mai io makou nei, me he la, he hiki ke hooia ia na manao ho@ohopo o kahi poe naauao o ka aina nei, no ka ulu ana mai o kekahi ninau hooponopono hohonu e pili ana i ka mokuahi Madarasa, mawaena o ke Aupuni o Hawaii nei a me ke Aupuni o Enelani. Ua oleloia, he hana nui aku ana keia ma nei hope aku, a ua hoomaka iho nei na Luna Aupuni o Enelani e noho nei ma Hawaii nei e lawelawe ma ka imi ana i ka pono a me na kuleana a p@u o ko laua aupuni ma na lawelawe ana o ke aupuni Hawaii i na hana i p@i malalo o ka hae Beritania. He @@a ku no keia i ka hopohopo; aka, o ke kali wale aku no nae ko kakou no ka hopena. Ina he oiaio keia mea, alaila, e komo kukonukonu ana o Haw@@ iloko o kekahi hana nui koikoi a kaumaha, a he paakiki loa ke ala e hiki ai ke @ookele a puka hou iwaho me ka lael@@.

 

HE MAU UI ME NA HAINA.

 

            ALCUIN KE KUMU; PEPIN KE KEIKI A KALEMANE (CHARLESMAGNE) KA HAUMANA, MAK. A. D. 800 PAHA.

 

            Na ka haumana e ninau; na ke kumu e pane.

 

(Koena.)

            Heaha na pepeiao? Na waihona o na kani.

            Heaha ka lae? Ke kii o ka uhane.

            Heaha ka waha? Ka mea hanai i ke kino.

            Heaha na niho? Na pohaku wili ai.

            Heaha na lehelehe? Na puka o ka waha.

            Heaha ka puu? Ka mea moni i ka ai.

            Heaha na lima? Na paahana o ke kino.

            Heaha ka puuwai? Ka mea hookipa i ke ola.

            Heaha ke ake paa? Ka mea hoopaa i ka wela.

            Heaha ka spleen? Ke kumu o ka akaaka me ka oli.

            Heaha na iwi? Ka ikaika o ke kino.

            Heaha na uha? Na poo o na kia.

            Heaha na wawae? Na kia o ke kino.

            Heaha na kapuai? Na kahua hele.

            Heaha ke koko? Ka wai o na aa, ka ai o ke ola.

            Heaha na aa? Na punawai o ka io.

            Heaha ka lani? He poepoe kaa.

            Heaha ka malamalama? Ka maka o na mea a pau.

            Heaha ke ao? Ka mea paipai i ka hana.

            Heaha ka la? Ka olinolino o ke ao, ka nani o ka lani, ka maikai o ke ao; ka mahele hora.

            Heaha ka mahina? Ka maka o ka po, ka mea haawi i ka hau; ke kaula no ka manawa.

            Heaha na hoku? Na kii pena o na mea i hanaia; na pailaka o na Sela; na lei nani o ka po.

            Heaha ka ua? Ka mea i hoohapai i ka honua; ka makuahine o ke kulina.

            Heaha ke ao? Ka po o ka la, ka luhi o ka maka.

            Heaha ka makani? Ka mea hoaleale i ke ea; me ka wai, ka mea hoomaloo i ka honua.

            Heaha ka honua? Ka makuahine o na mea ulu; ka mea hanai i na mea ola; ka waihona o na mea ola; ka mea moni i na mea a pau.

            Heaha ke kai? Ke alanui o ka poe wiwo ole; ka palena o ka honua; ka mahele aina; ka waihona o na muliwai; ka punawai o na ua, ka puuhonua no ka poe mahuka, ka mea kokua i ka poe imi lealea.

            Heaha na muliwai? Na mea holo maha ole; na aniani o ka la; na mea hoopulu i ka honua.

            Heaha ka wai? Ka hoa o ke ola; ka mea hoopau lepo.

            Heaha ke ahi? Ka oi o ka wela; ka mea hanai i ka mea hanau hou: ka mea e oo ai na hua.

            Heaha ke anu? Ka hui o na lala.

            Heaha ka hau? Ka mea hoomaau i na mea ulu; ka mea hoomake i na lau: ke kaulahao o ka honua: ke kumu o na wai.

            Heaha ka hau paa? Ka wai maloo.

            Heaha ka makahiki? Ke kaa o ka honu.

            Heaha kana i halihali ai? Ka po me ke ao; ke anu me ka wela.

            Owai na kahu kaa? Ka la me ka mahina.

            Ehia ona mau hale? Umikumamalua.

            Heaha ka moku? He hale holo; he hale hotele mau; he mea hele me ka wawae ole; he hoa no na one.

            Heaha ke one? Ka pa o ka honua.

            Heaha ka mea e ono ai ka mea awaawa? Ka pololi.

            He kanaka, ewalu ma kona lima; ua lawe ia ehiku koe eono. Pehea ia?

            He elele ekemu ole. Heaha ia?

            Heaha ia, he mea no, he ole nae?

            He kanaka e hele ana ma kona poo P@hea ia?

            UNUHIIA E HAWAII.

 

KA DIABOLO ILOKO O KE KANAKA.

(HANESE KE KUMEKA.)

 

            He kanaka maikai no o Hanese ke kumeka i kekahi manawa, a paa no i ka hana kamaa ana. I kekahi manawa nae; okoa kona ano. Hele no i ka hale inu bia, a inu bia, mea ino, awaawa loa, inu no nae, a inu, a inu, a ona.

            I kekahi la, hoi mai oia mai ka hale inu bia a i kona hale; a i ka halawai puana me Rekena kana kaikamahine, hoo luliluli oia iaia a hoolei aku i waho o ka hale. Loaa oia ia Ani liilii e uwe nui ana ma ke alanui.

            I ka hoao ana o Rekena e hai aku ia Ani i ke ano e o kona makuakane i kekahi manawa; i kona haule ana ma ke kapuahi, a iloko o ke kio wai; pane o Ani: E! ua like oia me ke kanaka a Iesu i hoola ai.

            Ninau Rekena: Heaha kona mai? He diabolo iloka ona, pane Ani.

            Oia paha ka mai o ko’u makuakane, pane Rekena; no ka mea, ua ninau aku au i ko’u makuahine, mamua aku nei: Heaha la ke ano o ko’u makuakane i kekahi manawa, huhu, ano pupule, hina ilalo, haule iloko o na kio wai, a maluna o ke kapuahi, a hana ino mai ia kaua? Pane mai oia: E kuu kaikamahine makamae, he diabolo iloko ona.

            Ina pela, hiki ia Iesu ke hoola iaia, olelo Ani.

            Aka, aole Iesu maanei, pane Rekena.

            Hiki nae ke noi aku ia Iesu. Lohe no oia a haawi mai i ka mea i noi ia aku. pane Ani.

(Aole i pau.)

            E holo ana o Kauka Pika no Kalawao i keia Poakahi ae.

 

OLELO HOOLAHA.

 

            I ka POALIMA a me ka POAONO, ma waena o ka Hora Ekahi a me ka Hora Elima o ke ahiahi, e hoikeia ana ke Kino Kupapau o ka Mea Kiekie R. KEELIKOLANI.  Ua hookaawaleia na la i hoikeia ae la maluna e hele ai na mea a pau no ke kumakena, o keia pule.    1112 1t.

 

E AKAHELE.

 

            Ma keia ke hoolahaia aku nei, aole loa au e hookaa i kekahi aie i hoaie ia ma ko’u inoa e kekahi mea a mau mea paha, ke ole e loaa aku he palapala hoapono i kakauia e a’u.

            ROB’T MOONEY,

Kohala, Hawaii, Mei 28, 1883.           1122 4t.

 

OLELO HOOLAHA

 

            Ua makemake o KAUKA ROKEKE e hoike aku imua o kona mau mea mai a me na makamaka pu, ua hoololi ae nei oia i kona wahi noho a me kona hale lapaau, a aia ma ke kihi o na ALANUI BERITANIA a me RIKEKE.

1111 3ms.

 

            Ma ke Keena o ka Lunakanawai Kaapuni Apana Elua o ko Hawaii Pae Aina. Ma ka Waiwai o OPUNUI k no Waihee, Maui, i make.

            Ua heluheluia a ua waihoia ka palapala noi a Meheula w a me W. S. Naeole k, e noi ana e hooponoponoia ka waiwai o OPUNUI k no Waihee, Maui, i make, a e hooholoia i na hooilina.

            Nolaila ke kauohaia aku nei na kanaka a pau ke pili, o ka POAKAHI, oia ka la 4 o IUNE 1883, ma ka hora 10 A. M. ma ka Hale Hookolokolo ma Wailuku, oia ka la a me kahi i kohoia no ka hoolohe ana i ua nonoi a me na mea kue ke hoikeia.

            ABR. FORNANDER,

Lunakanawai Kaapuni Apana 2, H. P. A.

1120 3t.

 

            Aha Kaapuni Apana Eha o ko Hawaii Pae Aina. Ma ka Hooponopono Waiwai. Ma ka Waiwai o PUNIWAI k i make. Imua o ka Lunakanawai Kaapuni ma ke Keena.

            No ka mea, ma ka la 7 o Mei M. H. 1883, ua waihoia mai imua o ka Aha, kekahi palapala i oleloia, oia no ke Kauoha Hope Loa o PUNIWAI i make aku la, a me ka Palapala Hoopii, e noi ana e hooiaioia kela Palapala Kauoha, a e hoopuka hoi ka Palapala Luna Hooko no A. K. Mika, ua waihoia mai e Akenaka Popolani wahine kanemake.

            Nolaila, ua kauohaia, o ka POAONO, oia ka la 20 IUNE, M. H. 1883, ma ka hora 10 kakahiaka, ma ka Rumi Hookolokolo o ia Aha, ma Koloa, oia ka la me ka hora e hooia ioia ai ia Palapala Kauoha, a e hoolohe no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.

            A ua kauoha hou ia, e hoolaha no ia mea no na pule ekolu iloko o ke KUOKOA, he nupepa i paiia a i hoolahaia ma Honolulu.

            A ua kauohaia, e hoopukaia na Palapala Kena no na hoike no ia Palapala Kauoha, a me na hooilina o ka mea make, ma Hawaii nei, e hele mai a kue i keia Palapala Kauoha i ka wa i olelaia.

Kakauia ma Koloa ko Hawaii Pae Aina, Mei 7, 1883.

            JACOB HARDY,

Lunakanawai Kaapuni Apana Eha.    1120 3t.

 

OLELO HOOLAHA.

 

            E ike oukou e na mea a pau, ua hoolaha ae kuu kane mare o Lota Kuokoa Hoopii ia’u ma ke akea no kuu haalele kumu ole ka iaia. Ke hoole nei a@ i ke akea, aole he oiaio o a hoolaha a na. Ua haalele au iaia no ka manaiwa, malalo o keia mau kumu. 1 No kona hoolako ole ia’u me na pono kino o ka wahine mare. 2 No kona hoolilo ia’u me he kane la, e hele ana a hana lima me hai. Na keia mau kumu i kono mai ia’u e ku a hele ma kahi e loaa ai ia’u ko’u mau pono kino.

            MRS HIAA.   1121 3ts.

 

HOOLAHA PAPA.

 

            O ka poe a pau e loaa aku ana e hahai a hoohuli holoholona maluna o ka aina o Aeanui, Maui, a maluna paha o kekahi mau aina e ae i onaia e ka mea nona ka inoa malalo, a i hoolimalimaia paha, e hoopiiia no elike me ke kanawai.          T. K. CLARKE & CO.

Kipahulu, Maui. Mei 10, 1883.           1120 4t

 

            Mamuli o ka mana i haawiia mai ia’u e ke Kumukanawai a me na Kanawai o keia Aupuni a ma ko’u manao ana he mea keia i ku i ka pono,

            Ma keia ke KAUOHA nei au. O ke Kau Hookolokolo o ka Aha Hookolokolo Kaapuni Apana Elua e malamaia ana ma Wailuku, Maui, ma ka Poaha mua o Iune M. H. 1883, ua hoopaneeia a ka POAKOLU, oia ka la 20 o Iune, 1883, i oleloia ma ka hora 10 a.m.

Ikea ko’u lima a me ke Sila o ka Aha [Sila]

Kiekie ma Honolulu, i keia la 12 o Mei M. H. 1883.  A. F. JUDD,

Lunakanawai Nui o ka Aha Kiekie

Ikea: Henry Smith,

Hope Kal@@uolelo.  1120 3ts.

 

NA HOOLAHA HOU.

 

            Aha Kiekie o ko Hawaii Pae Aina. Mokupuni o Oahu ko Hawaii Pae Aina ss. Ma ka Hooponopono Waiwai. Ma ka Waiwai o H. H. RUTH KEELIKOLANI o Honolulu i make. Olelo Kauoha e koho ana i la e hooiaio ai ka Palapala Kauoha, a no ka hoolaha ana.

            No ka mea, ma ka la 31 o Mei M. H. 1883. ua waihoia mai imua o ka Aha, kekahi Palapala i oleloia, oia no ke Kauoha Hope Loa o H. H. Ruth Keeliikolani i make aku la. A me ka Palapala Hoopii e noi ana e hooiaioia kela Palapala Kauoha a e hoopuka hoi ka Palapala Luna Hooko no Charles R. Bishop a me Rudolph W. Meyer, ua waihoia mai e laua.

            Nolaila, ua Kauohaia, o ka POALIMA, oia ka la 22 o IUNE M. H. 1883, ma ka hora 10 kakahiaka, ma ka Rumi Hookolokolo o ia Aha, ma Honolulu ma ka mokupuni o Oahu, oia ka la a me ka hora e hooiaioia ai ia Palapala Kauoha, a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.

            A ua Kauoha hou ia, e hoolaha no ia mea no na pule ekolu iloko o ke KUOKOA me Hawaiian Gazette, he mau nupepa i paiia a i hoolahaia ma Honolulu.

            A ua Kauoha hou ia, e hoopukaia na Palapala Kena no na hoike no ia Palapala Kauoha, a me na hooilina o ka mea make, ma keia Aupuni e hele mai a e kue i kela Palapala Kauoha i ka wa i oleloia.

            Kakauia ma Honolulu, ko Hawaii Pae Aina. Mei 31, M. H. 1883.

            A. F. JUDD.

Lunakanawai Nui o ka Aha Kiekie.

Ikea: HENRY SMITH Hope Kakauolelo.

1122 3ts.

 

            Aha Kaapuni Apana Eha o ko Hawaii Pae Aina. Ma ka Hooponopono Waiwai. Ma ka Waiwai o PAKAUA k. no Haiku, Kauai, i

            Aha Kaapuni Apana Eha o ko Hawaii Pae Aina. Ma ka Hooponopono Waiwai. Ma ka Waiwai o S. KALAWAIA i make. Ma ke Keena imua o ka Lunakanawai Kaapuni.

            Ma ka heluhelu a me ka waiho ana mai o ka Palapala Noi a me ka Papa Hoike o P. R. Holi, Lunahooponopono o ka Waiwai o S. Kalawaia no Waimea, Kauai, i make, e noi ana e aponoia na hoolilo he $——a e hoike ana, o na mea i loaa mai iaia he $——a e moi ana e nana a aponoia kela mau mea, a e kauohaia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.

            Ua kauohaia, o ka POAONO, ka la 30 o IUNE M, H. 1883, ma ka hora 10 kakahiaka, imua o ua Lunakanawai la, ma ke Keena ma ka Hale Hookolokolo ma Koloa, oia kahi a me ka manawa i kohoia ai no ka hoolohe ana i ua Noi la, a me na Papa Hoike i oleloia, a o ka poe a pau i pili malaila e hele mai a hoike i ke kumu, ina he kumu io ko lakou e ae oleia ua noi la, a malaila e hoike mai ai na hoike o na mea i kuleana maloko o ka waiwai i oleloia.

            A o keia kauoha ma ka olelo Hawaii e paiia maloko o ke KUOKOA, he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.

            Kakauia ma Koloa ko Hawaii Pae Aina. i keia la 24 o Mei M. H. 1883.       J. HARDY,

Lunakanawai Kaapuni Apana Eha.    1122 3t.

 

make. Imua o ka Lunakauawai Kaapuni ma ke Keena.

            No ka mea, ma ka la 19 o Mei M. H. 1883, ua waihoia mai imua o ka Aha, kekahi Palapala i oleloia, oia no ke Kauoha Hope Loa o Pakaua k. i make aku la. A me ka Palapala Hoopii e noi ana e hooiaioia kela Palapala Kauoha a e hoopuka hoi ka Palapala Luna Hooko no A. K. Mika ua waihoia mai e Maria Keaupuni.

            Nolaila, ua Kauohaia, o ka POAONO oia ka la 23 o IUNE, M. H. 1883, ma ka hora 10 kakahiaka, ma ka Rumi Hookolokolo o ia Aha ma Koloa, oia ka la me ka hora e hooiaioia ai ia Palapala Kauoha, a e hoolohe hoi noia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.

            A ua Kauoha hou ia, e hoolaha no ia mea nona pule ekolu iloko o ke KUOKOA, he nupepa i paiia a i hoolahaia ma Honolulu.

            A ua Kauoha hou ia, e hoopukaia ka Palapa Kena no na hoike no ia Palapala Kauoha a me na hooilina o ka mea make, ma Hawaii nei, e hele mai a e kue i kela Palapala Kauoha i ka wa i oleloia.

            Kakauia ma Koloa, Kauai, ko Hawaii Pae Aina, Mei 19, 1883.         J. HARDY,

Lunakanawai Kaapuni Apana Eha.    1122 3t.

 

HOOLAHA KUAI WAIWAI PAA A KA LUNAHOOPONOPONO WAIWAI.

 

            Mamuli o ka mana o kekahi Palapala Kuai i hoopukaia e ka Hon. B.H. Austin, e noho ana he Lunakanawai Hooponopono Waiwai, ma ka la 21 o Mei A. D. 1883, e kuai aku ana ka mea nona ka inoa malalo ma ke Kudala Akea, ma ke alo iho o ke Keena Oihana o D.H. Hitchcock, Luna Kudala o Hilo, mokupuni o Hawaii, ma ka hora 10 kakahiaka, ma ka POAONO, ka la 23 o IUNE, 1883, no ka dala Kuike, no na Palapala Sila.

            1—Kela mau Hale noho Laau Nunui Ekolu a me na hale liilii iho ekolu, i kukuluia ma ka aina e waiho la ma Maulili, Hilo, a i hoakaka ia ma ka (Apana Helu 2.) E hooneeia keia mau hale mai ka aina aku e ka mea kuai iloko o na mahina elua mai ka la kuai aku. Hookahi o keia mau hale nunui, he hale noho oha na a he halekuai, a he hiki wale no ke hooneeia.

            2—Kela apana aina e waiho la ma Maulili, Hilo, Hawaii, a i hoakakaia ma ka Palapala Sila Nui Helu 1655. Aia ma ka muliwai o Waimea kekahi palena, a nona na eka he 24. E kuai waleia ana no ka aina aole o na hale kekahi.

            O na waiwai i hoikeia maluna, kekahi no ia o na waiwai o Pelero Wahakane i make. Maikai na Palapala Sila. I ka mea kuai no na lilo o na Palapala Kuai. O ka uku auhau no ka makahiki 1883—84, e ukuia no e ka mea Kuai.

            No na mea aku i koe, e ninau i ka mea nona ka inoa malalo ma Honolulu, a i ole ia D. H. Hitchcock, Luna Kudala o Hilo Hawaii.

            W, AUSTIN WHITING,

Lunahooponopono o ka Waiwai o Petero Wahane i make.    1122 3t.

 

PUALI KINAI AHI O HONOLULU. HOOLAHA.!!

 

            O ke kau Koho Balota no na LUNA NUI o ka Oihana Kinai Ahi o Honolulu, e hoomaka ana ma ke ahiahi Poakahi Iune 4, 1883, ma ka Hale Kaawai Helu 2. E hamama ana ka Pahu Balota mai ka hora 7 o ke kakahiaka a hiki i ka hora 9 ahiahi. Ma ke Kauoha.

            CHAS. T. GULICK,

Lunakanawai Koho Balota.

H. SMITH,

L. APHAAT,  Na Luna Nana.

Honolulu, Iune 2, 1883.          1122 1t.

 

OLELO HOOLAHA.

 

            Oiai ua hookohu ponoia mai ka mea nona ka inoa malalo i Lunahooponopono Waiwai no ka Waiwai o Kaahalama i make, ma keia ke hoolahaia aku nei i ka poe a pau i aie i ka waiwai o ka mea i make, e hookaa koke mai, a o ka poe a pau he kuleana ko lakou i ka waiwai o ka mea i make, e hoike mai lakou i ko lakou mau palapala hooiaio kupono i ka mea nona ka inoa malalo, a i ole ia W. A. Kinney kona Loio, ma kona keena hana ma ke alanui Kaahumanu, Helu 15, Honolulu, iloko o na mahina eono, a i ole, e hoole mau ia lakou.

            IOANE K.

Honolulu, Mei 29, 1883.         1122 4t.

 

OLELO HOOLAHA.

 

            Ua nalowale kuu lio wahine lokia hakeokeo ma ke kula o Kalihi, aole he maopopo ke hao kuni, aka, ua paa ia’u kona ano. O ka mea e loaa ai a hoihoi mai ma ko’u wahi noho ma ka halekuai rama ma Honolulu, e loaa no ka uku makana he $10.00.           KEOKI HAPAKELA.

1122 4t.

 

NA HOOLAHA HOU.

 

            Aha Hookolokolo Kiekie @@ H@@@ @@@ Aina. Ma ka Hooponopono W@@@@@ @@ ka Waiwai o WILLIAM HARBOTTLE Honolulu Mokupuni o Oahu @ m@@@ @@@@@ ole. Imua o ka Lunakanawai A@@@@@ Kauoha e Hoolaha aku no ke N@ ma@@ Koho i Lunahooponopono Wai@@@.

            Ma ka heluhelu a me ka @@@ @@@@@ Palapala Noi a Kealoha Harbottle Kaa@@@ me W. Kalaehao kana kane, e @@@@@@@@@ o William Harbottle no Honolulu @@@@ @ make kauoha ole ma Honolulu @@@@ ka la 11 o Aperila M. H. 1883. @@ @@@@ haawiia ka Palapala Hookohu Luna@@@@nopono Waiwai ia H. K@mon@ohn@@@ @@nolulu i oleloia.

            Ua kauohaia, o ka POAKAHI @@ @ @@ IUNE M. H. 1883. oia ka manawa @ @@ ka hoolohe ana i ua noi ia. @@@ @@ @@@@@ nawai la ma ke Keena H@@ @@@@ Aha. ma Honolulu, a ma ia ma@@@@@ @@ wahi e hele mai ai na mea a pau @@ @ @@@@ mai i ke kumu, i@ 2 he kumu @a @ @@@@ ae ole ia ua noi la. A o ke@a @@ @@@@. hoolahaia ma ka olelo Hawaii @@ @@@@ ka NUPEPA KUOKOA, he nupepa @ @@@@ lu.

            Kakauia ma Honolulu @ Haw@@@ @@@ @@ Mei 23, M. H. 188@     B. H @ @@@

Lunakanawai o ka Aha @

Ikea: HENRY SMITH.

Hope Kakauolelo.       @@@@

 

            Aha Kiekie o ko Hawaii Pae Ai@@ Hooponopono Waiwai. Mokupu@@ Hawaii Pae Aina @@. Ma ka W@@@ MAKA w. o Heeia, Koolaupoko @@@ Oahu, i make. Olelo Kauoha e k@@@@ e hooiaio ai ka Palapala Kauoha, a @ @ laha ana.

            No ka mea, ma ka 19 o Mei m. @ @@@ waihoia mai imua o ka Aha, kekahi @@@ @ oleloia, oia no ke kauoha hope @ @ K@ KA i oleloia i make aku la: a me @a @@@ Hoopii, e noi ana e hooiaioia ke@a @a @ Kauoha a e hoopuka hoi ka @a @a@a @@ Hooko me ka Palapala Kauoha @@@@@@ J. Kahoowalewale o Heeia i olel@@. @@ @@@ ia mai e J. Kahoowalewale i @@@@@@

            Nolaila, ua kauohaia, o ka POALIMA ka la 15 o IUNE M. H. 1883. ma ka @@@@ A. M. ma ka Rumi Hookolokolo @@ A@@ @@ Honolulu ma Aliiolani Hale ia ka ia m@@ hora. e hooiaioia ai ia Palapala K@@ha @ hoolohe hoi no ia noi ana mai, a me @@ @@@@ pau i pili, e kue ana ia Palapala Kauoha. @@@ ka hoopuka ana i ka Palapala Luna H@@@

            A ua kauhoa hou ia. e hoolaha no @@ @@@ na pule ekolu, iloko o ke KUOKOA. @@p@@a i paiia a i hoolahaia ma Honolulu.

            A ua kauoha hou ia. e hoopukaia @@ @@@@ @ la Kena no na hoike no ia Palapala K@@@@@ @ me na hooilina o ka mea make, @a H@@@ Oahu, a me Kona, Hawaii, e hele ma a@@ @ i kela Palapala Kauoha i olel@aa.

            Kakauia ma Honolulu. ko Hawaii Pae @@@@

Mei 19, 1883.  A. FRANCIS JU@@

Lunakanawai Nui o ka Aha Kiekie

Ikea: HENRY SMITH,

Hope Kakauolelo.       1121 @@

 

            Aha Hookolokolo Apana Eha @ @ Ha@@@ Pae Aina. Ma ka Hooponopono Wa@@@@ Ma ka Waiwai o KEOKI k. i make a@@ ia ole. Imua o ka Lunakanawai Kaapuni ma @@ Keena.

            Ma ka heluhelu a me ka waiho ana ma. Palapala Noi a Kalua Coles w. @. Wa@@@ hoike mai ana o Keoki k. no Waim@a, Ka@@@ ua make kauoha ole ma Waimea, ma @@ @ @ Iune M. H. 1875, a e noi ana e haaw@@ @@ @@ lapala Hookohu Lunahooponopono W@@@@@ William H. Coles.

            Ua Kauohaia, o ka POAONO ka la @@ IUNE, M. H. 1883, I ka hora 10 kaka@@@@@ oia ka manawa i kohoia no ka hoo@ohe @@ @@ nonoi la, imua o ua Lunakanawai la ma @@ Keena Hookolokolo o keia Aha, ma K@@@@ @ ma ia manawa a ma ia wahi no e h@@@ ma @ na mea a pau i pili e hoike mai i ke k@@@@ @ he kumu oiaio ko lakou e ae ole ia a@ ua @@@ @@ A o keia olelo kauoha e hoolahaia ma ka Hawaii i ekolu pule ma ke KUOKOA, @@ pepa ma Honolulu.

            Kakauia ma Koloa, Kauai, ko Hawaii Pa@ Aina, Mei 14, M. H. 1883.        J. HA@@@@

Lunakanawai Kaapuni Apana Ena.

1121 3ts.

 

HOOLAHA HOOKO MOKAKI M@ @@ KUAI.

 

            Mamuli o kekahi mana kuai i h@@k@@ @@ ko o kekahi palapala moraki i hanaia @@@@@ @ o S. M. Kinimakalehua o Koolaul@a M@@@@@ ni o Oahu, o ka aoao mua, a me Mei @@@@@ Kahu Malama Waiwai o na Keiki @@ @@li Naone i make o ka aoao elua, ma ka @@ 11 Dekemaba 1880, i kakau kopeia ma @@ @@ 69 aoae 57, 58, a mamuli o ka uh aiia ua @a kumu aelike o kela moraki, nolaila, @@@@@ haia aku nei e J. M. Monsarrat, ke Kai Ma lama Waiwai hou o na Keiki Oo @le @ li@@ Naone i make e hooko ana oia ia mana  @@a. @ ma ia hooko ana, e kudala akea ana ia. @@@ na i hoikeia ma ia moraki, ma ka la 3@ @@@ M. H. 1883, ma ke Keena Kudala I@ @ Levey, ma Honolulu, ma ka hora 12 @ @. Aia ma kahi o J. M. Monsarrat na olelo @@@@@ ka no keia mea.

            Hanaia i keia la 29 o Mei, M. H. 1883.

            J. M. MONSARRAT

            Kahu Malama Waiwai o na K@@@@@ @@ Hao Naone i make.

 

            Penei na aina e kudalaia ana:  O k@ @@@a na a pau loa o S. M. Kinimakalehua @ @ei @@ oia hoi he hookahi hapaono i mahele @@@ @ ko o kela aina a pau loa e waiho la ma Kapapau, Koolauloa, Mokupuni o Oahu. @@ @@@ kaia na palena ma ka Palapala Sila N@@ @@@@ Helu 235, i haawiia ia Hoopalah@e, @@@ @@ eka he 123 a oi a emi mai paha.1121 @@

 

HOOLAHA HOOPONOPONO WAIWAI

 

            Ke hoolaha aku nei na mea @@@ @a @ malalo, ua kohoia laua i mau lunah@@p@@@@@@@ no ka waiwai o Ahuli w. i make iho @@ N@ laila o ka poe a pau loa ana i aie a@ @@@ mai lakou i ka lakou mau bila kikoo a @. @@@@ @loko o na mahina eono mai ke@a la ia @ ole, e hoole mau loa ia lakou elike m@@e @@@@ wai A o ka poe i aie iaia e hookaa @@@@ @@ na mea nona na inoa malalo a i ole mai @@@ na o W. R. Kakela.

            NAOMI W. KAW@@

Honolulu, Mei 26, 1882.         1121 4@

 

OLELO HOOLAHA.

 

            E ike auanei na kanaka a pau ke na@a @a keia, ke hookapu a ke papa loa ia ak@ @@@ holoholona a pau e hele ana maluna o @@@@@ ma Haou, Hana, Maui. O ka p@@ e @@ @@@@ ole ana i keia, e uka no $1. Ua h@@ k@@ @@@ au ia @, Kahili i luna nana e h@p@ @@ @ @@@ lona e loaa aku ana maluna o kuu a@ @ @ @ mana hiki iaia ke hoolimalima aku @a @ @@@@ na o’u.          K. K@@@

1121 2ts.

 

            Aha Hookolokolo Kiekie o k@ H@@@@@ @@@ Aina. Ma Ka Hooponopono Waia. @@ ka Waiwai o WAIAHA w, o Honol@@@ @@ ke, kauoha ole. Imua o ka Luna@@@@@@ Nui Judd. Olelo Kauoha e Hoolaha i@ @@ ke Noi ana mai e Koho i Luna hoop@@@@@@@ @@ Waiwai.

            Ma ka heluhelu a me ka waiho ana @a. Palapala Noi o Kananimauloa w ke ka @@@ @@hine a WAIAHA w i make, e hoike a @ @@@ WAIAHA w i oleloia no Honolulu, @@@@ @ make kauoha ole ma Honolulu i ole. @@@@ ma ka la 3 o Mei M. H. 1883, a e N@@ @@ haawiia ka Palapala Hookohu Lunah@@@@@@@@no Waiwai i ka mea noi i oleloia.

            Ua kauohaia, o ka POALUA ka la @ @@NE M. H. 1883, oia ka manawa i @o @ @ @@ ka hoolohe ana i ua noi la imua o ua L@@@@@nawai la, ma ke Keena Hookolokolo @@@ Aha, ma Honolulu, a ma ia manawa @ @@@ wahi no e hele mai ai na mea a pau @ p@ @ @@ ike mai i ke kumu, ina he kumu o@a@@ @ kou e ae oleia ai ua noi la. A o keia @ uoha e hoolahaia mo ka olelo Hawaii @@@ pule ma ka NUPEPA KUOKOA, he nupe@a Honolulu.

            Kakauia ma Honolulu ko Hawaii Pae Aina Mei 16, M. H. 1883.      A. @. JUDD

Lunakanawai Nui o ka Aha Kiekie.

Ikea: Henry Smith,

Hope Kahauolelo, 1120 @@@