Ka Nupepa Kuokoa, Volume XXII, Number 21, 26 Mei 1883 — Page 1
| This text was transcribed by: | Aubrey Matsuura |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NA HOOLAHA KUMAU.
MAIKAI KA HOI
KA PAPA
A ME
KA LAAU O KOU HALE.
NOHEA LA?
KAI NO HOI NO KAHI O
WAILA MA.
Nana aku no hoi ia la ohi ka lo o ka laau o Makawao, I ka ua mea hoi o ka nani.
NA PAPA! NA PAPA!
A ME
Na Pono Kukulu Hale
O na Ano no a Pau
AIA MA KE KIHI O NA ALANUI
Papu me Moiwahine,
HONOLULU.
Malaila e loaa ai e like me ka makemake no ke
KUMUKUAI MAKEPONO LOA.
PAPA! PAPA! PAPA!
NA PAPA HULUHULU,
NA PAPA MANOANOA,
NA PAPA I KAHIIA,
NA PAPA KEPA
PAPA HOLE KEOKEO
PAPA HOLE ULAULA
Na Laau, Na Laau,
NA KUA,
NA KAOLA,
NA AAHO,
NA MOLINA,
NA PEAPEA.
PINE HULUHULU,
PINE I KAHIIA
NA PAPA A ME NA LAAU ULAULA.
PILI ULAULA,
PILI KEOKEO,
PANI PUKA,
PUKA ANIANI,
PANI PUKA ANIANI,
PUKA OLEPELEPE.
PENA
O NA ANO A PAU,
Hulu Pena mai ka liilii a ke nui,
Aila Pena,
Aila Hoomaloo,
Waniti, Pate,
Na Lako o kela a me keia Ano.
NA AMI PUKA HALE,
NA AMI PUKA PA,
ANIANI
PEPA HALE A ME NA LIHILIHI,
E loaa no malaila
PAAKAI HELU 1,
O
KAKAAKO ME PUULOA.
No ke Dala Kuike e loaa no na mea a pau I haiia ae la no ke Kumukuai Emi Loa. O na Kauoha mai Hawaii a Niihau, e loaa aku no me ka hooko pololeila. E kipa nui ilaila I ike ka oiaio. 905 tf.
NA HOOLAHA KUMAU.
PAPA! PAPA!
NO
ALLEN & ROBINSON
Ua wehe ae n@ maua
PA KU AI PAPA
MA
Ka Uwapo o Pakaka.
Na Papa Ulaula o na ano a pau,
Na Papa Paina o na ano a pau,
Na Pili Hale Ulaula,
Na Pili Hale Keokeo,
Na Pepa Molina,
Na Pepa Hoonani Hale.
Na Pena a me na Aila Pena!
Na kui o na ano a pau.
Na Pani Puka a me
Na Pani Puka Aniani,
Na Pani Puka a me
Na Olepelepe.
NA LAKO KUKULU HALE
O NA ANO A PAU!
E kuaiia ma
KE KUMUKUAI HAAHAA LOA
O keia Makeke.
PAPA! PAPA!
AIA MA KAHI O
LEWERS & COOKE,
(O LUI MA)
Ma ke kahua kahiko ma alanui Papu a me Moi.
E loaa ai na
PAPA NOU AIKI.
O kela a me keia ano.
Na Pani Puka, Na Puka Aniani, Na Olepelepe, Na Pou, Na O a, Na Papa Hele, Na Papu Ku, A me na Papa Moe nui loa
Na Pili o na Hale o na Ano a Pau.
Na Pepa Hoonani, Na Pena o na Wai e pau, Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila @ ae o na ano a pau.
NA WAI VANIKI
A ME NA
WAI HOOHINUHINU NANI!
O NA ANO A PAU LOA.
NA BALAKI ANO NUI WALE.
A ke hai ia aku nei ka lono I na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana
NO KA
UKU HAAHAA LOA.
E like me ka mea e holo ana mawaena o LAUA a me ka MEA KUAI.
E Hele mai! E na Makamaka!!
A e lawa no hoi ko oukou makemake me ka oluolu a me ka maikai.
NA WAIWAI HOU LOA
O NA ANO A PAU.
E LOAA NO MA NA HALEKUAI O
WALAKAHAUKI MA!
MA ALANUI
Papu, Moi a me Moiwahine
OIA HOI:
Na Noho Lio hou
loa o na ano a pau,
Na Palule Keokeo,
Huluhulu, o na ano
a pau, Na Pio
Ahinahina Pele
kane hou loa o na
ano a pau. Na
Pena Kukaepele.
Na Kopa Bulu. Na
Lole o na Wahine o
na ano a pau. Na
Pahu Aila Mak@
maikai loa. Na Si
lika, Pahoehoe, o
na ano a pau. Ki
hei o na ano a pau.
HAINAKA LAU NUNUI SILIKA O NA ANO
A PAU
He nui aku no i koe, he piha pono na Koluma o ka pepa, ina e kuai @ ia aku nei.
Eia hou ae a hoea mai I keia mau la iho he Lako Waiwai hou loa o na ano a pau, a he lako hou loa I wae pono ia e J. T. WATERHOUSE, JR., ma Enelani, a he mau waiwai hoi I kupono loa no ko kakou mau kaiaulu. Nolaila,e eleu mai e na makamaka a me na hoa’loha e hoonuu I keia mau lako waiwai hou loa. 1076@m
KA MOOLELO
PILIPO KEKOA!
Ka Makai Kiu Ilikini
AMERIKA HUIPUIA
A O KA
NANE HUNA O KA 1776
MOKUNA VIII.
HE HOAILONA KUPANHA.
Iloko oia wa, ua haupu ae la o Beramile no kekahi mea, a ninau aku la me ka pihoihoi:
He manaoio no anei kou ua pepehi io ia kuu kaikamahine?
Pela io paha, aka, ma ko’u noonoo, eia no ia ke ola nei.
E na lani, pehea la e hiki ai ia’u ke manaoio aku I kau mau olelo.
No ka mea, ma na hoike a pau I loaa ia’u, ke hooia mai nei lakou eia no oia ke ola nei.
Auhea na hoike?
Ae, no ka manawa nua loa, kea e nei au e uhaki I ka rula paa a’u I hiipoi ai me ka maluhia iloko o na makahiki lehulehu o ko’u noho ana I ka’u oihana. Eia no ia, o na hoailona a pau e hoike mai ana, ua hana maoli ia no ka pepehi kanaka. Aka, o ka mea I kuluma mawaena o ka poe lawe ola, o ka hoao e huna I na hoike o ka lakou mau hana karaima, aka, na ka poe ohumuhumu manao ino e hoike ae ia mau hana.
Heaha kau mea e olelo nei?
O ka’u e olelo aku nei ia oe, ua hoomhuka ia ko kaikamahine, a ua hoao kona poe nana I hoomahuka me ka ikaika e hoike ae ua hana ia he pepehi kanaka.
Auhea kau ma hooiaio no ia mea?
Eia, o ke koko e haukae la a puni ka rumi, aole ia he koko I kahe maoli mai kahi I hou ia ai ko kaikamahine I ka pahi. A aole no hoi e hiki I kekahi kaikamahine opiopio ke hooikaika ae iwaena o ka poe e pepehi ana iaia, a oki loa kona rumi me ke koko. Eia hou keia, aole I kiola maoli ia aku ka pahu iluna o ka moe aka, I waiho maoli ia no malaila me ke akahele loa, I hiki ai I ka mea e komo aku ana iloko o ka rumi ke ike e aku. A eia hou hoi keia , o na meheu wawae e waiho nei a hiki I keia lima ua keehi ia me ke akahele loa, I loaa mai ai keia mea manaonao.
Iloko oia wa, ua kahaha loa ia o Beramile mamuli o keia mau olelo a ka Makai Kiu, nolaila hoomaopopo iho la oia, ua loaa iaia he kanaka loea ma ka imi ana I na mea pohihihi loa, a he kanaka hoi nana e hue pau aku na mea pouliuli e pili ana I ka nalowale kupa naha ana o kana kaikamahine.
Alaila, hawai ae la ka Makai Kiu I ua hapa pulima la iluna a pane ae la
Eia ka hoike oi ae mamua o na ike e ae a pau, ka hoike nana e hooia mai I ka hohonu o na hana akamai a keia poe, he mea keia e hoike mai ana, ua hana io ia he pepehi kanaka.
E hai mai oe no ke aha la oe I haawi ai I ka ikaika o kau mau olelo maluna o keia mea I hooiaio no kau mea I manao ai.
No ka mea ua kii ia he lima no kekahi kaikamahina I make e mamua a hookomo ia mai la ke komo o ko kaikamahine ma kekahi manamana lima me ka moena o na meheu wawae me ka maopopo a hiki ianei, he mau hoike maopopo loa keia e hoike mai ana ua hana io ia he pepehi kanaka, I wahi hoi e nalo ai ka io o ka lakou mau hana.
Heaha la ko lakou manao o ka hana ana I keia hana?
He manao ano nui no.
I wahi paha e loaa ai ka wiawai?
Ae.
A ina aole hoi I make kuu kaikamahine, alaila, e haule ana ko lakou mau manaolana.
Aka, ua hana mai nei lakou la I na hana maalea e hoike mai ana me ka maopopo loa, ua make oia, a ua kaa hoi ma kou aoao ka hole ana aku I keia man hoike, aohe oiaio.
A pehea e hiki ai ia kaua ke hana ia mea?
Ma ka lawe ana mai I ke kino ola maoli o ko kaikamahine.
Malia paha o pepehi mai no lakou ke ike nui iho, aole e ko ana ko lakou makemake?
Ia wa, mino @a iho la ka Makai Kiu a pane aku la
Aole pono e @ lakou ua ike e ia ka lakou no a a hi@ I ka wa e loaa ai ua kaikamahine la. Nolaila, e panai aku kaua I ka maale no ka maalea. E hoike aku hoi kau@ ua holopono ka lakou mau hana. Ao@ hoi e pono e l@he kekahi mea e ae @awaho o kaua eia no ke ola nei oia. E hoouna aku oe e poe na lakou e imi ia@ I ike mai ai lakou ua alakai hewa ia oe e na hana maalea a lakou, a na kaua @ e noii nowelo malu aku na poopoo a me na lua huna o ko lakou mau kahua hoomoana no ke kiho o ke kaikamahina.
Alaila, e hooi@o mai lakou, ua make io oia I ko ai ko lakou makemake?
Mai kanalua o@ no ia mea, e loaa aku ana no kona kino e loaa ana ia kaua he meheu e hiki aku ai I kahi o ke kino I kanuia ai.
A ina ua kanu@ oia, pehea oia e ola ai?
Mino aka hou @ho la ka Makai Kiu a pane aku la oia
O ke kino e loaa aku ana ia kaua ua muumuu kekahi lima, a I ka wa no hoi e loaa aku ai, ua inoino a hiki ole ke hoomaopopo aku I na helehelena, aka, o na mea e ae, e loaa aku ana n@. He hana hohonu keia aku, he hana oi aku ana o ka hohonu ke hana ia kau ana e hoaa ai lakou.
E hiki ana no anei ia kaua ke hooiaio aku, aole ia o kona kino?
Ae, aia a hiki mai ka wa kupono.
Pehea?
Ma ka lawe ana mai I ke kino ola o ke kaikamahine.
He kanaka kupanaha io no oe e Pilipo Kekoa, a @ na nei ko’u manao, ua pololei o@ ou manao.
Aole keia @ wa@e iho no no’u, aka, he mea I ike maka ia e a’u, a e hoka ana lakou ia’u.
Ina io e holopono ana kau hana, alaila, e hoowaiwai aku no au ia oe.
He oiaio, he makemake no ko’u e lilo I kanaka waiwai, a e holopono ana no hoi au ma ka’u hana; aka, mamua ae o na mea a pau, e noho malie loa oe.
A owai keia poe hana hewa?
Oia ka mea I koe, aka, e hana kaua I mea no lakou e haalele aku ai I ko lakou wahi hoomoana; a e hoomanao hou hoi oe, I ka wa e loaa aku ai o ke kino ia kaua, e pono e ike mai, a uwe iho a kanu aku. Pela kaua e nee malie ai ma kekahi aoao. A malia he mau la pokole koe e ike no auanei kaua e kekahi mea kamahao.
Ua maopopo no anei ia oe keia poe?
Aole, aka, he manao nae ko’u ua maopopo ia’u ko lakou wahi e puka mai ai.
E hai mai hoi ha oe ia’u.
Aole I keia wa, aia a hiki mai ka manawa e lohe no oe I na mea a pau. E hoi kaua I ka hale. E hoolilo mai oe ia’u I kauwa lawelawe nou iloko o kou hale, a malia o hiki mai au imua ou malalo o na hoano e he lehulehu iloko o ka wa a’u I ike ole ai, nolaila, ke hai e aku nei au ia oe I keia mea I ole ai oe e kuhihewa mai ia’u a haule wale ka kaua hana.
A pehea au e ike aku ai ia oe?
Ia wa, hapai ae la ka Makai Kiu I kana ipu kukui a pa pono aku la I kona mau helehelena hauliuli.
E nana mai ia’u? wahi a ka Makai Kiu.
Alaila nana aku la o Beramile iaia, a ia wa no, I hoomaka ahewa ae ai oia.
Ke ike mai la oe I ka hoailona?
Ae.
E hoomaopopo pono I keia hoailona leo ole o kuu maka e hoomaopopo, mai poina.
E hoomanao mau no au.
Maikai. E hoihoi aku au ia oe a hiki I ka hale, e hiamoe oe me ka oluolu, mai hoouluku I kou manao; eia no ko kaikamahine ke ola nei, a e hoihoi hou ia mai ana no oia e like me kona kulana mua.
Ia laua e hele ana @ aneane e hiki aku I ka hale, olelo aku la ka Ilikini ia Beramile e hele ae mamua a ku iho la oia malaila a hiki I ka wa a Beramile I hala aku ai, ia wa no oia I lalau iho ai I ke kau wahi kamaa wahine e waiho ana iluna o ka mauu.
A iaia I lalau iho ai, puana ae la ia
A ha E Lu L@ia, eia @ mahope o kou meheu.
(Aole I pau)
HE WAHI KAAO
O KE
KANAKA LAWAIA
MOKUNA II.
I ka lohe ana o ke kanaka lawaia I neia mau olelo a ke kupuna weli, kulou iho la kona mau maka ilalo, holo ae la na kipona o ke kaumaha a panipu I kona houpo, a piha loa ae la kona puuwai me na manao kaniuhu, a puana hawanawana ae la ia I keia mau huaolelo kaukau
“Aloha no hoi oe e ke keiki. Ka I no paha na hai aku na hoopilikia a me ka poino e kau mai ana maluna o kou luaui makua nei eia ka nau no. Ua aloha au I ou mau hanau mua, a ua minamina nui ia lakou; aole ane I piha ko’u puuwai me na manaolana maluna o lakou, elike la me ko’u hilinai piha ana maluna ou. Ua manao au, ia oe la hoi e ola ai neia kino hapauea, a nau la hoi e huna nei mau iwi; eia ka aole. Ua hilinai kuhihewa ka ko’u mau manaolana ana maluna ou oiai, ma kahi o ke ola a’u I manaoia ai e loaa ana mai a oe mai, ke ike nie au, ke haawi mai nei oe he apu I piha me na poino a me ka make weliweli. Aka, mai manao oe e kuu keiki, no ko’u hookiekie ana ae ia oe ma ke kulana a’u I hookapu ai no ka’u mau keiki punahele, oia kou mea e noho mana ai maluna o kou makua nei; he manao kuhihewa ia ou. Ua hala ae nei he mau la lehulehu mai kou noho mana ana maluna o ko’u home nei, kahi hoi ou mau kuaana I aloha a I hiipoi nui ai me ke akahai; a iloko o ia mau la lehulehu a’u I hoopunahele ai ia oe, aole loa au I ike I kekahi hana a ko’u maau e hiki ai ke mahalo aku ia oe. O ka hana ino a me ka hoopilikia mau ia’u kau mau hana e hoomau nei. Ua uhauha oe I kahi pono uuku I loaa mai ia’u mamuli o ka hooikaika pua@ho ole iloko o ka hoomanawanui I ka luhi a me ka pilihua, a ua noho ekemu ole aku au ia mau hana hookiekie au e ke keiki; a ano, ke ike nei au I ka uku au e hoao nei e kau mai nei maluna o’u no ka’u mau hana maikai ia oe. Ua lawe mai nei oe I ka elele a ka make a I ka ipuka hale nei, a hookauwa aku nei oe ia oe iho malalo o kona mana daimonio; a ke kau mai nei I ka hopena maluna o’u hala ole nei e make koke au ano. Aka, e kuu keiki, ua lawa kau mau hana ino aloha ole ana ia’u. Ua hoomanawanui au a ua hiki ole ke hoomau aku. A oiai ke ike nei au ia oe, aole loa e ko ana kou makemake. Kea o aku nei au ia oe e hoihoi hou oe I keia omole kupua lapuwale I kahi au I lawe mai ai; a e noho malie oe ma keia hope aku, o pau ko’u aloha nou, pau ko’u hookiekie a hiipoi ana ia oe, a kipaku aku au ia oe e hele mailoko aku o ko’u malu hala me ka haahaa o kou kulana a me ka ilihune o kou kino.”
Pela iho la ke kanaka lawaia I kaukau iho ai, me kona hoopaa ana I kona manao e hooko oia I kana mau mea I olelo ai. A ea ae la ua kanaka lawaia nei, a nana ae la I ke kupua, a ike aku la, ia e kau ana he mino aka henehene o ka lokoino maluna o kona mau papalina, a piha loa ia ae la kona puuwai me ka inaina.
Huli ae la kona mau maka ma ka akau, a ike aku la ia ua paapu ka aina me ka punohu uwahi eleele panopano I puka ae mailoko ae o ka omole; alawa
Ae la ia ma ke kukulu hema, a hoomaopopo iho la ia ua powehiwehi na mokupuni lehulehu I ka uhiia e ua uwahi haekaeka nei; huli aku la ia I ke komohana, a ike aku la ua nalopu ka moana iloko o ka uliuli o ka uwahi; aka, I kona huli ana ae ma ka hikina, ua hoohauoliia ae la kona puuwai a piha holookoa oia me ka hoihoi nui, I ka ike ana’ku I ka wehe ana’e o na ao o ka lewa, a poha mai la ka malamalama lamaku me kona nai lua ole a pau.
A ia manawa koke no I hawanawana ae ai kekahi leo mama ma kona pepeiao hema, a lohe koliuliu ae la ia I neia mau mamala olelo: “O ka malamalama ken oho alii maluna o ka pouli.”
Ia manawa koke no’ ua hoopihaia ae la kona puuwai me na manao koa, a hooholo iho la ia e hooko I kela kauoha I hawanawanaia mai ai ma kona pepeiao. Huli ae la ia a pane ae la I ke kupua, I aku la:
“E kala mai ia’u a mai kau koke mai hoi oe I ka make maluna o’u, a na ke Akua e kala mai ia oe; a ke pepehi oe ia’u ano, alaila, e haawi mai no auanei ke Akua I ka ikaika maluna o kekahi mea okoa I oi aku I kou ikaika nana e hoopoino ia oe”
“Aole a’u mau hoolohe ana aku I kau mau olelo. Aole loa au e kapae ae I ke kau ana aku I keia hopena o ka make maluna ou a nolaila ano e koho mai oe I kea no make @make make ai e@
@ I keia mau huaolelo a ke kupua olelo iho la ia iloko ona.
“He oiaio he kupua ke@a, aka, he kino kanaka hoi ko’u a ke Akau I hana mai ai elike me kona mau ano a pau. He uhane hoi ko’u, a ua oleloia o ka mea puni a e haawi pio iaia iho I kauwa na keia kupua dem@na ino, aole loa ia e komo aku iloko o ke aupuni Paredaiso nani o ka lani kiekie, kahi hoi o na hauoli no ka manawa pau ole. Nolaila, e hooikaika no au, me ke kokua ana mai o ke Akau ia’u, e lawe pio I keia kupua a e kipaku aku iaia mailuna aku o keia aina nani kamahao alaila, pane hou aku la ua kanaka lawaia nei imua o ke kupua, I aku la:
“He oiaio anei ano e make ai au?”
“Ae, ano no!” wahi a ke kupua.
“Alaila;” wahi a ke kanaka lawaia, ma o ka inoa la o Davida kou hoaloha, a me ke Kahuhipa mai ka aina e mai, e ninau aku au I hookah ninau imua ou, a e pane mai oe me ka pololei.”
I ka lohe ana o ke kupua I ka inoa o Davida a me ke Kahuhipa, ua manao iho la ia e haawi pio aku ana ke kanaka lawaia iaia iho, oiai ua hoopuka ae la ia I na inoa o kona mau hoa’loha; a pane mai la ua kupua nei, I mai la:
“Ae; e pane no au me ka pololei, e hoopokole oe I kau ninau.”
“Pehea oe I noho ai iloko o keia omole? Oiai, aole I lawa kona nui no kou manamanalima, a pehea la I hiki ai I kou kino holookoa ke noho iloko o keia omole?” wahi a ke kanaka lawaia.
“Aole anei oe e manaoio iloko au o kela omole, a mailoko mai o laila I hemo mai nei au?” wahi a ke kupua.
“Aole loa au e manaoio aku ia oe aia wale no a ike maka aku au ia oe iloko o ka omole;” wahi a ke kanaka lawaia.
“E hoike aku no au ia oe I pau kou wahi kanalua,” wahi a ke kupua.
Ia manawa, hoohaalulu ae la ke kupua iaia iho, a hoomaka mai la ka uwahi e hoi mai a hoakoakoa ae la I kahi hookah, pii ae la I ka lewa a kiekie a nalowale iho la ke kino o ua kupua nei, a hoomaka iho la ka uwahi e komo iloko o ka omole. Nana pono mai la ke kanaka lawaia a hiki I ka pau pono ana o ke uwahi iloko o ka omole, ia manawa koke no oia I hopu aku ai I ke pani piula I silaia me ka inoa o Davida a papani koke iho la I ka waha o ua omole la, a paa loa iho la ke kupua iloko o kahi ana I hemo mai ai. Pane iho la ua kanaka lawaia ne:
“Ano e ke kupua, pehea la kau ano make I makemake ai?”
“E hookuu ae ia’u, a noun a waiwai a me na hanohano a pau,” wahi a ke kupua.
Aka, aole loa I hoolohe ke kanaka lawaia I kana, aka, kau ae la ia maluna o kona waa, a holo aku la a ka moana kai hohonu, a hoolei aku la I ka omole kupua ilalo lilo loa. A hoi aku la ia a kona home, a loaa aku la kana keiki hookano a hoopoino hoi iaia e noho ana me ka nanea a me ka lealea uhauha; a pane aku la iaia, I aku la:
“Ano e kuu keiki; ua hoao au ia oe; ua kaupaona hoi I kou aloha io ia’u ma ka mea kaupaona; a ua ike au, aohe ou aloha ia’u, nolaila ano, e ku oe a hele mailoko aku o ko’u hale nei, a mai manao hou mai oe ia’u he makua. Ano, ke lawe nei au I keiki okoa, he keiki hoi na’u e hookama ana, a o na hanohano a me na kiekie a pau a’u I kau aku ai maluna ou, ke lawe mai nei au mai a oe mai, a kau aku maluna o ka’u keiki hou. A o ka hooilina o ko’u aloha, ko’u mau waiwai a pau a me keia Paemoku holookoa, e kau aku no ia maluna o keia keiki hou.”
Mihi iho la o Davida no kana mau hana hoomainoino I kona makua; minamina iho la no kona punihei ana I ke Kahuhipa o na aina e mai: aka, ua hala e ka manawa. Ua ike kona makua I ka pilikia a me ka poino a kana keiki I hoao ai e kau maluna ona, a ua pale ae oia mamuli o ka manao kupua e kinai, ma o ka hilinai ana maluna o ka mana o ke Akua, a ua ko. Noho iho la o Davida iloko o ka ilihune a me ka nele, me ka hoowahawaha nui ia e na mea a pau; a haalele ino mai la hoi ke Kahuhipa o na aina e mai iaia me ka hoinoino mai. A hala ae la he mau la, make iho la o Davida iloko o ke kaumaha a me ka hilahila; a nalowale loa aku la ke Kahuhipa o na aina e mai. Ko iho la ka wanana I pa@ mai @ I ka pepeiao o ke kanaka lawaia “O ka malamalama ken oho alii maluna o ka pouli.” KA HOPENA.
HE OLELO AO.
E PILI ANA I KA OLELO ENELANI.
NO KA POMAIKAI O NA OPIO HAWAII.
NA ANO OKOA O NA OLELO LAHUI
Mokuna I.
I Ua kapaia na ano okoa o ka hoopuka ana I na manao, na olelo lahui. Aole hoopili wale keia mau olelo okoa I na ano okoa o na lahui kanaka. E kamailio ana na keiki o ka poe malihini ma na olelo o na aina kahi I noho ai lakou me he mea la o ka lakou olelo kupa ia.
Ua huli pono ka poe akeakamai I ke kumu a me ka ulu ana o na olelo lahui a pau. Aole I imi lakou I ke akamai mai ke kamakamailio ana. Ua hul@ lakou a ua loaa na kanawai paa o na ano okoa o na olelo lahui a pau.
2 He ekolu papa nui o na olelo lahui, mamuli o na ano okoa o na huaolelo. (1) Ua mau kea no kino o kela a me keia huaolelo, aka, ma ka hooponopono ana I na hua mua, ua hoopukaia na manao okoa. Penei ma ka olelo Pake
Tschung jin, na kanaka. N go tani, ke paio nei au ia oe. Ni ta n go, ke paio nei oe ia’u. Ua mau na hua, ua hoololiia na manao ma ka hooponopono ana I na hua. Ua kapaia keia mau olelo, an olelo hua mau. He uuku na olelo lahui o keia papa mua, Kina, Iapana, &c.
(2) Ua nui na ano okoa o kekahi manao I hoikeia ma ka hoohui ana I kekahi mau mapuna olelo; penei ma ka olelo Tureke:
Seo, aloha. Seo mek, e aloha. Se me-mek, e aloha ole. Ser-E, me-mek, aole hiki ke aloha. Serdir me-mek, he hoa’loha. Ser-dirsih-mek, e hoaaloha kekahi I kekahi, a pela aku. He kanaka a oi na ano o na hoololi ana I ka manao aloha, ma ka hoohui ana I na mapuna leo okoa. O ka poe Inedini ma Amerika oia no kekahi mau lahui e olelo ana ma keia ano. Ua kapaia keia papa, an olelo hua hui. Ua pili I keia papa ka hapanui o na olelo lahui.
(3) Ma kekahi mau olelo lahui ua hoololiia na huaolelo, ma ka hoololiia ana kea no o ka manao. Ua lilo hoi na huaolelo I mau mea hou. Penei ma ka olelo Enelani:
I love, thou lovest, he loves. Ke aloha nei au, ke aloha nei, oe, ke aloha nei oia. Palace, halealii, oia no kekahi huaolelo Latina I ka wa mamua. Palatinus, ka puu ma ke kulanakauhale o Roma, kahi I kukuluia ai na hale o na Emepera. Governor, Kiaaina, oia no ma ka mua he huaolelo Latina, Gurbermare, me kea no, me kea no e hookele I ka waa. Lord, haku, oia no kekahi huaolelo Saona, half-weard, ka mea nana I puunaue I ka ai. Ua kapaia keia na papa ekolu na olelo hua hou. I k@ a manawa, ua oi loa kau ka hoopalahalahaia o ka olelo Enelani mamua o na olelo e ae.
3 He lala ka olelo Hawaii o ka papa elua, na olelo hua hui. Ua hiki I ka poe Hawaii ke hoololi I kea no o na huaolelo ma ka hoohui ana I alakou penei:
Hoo-mana-kii, hoo-holo-moku. Pela kea no o na olelo lahui ma na mokupuni o ka Pakipika, koe nae na mokupuni ma ke komohana o Asia waenakonu. Ua like loa ka olelo Hawaii me ka olelo Melea, ma ke kukukulu hikinahema o Asia.
Ma ka nana ana, me he la ua hoopuehuia paha, a I ole, ua holo moana paha na Kupuna Hawaii ma ka mua loa mai Asia mai. Ua maheleia ka huakai, ua hele aku kekahi hapa I ka akau, I Iapana, ua hiki mai kekahi hapa I ka hikina, oia no keia mau paemoku o Hawaii nei. Maanei paha kekahi ano olelo kahiko loa I malamaia a hiki I keia wa. (Aole I pau.)
Ke laha nui la me ka weliweli nui ka mai five lenalean ma ka apana aina o Bueno Ayers, Amerika Hema, a ke hoohahana la ua mai five lenalean la ma ke kulanakauhale o Lima.
Ke hoomakaukau kaua nei o Madagaska me Farani.